聖羅撤小學

甜粟米

Hello bigkinginhk:
好開心有其他媽咪回應,我想問午餐學校如何安排,同埋開學頭一星期上課時間會否有特別安排,唔好意思我太多野問, 謝謝.

Daisy媽咪

甜粟米 寫道:
Hello bigkinginhk:
好開心有其他媽咪回應,我想問午餐學校如何安排,同埋開學頭一星期上課時間會否有特別安排,唔好意思我太多野問, 謝謝.

午餐係同 9to5 訂, 近新日有試食, 應該都幾好味同款色多, 我個女食左2年都冇投訴 !
開學既野我唔記得,不過9月係夏令時間, 所以放1點 !

Daisy媽咪

BBChu 寫道:
Daisy媽咪
請問視學報告係邊度睇到呀?  

我係學校內聯網睇到架 ! 內容唔緊要啦, st.rose 真係間好學校, 雖然成績並非最top, 不過校風一流 !

cameo

daisy媽咪,
hi,好耐無傾嘞,我因為新工人到左,自己大部份時間都見唔到個女,所以溫習交晒俾補習老師嘞,進度都無謂多講嘞,唉~
講開搬校,我識個家長有返學校做義工,佢話明年學校60周年想玩大d,但場地未攪掂,因為如球場那一類就夠大,但唔可以以學校名義去租,用教會名義可能可以,但又教會又未必肯喎,學校想幼稚園,小學及中學一齊校慶!而都因為60周年所以有意遲一年先搬,不過以上都係"收風"返嚟,未可肯定的!對今年新生算係一個好消息,對我地呢一屆就壞消息囉,因為開頭以為今年9月搬,都未必一定讀到新校舍,但再遲d搬,就實讀唔到新校舍啦.....
講開校長,我無睇個視學報告呀,你意思係咪指新校長上場兩年做得好???(因見你打左校車啊,hahah),我都覺得鍾校長敢作敢為,亦有家長義工話喺學校某個位置可以望到校長室,佢每星期最少一日都要返學校幫手,佢話每次經過都見校長係"工作中",鍾校長真係做野,唔係得個"講",值得一讚呢!
校車問題,我唔會對佢地客氣,只可以做到保持一定禮貌,媬姆態度實在令我唔可以啞忍,佢自己早到都可以晨早打電話到我屋企問我"xx究竟今日返唔返學?",我老公帶個女落去上校車,根本無遲到,到放學時我都即時問媬姆(我無鬧佢,但我當時態度絕對好認真!),個媬姆驚到無答我野,全部由司機幫佢"兜"!
所以我都好想來年可以轉埋校車公司添呀,佢地可以形容為學校o既烏點!

Daisy媽咪 寫道:
Cameo.
你好呀, 我都好想知幾時搬新校, 如果下年先搜, 我地可能冇機會用新校舍了.
你有冇睇個視學報告 ? 我粗略睇左, 個評語幾好呀 仲讚校長同副校長, 最後有2點可以改善.我覺得以新校車上場2年時間有咁既成績已經好好啦 !
大家努力溫書啦 !

cameo

hi~
學校無限書包款,學校亦無規定用咩文具,但個人意見亦係當時學校意見,唔好買太靚文具,佢地未可以咁快習慣長時間坐定定上堂,本身要預左佢地心散,若有好玩文具在手,更加散上加散,,,,,ahahaha~
書包我都係買百幾蚊一個o個d Hello Kitty書包,總之預個書包唔好太重(有蹗o個d重好多o架),佢地一年級細粒呀,上落樓梯辛苦,加上假期前後佢地要執"包伏"(d餐具及視藝用品),書包一大個,再加一兩袋,又辛苦,上落樓梯亦危險!
我女而家快升3年級,回想升小一時都同樣好似你地咁緊張,但而家諗起反而覺得好好笑!不過放心啦,.真係學校俾左好多安排小朋友去適應,只係家長擔心,到小朋友開學時,每日問小朋友都係話自己開心地返學o架,hehehe~

BBChu 寫道:
Daisy媽咪 & Cameo
妳地好呀!  其實學校搬吾搬都吾緊要啦!  我選st. rose都吾係睇佢校舍既!

請問買書方面, 係咪經學校間買書公司買, 到時開學就會有晒所有書呢?  另外, 書包款式學校有無限制呢?

