好擔心...醫生話BB發展遲緩~~

hinhinmummy

陸美媽

我排協康的係幼兒訓練, 350元/50分鐘, 另外就排緊st & ot training. 自費的 550元/50分鐘.

而我pm你果個電話係st黎架.

另外政府就排緊早期訓練, 其中可以揀3間不同地方的training centre, 我好似揀左監護者同協康灣仔&環翠的centre, 政府的就平好多.

另外又排緊政府的特殊幼兒中心, 如果scc有位, 甘早期訓練就會自動無左架啦, 因為個社工話, scc入邊都有教早期訓練的野.

而如果排到你, 而你又不去, 甘就當棄權.

明不明?

我個女今年升小一啦, 好衰架佢, 話細佬同佢玩的野不同,所以不肯同佢玩架, even依家放暑假, 就成日走左去姑奶度, 一日出街玩出到黑.

陸美爸

hinhinmummy,

多謝你提供的資料, thx

呢幾日暫時放底左搵訓練資料既工作, 因囝囝近來有點兒不對勁...大概由報幼兒園後開始, 佢既胃口開始變少, 食野越來越少, 呢個星期每日食既份量只有平時既四份一, 對我地又特別嗲, 有時玩玩下會走埋黎依偎住我, 有時又會無端端走埋黎鍚下我, 特別鍾意人抱(平時鍾意自己四圍走), 睇佢又唔係有病喎(但成個人瘦哂)......好擔心

我覺得佢會唔會係知道自己就快返學, 所以無心機呢？唔知點算好   

陸美媽

HelenMrs.Lau

陸美爸 寫道:
hinhinmummy~

多謝你提供的資料~thx~

呢幾日暫時放底左搵訓練資料既工作，因囝囝近來有點兒不對勁...大概由報幼兒園後開始，佢o既胃口開始變少，食野越來越少，呢個星期每日食既份量只有平時既四份一，對我地又特別嗲，有時玩玩下會走埋黎依偎住我，有時又會無端端走埋黎鍚下我，特別鍾意人抱(平時鍾意自己四圍走)，睇佢又吾係有病喎(但成個人瘦哂)......好擔心~

我覺得佢會吾會係知道自己就快返學，所以無心機呢？吾知點算好~   

陸美媽

陸美媽:
你阿仔好似18個月大呀呵∼∼∼（如果我無記錯 ）
其實你唔駛0甘擔心，你阿仔可能係〔偶〕出牙都唔定呢     
小朋友胃口哩樣

HoWangMami

各位MAMI,我囝囝都有同一個問題,又係約2歲時發現,後來便轉到評估中心做TEST,見完姑娘和醫生便知囝囝語言發展慢半年,當時都好擔心,跟住醫生話同囝囝早D讀書,給他多D刺激都可以有幫助,又排期做言語治療,但要排到今年9月(我囝囝在03年尾做評估的),結果我幫囝囝報讀BB班,到現在囝囝已經3歲多,今年尾時見學校老師做評估,老師說囝囝有好明顯改善,初入學時成班同學都可以做到老師講的東西,如現在要排隊一個一個,跟住去洗手間,他都只是在遊雲,唔知做MUD,只做他自己做的事,又例如老師有NOTICE給家長,叫每人拿著,放學後給MAMI,老師說初時真係唔敢給他,因為怕他唔知點做,到過了一段時間,囝囝發現點解個個有NOTICE,而老師又唔給他呢?老師發現到他有這個?時便跟他說,我可以給你一張,但你唔可以隨便亂放,要見到MAMI就給MAMI,你做唔做到,囝囝便說可以,跟住他真做到放學後便給我,這是他的進步,證明他只是比同齡小朋友慢,只要有機會給他去學便可,到現在囝囝不是已全掌握到溝通的技巧,但日常的起居生活,如自己去洗手間,自己吃飯,穿鞋等他都可以做到,有時我怕他做不到要幫他,他反而跟我說要自己做,所以不用太擔心的,給他們點點時間,他們會做得到的,要相信自己的小朋友的能力,好快他便識駁你們咀了 :

