史丹福泳會

jjd

RaymondSir,
咁你地行家眼中史丹福同大力或YMCA比又如何? (for 3-4歲小朋友)?

youarestupid

the swimming $$ of stanford is quite expensive.

if parents would like to "throw money into water" without expecting their child to learn swimming correctly or in proper progress, stanford suits you and grab your $$.      

RaymondSir

首先講YMCA啦,我有個學生佢跟左我8堂度由唔肯落水到游到下蛙式(頭兩堂係喊到要佢媽咪閙),之後就成日都想游水,未跟我之前佢同佢媽咪都係跟YMCA游左兩個月度,e家連佢媽咪都轉埋過黎跟我地游.而大力游會呢,可能我以前上三項鐵人教練預備班跟過黃大力教練學過野啦,我覺得佢幾好人教得都唔錯,如果三間俾我選擇的話我會認為大力泳會係一個唔錯既選擇.響我心目中仲有一個唔錯既選擇,我諗方力申你地一定知啦,而佢個主教練張狄勇你地可能唔清楚,張教練響男拔萃書院開左個叫拔萃游泳會,佢諗左一套教水方法係我好渴求想學既,因為真係好快學到野而又有實用(重申一點就係我冇響果度教過,而係我一個同事話我知既,同埋我睇過下佢同果套方法教過.)
老實講,差唔多間間泳會都有佢好既方面,學得快唔快好唔好我覺得最緊要都係睇個小朋友既感同埋教練對個小朋友有幾了解,以及個小朋友接唔接受到個教練.
我個人認為小朋友大多數都係貪玩既,如果個教練可以俾到個正確信息佢地既話,就算個教練閙佢佢都好鍾意跟果個教練學游水,當然唔係下下要閙既,鼓勵既說話教練同家長一定要講,但唔岩既一定要話佢知,唔聽既就要閙下佢等佢記住邊d係岩邊d係唔岩,咁既話小朋友先會學得開心同埋學到正確既野,咁既教法仲可以俾佢明白到賞罰分明既道理.學游水同讀書一樣都要學埋正確既德育.
以上祗係我個人既愚見,如果各位唔認同既可以不用理會.

ilej

yw 寫道:
hi heihei,
我仔仔跟私人教練上了7堂，頭果2,3堂進步神速，已學到踩水、游10個, 8個直池，教練仲不停鼓勵佢游得好好，蛙式已游得好，但自由式則有待改進(因學壞姿勢)。
不過我仔仔頗情緒化，唔夠毅力，近一兩堂又開始覺得辛苦，因為教練開始有要求，要操水；阿sir都好關心佢，同我傾佢的進度 同點樣去鼓勵佢，希望可以令佢有興趣俾心機學啦!

yw

hi yw,
可否PM D 資料給我?
謝謝!

waiyinmama

hi yw,

I want to know the information also. Would you please PM me. Thanks.

shsh3

我都覺得進度不是太理想, 上年夏天, 我的女兒4歲開始去學游水, 學了8堂學前預備班, 都未學會, 原本想去別的地方學或是請私人教, 但私人教不知要去那裛學, 公眾泳池要另外比入場費, 泳池人多, 很難學, 所以今年都是joint 返史丹福, 貪佢有專池和家長可以在外監察, 安全D, 早兩日見她可以將頭放下水裹及拖著她的時候可以浮身及踢到少少水, 都有D安慰. 今年我會讓她學長一些時間, 希望學識為止.  

numen

hi..我兩個仔仔都在史丹福泳會學謹(27/7)第一堂,大仔(就來10歲)學左2堂已經不用浮板,今日第4堂學自由泳,我估唔到大仔學得咁快....但細仔(7歲),佢一潛水就驚,仲驚喊,個教練已經好有耐性,但都唔得,點算呀？？？定係幫細仔請個私人教練？？

