08/09小一巳註冊家長請進

shymummy

係呀！家熹媽媽，我都好想知呀！每星期有冇一日早Ｄ放學呀？有冇Ｄ時間係堂上做功課，吾識可以立刻問老師？家熹佢幾點鐘訓教呀？佢又要補習，晚上Ｄ時間好趕囉！

goodbaby

講起去wee wee,我就有野想講.. 我仔仔宜家讀激活, 佢最近轉咗去全日班, 佢話o的姐姐訓覺時唔比佢去WEE WEE呀... 最衰o既係, 其他同學仔話去就得... 試得太多次啦.. 我第一次同校長講, 佢話會跟進,跟住都冇... 但後來又係咁..., 我個仔只係啱啱返全日, 佢地都咁對佢, 我唔想佢會唔鍾意 返呀... 係咪如果唔係一個好乖o既學生佢地就會唔鍚佢呀... 上兩年都唔係咁o既.... 我已經寫咗信去投訴佢... 好嬲呀... 又令佢唔開心, 對身體都唔好架嘛... 要忍成個鐘架.... :cry:

goodbaby

係囉... 如果可以o係上堂時做o的功課, 就唔洗返到屋企先做.. 我都要成8點先返到屋企.. 佢到時都唔知仲有冇心機聽我教佢... 又要做功課, 又要溫書... 都唔知夠唔夠時間...

家熹媽咪

原文章由 Chaney媽咪 於 07-11-6 10:53 硐表


家熹媽咪:

唔好意思呀! 我唔係好明3-6個月適應期嘅意思?
係唔係學校會有啲特別安排(例如提早放學……..或且老師可接收小朋友上上下堂舉手去wewe呢,,,,,,又或且老師會唔會睇下小朋友有冇寫漏家課在手冊上呢?…..)
...

Chahey 媽 :

適應期係比新學期學生 , 都算好平等 , 哈哈 ~ 好似話開學頭果半個月 , 佢地係返半日 , 跟住正常咁 , 新小一生會喺呢半個月學習規矩 , 老師們會帶佢地認識晒份校既每個角度 , 老師等 ... 另外佢地頭3-6個月 , 都唔會全部用晒中文或者英文嚟上堂 , 一定會有中文架 ! 所以唔髮太擔心 ~ 開學校幾個月 , 小朋友會比較上亂d , 好似寫手冊 , 帶書 , 上課時間表等 ... 但唔好心急 , 比d 耐性 , 佢地一定得架 ! 今年開學時間 , 我已經為大家打咗一遍關於小一新生要準備及汪意事項 http://forum.baby-kingdom.com/viewthread.php?tid=1099758&extra=page%3D1, 如有唔明 , 可以再問我架 !

[ 本文章最後由 家熹媽咪 於 07-11-6 19:03 編輯 ]

家熹媽咪

原文章由 shymummy 於 07-11-6 11:15 硐表
係呀！家熹媽媽，我都好想知呀！每星期有冇一日早Ｄ放學呀？有冇Ｄ時間係堂上做功課，吾識可以立刻問老師？家熹佢幾點鐘訓教呀？佢又要補習，晚上Ｄ時間好趕囉！ ...

shymummy :

1. 我地學校冇話一星期有一日會早放 , 但以我所知 , 附近有小學係有架 !

2. 今年學校多咗個SP 堂 , 係比小朋友抄返D 手冊 同埋做功課  , 我覺得都唔錯架 ! 家熹寫字好慢 , 抄手冊就哽加唔駛講添啦 ! 多咗個SP 堂 , 對佢地嚟講都唔錯架 !

3. 家熹瞓教時間好少會過10點 , 但有陣時都會例外 , 哈 ~ 小朋友最好就係可以有8-10個鐘頭瞓教 , 咁第2日就唔驚佢會"合"眼瞓啦 !

4. 平時家熹補完習返到屋企大約8點至8點半倒 , 佢會喺補習社食埋飯先返 , 返到嚟我唔會再同佢對功課架喇 ! 有2間佢就會練15-30 mins 琴 , 沖埋涼比佢玩一陣 , 睇吓圖書就瞓 , 都唔算好趕架 !

Chaney媽咪

原文章由 家熹媽咪 於 07-11-6 19:02 硐表


Chahey 媽 :

適應期係比新學期學生 , 都算好平等 , 哈哈 ~ 好似話開學頭果半個月 , 佢地係返半日 , 跟住正常咁 , 新小一生會喺呢半個月學習規矩 , 老師們會帶佢地認識晒份校既每個角度 , 老師等 ... 另外佢地頭3- ...

家熹媽咪:

真係好詳盡呀! 除左講聲多謝"頌"有ge就係感激 !

家熹媽咪

原文章由 goodbaby 於 07-11-6 11:40 硐表
係囉... 如果可以o係上堂時做o的功課, 就唔洗返到屋企先做.. 我都要成8點先返到屋企.. 佢到時都唔知仲有冇心機聽我教佢... 又要做功課, 又要溫書... 都唔知夠唔夠時間... ...

