玫瑰崗PN

iceming

Bobo101, 知唔知細B有無機呀?有無得兩歳插班呀?謝謝!

bobo101^*^

iceming 發表於 12-10-22 12:47
Bobo101, 知唔知細B有無機呀?有無得兩歳插班呀?謝謝!

我小朋友讀個班, 有5-6個小朋友係細B, 未開始返學架!
所以你們仍然有機會! 加油呀!

iceming

咁多人報，都似買6合彩

babykayla

唔知係 group interview 還是個別 interview 呢？

sasiuman

Group interview

TTT520

iceming 發表於 12-10-19 12:32
我住柴灣，每日搭校巴返PN會唔會好辛苦?有無咩建議?12點先交表ok嗎?謝謝!



  ...

我比你住係再入少少O既地方 (你應該估到).  今年開學時老公陪坐校車, 佢話廿幾分鐘就返到學校, 應該唔係太辛苦.   

iceming

原帖由 TTT520 於 12-10-24 發表
我比你住係再入少少O既地方 (你應該估到).  今年開學時老公陪坐校車, 佢話廿幾分鐘就返到學校, 應該唔係太 ...

但我有朋友個仔住杏花邨，話每天要坐超過1個鐘呀

TTT520

原帖由 iceming 於 12-10-25 發表
但我有朋友個仔住杏花邨，話每天要坐超過1個鐘呀

我地上車時間大概係8：10-15am, 9am上堂，重要有早會，所以車程唔會成個鐘。今年杏花邨同我地一條線。

sbux

原帖由 hv245 於 12-10-25 發表
RHS 一定睇背景. 家長學歷好D, 有家姐, 哥哥在校讀著數D. 舊年我老公有個醫生舊同學遲交表, 問我地仲有無 ...

唔係喎，我哋係普通雙職父母，住離島，亞囡In 嗰日仲要有一Part 唔啋個鬼佬都收下晝喎。我都係覺得佢重視親子關係囉

sasiuman

我都係Quarry Bay條線，還係頭站，7個字左右到返到學校， 我都係普通在職父母，而且亞仔係細仔，當年只得玫記收，真係好感恩。

bobo101^*^

搭校車都係用左30-35鐘左右, 每天早上8:45AM 全體幼稚園加老師在操場有早會, 之後才一起返課室, 9:00 正式上堂(下午班都有早會, 同上午班一模一樣)。中午12:00 落堂, 才帶隊去上校車, 大約12:15 所有校車出車, 回到車站都係用左30-35分鐘左右。
我們也是普通在職家長, 佢都有收我的小朋友啊!

TTT520

咁我絕對相信每間學校都會對相熟嘅申請者會有特別處理, 無論RHS 或其他學校都應如是...呢樣都見怪不怪啦.  自己細個去IN學校咪又係咁樣.

我地上咗個幾月, 校長基本無機會接觸到, 但班主任就會定期打黎同家長傾, 對我自己黎講暫時叫做幾好.

我都申報...我無宗教, 亦唔識內部嘅人, 只係準時交表, 同埋囡囡面試當日無喊無扭重有同老師講謝謝....就係咁O者...以咩為收人準則我就唔知.   

BabyAndre

hv245 發表於 12-10-25 02:16
我仔兩年前讀RHS PN, 老師好好, 環境好好. 但校長十分差, 校長只為自身利益, 遇上小朋友有發展或學習問題, ...

黃校長，有啲家長好buy佢因為佢將玫記幼稚園搞到有聲有色，所以佢兼任小學校長，好多玫幼家長好大期望，希望佢將玫小改造成功。

我講自己經歷，阿囡係12月超細囡，今年1月才足兩歲可以返學，其他小朋友已返學3個月，所以女兒返學沒有適應周，我也不可以陪搭校車，女兒要獨自坐1個小時車程的校巴 (我哋住北角炮台山附近)，又沒有她認識的人，所以她返學第一個星期驚同哭也正常吧！但就在女兒開學一周後，我有幸接到黃校長電話，她在電話劈頭第一句便說：「你嘅女成日哭，點搞？」我心裏打了個突，女兒是全班最遟一個返學，才上了一個星期，便收投訴電話，咁都包容唔到？雖然後來校長也在電話裏建議調教女兒作息時間，但坦白說，我對她感到失望。但女兒的班主任，教英文的NET teachers以至教普通話的老師及校工嬸嬸、校巴叔叔，對女兒都Super Nice，所以我轉校最不捨得是教她的老師們！

女兒轉到現在的學校，開學時校長對一眾家長說：「佢哋得二歲幾人仔，離開爸爸媽媽自己返學，哭係好正常嘅事。」並叫家長不用擔心，要放手，因為學校有經驗和辦法幫助小朋友過渡。都是校長，但兩種態度，令我感受好深！

我並沒有因為這件事便否定玫幼，事實上佢哋幼稚園的課程設計很全面，英文可以用Vigorous 一詞形容，小朋友讀完玫幼，一定有競爭力！所以我朋友個仔要在銅鑼灣靈糧堂及玫幼二間學校選，我也建議她讓兒子讀玫記。

feiji

我非常明白你們的感受。我覺得作為校長，是須要以小朋友的利益為先，不能完全把學校當成一盤生意去營運。我的說話也到此為止，也不想在此多説詳細的事例了。