4歲學琴既家長可來分享一下

ElisaCheung

pollychu ,
不好意思, 有問題問,
我大仔想学琴,細仔想学小提琴, 但佢哋冇学一些樂理是否可以, 其实老師会否教佢哋睇, 我睇過一些琴行唔会比家長陪同, 我怕都唔知点教佢哋. 有否好的小提琴老師 & piano teacher 可介紹吓, please pm me,

kam825

無論學小提琴定鋼琴, 老師都會教一o的基本樂理, 足夠佢地學琴用的, 不用擔心~
而琴行方面, 你要求琴行比你入去的話, 一般都唔會拒絕, 我以前o係琴行教o個陣, 有時都會有家長要求入o黎睇住上堂, 咁個接待問過我比唔比, 我比o既就無問題囉......通常o的家長最多都係睇一個月倒, 就唔再睇o家喇.........

原文章由 ElisaCheung 於 08-5-27 23:51 發表
pollychu ,
不好意思, 有問題問,
我大仔想学琴,細仔想学小提琴, 但佢哋冇学一些樂理是否可以, 其实老師会否教佢哋睇, 我睇過一些琴行唔会比家長陪同, 我怕都唔知点教佢哋. 有否好的小提琴老師 & piano teacher 可 ...

winniepoon

近排開始搵緊老師教我嘅四歲囡囡彈琴,有位經朋友介紹的老師,時間地點(在她的屋企)都ok,但有一樣野唔係咁好....就係佢唔可以比家長留下陪小朋友.其實,就算留下來陪我個囡都唔係我,而係姐姐,因為我係要返工的,但我老公驚如果個囡比老師或者佢屋企人(e.g. 老師的老公)"欺負",會唔識反抗或者投訴,你地點睇呀?!  

其實,我好明白我老公嘅擔憂,正所謂知人口面不知心,西裝友都可以係壞人啦,但我想問一下係咪通常學琴的老師都唔準屋企人在嘅呢??? 係咪驚個小朋友唔轉心呢??  你地小朋友又在那裡學習ga???  Thanks for sharing!!

Radiomama

小朋友得4歲，我會寧願搵一位可以陪上課的老師。而且最好是媽咪親自陪，咁您先幫到小朋友練琴，事半功倍。否則有d倒錢落海的感覺，小朋友較易放棄。當然如果再大d，就可以讓他獨立啦。

小兒3.5歲，學琴四個多月，我每次都會陪住，既安全又學到野。不過老師係上門教的。

原文章由 winniepoon 於 08-5-28 08:48 發表
近排開始搵緊老師教我嘅四歲囡囡彈琴,有位經朋友介紹的老師,時間地點(在她的屋企)都ok,但有一樣野唔係咁好....就係佢唔可以比家長留下陪小朋友.其實,就算留下來陪我個囡都唔係我,而係姐姐,因為我係要返工的,但我老公 ...

JESSTIFF

我朋友是教琴的, 她有時間會來教我的"大公主"(同你個女差不多大, 我的是3月29日 ), 但相反可能太熟,又在我家,阿女幾分心, 所以吾知好吾好比佢落樓下琴行...因我另外認識一個哥哥很掂的,(包括音樂成就,學歷,亦懂聲樂,對音樂熱誠...不一面倒只"教書" ), 上門的, 約$350/小時, 但我怕阿女又吾專心...(雖算合理價錢,但現階段對我負擔大, 因還有其他學費 要比, 待她真有興趣,才算)
但我覺得如果上人門(即去老師家)上課, 應要求有人(如工人姐姐)陪,老師怕工人姐姐聽得多都識彈,收少學費嗎? 如果一定不行,我會放棄那位老師.  老師上門的話, 家中也一定有人, 吾通老師又要所有人離場,免分心嗎?

原文章由 winniepoon 於 08-5-28 08:48 發表
近排開始搵緊老師教我嘅四歲囡囡彈琴,有位經朋友介紹的老師,時間地點(在她的屋企)都ok,但有一樣野唔係咁好....就係佢唔可以比家長留下陪小朋友.其實,就算留下來陪我個囡都唔係我,而係姐姐,因為我係要返工的,但我老公 ...

easybring

我都認為小朋友找老師要小心, 特別上門or上老師家.  我亦會盡量搵女老師.  個男老師係正人君子, but我怕亞囡會暗戀佢(我講大d果時)

pollychu43

其實學任何樂器, 包括鋼琴, 小提琴或其他, 都需要一定樂理知識(睇譜,拍子等), 一般老師在堂上都會教相關的知識, 不用擔心. 小朋友去到4, 5級, 才考慮學樂理和考樂理也未遲. 你可以要求琴行或老師讓你陪同上課, 有些琴行會另收費, 你要問清楚. 至於介紹老師, 你可以PM 我, 我也識一些鋼琴和小提琴老師.

pollychu43

你的憂慮也有理, 不過站在老師立場, 確係想小朋友上課專心, 很多時, 小朋友在媽媽陪同下, 會過分撒嬌, 或不自在, 總是彈不出水準. 不過, 都有些比較細的小朋友, 一定要媽媽陪伴才可上課. 我覺得你應該將你的憂慮同老師傾下, 老師都係想教好你的仔仔女女, 不過如果你對老師有懷疑或不信任, 就不如轉老師了. 站在老師的角度, 如果家長總是這樣不信任, 或沒有溝通, 老師也教得不愉快.

多些與你的老師傾傾吧.

ElisaCheung

原文章由 pollychu43 於 08-5-28 12:39 發表
其實學任何樂器, 包括鋼琴, 小提琴或其他, 都需要一定樂理知識(睇譜,拍子等), 一般老師在堂上都會教相關的知識, 不用擔心. 小朋友去到4, 5級, 才考慮學樂理和考樂理也未遲. 你可以要求琴行或老師讓你陪同上課, 有些 ...

pollychu,

我已pm 您, 麻煩check 吓, 想問現時学鋼琴 和小提琴什價錢, 如果不方便講, pls pm 我. 您知拉 2 個都幾咁, 佢哋其实都有其他学術科学緊. 如果沒有參加音樂班就立刻学琴, 会否冇咁好.
麻煩哂.

[ 本文章最後由 ElisaCheung 於 08-5-29 00:18 編輯 ]

ElisaCheung

原文章由 kam825 於 08-5-28 03:13 發表
無論學小提琴定鋼琴, 老師都會教一o的基本樂理, 足夠佢地學琴用的, 不用擔心~
而琴行方面, 你要求琴行比你入去的話, 一般都唔會拒絕, 我以前o係琴行教o個陣, 有時都會有家長要求入o黎睇住上堂, 咁個接待問過我比唔比 ...

thanks for your idea.

pollychu43

要看看你地區同找甚麼級數的老師. 如果一般8級的老師, 學費可參與Tom Lee 同柏斯兩間大琴行. 如果要找Diploma以上professional 的老師, 學費就貴得多了. 你亦可以留意學校的課外活動, 很多時也有小提琴班, 至於鋼琴就多數係單對單上課.