HelenMrs.Lau

HoWangMami ：
你仔仔好０力呀！學校Ｄ老師又好，又肯幫忙，無投訴     

JOANNA722

Dear all
等我update 下啊仔d進度先, 7月份去assess, 話佢DELAY
左around 6個月& 有自閉傾向, (now 27 months) 下個月會讀兼収位學校, 而現讀婜普通學校, 2日後有teacher come my home visit ,唔知問咩架呢? 在heep hon training 一個星期一次.
上個星期啊仔叫我媽媽試過有三次, 好 :  :  : ,
各位在家同佢玩什麼, share 一下.....   

hinhinmummy

HoWangMami

你&仔仔好好彩, 遇著一個好老師, 我個仔下個月都會讀普通的pre-nursery, 我都好驚佢會一舊雲.  因為佢排緊scc, 但未有位.

JOANNA722

點解你7月先做assessment, 甘快今年就可以有學校讀的?

我平時係屋企同佢唱兒歌, 不過只係我唱, 佢會哼.

還有, 我某日訓訓下訓不著, 醒起屋企有個sing along的帶機(屈記見過, 幾十元度), 拿出黎, 用個咪講野, 唱歌, 再比佢, 初時佢好抗拒, 試多幾次, 佢好鍾意, 還哼歌tim, 你們或者試下呀!

佢依家周不時拿住個咪, go go go甘

JOANNA722

hinhinmummy
講出唻難以置信, 我等左兩個星期喳, 5/7 assess, 21/7 inform 我有位, 好似個天給我生日禮物, 因我在22/7生日,
你話係吾係very lucky. 但返學要45mins搭MTR then Bus.

   我有個 玩具piano 有 "mic", 但佢似乎無興趣個mic,    holiday 會同啊b 去邊玩, & 各位有無提意?
THANK YOU!

HayBMum

JOANNA722,

--------------------------------------
話佢DELAY左around 6個月& 有自閉傾向
----------------------------------------
請問醫生有否指明DELAY 是指語言、認知 or 其他方面? 我的醫生沒有說仔仔delay了幾多，只是好簡單在報告上寫 語言理解及語言表達比智齡慢，卻沒有說慢多少，我好想知其實慢幾多！

陸美爸

Helen,

我煲左D開奶茶俾仔仔飲, 佢己經開胃番喇, 仲俾屋企人話我點解一向無煲俾佢飲tim 但佢由細到大胃口都無問題喎!

HoWangMami,

你仔仔同我仔仔情況好似喎....你又遇到好老師咁細心留意住仔仔進度, 我想問你當初有否講俾學校知你仔仔既情況呢？咁會否轉讀兼收位還是繼續讀現時的幼兒園+言語治療呢？

唔好意思問你咁多問題, 因我仔仔下月開始返學, 所以想知道多D...我好驚佢食舊飯咁學唔到野呀....thx

JOANNA722,

你仔仔排得真係好快喎.....你排邊區架？

我都好想知點同仔仔玩會有幫助, 平時得我同佢係屋企都幾悶架, 而老公放工/放假時多數會一齊出街, 等佢見多D人同事物...

陸美媽

hinhinmummy

joanna

你真係好快wor, 你排邊區呀? 我個社工話起碼要出年先有位wor.

你們有無看過combi的玩具? 有d都幾益智架.

1. 有4個不同size的公仔, 分1-4號, 4號放入3號, 3號入2號, 2號入1號, 甘開左1號就有2號, 2號入邊又有3號, 3號入邊又有4號, 到4號入邊就有一隻雞仔.

每隻size都有不同的開法, 1號係用key, 2號係用lock, 推向左, 3號係扭, 4號係向上開, 可以訓練佢手力.  我比個st看過, 佢話佢都買左, 不過不知係買黎做訓練定mug東東.