GOODBABY :

其實就算唔係讀李宗德 , 而係讀第2間學校都好 , 在職媽媽平時既工作量已經好大 , 真係唔好比咁大壓力自己呀 ! 如果平時放工返到屋企 , 佢既功課做得晒 , 而又唔係話寫得肉酸 , 或者冇做等 ... 我地都可以試試放手 , 講到底 , 大人又好 , 小朋友又好 , 都係喺錯誤中長大 , 小小既錯誤 , 可以另小朋友知道 , 可以即時"斗"正 , 每日放工放 , 理應同小朋友建立返個親子關係 , 好似關心吓佢學習問題 , 了解吓佢既適應 , 多加了解佢既心理 , 呢3點都好重要 , 由幼稚園到小學 , 佢地真係要花上唔少時間去適應 , 如果你放工返到屋企 , 重要針著佢功課上既錯 , 可能佢會好大理力架 !

以我為例 , 我冇返工 , 但因為阿仔對住我 , 做親功課都花上4/5個鐘頭時間 , 明明可以用4/5個字 , 點解會咁 , 就係因為有D小朋友對住阿媽既時間 , 就會有自然對抗力 , 所以我先迫住比佢咁早去補習 , 一來佢去到補習社做功課真係快幾倍 , 我估係羊群心理啦 ! 2來佢真係比外人教係好過自己教 , 3來我地既關係真係大大提升 , 佢而家放學返到屋企成8點幾9點 , 沖得涼嚟都夠鐘瞓喇 ! 如果我重走去鬧佢做咩寫字咁肉酸 , 做咩咁簡單既問題都唔識答 ... 咁佢2係幾慘 , 我就哽加唔駛講啦 ! 哈哈 ~

輕鬆D去同佢準備 , 到時上到小學就唔會咁辛苦架喇 !

家熹媽咪

原文章由 Chaney媽咪 於 07-11-6 22:23 硐表


家熹媽咪:

真係好詳盡呀! 除左講聲多謝"頌"有ge就係感激 !

Chaney 媽 :

感激要以身相許架喎 ! 哈哈 ~~

shymummy

家熹媽媽，
以身相許就遇埋我啦！連我都吾知講乜多謝說話好！我諗我地以後仲有排煩你。你知我哋個個都係緊張媽媽啦！謝謝又再謝謝先！

goodbaby

家熹媽媽，

我都係咁話.. 我地個個都問你野, 你就有問必答... 真係好到不得了... 希望我第時唔會日日煩住你啦.. 哈哈....

moondream3003

你0吾夠我緊張, 我囝囝現在讀N1都已經時時麻煩到家熹媽媽.  

家熹媽媽, 我以身相許你要0吾要呀

另外, Samuel做功課我開始閃開, 由佢自己發揮, 等佢慢慢習慣自己做功課, 然後比媽媽睇同贊叻叻.   

原文章由 shymummy 於 07-11-7 12:26 硐表
家熹媽媽，
以身相許就遇埋我啦！連我都吾知講乜多謝說話好！我諗我地以後仲有排煩你。你知我哋個個都係緊張媽媽啦！謝謝又再謝謝先！

[ 本文章最後由 moondream3003 於 07-11-7 16:00 編輯 ]

家熹媽咪

原文章由 shymummy 於 07-11-7 12:26 硐表
家熹媽媽，
以身相許就遇埋我啦！連我都吾知講乜多謝說話好！我諗我地以後仲有排煩你。你知我哋個個都係緊張媽媽啦！謝謝又再謝謝先！

shymummy :

哈哈 ~~ 如果我係男人 , 人地睇完唔知重以為我係姑爺仔添呀 ! 哈哈 ~  煩 , 唔緊要 , 唔好當指教 , 就當大家傾吓揍仔經啦 !

家熹媽咪

原文章由 goodbaby 於 07-11-7 12:40 硐表
家熹媽媽，

我都係咁話.. 我地個個都問你野, 你就有問必答... 真係好到不得了... 希望我第時唔會日日煩住你啦.. 哈哈....

goodbaby :

唔好咁講啦 ! 第時新入學既小一媽咪 , 就夠你地架喇 ! 到時我就功成身退 hehe ~~~ 都係果句 , 大家交流 , 如果啱聽既 , 就當係分享 , 唔啱聽既 , 希望大家唔好上心 , 呢d 都係觀點與角度 !

家熹媽咪

原文章由 moondream3003 於 07-11-7 15:58 硐表
你0吾夠我緊張, 我囝囝現在讀N1都已經時時麻煩到家熹媽媽.  

家熹媽媽, 我以身相許你要0吾要呀

另外, Samuel做功課我開始閃開, 由佢自己發揮, 等佢慢慢習慣自己做功課, 然後比媽媽睇同贊叻叻.:mrgreen ...

要 ~~ 咩唔要呀 ! 哈哈 ! 最好係每日每個星期都請我飲茶 , 咁我年終慳慳埋埋幾多茶錢呀 ! 哈哈 ~ 講笑咋 !

記得第日如果有新生媽咪要幫手時 , 大家都可以抽空幫吓佢地就得字喇 !

