邊間泳會比較好啊?

車車人

同意要求嚴格唔代表惡，咁如果小朋友水平唔夠唔比升班即係話要重學啊定係佢會補堂啊？水平係佢定定係自己定的啊？

原文章由 小蕎媽媽 於 08-3-20 11:26 發表
要求嚴格唔代表惡，你唔去到佢set 的水平咪升唔到班囉，你自己要比好多錢同時間去學，佢地唔會罵你或小朋友。YMCA 佢唔係果d包教曉班，所以你爭小小唔合格佢都唔會比你升班，亦都唔會有補堂，乜你覺得游水係可以10堂8堂就識的嗎? ...

車車人

大d同細d的小朋友吸收能力都唔一樣,正如唔同的家長會有唔同的意見,鍾意唔同的泳會,各有所好~想學游水都係自己去比較下好d,我地lee d媽咪都係比意見only

原文章由 Ceci@ 於 08-4-7 23:48 發表
其實我都好同意你的講法。小朋友學游水，最緊要小朋友學得開心。進度快與慢都唔係咁緊要，個個小朋友資質都唔同，又點可以下結論？比得小朋友參加(任何一間)泳會的泳班，我相信家長都係抱試下的心態，但試後又覺得幾好，咁咪繼續 ...

mrs_lam523

我都好意妳地講法...因為我囡囡第一次學既時候…我都係比佢參加游會果d泳班...上咗幾堂之後...個教練話我囡囡好怕水…
咁既情況好難學得識…囡囡仲要比佢話咗幾句...之後半年囡囡都怕咗學游水...
我心諗囡囡識游就唔駛你地教佢啦...
咁我就索性同囡囡換個第二個教練學….到第一次上堂睇到囡囡跟教練落咗水…開頭仲有d驚….我見上咗一陣…見到囡囡同個教練學得幾開心…到上完堂之後…我問囡囡學得開唔開心….佢話開心咁就學到依家啦…

janbe

自己睇到既先係事實，就黎又暑假，ｄ精明的媽咪都會格多幾間先好落答啊～

jackielck38

其實認真講句 係泳池睇住自己既仔女同人地既仔女 學游水 分班係泳會先會出現 就係因為小朋友的能力各有不同先要分班 有d家長以為好平 可以試一試 但一比錢就要最少五堂或十堂錢 到你第五堂既時候 心諗個仔/女 學左五堂 應該未咁快學識 又比多五堂錢 .... 錢對當今的家長 可能係好少事 因為大家都係有一至兩個小朋友 但係時間呢? 你就因為咁而浪費左好多時間 可以做其他野 泳會好就好在 有人同你搵教練 學費平少少咁 同有張證書 但到底你要比幾多時間比佢學呢 如果你肯比小小時間找到個好既私人教練 其實係差唔多 一對一 一對二 好多私人教練都收得好平 同埋最重要係 個話事權係自己度 你唔明可以直接問佢 自己想點 又可以同佢講 其次係多數私人教練都係 2-3次先收一次錢 比較襟計d 一對一 一對二既灌輸一定比一對五 一對六好 當然有人可能唔接受我既見解 比大家參考 不過我都想大家做個精明老豆 同 精明媽咪~

mrsanthony

I support jackielck38 (精明爸B)

jesschen

同意文理好多人都話差, 但新界又真係好少聽到有文理泳會d宣傳喎

Zoey

其實私人教或泳會, 邊樣好, 除左睇教練, 都要睇小朋友既性格, 每件事都唔可以一概而論.

我囡囡都有好幾年游水經驗了, 泳會/小組/1:1 都試過, 妳問佢最鐘意邊瓣, 佢一定話泳會, 因為係泳會, 雖然每一期都有唔同既成員, 但唔知點解佢地好快就可以上得好開心, 好投入, 有傾有講, 池邊等候既時候又會一齊練轉身, 條泳線咁窄都會抽身爬頭, 同同學仔鬧快, 上親堂都四萬咁口 , 但之前 1:1 時, 見佢就真係好悶 . . . 好悶, 原全沒有動力, 亦因為咁, 技術都停滯不前, 進步得好慢!  但我相信有 d 小朋友又會適合私人, 所以世事無絕對.

上手快慢, 其實都同小朋友既年齡, 領悟力, 怕唔怕水, 喜唔喜歡等等有關, 所以最緊要家長找到適合自己小朋友既模式, 再不斷觀察.

jackybb695

可惜剩係元朗,屯門,天水圍區啊,太遠了~唔太arm我

原文章由 Koey 於 08-4-12 20:19 發表
卓泳體育會班教練都幾好人,佢地重教埋屯門某間幼稚園,另外重負責教元朗,屯門,天水圍D小學~ 私人班彈性好大, 除咗公眾泳池重可以去私人會所教,有咩困難佢地都盡量幫班家長解決~
   我見過佢地教個有智障既學 ...