阿仔由早到晚都數數字

iamadc

我個仔又係喜歡看同一本書，或同一類書。之前看樓上一百層和樓下一百層，最近借了本missing math, 佢超like

不過佢都喜歡Peppa pig, 算平衡下

Chujai

原帖由 iamadc 於 14-11-11 發表
我個仔又係喜歡看同一本書，或同一類書。之前看樓上一百層和樓下一百層，最近借了本missing math, 佢超like ...

我個仔就不停睇不同中英文字典

iamadc

我發覺仔仔的學習進度係跳躍式的。佢未識abc就讀到tiger 等生字，那時未兩歲。現在佢加數唔係好穩固, 就背了乘數表。英文又係，佢通了phonics 後乜英文都讀到，讀得好快但比老師話佢無comprehension.

SA同學

各位家長所提及的特徵, 小朋友都似似地有自閉症傾向, 自閉一般比人既感覺較負面, 會較難接受, 但如果小朋友屬資優類別, 就會輕鬆一點!

我諗即使小朋友的IQ如何(高或弱), 小朋友都離唔開要學習生活技能, 如表達、社交、情緒自控既技巧。真的, 無人是元美的, 就是那些弱就加強那此, 那些資優就給他發揮既機會, 但是要在小朋友身上取平衡呢, 則重其中一面的發展, 只會為小朋友的將來帶來更大的負擔!

Cartim

我的兩歲半仔同樣勁沉迷數字同你小孩一樣…在先兩日剛評估左係自閉症…我還未完全接受到…

iamadc

仔仔上星期上遊戲治療，姑娘問我係唔係迫佢上興趣班。我知道佢一年前有班英文堂佢在堂上大哭15分鐘個老師都無理佢，那時佢三歲幾。姑娘話佢應該係講這班，但仔仔講到現在還在上課，但其實一發生這事我們已無比佢上，無想到他會記這麼久！今天早上起床佢很難過，大哭。。。爸爸話佢講唔上禁多班，唔去xxxx(那一班centre 名）。回想他暑假時我帶佢去那centre, 有玩具借，佢門口都唔肯入，大哭....我好難過，我們撰錯了班，令佢情緒有困擾。可能亦影響佢現在害怕新環境....

Chujai

原帖由 iamadc 於 14-11-17 發表
仔仔上星期上遊戲治療，姑娘問我係唔係迫佢上興趣班。我知道佢一年前有班英文堂佢在堂上大哭15分鐘個老師都 ...

你仔仔幾大？我小朋友都有類似經驗。要明白佢地偏向留意人和事負面的一面，所以容易抗拒。其實未必同新環境有關。我用嘅方法係，首先要面對恐懼。再次帶小朋友去那中心逛逛，或附近逛逛，做一些開心事。佢可能會抗拒，我會畫或影相同佢講呢度係邊度有幾好玩。之後我會同佢得閒就講果度有幾好玩。再續步增加去那中心的時間。所有看似無聊但對他們面對恐懼增加信心很有用，你可試試

Fifi17

睇咗好耐，之前以為小朋友大多到咗開始講野階段就喜歡abc同數目字，但原來過份沉迷似乎都要留意。
我仔20個月時未識講野，但一開口就係abc同123。剛開始，佢就好迷。所有有關abc,同數字嘅野佢都鐘意，無論睇書，行街，坐車，玩泥膠，佢都只望abc同數目字。
每晚都要睇abc同數目字嘅書重覆10次先訓。
未夠2歲已經識晒a-z同1-20（英文）。剛過2歲識晒a-z phonics音，同佢配對嘅英文字。仲會教返嫲嫲同爺爺發音。
佢廣東話唔好，而家2歲多啲，表達能力只限於身體語言，可以講雙詞，但句子好弱。
佢脾氣好差，容易衝動，但喜歡交朋友，只係控制唔到自己，有時太熱情，人哋唔理佢，佢會打人，試過一次起腳踢人（但冇踢到）
佢學野唔知算唔算快，但2歲識串少少簡單英文字，例如Apple,egg等，識數數目，顏色圖形難唔到佢，亦會用手指數數。
無時停，樣樣野玩唔過3分鐘，但英文，數字可以一日講唔停。
我初時只係擔心佢情緒問題，因佢一興奮會咬自己、撞頭埋牆；最近愛mit手皮，流血都唔理；好重自尊心，冇信心嘅唔講唔做。我會唔會需要帶佢去做咩評估呢？

Chujai

原帖由 Fifi17 於 14-11-21 發表
睇咗好耐，之前以為小朋友大多到咗開始講野階段就喜歡abc同數目字，但原來過份沉迷似乎都要留意。
我仔20個 ...

