小朋友學珠算學左成年,但唔達標.仲系唔系好..

mw7183

回復 wai1127 的帖子

唔好意思唔系好明要佢試咩.

mw7183

其實我系煩緊要唔要搵過一間好過中心比佢學過?

mw7183

打左去胡X問,佢話要測驗左小朋友先

fionalau109

其實珠心算作用唔係好大.如果佢學唔到就算.費時賠了夫人又折兵.錢又駛咗,野學唔到,佢又辛苦,你又辛苦.

mw7183

回復 fionalau109 的帖子

真系辛苦,見佢無心機學..可能悶我又要勞氣...如果幫助真系唔大我唔讀,比佢學都系想佢上小學會好啲..

仔仔錫錫你

回復 lestat 的帖子

學左1年應已學會加減數, 先唔講速度, 用盤計30題最多只可以錯10%即3題, 心算最多錯5-6題.  如果多過即口決唔熟, 到錯得少先好操心算再操速度.  至於乘數我建議你唔好學住, 停1個月攪好心算先學, 雙位加數攪唔好乘數表背得幾好都無用, 只會事倍功半.

仔仔錫錫你

回復 mw7183 的帖子

其實你小朋友可以解釋到 6+7-8+9 點計出來嗎?
你對小朋友有咩要求? eg. 要考級數 / 要識用盤計 / 定要心算快?  

至於centre 當然要轉, 小兒雖然只在社區中心 $7x 一堂, 但老師都是認認真真的教, 一見細路小小唔熟(係唔熟唔係唔識), 放學即叫家長跟進, 認真到大部份家長都頂唔順(個個念住比幾十$玩下洗咩咁認真), 所以老師是非常非常緊要.

mw7183

回復 仔仔錫錫你 的帖子

你老師真好,我比100多元一堂佢都無主動同我講上堂點情況.我打電話比佢問,佢就耍走我.只系不停話我仔唔專心.我同佢講佢借位唔熟佢又唔認又唔FOLLOW.一直由得佢.次次問都系講比上次好,又唔講我系屋企點幫到佢.尋日打電話問佢可唔可以比多啲功課,佢又話唔比,因為系興趣班想操數叫我去學公文..難道興趣班就要拖長學??好唔開心.一心諗住K3開始學到小一就岩岩好時間.小一就可以轉其他數來學..算了,改學其他數...珠算學落去都無咩用咁..

mw7183

我好想CRY...120/一堂請假無得補.我自己洗小啲留來比佢學野..我為佢PLAN 好晒時間,點知貪近系留下間野學..浪費左時間同錢...

仔仔錫錫你

有無用就見仁見智!  我覺得現今科技發達,珠算只係用作達到快速心算的方法之一.  上到小學無學過速算, 可能5分鐘只可計20題, 學過速算可以3分鐘完成再用剩餘時間去複數, 所以一般學過速算其分數都較高, 因比人多時間可以去複數make sure d 數啱.

去到文字題,大家用同樣時間去解題, 無學過速算, 可能要3分鐘計答案; 學過速算可以1-2分鐘計答案; 每題比人快1-2分鐘完成, 10題最少省回10-13分鐘, 足夠比人做多2-3題, 由85分跳去9x分.  

好, 當學過速算的理解比人低點雖多點時間解題, 但仍然可靠計算過程追回時間, 咁你話有無用?!?!

Yatchu

我小朋友由K2下學期開始學，依家升小二，
除數學埋九月畢業喇；老師跟到現在，同學仔越來越少
老師話唔係個個都讀得上的；家長真係要一齊學
加同減數每星期180條；而乘除就120條！

scyu88

我個仔係a學左成年，學費$80，心算好慢，連算盤都唔快，只係教單位3次連加和3的乘數表，浪費時間和金錢。最後的起心肝轉第二間，$145一堂，學了兩個月，依家心算和算盤快左好多，乘數表都唸到5，不過每日都做大約90題，包括加減乘數，唔使半個鐘就做完，我唸一分鐘起馬做到十題4、5位單位加減，但老師都話未達到標準，見其他同學仔真係計得超快，快過我按計數機，果d學了一段日子的，我真係心滿意足，所以真係一分耕耘一分收穫。

littleangelyy

我仔今年都升小一, 佢學左1年, 而家係9級, 亦攞左公開賽個人及團體賽季軍, 而家已經學緊除數, 做緊8級數. 老師話佢已經係小二至小三程度.
我地唔特別同佢操數, 只係keep 住每日做30-50 條數, 等佢多d用下個腦, 佢既心算確係好過我.