06年9月入讀蘇淅幼稚園K1既家長, 入唻交流下啦!

rachelwu

Hi all mom,

Can I know if there any kids that they have both offer from Victoria and KCR, but finally you choose KCR?   And the reason?  Please advise.

Thanks a lots!!!

CanKan 寫道:
SuiB,

冇錯！係清華街。

CANKAN

十月媽咪

HonChing,
CD唔買都得的, 但英文書一定要買, 尤其PHONICS果幾本, 因為係有練習做架! 至於其他書, 我都唔知佢地上堂果陣有冇用過, 但就日日都要帶書返學校的 (教邊本帶邊本), 不過唔知點解, D書又用極都好新淨架喎, 奇怪奇怪! 中文故事書呢, 我果陣都有買, 佢地係過時過節就會派番畀小朋友, 問番阿女果本書講乜呢, 佢基本上係知既, 但又係果句, 究竟本書上堂果陣有冇拎過出唻用呢? 係唔知既!

十月媽咪

rachelwu,
果陣我無幫阿女考維記, 所以比較唔到, 不過我同隻佬係放棄左其餘五間上午班, final選擇蘇幼的! 至於係咩原因呢? 只因蘇幼係全普通話教學!

ypoons

Hi 十月媽咪,

就你觀察, 蘇浙係咪活動教學? 如果小朋友係比較內向, 適唔適合讀蘇浙呢? 因為朋友告訴我呢間學校比較傳統 (但我睇天書話係活動教學), 會唔會令小朋友更加無自信呢? thanks.

十月媽咪

ypoons,
嗯...蘇浙係活動教學定傳統教學呢? 咁要睇下你點樣定義活動教學同傳統教學, 就我唻講, 我會定義佢為傳統教學!

阿女果班既上課情況我睇唔到, 但問番阿女, 除左每日的大小肌肉活動唔係響課室上之外, 其餘時間都係響課室內的!

整個K1學年, 12月聖誕節有聖誕聯歡會表演; 剛剛過去的4月, 有親子體操表演; 2月同6月的生日會, K1小朋友都有得表演, 呢D都係培養小朋友合作精神與及自信心的! 蘇浙有樣好, 就係呢D表演活動都係全班一齊表演的, 而唔係響每班入面揀幾個出唻表演, 總算係公平一點! 無論小朋友幾怕羞, 佢都要響禮堂個台上面表演!

至於點解我會定義佢地為傳統教學呢, 因為佢地好少OUTING活動的, 暫時整個K1學年唻睇, 只有下星期既親子校外學習, 係去動植物公園, 佢地又唔會有好多要學生回家同父母一齊做既活動, 例如我有朋友D仔女要返屋企同媽咪整D小食帶番學校同小朋友分享啦; 有D學校會有玩水節, 要小朋友帶泳衣返學校玩水啦; 有D又會帶小朋友去下太空館呀, 郵局呀, 超級市場等等地方學習啦; 有D又會問家長可唔可以帶小朋友去家訪啦! 如果同呢D學校既活動教學相比, 蘇幼就顯得非常唔活動囉!

但如果你問我, 佢地上堂果陣既情況活唔活動呢? 我又答唔到你呀, 因為我都睇唔到上堂既情況! 所以呢個問題, 要留番畀其他媽咪答喇!

所以如果你只係FOCUS ON上堂時係咪活動教學呢, 咁都可能係既, 但如果你係關心學校多唔多各類型既親子活動OR戶外活動畀小朋友呢, 咁暫時K1唻講, 我就真係唔覺得多囉!

joeytcy

我都認同十月媽所講....我都覺得係傳統個隻...

CanKan

HonChing,

Yes!  I bought all the book on the book list.  Actually you can just go to the book store that they recommend and the book store have packed all those books together already.

Cankan

CanKan

HonChing,

我係屋企係有播隻 cd 俾亞女聽，至於 d 書，係教完先派番屋企既。

cankan

CanKan

十月媽咪：

麥你今日冇跟車咩？

cankan

十月媽咪

CANKAN,
今日無跟車呀, 因為星期日響通利訂左個數碼鋼琴, 今朝送貨 (1030), 所以咪要留守屋企, 無跟到阿女返學囉!

十月媽咪

CANKAN,
今日無跟車呀, 因為星期日響通利訂左個數碼鋼琴, 今朝送貨 (1030), 所以咪要留守屋企, 無跟到阿女返學囉!

CanKan

十月媽咪：

係買定係租?幾多 $$？亞女都話想學琴。

cankan

十月媽咪

CANKAN,
係買架, 通利無琴租架! 6900蚊, YAMAHA數碼鋼琴, 有十二個月免息分期, 月供575蚊! 我地問過老師, 老師話響琴廠租琴, 一個月大約都要三百幾, 咁我地見月供一部新琴, 都只係五百幾, 咁供完又係自己既, 所以索性就買一部放響屋企囉!

ypoons

十月媽咪,

唔該晒你咁詳細既解答! 我最concern既係我既仔好內向&無乜自信心, 如果傳統好嚴o個d, 我驚佢更加唔敢出聲. 但照你講佢地一年都有幾次表演, 仲要係全班參與, 咁就算個小朋友點內向, 都要合作&鼓起勇氣企係台上面表演, 呢點我又覺得幾好bor.

十月媽咪

ypoons,
係呀, 呢樣又確係幾好呀, even你真係怕羞到or驚到喊足咁多分鐘, 但你點都要企響個台上面"表演"到完結為止, 所以其實唔多唔少都訓練到小朋友大膽架!

蘇幼雖然係嚴, 但又未至於嚴到唔畀小朋友出聲, 反而老師會鼓勵佢地多d舉手答問題, 每樣野都畀機會小朋友參與, 所以響呢方面, 算係唔錯架!

ypoons

十月媽咪,

真係好多謝你既資料, 對我好有用, 之前仲15/16, 唔知點好, 好驚選左唔適合既學校俾阿仔. thanks!

HonChing

CanKan,

完全明晒！Thank You, Thankyou so much!!
你們真好人! say thank you again.

Honching

十月媽咪

ypoons,
唔駛客氣, 決定左讀蘇幼之後, 再多d入唻傾偈啦!

JarJarBin

I live in Heng Fa Chuen. For am class, could you pls advise that what time I need to get on private school and big school bus arranged by school in morning at Heng Fa Chuen.  I am thinking about that BB may get up a little bit late in morning if I take him to school by MTR.

Thanks

CanKan

十月媽咪：

$6,900 + 可以分期都 ok 喎！佢個 size 係唔係同傳統鋼琴一樣架，其實傳統鋼琴同數碼鋼琴有咩野唔同？會唔會彈壞手勢？

cankan