Chaney媽咪

原文章由 家熹媽咪 於 07-11-6 22:51 硐表


Chaney 媽 :

感激要以身相許架喎 ! 哈哈 ~~

你笑死我啦
上小一後我諗"頌"有大打嘢煩你呢! 不過我知你實唔介意, 你咁鬼好人!

家熹媽咪

原文章由 Chaney媽咪 於 07-11-7 19:07 硐表


你笑死我啦
上小一後我諗"頌"有大打嘢煩你呢! 不過我知你實唔介意, 你咁鬼好人!

巧在你話禾好人 , 唔係好淫咋 ! 哈哈 ~~ 唔係肯定比家教會踢我走 , 唔比我再睇飯都似 ! 都係果句 , 以身相許啦 ~~ 將你D私己比晒我 , 養埋我 , 哈哈 ~~ 禾遲實係姑爺仔嚟架 ! 屎未 ~

shymummy

家熹媽媽，又想八一八！返家教會會吾會好忙？日日都要返咪好似返工咁！家熹晚晚都咁夜返屋企，你咪好少時間見佢，會吾會好心痛呀！

家熹媽咪

原文章由 shymummy 於 07-11-8 11:15 硐表
家熹媽媽，又想八一八！返家教會會吾會好忙？日日都要返咪好似返工咁！家熹晚晚都咁夜返屋企，你咪好少時間見佢，會吾會好心痛呀！

shymummy :

其實學校唔會要求家長日日返架 ! 只要你有時間既話 , 幾多日都唔係問題 !

另外 , 曾經有個人問過我 , 一星期返咁多日 , 攪到自己重辛苦過返工 , 但問心講句 , 我返學校做義工 , 係因為我鐘意對住班小朋友 , 因為 , 喺學校做義工 , 你會對自己小朋友更了解 , 亦可以多一份話題 ! 就算有陣時自己睇見小朋友們都會唔聽自己話時 , 同時亦會令自己既EQ 大大咁提高 ! 哈 ~~ 你知嘛 , 當你投入去做一件事既時間 , 呢件事唔會係一件苦差 , 相反會轉成樂事 ! 對住跳皮既學生 , 我唔覺得好難頂 , 反而會好開心 ... 返工冇錯會有人工 , 但你唔會搵倒真正既快樂 ! 因為當你面對住一班有數十年經驗既同事同老細 , 佢地唔會比倒最天真無邪果一面你睇 ! 大家都會為錢為權同為利去掙 . 小朋友就唔會 ~ 咁你話 , 點解會似返工 ? 點解會辛苦 ?

初初家熹去補習時 , 我都會覺得好殘忍 , 佢咁細個 , 又咁百厭 , 去到補習社一定比人鬧餐死啦 ! 但諗返轉頭 , 呢個年代既小朋友都太幸福喇 ! 喺學校比老師鬧 , 返到屋企就同阿媽講到要生要死 , 喺校車同同學仔打交 , 又要講到唔關自己事 ... 我想佢都可以從錯誤中去長大 ! 開頭可能會辛苦 , 但我亦有教佢 , "苦盡甘來"呢句說話架 ! 而家倒返轉我叫佢唔好補 , 佢喊住問我點解添呀 ? 哈 ~~ 或者佢覺得 , 都係人地友善 D , 佢阿媽我 , 一埋檯就好似想殺人咁 ! 哈哈哈哈 ~ 佢都幾精架 ! 識得揀 !

我而家同佢既關係真係好咗好多好多 ~ 最起碼佢放學唔會一返到嚟就比我鬧先 ! 大家重傾多咗好多心事呀 !

Chaney媽咪

原文章由 家熹媽咪 於 07-11-8 18:48 硐表

因為當你面對住一班有數十年經驗既同事同老細 , 佢地唔會比倒最天真無邪果一面你睇 ! 大家都會為錢為權同為利去掙 . 小朋友就唔會 ~ 咁你話 , 點解會似返工 ? 點解會辛苦 ?

家熹媽咪:

真係比你講仲晒心底話添!  可借我唔可以好似你咁 ! 羨慕死人啦!
不過我係知足嘅人呢嘅! 上天無安排我發逹, 但送咗個乖巧嘅囡囡比我, (乖巧 - 純粹自己認為,老公好嚴覺得個女唔夠乖).
每日做到死死下,返到屋企對住個女又開心到不得了嗰喎! 現在上小學遇到咁多問題,又有你及其它家長幫忙, 幾好呢!

家熹媽咪

原文章由 Chaney媽咪 於 07-11-9 12:59 硐表


家熹媽咪:

真係比你講仲晒心底話添!  可借我唔可以好似你咁 ! 羨慕死人啦!
不過我係知足嘅人呢嘅! 上天無安排我發逹, 但送咗個乖巧嘅囡囡比我, (乖巧 - 純粹自己認為,老公好嚴覺得個女唔夠乖).
每日做到死死下, ...

哈 ~ 唔羨慕 ! 返工有返工既樂趣 , 做家庭煮婦亦一樣 ! 2 者都各有各精彩 , 雖然返工好多時都要受氣 , 但就可以防止同個社會脫節 , 哈哈 ~~ 所以 , 我就冇時停 , 成日4圍走囉 ! 唔係都好難同新邊既朋友有話題 !