講下呢間基督教中心幼稚園暨幼兒園

cameo

唔好客氣~~
之前見你話會去報名..咁有報嗎???

棋棋媽咪

Hi,cameo
請問小一派位多數派去邊d學校?

cameo

咁我又唔太清楚啊....
但係如想入合一堂小學就唔成問題lor....
其實如果間幼稚園本身無直屬小學or友好小學o既話,都好難講話入邊間小學多的啊....
打個比喻,入得協恩最終目的都係想入佢間小學,所以佢d幼稚園學生都係多數升上去的,咁中心本身無直屬小學,我知就都有唔少家長會揀合一堂o既,因為自行選校時揀得呢間就會收lor...
我自己都未諗到下年點同自己個囡選校啊....但係地址就已經攪好左lor,因我將我阿媽電費單改左我名,咁到時我自己就可以再考慮用自己屋企個校網定係另一網lor.....
不過你的小朋友而家幾大啊???其實好多人都興轉校的,我自己姨甥就係四年幼稚園都唔同學校,所以若你的小朋友今年只係報讀n1 or k1的話,我諗主要係真係諗一間教得好o既學校先lor,升小學問題到k2時先諗都重得o既.....
and then有時真係唔係話唔想入名校,而係個機會真係同六合彩差唔多,因協恩得k2同k3.我都試過同我囡報名的,但係當年佢地登報得好似60個位,但係我拎報名表時真係好鬼多人,校門重有兩架鐵馬睇住tim啊,60個位都未計d家姐讀緊又帶埋個細妹o個d喎....當時未填份表都預左無份,只不過都去到唔通走咩.........

棋棋媽咪

cameo
唔該晒你,你答得好詳細,我小朋友己經報讀左n1 ,今年9月開學,現在諗出年k1讀邊間幼稚園好 唔好意思我仲有樣野想問呀,合一堂小學係邊到嫁?是否私校黎嫁?

cameo

棋棋媽咪 寫道:

cameo
唔該晒你,你答得好詳細,我小朋友己經報讀左n1 ,今年9月開學,現在諗出年k1讀邊間幼稚園好 唔好意思我仲有樣野想問呀,合一堂小學係邊到嫁?是否私校黎嫁?

唔洗客氣,我知o既其實唔多,若我當年都識上o黎呢個網就唔洗咁迷網啊....hahaha~~
合一堂o係公主道的,其實我都唔太清楚呢間小學,不過我頭先o係呢個網都搵到個topic講呢間學校(小學雜談),有人提到呢間學校每年都有25%上到band 1中學,但係就中文中學居多,呢間唔係私校o黎,到2007年就轉全日制~~~
我諗你其實慢慢諗k1都未遲啊,始終都重有成年時間,我自己就覺得要轉校o既話,一係就直頭轉間有直屬小學的(我之前都想囡囡入協恩,不過真係好高難度啊..haha),一條龍唔洗隔幾年就煩一煩丫ma,不過入唔到協恩呢類勁學校之後我自己都諗通左一樣野,小朋友o既將來父母一定希望佢入到好學校考到好成績的,但係名校真係唔係話入就入,入唔到都無辦法的,而家反而覺得讀書o既時間打後都重有咁多年,壓力又一年大過一年,倒不如襯小朋友年紀重細,自小陪養佢對讀書o既興趣,總好過要一個幾歲o既大BB咁快就要面對讀書o既壓力啊!
我囡囡九月升k3 o勒,到時9月我諗你會見到我的!!

棋棋媽咪

cameo
再次唔該晒你,到時9月我估都有幾會見到你.

