番禺會所華仁小學

sweetsweetmom

easiness,

Calling, calling. 今日亞仔功課有Dictation corr sign, 但我找不到他的英默簿, 請問你公子有冇呢?

happy5

ms99 & wlk168win:

真戥令公子可憐!遇到咁樣嘅老師!!如果我係你地都會好頭痛
:cry:

睡公主:

今日阿仔又做漏咗功課啦!皆因佢寫漏咗手冊囉!!其實有時都幾唔抵嫁,並非次次欠交,而是有時把書及功課放埋咗係書包裡面而已.他正一大褿豬一名 ,你阿仔並非特別烏龍,我阿仔都唔弱嫁,哈哈 :

ms99

感覺一樣，絕對同意!

不過，在開學日曾經見過一位老師好似"安室內美惠"的，幾cutie，幾清新的 (萭綠叢中一點紅)，以為佢會教亞仔個班的，Oh! No!

wlk168win 寫道:
老實講, 我見都大部份老師都係亞媽 + 慈禧太后 禁款, 下下一出聲唔係bear住d小朋友, 就係大聲渴 (可能有佢原因掛??!), 都幾厲害, 不過禁, 如果亞仔讀多幾年都無事, 即係話佢地既心臟同血壓都已經通過非常嚴厲既測試, 結果: 正常...  

ms99

wlk168win ：

我都認同仔仔上小學後惡了很多，以前係街有人撞親佢，佢就會扁唒咀走過嚟訴苦，而家就唔同嘞，我親眼見佢鬧番人轉頭，仲曾經試過同個高過佢嘅小朋友嘈起嚟，嚇得我要上前掣止。 之後，仲有啲唔服氣。  佢又唔自量自己生得細粒，打起上嚟好薛底嘛。  

我同老公由今晚開始都唔會專登問佢個倒蛋同學嘅事， 免得佢為咗要匯報俾我哋聽就特別留意，連上堂都分咗心。
你做得好呀! 無必要提起傷心事，由得佢慢慢淡忘啦。大家仲有好多正經事未做架。

ms99

happy5：

通常仔仔寫漏手冊，但又見啲作業喺書包的，我都會叫仔仔做咗先。  有殺錯，無放過嘛。 都work架。

easiness

sweetsweetmom,

同阿仔做完功課, 溫完書, 仲要同佢睇課外書(呢兩個星期, 阿仔係學校借了四本書課外書, 四本講既野都唔同), 所以現在才有時間上來傾O下! 剛剛都有位家長打給我, 同樣都係問呢個問題, 阿仔又係寫左DICT CORR SIGN, 但是係書包裡都無本英文默書簿 , 唯有係家課冊內問MISS HO, 是否派留了英文默書簿? 希望今次佢會覆我啦!

happy5

ms99 寫道:
happy5：

通常仔仔寫漏手冊，但又見啲作業喺書包的，我都會叫仔仔做咗先。  有殺錯，無放過嘛。 都work架。

ms99:

多謝你嘅提醒!正常我都會搵書包有沒有其他家課,但至弊阿仔試過無帶作業,但家課要做作業呀!如果阿仔唔記得寫家課冊 , 又唔記得帶作業 ,咁就我都幫佢唔到啦!!
:cry:

happy5

睡公主:

你知唔知英文課幾時應該帶gp,幾時帶cw呀

睡公主

happy5

我個仔邊會執輸，今日本手冊都有寫佢欠交GP，佢跟本冇寫手冊，想幫都冇得幫。

ms99

你個做法對我哋係唔 work 架，因為佢哋有時唔駛帶晒啲作業返學校。

happy5

睡公主:

咁你知唔知英文課幾時應該帶gp,幾時帶cw呀

睡公主

happy5

cw 應該跟 creative writing，我反而唔知 gp 同 ew 幾時帶。唯有信阿仔講囉，但間唔中都出事。真係好懷念以前上網的日子，起碼唔駛好似而家咁 - 無從入手。

ms99

睡公主、happy5：

手冊時間表有寫有一堂係CW的，但通常凡係有關英文的作業我都帶哂番去，都唔多得嗰兩本啦。另方面都因為仔仔放學唔係返屋企，所以嘜都要帶。

睡公主

ms99

我阿仔好有 "主見" 架，佢話唔駛帶唔肯帶，所以咪衺咗幾次囉，但最弊係佢唔會經一事長一智，繼續佢既所謂原則，同埋我開始發覺佢都好依賴，因為佢知我哋會幫佢執手尾，所以好闊佬懶理。同埋我都問過大少，佢成日咁甩漏，Miss Lee 有冇話佢或者係罰佢架，佢話梗係冇啦，我都同 Miss Lee 傾過，佢話會留意吓阿仔或者會同佢傾吓，不過 Miss Lee 的忍耐力好犀利，佢仲安慰我話阿仔好乖（佢喺學校係從未發過脾氣），暫時係得呢個問題，不妨俾啲時間阿仔慢慢適應。

sweetsweetmom

easiness,
Thank you very much. I can have a nice sleep now.

ms99

早晨各位!!