2. 又係combi, 一路行, 一路有音樂, 後邊有個o放雞蛋, 隻雞仔行行下會停, 跟住會生雞蛋, 又繼續行, 無雞蛋就不會行.

雖然我不知呢個有mug訓練到佢地, 但我個仔就好鍾意.

3. 係stepping stone買過一個會發聲類似併圖的積木, 兩個四方物體, 分別有不同的車類, 如果併岩就會有果類車的聲, 火車會有汽笛聲等等.  我個仔又不鍾意(無興趣), 到依家不知幾鍾意, 可惜壞左, 今晚再去買另一款動物的. 無記錯好似89.x元

暫時講住甘多先啦.

放假我帶佢地去美國冒險樂園, 訓練佢隻手'投'籃.  由第一次去放波, 到依家好似有力左d.

HelenMrs.Lau

DEAR ALL,
同小朋友玩多D係有幫助

陸美爸

各位媽媽~

1.請問小朋友返幼兒園要買幾多套校服呢？

2.返學用既"被心"及冷氣被係邊度買呢？

    

thx~

陸美媽

gloriap

sorry！我路過....容我插ロ   
我想研究吓你哋BB細個轉身、爬、坐等合唔合發展徵狀？如6-9個月會爬至坐扶嘢行？有冇同佢玩體操？教佢[拜拜]等？刺激吓佢？我見書咁講：6個月大還不會自動轉身，13個月大不懂追尋聲源，行為動作比一般小朋友[蠢]和[鈍]加上没有足夠語言表達能力，一些病症亦會延遲發現。
不過佢跟住文章同各位而家咁：發展遲緩小朋友如不是智力問題，治療後會正常。各位唔需担心，小朋友入去學嘢又多小朋友玩。陸美爸；你咪諗個仔去玩！咁多小朋友陪佢，好快冇事，遲吓牙尖咀利添呀
所以我覺得BB雖然每個發展唔同，某段時間自然會識、轉身、爬；但同佢玩刺激吓佢四肢同俾佢感受吓物件如：石、布、袋等刺激感官；刺激左右腦，可能會好快學做到佢應做動作及社交。最好帶佢出街見多啲人同物，唔好嚴出街煩！我女一個月我已抱佢新界去九龍。唔通成日叫屋企人嚟咩！斷六親；我係全職媽咪多多指教^0^
如有得罪請原諒 :wink:  參考吓http://www.baby-kingdom.com/modules/newbb/viewtopic.php?topic_id=181263&forum=11&0

gloriap

HayBMum 寫道:
JOANNA722,

--------------------------------------
話佢DELAY左around 6個月& 有自閉傾向
----------------------------------------
請問醫生有否指明DELAY 是指語言、認知 or 其他方面? 我的醫生沒有說仔仔delay了幾多，只是好簡單在報告上寫 語言理解及語言表達比智齡慢，卻沒有說慢多少，我好想知其實慢幾多！

http://www.ear.com.hk/參考吓！
妳小朋友幾大？俾啲實物佢摸吓教佢講或妳做發問，叫佢答如：呢樣係咩？x用嚟做咩？佢唔識！分幾教(一次過成日講佢會冇心機；冇耐性！)出街，活動教材添 草、花、巴士、的士、樹、雀仔.....

mamee

gloriap

謝謝你關心, 你都容我解下話.
其實你再仔細看看全部內文, 你會發覺除左[發展遲緩]外, 還有一個詞我地都會用, 就係[自閉傾向/自閉症]. 大概自己小朋友無問題的話, 根本唔會去留意/研究呢個詞語.

[發展遲緩]當然較容易追得番; 但係[自閉傾向/自閉症]就不同. 不幸有自閉症的小朋友, 不是因為家長教導唔好, 或者少刺激的原故. 就算現在的醫學, 都沒法解釋自閉症的原由. 男孩比女孩的比率好像是4:1, 所以你可以留意下, 我地的小朋友差不多全都是男孩.