Smarties

棋棋媽媽 & cameo,  

cameo, 你真係好人, 每次的回答都咁詳盡從而令我更加想個女入讀這幼稚園.  唔該晒.  我本來約定昨天去interview n1, 點知下大雨改了明天. 棋棋媽媽, 希望9月見到你和你小B, 不過唔知到時點相認? 或者到時email 相給你們.
話時話, 我都同好多媽咪一樣, n1就讀中心, k1考民生希望一條龍上, 嘩, 民生的吸引力實在太勁.....仲有我去過合一堂小學門口望過, 學校好似舊咗d, 但感覺d學生都幾純品, 我b如果考唔到民生, 或會試九龍塘d私校 (不過又唔知d私校到時會派乜小學, 係咪視乎住邊區跟第1志願派?), 又或會繼續讀中心入合一堂小學, 好煩, 你們有無idea?

smarties

cameo

smarties,
我自己囡囡下年要揀小學了,但其實我自己未有決定的啊,不過可以肯定的就係我唔會入私校的,因為負擔唔到,我媽屋企電費單改左我名,所以我到時可以報何文田網(好似係34網),呢個網入面有協恩同合一堂,我唔太記得有咩學校,不過就記得呢個網入面主要幾間名校都係女校,所以我諗爭得無咁勁(起碼少左男仔去爭先丫..),不過我自己就覺得若要從幼稚園開始諗升學,咁先要諗有一條龍就取好la(但好高難度的..),其次睇佢有冇一d所謂o既友好小學(如中心就有合中堂咁la..),若兩者都冇,咁到升小學時一係諗私校,一係諗自己係咩校網lu.....
我諗我可能會揀協恩係第一志願la,合一堂就要o黎補飛lor,因為聽到話升中學時係中文中學居多,感覺上唔係咁好咁,不過若囡囡可以一路係何文田個網,而佢小學成績keep得好o既,升中學時我諗都唔一定入中文中學o既,因呢區有好多好o既英文中學,我自己係旅港開平中學的,呢間中學到而家都重幾好,又係英文,若到我囡囡大個女時真係成績都吾差,而開平中學又依然咁好,咁咪考入去lor,我好似諗得好長遠咁...不過我自己覺得讀書最緊要係中學時期,但係入唔入到好中學又好睇佢讀小學o既成績.....唉..我咁大個人都係第一次諗一件事可以諗到成七八年後咁長遠啊~~~~~
p.s我都想知民生o既吸引力有幾勁啊...可以分享下嗎??

Smarties

cameo, 棋棋媽媽:
我今早已帶個女報名, 希望到時可以同棋棋媽媽的小b一班, 他也是報讀上午班嗎? 講番間幼稚園, 校舍雖然舊咗d, 但我見d小朋友好開心同好有紀律去洗手, d老師同嬸嬸都好好人. 當他們吃茶點時, 校長比我女仲走去同d小朋友玩,佢又唔怕羞叫人哥哥姐姐. 其實n1讀邊間都無所謂, k1到時先打算, 希望民生考到就唔洗煩, 我老公係民生書院舊生, 我問過民生,佢地話個女考幼稚園會有分的. 至於cameo問民生有乜好, 起碼一條龍, 我老公話那兒的學生品行同成績都好, 中小學都谷得好勁.而體能方面都好.
smarties

cameo

smarties,
haha~~係呀,佢地去洗手間時係跟住地下d黃線行o架,一個跟一個,好得意....
你小朋友唔怕醜就更加唔洗擔心la,到n1開學時係有兩星期適應期的,到時你可以陪佢上堂的,我記得頭一日好似係返一個鐘,只係返去食下茶點,坐下就放學,媽咪可以陪住o架,俾小朋友先適應學校環境的~~~
不過到9月時我囡囡都k3了,係比其他班遲一個星期開學的,不過我諗或者我都有機會開學時見到你的,因我今年做緊家校委員,若下年都做,咁你都有好多機會撞到我啊,hahaha~,開學時應該會有一個叫"新生家長分享會"的,係俾新生mammy同老師可以直接溝通同問小朋友返學情況的,上年開學時都有攪的,係分班咁傾,可以問班主任小朋友返學d野之餘,跟住d媽咪可以互相分享大家教仔女心得,例如食手指呀,發脾氣呀....我覺得幾好的,因我囡囡當年讀n1時未有的啊,我上年係家校委員身份返去幫手,見到d媽咪都傾得幾開心....

JasonBB_mama

cameo,

睇到你講e間學校真係幾好,我仔仔都報咗n1九月開學,見到你咁講我都好有信心仔仔係度返學,因為我自己都係入過去兩次,不過覺得雖然校舍唔係好大但都好舒服,希望個仔可以好快習慣啦!

cameo

JasonBB_mama 寫道:
cameo,

睇到你講e間學校真係幾好,我仔仔都報咗n1九月開學,見到你咁講我都好有信心仔仔係度返學,因為我自己都係入過去兩次,不過覺得雖然校舍唔係好大但都好舒服,希望個仔可以好快習慣啦!