Think you need to bring your kid to do assessment

Fifi17

Thx. 但話比老公知，佢話我過份擔心。或者再觀察下先？

Chujai

原帖由 Fifi17 於 14-11-23 發表
Thx. 但話比老公知，佢話我過份擔心。或者再觀察下先？

會咬自己同撞頭唔係小事，至少要問健康院

Fifi17

係，佢未夠一歲一興奮就撞頭，所以而家兩歲，老公見慣，覺得冇問題。
歲幾開始，興奮會咬人，大家以為佢出牙，話佢唔可以咬人；到最近，我先發現佢興奮會咬自己，我問佢，你唔痛架？但佢一high，就乜人都唔理，老公覺得佢係出牙。佢係有4隻大牙未出，但2個月連牙頭都未有。
好矛盾，老公諗又唔算唔reasonable,但我同佢講，佢叫我唔好睇呢啲post自己嚇自己。

Fifi17

我唔想同老公爭持，但又怕第時返學佢啲情緒有問題。
因冇返n.
佢有返playgroup,但好奇怪，人地唱歌仔要圍圈，佢初初都ok,但一到2歲，一到圍圈時間，佢就去一個佢好鐘意收埋自己嘅地方，訓咗响果度，點叫都唔出嚟，但又會唱歌架。

cl_kaka

Fifi17 發表於 14-11-23 08:28
係，佢未夠一歲一興奮就撞頭，所以而家兩歲，老公見慣，覺得冇問題。
歲幾開始，興奮會咬人，大家以為佢出 ...

撞頭咬人呢D情況，而家仲有無持續？如果係持續性，咁應該要帶小朋友去check下！不如同小朋友去返睇開既兒科醫生到，將情況講比醫生聽，等醫生決定要唔要評估！

同你先生傾下，唔係自己嚇自己，發現／懷疑小朋友有問題時，要儘早解決！越早接受適當既訓練，對小朋友越好架！

Fifi17

原帖由 cl_kaka 於 14-11-24 發表
撞頭咬人呢D情況，而家仲有無持續？如果係持續性，咁應該要帶小朋友去check下！不如同小朋友去返睇開既兒 ...

謝謝。
呢個星期阿仔訓覺情緒好唔穩定，同老公商量，佢認同多咗少少我嘅理性分析，但建議我哋再抽多少少時間陪個仔再快定。
佢太保守，我費事又提去醫生度check,或者觀察多一陣，尤其過咗考k1先，再快，多謝各位媽媽意見。

hha

原帖由 Fifi17 於 14-11-21 發表
睇咗好耐，之前以為小朋友大多到咗開始講野階段就喜歡abc同數目字，但原來過份沉迷似乎都要留意。
我仔20個 ...

同我個仔好似，細個諗佢可能資優，但佢理解能力又弱的。細個又係冇時停，上pn成日出位攪其他野，但認知卻高於同齡，老師知佢可以讀好多英文字，成日叫佢出去讀比同學聽。
但大大下當所有同齡的認知高咗，我亦因為想佢上堂留心，所以唔再早教太多野，因為佢地記憶力好，上堂留心根本唔會跟唔上。依家k2, 學術上冇明顯突出啦，只剩下社交及情緒問題，好明顯係亞氏。
下星期去政府評估啦，但其實暑假開始已經上私人言語、專注、社交、感統訓練，依家只keep住社交同感統訓練。
我認為排咗政府先，最後有冇確診都係要正視社交弱的問題。

CATsMOM

好開心見到呢個post，我囝囝又係超中意數字，玩咩都會玩到同數字有關，近期最中意砌，整數字，俾條封麵包果d軟鐵線佢就自己扭數字出來，仲要鬼咁靚，無論做咩，只要link到數字就肯同你做。但佢好怕小朋友，行埋d就走/喊，唔中意嘈嘅環境，會大叫話唔中意，唔中意俾人讚，正確來講係如果佢唔覺得自己做嘅嘢係叻而你讚佢，佢會發晒脾氣。上個月要面試，d衰嘢出晒先覺得驚個仔有問題，即刻找人幫手傾下，點知阿仔又突然進步神速，之後interview表現超好，又肯同其他小朋友玩⋯⋯依家令我最頭痛係⋯唔係去廁所vv同poopoo，仲要著片！

iamadc

我仔四歲，
姑娘叫我同佢講話唔會再去個centre 了，
叫佢放心。
佢放鬆時轉數好快，但好易緊張，
所以好慢熱！

Fifi17

原帖由 hha 於 14-11-26 發表
同我個仔好似，細個諗佢可能資優，但佢理解能力又弱的。細個又係冇時停，上pn成日出位攪其他野，但認知卻高 ...

我老公終於答應可以見下醫生拎啲專業意見，請問我應該點樣開始？
去私家睇醫生叫佢轉介？