今朝本來好想再番瞓，點知而家醒哂。

咪又係少爺啲好野囉。  今朝已經好忙，要飲完杯奶奶，入厠所辦事後，做每日一篇，再默一次中文先放佢走，點知喺食物袋內發現張無厘頭紙仔，少爺竟然話今日要做好帶番學，唔係嘛!     

係一張 Halloween填字遊戲 ??  啲字我識....兩個囉，點呀??   仔仔即刻皺起眉頭，重覆又重覆話要交，大佬呀!! 尋日又唔講，你估玩尋寶遊戲咩，邊個摷到張紙就要....

哎! 又俾咗個錯覺佢以為媽媽係萬能嘅。  因為時間實在有限，只有將默書時間交俾爸爸，我就即刻上網摷，好彩都攪掂，個仔梗笑哂啦。仲話番學有糖食，似乎粒糖係屬於我噃，right?  

點呀?  我咪又衰好心做壞事呢?  仔仔以後更加以為自己嘜都唔駛理，萬大事有亞媽出頭呢?   

wlk168win

ms99:
可以完全感受到你地今朝既情況...
都好, 最後都趕得切.

麟媽媽

琴日係度諗常識時事題….
諗到頭都大埋！
我諗左一D吖，
同你地分享吓，問吓小朋友知唔知喇。
好在亞仔大多都識啫…但全運會佢唔曉吖！
你地諗唔諗到多D吖？


常識題︰

1. ( 楊利偉 /  聶海勝 / 費俊龍 ) 是中國第一個太空人。

2. 神舟 ( 4號 / 5號 / 6號 ) 在2005年10月升空。

3. ( 南亞 / 日本 / 美國 ) 在2005年9月發生大地震。

4. 今年是第 ( 8 / 10 / 12 ) 屆中國全運會。

5. 今年中國全運會是在 ( 北京 / 南京 / 上海 ) 舉行。

6. 2008年奧林匹克運動會在 ( 東京 / 多倫多 / 北京 ) 舉行。

7. 香港最後的港督是 ( 彭定康 / 尤德 / 麥當奴 )。

8. 香港現任的行政長官是 ( 董建華 / 曾蔭權 / 司徒華)。

9. 中國著名作家 ( 巴金 / 李白 / 金庸 ) 在2005年10月逝世。

10. 世界貿易會議將會在 (10 / 11 / 12 ) 月在香港舉行。

11. ( 護苗 / 護幼 / 護愛 ) 基金是幫助受到侵犯的孩子的機構。

12. 回歸後，錢幣上都換上了 ( 區旗 / 區花 / 皇冠 )。

ms99

Hello! wlk168win，

多謝你明白，但都係徒勞無功呢!

正話問仔仔有無交紙仔，佢竟然問我點解唔俾佢?    喂! 大少，我係你個食物袋搵到張紙，當然放番原位啦。我一定有講俾佢知，係佢自己選擇性地聽的，我都無辦法。 話佢一輪後，又死哂話聽日交喎。真係火都嚟埋，好人難做。
:tongue:

ms99

麟媽媽 ：

你啲時事問題都幾時事，但老師應該至少係上星期準備好，再交校長或行政組批卷，再交書記印刷等一大輪功夫。咁我估唔會現在式得咁緊要啩。 我估咋。  因為我知有啲學校竟然在下學期的常識卷出題，有關上學期戶外活動時所見事物的名稱，要小朋友記番起再寫出嚟，啲字大人都未必識寫，嚇死人。

麟媽媽

我仔今次常識範圍是︰
個人衛生、保護自己、回歸祖國同我的國家，
所以我咪搵番D relevant topics囉。
佢本常識工作紙真係考起我！
問佢藉貫同家鄉名菜及整法喎！
我上網搵---->台山名菜
死囉！全都是狗肉菜式！！
點樣寫吖….玩C人….
最後搵到「梅菜炒豬舌」但我唔知點整囉。
如果係上海人幾好呢，大把野寫。