RaymondSir

其小朋友唔驚水同埋識得浮身站立就可以唔使用浮板都可以.小朋友怕水有幾個原因:
第一係佢唔習慣個環境而令到佢未能投入習泳.
第二係水深過心口而令到小朋友心跳加速亦會導致小朋友驚.
第三係小朋友對教練懼怕亦是一種因素.
第四係小朋友在習泳前or其間有浸親既不愉快經歷是最主要因素.所以學游水最緊要係安全.(還有其他原因未能盡表)
想小朋友唔驚水最好可以用遊戲式教學,令小朋友在不經不覺間唔再怕水,呢個方法係我咁多年黎所應用的,成功率達到90%,如果大家還有其他方法可回回我,等我學更多野

cheapbombom

各位媽咪,

睇左大家咁多分享, 心情真係咁上上落落! 似乎無間泳會係十全十美！

講下我的情況啦, 個女六歲半, 啱啱今個暑假, 即七月初先比佢學游水, 夠遲啦啩! 我報了YMCA (初一班, 七月及八月逢六)及Standford (自由初, 八月開始逢二及四), 唔係因為想比較, 而是時間咁Q就得到，咪二間都去囉...

一個月前(即學游水前), 我個女連洗頭濕到眼都瓜瓜叫, 當然唔洗諗,佢從未試過放個頭入水啦。在YMCA學了第三堂, 已經成功克服了將個頭放入水, 仲好開心同我比賽在水中玩鬥長氣, 點解? 因為雖然一班有成十二人(二個教練), 但人做佢咪做囉, 可能這是群體學習的好處,.....轉眼現在己踏入初一班尾聲了, 佢已經可以唔用浮板踢腳游到幾米遠了, 而Standford方面則剛開始, 嘩, 正到暈, 一個教練對二個小朋友, 同私人教練無大分別。我每一堂都親自帶囡囡去, 見到個教練雖然年紀很輕 (20歲左右), 但很細心, 很專心,啊女踢腳的姿勢都很認真去執！連怎樣入水都仔細去跟, 似模似樣, 全程游足一個鐘, 算是同YMCA有不同形式的訓練！

以初學來說, 我可以話對以上兩間泳會都有正面評語，只是大家的approach有少許不同。大班上堂和少班上堂, 跟本是各有好處, 我個女只學了合共七堂, 已經有唔錯進度, 我已相當滿意。因為, 由很怕水至完全不怕水, 只用了一個月, 相信我對YMCA及Standford均沒有半點投訢啦！

看到有些家長討論那一間較好, 甚至乎要去私人教練, 我個人認為, 視乎你用什麼心態去讓小朋友學習, 我個人是希望她學習的過程是開心的, 是愉快的, 也不急進, 我很enjoy帶個女每星期去上堂, 因為每一次, 她總是很興奮同我分享她在堂上學到的, 甚至乎是上YMCA, 雖然排隊或睇人做的時間遠遠多於輪到自已, 但觀摩別人何妨不是互動學習的一部份?

總言之, 我對培養女兒對游水產生興趣為首位,我覺得她對游水漸漸喜愛了, 那麼, 便會啟發她自學的需要, 和勇敢去嘗試。 有時候,  小朋友能學到幾多, 進步幾多, 亦不單是泳會單方面決定！最緊要是小朋友自己有幾想去做得到！而不只是父母單方面的期望！

抱歉說多了個人感受, 總之希望各位家長互勵, 我認為小朋友在游水的學習過程是開開心心的, 便是一間好泳會！小朋友人生漫漫長路, 總有一天會超越自己的界限！

Cheapbombom

CCM

我認為小朋友在游水的學習過程是開開心心的, 便是一間好泳會！小朋友人生漫漫長路, 總有一天會超越自己的界限！

Totally agree.  My children used to train with a swimming association but they never liked it very much.  But after SARS, we switched to another and they started to love the sports because they liked the coach.  Now they voluntarily go swimming everyday!

