- 在線時間
- 220 小時
- 最後登錄
- 17-5-27
- 國民生產力
- 240
- 附加生產力
- 1220
- 貢獻生產力
- 0
- 註冊時間
- 70-1-1
- 閱讀權限
- 10
- 帖子
- 1693
- 主題
- 58
- 精華
- 2
- 積分
- 3153
- UID
- 36
|
原文章由 jjyeung 於 07-10-27 19:35 硐表
家熹媽媽,
本來我很少發言的,但也看了你很多發言,真很欣賞你的投入。
我女兒現讀K2(英藝), 李宗德也是我選擇之一,現想問一問;
課程是不是真的很深?家長是不是要付出很多時間才能應付?功課是不是自已都能應付?每天要做幾多時 ...
jjyeung :
多謝你既跨獎 ! 其實我真係好鐘意打字 , 哈哈哈 ~ 又咁難得大定都唔介意去睇我一大堆唔知明唔明既字 , 我相信 , 你地比起我更加辛苦 !
我逐一解答你既答題先 , 呢個都係個人觀感 , 內容就要靠你自己去衡量喇 !
1. 李宗德課程對我嚟講真係幾深 , 因為 , 我係個英文極極極之有限公司 ! ops:" /> 佢地係英文小學 , 除咗中文 , PE , 常識等課程係用普通話 , 其他既 , 都係用英文上課 . 就我以我身邊幾個好友既小朋友課本嚟比較 , 佢地英文程度的確係比同區既小學高 , 有機會你可以問你身邊讀緊李宗德既朋友 , 借D課本 , 工作紙睇睇丫 !
2. 當然 , 面對呢間小學 , 家長的確要比多少少心機去荒小朋友 , 同佢地溫吓功課 , 多留意佢地既進度 !
3. 功課方面 , 其實都好睇小朋友 , 或者新小一家長事前既準備 , 坦白講 , 如果小朋友唔係讀開英文幼稚園既話 , 一下子上英文小學 , 如果事前功夫做得唔夠 , 佢地可能會嚇怕咗 ! 不過 ... 放心 , 第一年既新生小一生 , 學校一定會比適應時間 , 時間長短 , 就要視乎果班小朋友既學習能力同適應力既相距喇 ! 我仔仔上年上去 , 初初我都會擔心 , 都有好多問題 , 日子耐咗 , 佢又開始適應 , 我開始可以放手比佢去試 ! 當然 , 某個位時 , 家長一定要出手相助啦 !
4. 每日做功課既時間真係唔多 (如果你小朋友唔係好似我個仔咁 ) , 因為佢地既功課量好少 , 今年重要多咗個SP 堂比小朋友做功課 , 如果佢地肯做既話 , 放學返到屋企就會更加輕鬆喇 !
5. 課外活動佢地星期一至五都有架 ! 如果係課堂時間上既課外活動就免費架 ! 今年新增至60項 , 我睇見都口水流呀 ! 哈 ~ 另外星期一至六課外活動 , 即放學後 , 都有好多揀 , 費用都係幾百蚊up !
6. 升中問題唔係唔擔心 , 而係唔會太擔心 , 喺我角度嚟睇 , 如果佢地安然讀完6年李宗德課程 , 喺入英中時 , 我又唔驚話佢地唔夠資格入讀 , 就算我個仔喺全班最趾既一個 , 某程度上 , 我會諗 , 佢已經浸咗6年英文 , 如果佢真係唔得既 , 佢地跟本就冇可能喺可以完成倒呢6年課程 ! 當然 , 因為佢地係行本地國際化小學 , 所以 , 如果當佢地上返傳統中學 , 就可能會幾辛苦 , 但其實等同 , 我小朋友如果係讀開活動教學既幼稚園 , 當佢地上傳統小學時 , 都一樣會好辛苦 !
7. 怕事同學習係兩回事 , 佢可能係比較怕醜 , 但唔等如佢冇資格讀呢類學校 , 如果你小朋友係內向既話 , 就哽加要比佢返活動式既教學添 , 因為佢地上課唔悶 , 又唔死板 , 同學之間既溝通亦唔會話冇計傾 , 因為李宗德佢地出名在多做小組報告 , 加上佢地既課內活動日日都唔同 , 你小朋友會接觸好多唔同班 , 或者高年班既同學仔 , 某程度上 , 真係對佢社交能力 , 人際關係真係好大既幫助架 !
8. 外間成日執著於李宗德走幾多老師 , 但我真係唔明 , 點解佢地又唔問 , 多咗幾多老師 ? 就以今年嚟講 , 因為多咗成60項課外活動 (MI/多元智能) , 而每一項活動都係由我地學校既老師自己教返 , 其實唔計並他 , 李宗德最少有幾多個老師 , 家長心裡會有數 . 正如其他媽咪話齋 , 老師流失 , 喺某人心目中會覺得 , 呢間學校一定有問題 , 唔係點會留唔住老師 , 當然 , 我唔排除 , 但有冇人會諗 , 呢間學校要求高 , 佢地希望請返嚟既老師係達標 , 達水平既 , 但試過後唔啱 , 咪唔再用落去囉 ! 難道 , 咁又有錯 ? 講真 , 每間學校既內部行政 , 身為家長既我地都唔會知道 , 除非係家教會既執委啦 ! 但又係咪全部都知呢 ? 我唔敢講 , 因為我冇去問 !
9 . 我冇正式計過 , 但我識既真係唔少 , 不過 , 最近呢一兩年 , 屯門/元朗區既小朋友都好多 , 尤其係錦繡花園 , 我都嚇一跳呀 ! 哈 ~
10. 以我所知 , 幾年前會好多 , 近呢一兩年就真係唔知 ? 我冇理由去問佢地 , 你係咪拎緊綜緩呀 ? 哈 ~ 但有樣野我真係好想講 , 我的確好鐘意上屆校長所講既 " 有教無類 " 只要係有心讀書既 , 學校係會為佢地打開門口 ! 家長會諗 , 我比錢出嚟讀書 , 點解果D人可以唔駛錢就有得讀 , 或者用好少錢就有得讀 ? 呢個說法就同我早兩年聽一個家長講 , 點解咁唔公平 ? 公務員只係比幾百蚊就可以入讀 , 我地打工仔要文足學費一樣 ! 難道 , 我地走去鬧個校長 , 叫校長唔準收公務員小朋友 , 同綜綬小朋友 ? 呢個世界就係咁 , 但我深信 , 只要盡咗自己本份 , 第日就會得幾多既本事 ! 其他既事 , 唔好比佢影響自己就得 !
唔好意思 , 又阻你咁多時間 , 聽我既費(肺)話 , 其實無論將來你點揀小學比小朋友都好 , 你都要深信一樣野 , 就係 , 你既出發點都係為小朋友好 , 有冇揀錯 ? 冇人會知 , 就算真係錯 , 我唔覺得有咩咁大不了 , 咪再嚟過囉 , 得失千其唔好睇得咁重 , 咁做人就少一分壓力 , 多一分笑容架喇 !
[ 本文章最後由 家熹媽咪 於 07-10-28 02:39 編輯 ] |
|