日日掛住打機, 真係好激氣.

Ahling2004

回復 sowasabe 的帖子

謝謝你的安慰.  你所建議的我已全部同佢講過, 大家在傾的過程, 佢完全係不耐煩的對我, 總不斷打斷我話題, 一味話: 知啦來回避我的話題. 有時真懷疑可能我講的說話不動聽, 不夠吸引力, 令佢極之討厭我講野.  有的朋友建議我強制性不給佢上綱打機, 叫佢一定要溫書先. 但我知係無可能的, 及一定會更破壞大家之間的關係. 你話, 我係唔係真學人講, 完全放手, 由佢自已癲,自已醒. 等到有一日佢會自已醒哂, 咁學你所講, 到時真係太晚了.  

torunpoland

問題係佢根本當我地開解, 勸告及關心係耳邊風．

這就是關鍵所在．你好想佢聽你講，但佢就真係唔聽（不理甚麼原因，除非涉及黃賭毒，你就一定要插手）．所以，你改變唔到佢，只有改變你自己對佢的心態．

佢當耳邊風嗎？你同自己講，其實佢已經入腦．佢係咪真係入腦，只有佢同上帝知道，你唔需要去深究．你講左，你已盡責，佢點回應，你只可以放輕鬆面對，否認，關係裂左，好難補救．

如果你擔心到佢醒來時，已經太晚，那是沒法子的事，這是他的生命，起碼，他還是醒了．你迫佢醒都冇用．

mo-ma

原帖由 torunpoland 於 12-04-19 發表
問題係佢根本當我地開解, 勸告及關心係耳邊風．

這就是關鍵所在．你好想佢聽你講，但佢就真係唔聽（不理甚 ...

好有同感！
我記得同一個兒童心理學工作者傾過，主要問題係，我哋覺得係重要嘅野，響佢地嘅心目中根本吾重要，佢地既priority可能系父母眼中最不值一提嘅，要佢地跌倒過先知道我地點解要佢地「呢樣果樣」。而家我只希望佢吾洗跌好多次，吾洗跌咁傷就明白我地嘅用心啦⋯

Ahling2004

回復 torunpoland 的帖子

Thanks! 我想過我真係要行到呢路, 迫不的已都要去行,  否則大家的關係真係會越來越差.

Ahling2004

到左呢個地步, 好言相告過, 惡言又講過, 同佢講條路係自已選,以後唔好後悔.... 咩都講過哂. 佢都係當耳邊風, 我地做父母都無辨法. 唯有放長雙眼, 係佢旁邊用個心及眼去睇住佢長大.  我都好嬲自已: 點解唔忍左氣, 點解唔忍住唔好出聲去哦佢.  次次都係好自然咁出聲叫佢要做功課啦, 要溫書啦,唔好成日上綱... 次次換來都係唔好的FEEDBACK, 令我心痛及激氣.   係佢心中成日覺的來日方長, 大把時間, 每次考試及測驗都只係求有少少進步就已好滿足.  真係唔明, 總要安排到幾時才可以追上去?

sowasabe

回復 Ahling2004 的帖子

中三是最辛苦的一年,因科目最多.亦難於科科都好,特別是喜歡上綱的孩子更加不足夠時間.有好些科目要背加以理解.
所以,我只要求亞女讀好 中, 英 , ( 靠大量閱讀課外書累積) ,  數 (做晒教科書上全部習作, 原來學校是不會做晒既) ,再來是Phy ,  Bio 用心去理解然後思考自己較易拳握取分及較易明白的放重在其中一科, 最後是Chem必讀好.跟住文科中自選一科易讀的放重少少.
我同女傾解從來不會叫佢溫習,我只會話玩夠未,未呀,去玩啦.玩夠啦,剩下時間不多了,用最短時間,集中思想,全神投入讀書.如果坐係度發夢,就上床發啦,如果坐係度仲掛住Facebook的嘢,快快上去打晒佢然後用小得可僯的時間用心去讀書.
跟本不上綱都不夠時間讀,何況仲要上綱. ( 亞女有參加學校幾樣課外活動,本身亦有恆常的舞蹈班)
仲有,我個人覺得佢地須有適量的運動, 才可將的火氣發晒出來,否則成日上綱加讀書壓力很易吾好脾氣,只好對住家人發.

shevachevy

我諗o係佢心目中係明白o既, 有時佢唔係唔想聽, 係個心魔令佢控制唔到自己, 又可能係peer group壓力啦, 可能佢會覺得人地d 阿媽都冇你咁煩, 阿邊個邊個個阿媽從來唔會管呢d野之類, 唔打機同d frd又冇話題, 男仔開竅係遲d, 你只可以靜靜地等呢一日o既來臨~ 比佢知道你緊張佢o既學業, 傳達左你o既心意, 已經足夠。有邊個鐘意比人日日"蛾"住呢 ?

sowasabe

每次考完試,好時我會話這科你一定放左時間落去,你應得既.不好時,我不會即時發表意見,甘佢會好奇問我,點解你無反應.這時我很平淡甘講,我估到問題係邊,都係估你一定不服所以不想講也,不如你問心,你滿意自己的成績嗎?你己盡力?你既資質一定不差,你自問己盡力,則讀書方法有問題?還是溫習的時間太遲或太過夜無精神不吸收.你自己諗,我無辮法.我好民主,俾你自己反省,自己諗嘢,對自己負責.其實我不想這樣自由給你,但強逼無用.你不用心做什麼也沒用.
每個細佬都是不一樣的,想辦法找到溝通的方式,打動他們 , 開啟自律讀書的動力.

samuel89

Ahling2004 發表於 12-4-20 10:16
到左呢個地步, 好言相告過, 惡言又講過, 同佢講條路係自已選,以後唔好後悔.... 咩都講過哂. 佢都係當耳邊風 ...