就算只是自閉傾向, 個小朋友都會有一些問題/壞習慣. 最容易見到是眼神接觸差, 專注力差. 這些都是容易引至發展遲緩的誘因, 唔肯望人=難學講說話; 專注力差=容易心散, 學東西困難.

這裡媽咪所遇到的是>好可能人地一分耕耘, 會有一分收穫; 我地就要十分耕耘, 可能先有一分收穫.
你看看這裡有個媽咪大囡囡是沒問題, 為何細仔會有問題? 我深信這個媽咪一樣會用同等心血, 愛心去教養自己兩個心肝寶貝. 但點解一個無問題, 一個出問題呢, 就是因為我地的小朋友真的[有點特別].

講完一大輪說話, 都唔係太明白自己講緊乜. 你就當我呻下, 大家多多指教/^o^\

mamee

HayBMum

gloriap,
我阿仔已經在EAR 做過語言評估, 我想知的不是語言，而是專科醫生的整體評估。
你所說的相信這個topic的父母都做了好多，沒提到的特別訓練亦絕對不少，但正如mamee所說，十分耕耘都可能只有一分收獲， 所以我們的苦況不是普通父母可以體會的。

gloriap

I SEE
咁其實發展遲緩同自閉傾向點分？有冇乜大分別？因叔仔個大仔都係當初2歲時話佢語言能力比同齡差半年，但佢個媽又冇去再跟進，話佢冇嘢！因之前我聽話佢如再係咁就要見治療師。我叔仔話佢個所謂老婆冇再帶仔去見醫生咋！(因佢老婆人格、各方面太不知所謂)可能成日怕人話佢甲狀線(食梗藥)、鼻敏感、皮膚敏感、身體狀態唔好搞大咗硬要生個仔！搞到啲個仔成日唔妥(但成日都話啲仔冇嘢？同我叔仔反調)，害咗啲仔呱？但我覺得佢大仔冇信心講嘢...好多時講嘢，只叫佢叫人、答好唔好...等我哋伸到耳仔响佢ロ邊都聽唔到？！係咪有事呀？會唔會阿媽錫細佬現(1歲)多、偏心？同父母成日(應話日日；3日一小5日一大)嘈交、打交影响到佢？成日趁阿媽行咗去打細佬！試過兜心 同用被、枕蓋壓住當時得幾個月細佬；面都用物件打過；玩具寧掉咗都唔俾細佬。而家大仔3歲，其實會有事嗎？各位！各位父母努力   

HelenMrs.Lau

個小朋友D態度好負面喎 :cry:  :cry:  :cry: 應該有D心理障外，見下社工好喎      

mamee

hinhinmummy

1號玩具~除左練手力外, 仲可以練手眼協調=用key開.
至於st點解有>我估可以用黎一路玩一路教[推],[扭],[開]等動詞啩. 其實都係用玩玩具的方法, 希望引到小朋友開聲講說話.

2號玩具~似玩具多啲; 不過都可以有碗話碗, 有碟話碟=雞/雞蛋/放雞蛋/雞雞行路等.

3號玩具~呢個幾好玩. 不過如果係我, 我會選動物款, 因為可以教動物. 始終教動物好似好過教車類.

我都時不時去stepping stones買玩具, 果道真係有幾多選擇. 我通常買既玩具, 會係在幼兒訓練中玩過, 我就照版煮碗買俾仔仔玩.
我唔清楚你仔仔情況如何, 不過最開頭我買左幾多木製拼板俾仔仔, 食物/日用品/圖形/動物用黎學認知. 過左一輪就轉用圖card.  木製拼板係玩具反x城/吉x島文具部都會有, 平過stepping stones.

冒險樂園我地都成日去. 仔仔反而玩碌[寶零]球多, 你可以同仔仔一齊玩, take turn玩=學耐性; 同仔仔講說話=講[到hinhin玩], [到媽媽玩]等. 我仔仔大過啲, 我地會問佢: 依家到邊個玩呀? 等佢答我地. 搶住一齊玩, 仔仔會玩得開心好多.

mamee