    

bowling68

剛剛今日幫個女報左習泳初班 4歲 9個月  (沙呂小泳池).
開頭諗住去睇 沙呂 校舍, 入去泳池見到好多人學,
反正暑假, 個女都想學.   遲的同大家報告下

cherriemama

Hi bowling68,

我囡囡3歲1個月,都係沙呂小泳池學暑期學前游泳班,下堂考試,如果pass就可以升自由泳初班,有機會同你囡囡同班呀!你報邊個時段呀?

creamy-lanlan

RaymondSir, 可否 pm 你既 infor. 如價錢, 地點....等等, 我仔仔都係係史丹福泳會學, 進度太慢, 所以我都想轉私人學.

肥女媽

Hello
I want to know also.  Pls send me the info.  Tks!

fungnokyin

Hi RaymondSir,
我都有興趣, 請send埋比我, ths!

bowling68

Hi cherriemama,

我個囡囡今日番第一堂 10:30am, 三個人一班
我果班係學前預備班 (kids course).
我要返工, 問番工人, 個囡囡好開心, 唔怕水.
揸浮板, 學腳踢水.

kiumom

我姨甥女七歲, 係YMCA學第2個COURSE, 升左LEVEL. 我妹成日話佢女係到學得好好, 因佢女好怕水至現時可自己游及浸頭入水都OK!
而我就感覺上麻麻, 最主要係環境及人擠問題. 因我亦正想報名比女學游水, 所以親自去過睇姨甥女游水. 但可能佢學星期六, 個池好多人. 好似佢係初學班, 只係間左個池一小角位置比成八位小朋友學游水(我諗有五十平方尺左右). 每個小朋友只可游到4-5步就停, 而只有一個SIR教.同時池的另外一邊亦間出了不知有幾多個'框框'比其他級別. 環境好嘈, 池裡好多學生, 池邊擠滿家長. 場面頗亂!
因不時都有小朋友學游水遇事的新聞, 所以我比較注重場地,人數等問題! 小朋友學得開心, 父母放心最重要!

chanb

最好check下佢有冇幫學員買保險...

bowling68 寫道:
剛剛今日幫個女報左習泳初班 4歲 9個月  (沙呂小泳池).
開頭諗住去睇 沙呂 校舍, 入去泳池見到好多人學,
反正暑假, 個女都想學.   遲的同大家報告下

chanb

史丹福泳班的泳線都係間成又短又窄的,好似'九宮格'咁,就算去到進陌班都係游6米長的泳線...

kiumom 寫道:
我姨甥女七歲, 係YMCA學第2個COURSE, 升左LEVEL. 我妹成日話佢女係到學得好好, 因佢女好怕水至現時可自己游及浸頭入水都OK!
而我就感覺上麻麻, 最主要係環境及人擠問題. 因我亦正想報名比女學游水, 所以親自去過睇姨甥女游水. 但可能佢學星期六, 個池好多人. 好似佢係初學班, 只係間左個池一小角位置比成八位小朋友學游水(我諗有五十平方尺左右). 每個小朋友只可游到4-5步就停, 而只有一個SIR教.同時池的另外一邊亦間出了不知有幾多個'框框'比其他級別. 環境好嘈, 池裡好多學生, 池邊擠滿家長. 場面頗亂!
因不時都有小朋友學游水遇事的新聞, 所以我比較注重場地,人數等問題! 小朋友學得開心, 父母放心最重要!

RaymondSir

其實識游泳同埋唔識游泳響各人眼中都有唔同區別,游到幾步or游到動作而唔去水,響我眼中唔算係識游水,因為游水要識得咩叫做水感,同埋要識得控水及自救,游到幾步就冇氣力咁同唔游冇分別,游到動作而唔去水係因為佢都仲未夠了解水既特性只會浪費氣力,亦會打擊小朋友既信心.因為游到動作而認為佢識游水咁就大件事,意外通常由此起,因為當家長知道佢個小朋友"識游水"自然會對小朋友既安全注意力減低,而小朋友亦會因過份自信而向外or更深處探索,意外亦會容易發生.游水最低要求要識得自救才算得上安全,老人家常說 「欺山莫欺水」一定有佢既道理^^
icq:175645279