我覺得小朋友系明白的......只是有時候"讀好書"是要非常認真甘付出的, 但人難免好逸惡勞, 意志稍為不堅定,就好自然"成日上綱"了.....你對他點樣"好言相告過, 惡言又講過, 同佢講條路係自已選,以後唔好後悔.... "都冇意思, 作為父母永遠都要受制於"唔可以代替佢"讀好書", 呢樣先至系解不開的死結問題, 所以你愈系想佢改, 可能愈逼到佢唔肯改,隨時反晒面.....

p.s..理論上系甘, 不過你放心, 實際上我同你都差不多, 忍無可忍果陣我一樣會對阿仔"好言相告過, 惡言又講過"架, 其實好正常咋, 邊個父母會唔緊張子女前途架, 專家之言只系可以用來參考架咋,唔好當佢地講既實work呵... 不過儘量放"平常心"d, 儘量"中庸"就肯定100%唔會錯架,...共勉之....

sowasabe

所以,要找到讓學生哥自我有要求,激發起鬥心才有用.但談何容易.只可因應自己的小孩性格不斷嘗試.別人很難給予意見,只係作為參考,再嘗試,永不放棄.
重點還是建立大家的親子關係.

sowasabe

我有時都諗,我個小孩是乖的,我地關係是親密的,反判期時都遇到問題.如果本身稍頑皮,又大家關係不好的家庭,小朋友一到反判期會點?噢!難以想像....爸爸媽媽不易為...好慘!

samuel89

sowasabe 發表於 12-4-20 13:53
我有時都諗,我個小孩是乖的,我地關係是親密的,反判期時都遇到問題.如果本身稍頑皮,又大家關係不好的家庭,小 ...

其實未必系反判期既問題......我覺得只是小朋友在反判期自己都開始有要求, 當佢地發覺自己達不到自己及父母的要求, 好自然甘俾"逃避現實"的念頭抬頭,..... 爸爸媽媽之所以不易為...好慘! ...其實系我地根本無從得知仔女既能力到咩標準, 唔俾壓力佢地,又怕誤左佢地,俾太大壓力佢地,又怕害左佢地,.....

sowasabe

回復 samuel89 的帖子

其實系我地根本無從得知仔女既能力到咩標準, 唔俾壓力佢地,又怕誤左佢地,俾太大壓力佢地,又怕害左佢地,.....

非常同意!!!!  所以,要因應小朋友的能力及
性格慢慢去找溝通方式.

samuel89

sowasabe 發表於 12-4-20 14:17
回復 samuel89 的帖子
非常同意!!!!  所以,要因應小朋友的能力及
性格慢慢去找溝通方式

呢方面我不得自認失職.....我自問冇甘既耐性,冇甘好既脾氣

Ahling2004

回復 samuel89 的帖子

謝謝你的正能量. 當一個人六神無主, 方寸亂哂及無哂辨法時, 真係好需要正能量. Thanks again.

Ahling2004

回復 sowasabe 的帖子

就係因為細個由F2前, 大家關係好係親密, 一時真係好難接受佢的改變. 記得亞仔F1時, 我唔開心, 佢可以靜靜的座係我身邊, 跟住會勸我: 媽咪, 早些訓啦, 唔好再想啦. 或有時, 佢知我有胃痛, 就會打比我, 提我: 咪, 我今日下午唔陪你吃飯啦, 你自已吃. 記住要吃呀, 你有胃痛架..... 依家, 佢根本對我來講係好陌生, 對我不聞不問, 只想做父母的付出, 不求佢的付出.

sowasabe

回復 samuel89 的帖子

不單止要有耐性,要有好脾氣.且要像朋友,要有同理心,這樣才釣到他們肯與你坦白傾談.

Ahling2004

回復 samuel89 的帖子

非常同意, 呢個就係關鍵所在.

kilykilyk

Ahling2004 發表於 12-4-20 15:41
回復 sowasabe 的帖子

就係因為細個由F2前, 大家關係好係親密, 一時真係好難接受佢的改變. 記得亞仔F1時,  ...

記憶中..我個仔都好小主動關心我
其實你仔仔都好乖架啦!只係一時諗錯咗,你比多啲鼓勵佢,佢一定會明白

sowasabe

回復 Ahling2004 的帖子

哇..好乖的孩子,懂得關心慰問媽媽.性本善良.  是成績差了,大人過急過緊張關係搞差左嗎?
我相信你仔仔應該是乖的有得教,因他本善良,會不會是成績差左,壓力大左又不知如何面對你的要求,所以大你來回避你.
暫時,你可以放下成績嗎?只係用同理心去同佢傾解.多些提起并稱讚他小時候的乖事.