BBChu

cameo
Hello! 妳既意見真係好珍貴同實際呀！我原先都係考慮緊買有蹗o個d書包，但經妳一講要上落樓梯，咁可能又吾係最好既選擇！ 我囡真係好細粒ga！其實咁多樣考慮，都係吾想買左之後先發現吾岩，變左浪費。

bigkinginhk

其實經唔經學校間賣書公司買都無問題, d書出版到，在哪裡買都會有，經佢買只是不用自己煩，書會送到學校派

甜粟米

自從有左lee個topic, 我都放心好多, 我一向都好欣賞學校的校風,特別係第一日交表時,感覺好好, 希望我無選錯學校.同時有其他有經驗的媽咪比賽好多意見, 真係多謝你地

BBChu

多謝意見！

bigkinginhk 寫道:
其實經唔經學校間賣書公司買都無問題, d書出版到，在哪裡買都會有，經佢買只是不用自己煩，書會送到學校派

wtmaggie

BBChu 寫道:
6:50 上車
我住美孚, 我係諗住坐小巴/地鐵返學, 係咪7:50am要入到學校呢?

坐地鐵要行很久，坐小巴吧！我住在茘枝角，平日坐觀塘小巴上學，每位七元，界限街油站或燈位前下車，很快便到學校，車程大概十分鐘。(我通常七時二十分落樓，再行去荔枝角道坐車)。我知道住美孚的同學都會坐觀塘小巴上學，妳如有時間可以試一試坐，司機都很友善，不會忘命飛車，反而有時快遲到，就想佢地快D。放學妳也可選擇坐小巴，不過，妳要打電話到觀美線，叫佢地預留座位給妳(妳要在舊新法等車)。不過有時要等，試過等二十分鐘，要睇運氣。所以我依家放學坐校車，上學自己帶。黃大仙小巴也可在界限街落，平D，只需六元，美孚有冇車呢？荔枝角則沒有。如再有問題，可再問我。

wtmaggie

我個女小一時，好似放暑假前已經有書商到學校買書，我忘記是什麼活動，只記得當天要做校服、試食等，但我因為有事沒做校服，沒試食，只是買了書，所以很早已有書。唔知係唔係家長會。我仲記得家長排隊買書，好有秩序。

BBChu

wtmaggie
妳好呀!  咁坐小巴都真係幾方便!  請問回程坐校車時間係點呢?  咩收費呢?  謝謝!

wtmaggie

一年級的班房通常係地下，不用行樓梯，但我都不贊成用有蹗書包，因太重了！盡量買D輕D的書包。

wtmaggie

回程時下車時間是一時四十分左右。車費是四百幾。(因只坐半程，要比三分二車費)。我剛搬屋，轉坐校車只是這個月的事，忘記了實際的車費，抱歉。如果我要坐校車上學，上車時間是早上七時十分。
如上全日課，我估時間應為三時四十分。其實，時間是可以接受的。因為我以前到學校接放學，接到小朋友都要三時十分左右。

BBChu

吾該晒! 時間都ok!  我囡囡坐校車會嘔, 所以如果坐太長時間, 佢吾係幾頂得順!

wtmaggie 寫道:
回程時下車時間是一時四十分左右。車費是四百幾。(因只坐半程，要比三分二車費)。我剛搬屋，轉坐校車只是這個月的事，忘記了實際的車費，抱歉。如果我要坐校車上學，上車時間是早上七時十分。
如上全日課，我估時間應為三時四十分。其實，時間是可以接受的。因為我以前到學校接放學，接到小朋友都要三時十分左右。

BBChu

wtmaggie
妳小朋友幾年班呀  

wtmaggie

BBChu 寫道:
wtmaggie
妳小朋友幾年班呀  

二年級

Daisy媽咪

cameo,
因為我轉左新工, 工作都很忙, 再加上細佬9月要上k1, 所以我剛開始送亞女上補習舍. 暫時佢日日幫我跟左d功課, 都算減左我少少壓力, 至於考試, 有時我都唔知點同佢溫 !

其實我唔介意搬唔搬校, 不過如果唔搬, 就早D講比家長知會好D !

係呀, 我打錯字, 我對教育不認識, 不過以家長立場, 我覺得鍾校長上任兩年, 成績算唔錯, 不過可能老師會辛苦D啦 !

至於校車, 我一早叫你轉啦, 我依家搭保母車, 上車遲左, 落上早左, 上課外活動又可以接埋佢, 唔駛叫工人接, 而且又平左.  我依家返工返太子, 我見D校車, 七點三就到學校啦, 咁早, 比D小朋友訓多幾個字好過啦,   我估佢地趕住接第2間學校D小朋友, 所以要我地D學生咁早上車呀 ! :evil:

BBChu

ShanShan

各位 Hello!

Daisy媽咪, 唔好意思, 想問下你話搭保母車, 係咪以前既校車公司呀?  

嘩!  "七點三就到學校?" 又真係早咗d喎.  我好同意, "比D小朋友訓多幾個字好過啦".  最慘係冬天, 個天都未光就要落樓啦.

所以我都係到諗, 如果真係要啊囡好早上車, 我就會叫 auntie 帶佢返學, 放學至搭校車/保母車返屋企.