我自己都重好記得囡囡第一日返學時自己有幾緊張,尢其係見到d高年班小朋友識得入到學校就自己入自己課室放低書包,跟住自己行去洗手間,見到校長老師識點頭講午安,當時會諗自己個囡囡幾時先有咁叻....
第一日佢搭校車時,我同囡囡一路等校車,我一路不停問佢驚唔驚,又同佢講上左校車媽咪就會飛的士去學校睇佢,囡囡反而識同我講:"我會放學o架,你唔洗驚...",其實我諗當時囡囡係開心而淡定地等校車,只係我自己太唔放心gel...hahaha~~
到開學時我記得老師應該會同家長講,可以自己講低or寫低自己小朋友o既習慣俾佢地,(我當時就寫話囡囡好惹蚊同怕熱),咁佢地就會特別留意的,張紙仔就貼o係課室的啊!!

heilimummy

HI cameo
我都想比囡囡讀呢間學校的nursery，請問該校係唔係好著重小朋友的品德同品行呢？本人較喜歡著重品德多於成積的學校，對學生會跟身d，小朋友都會乖d、妒忌心無咁重同唔會咁驕傲，你覺得該校做唔做到？

JasonBB_mama

cameo,

我好鐘意睇你講,因為你會將你o既感覺講得好長細,一睇就明白,講真我真係好唔舍得比個仔咁早要返學,但又想佢學下與人相處同唔想佢對住工人咁多,我老公佢仲擔心唔想個仔坐校車驚佢唔慣,其實我自己都好擔心,但唔通日日要個工人由荔景送佢返學咩!!!   

twtwtw

JasonBB_mama

dont worry 我地無揀錯
你睇呢板都講到第五板
仲有幾位媽咪比信心我地
我估我係無錯啦
haha
仲越黎越期待11月黎臨
唔知插班有無得陪上堂
我好想陪上堂
一起同beebee感受學校氣氛

Smarties

Cameo:
你簡直係家校委員代表啦，能解答我們的所有問題，唔該晒．係呀，今年都有新生家長會, 到時唔知會否見到你? 還有Ting Wai 和 JasonBBmummy.
Ting Wai:
你的小朋友好cute呀, 我女次次都係去泳池，未試過在海灘游泳（因為老公唔鍾意），真係想帶佢試吓.
smarties

twtwtw

Cameo

點先做到家校委員代表
你係咪全職媽媽???

smarties

多謝你讚我個衰仔
is first time 有人話佢cute
haha

heilimummy

TingWai
我今日去左報名，22號interview，不過我諗多數都收，囡囡都係11月入學呀。咁咪同你地一樣law，學校話有一星期時間陪課，到時可能一齊上堂啦。我重驚話到時11月得囡囡一個係新生，其他小朋友都習慣灑，無人陪佢實喊到飛起，而家定好多law。報名時個老師重同我講笑話可能阿女唔會喊呢﹗我諗都幾難﹗

另外，你地知唔知書簿費同校服要幾錢呀？等我有個預算嘛﹗

你地係咪會塔校車，我諗我唔會啦，因我咁口岩有巴士可以去到，令願辛苦d自己送佢返放學，因我好驚比佢自己坐校車。而家同佢坐車成日周身郁無時停麻鬼煩，比佢坐校真係驚佢出事呀。

JasonBB_mama

heilimummy,
書簿費及其他雜費hehe我都唔係好清楚喎,
好似話6月尾會收到信有個家長會架到時都要問清楚先得

各位,
我想問到時我地咁多位媽咪點相認呀     

tingwai,
beebee佢好cute cute cute呀 ~~~
講真我依家真係有信心我同你都無揀錯學校lu,
係喎beebee會唔會坐校車ga?我自己就心大心細ar

twtwtw

J MA

unless I do full time mama
if not beebee must take school bus

heilimummy

好呀
到時我同你一起做陪學
(陪返學人)
haha