培正媽咪~~~~入嚟繼續傾吓啦~~~~

Candice1128

Lulu0820,

我都祝你早D中六合彩，可以唔洗做！得閒上下course! 稱心寫意。

qk,

祝你間富貴屋早D入伙，等我可以分享一下你的富貴逼人來！

*mandy

早晨，大年初一啦！
[size=large]恭喜發財！新年快樂！

祝各位媽咪青春美麗、心想事成...
爹地工作順利、升職加薪...
小朋友身体健康、學業進步...
:  :   

*mandy

qk:

咁我個仔同你個女是否天生一對呢 ？ : 如果你個女開生日會，記得請我呀！

Mandy,

我都知你係愷祐媽媽, 是關愷祐同靖喬同日生日, 巧合嗎?

Candice1128

Mandy,

我都祝你大年初一新春大吉，兩個仔仔快高長大！

SUSANNA

祝大家身體健康, 小朋友快高長,大學業進步.

Lulu0820

各位媽咪,

新春大吉!開工既媽咪事事順利,唔洗開工既都一樣咁順利!

新年梗係要分享d開心嘢!卓妍由細到大有個習慣,就係要用毛巾仔遮住對眼先訓得著,昨日下午我覺得好累,就入房訓左一陣,起身個陣發現有條毛巾仔係我對眼度,問番老公佢話係我訓覺個陣,卓妍走入自己房,係自己個櫃筒度攞條毛巾仔出黎,再入我房幫我遮眼仔,之後仲走去同爸爸講:"我幫媽咪遮左眼仔,咁就唔驚光得掣訓唔到啦!"    我好開心呀!佢真係好踢佢媽咪我嫁!

有陣時我覺得做媽咪真係好傻,只係依d小事已經令我好開心,anyway,仲之做人開心就得啦!

有無睇煙花呀?今年我帶左卓妍去睇,佢卒之無喊喇!可以睇晒全部!往年一聽度"嘭嘭"聲就喊要走,今年好有進步!

Lulu0820

w27

各位媽咪:

好耐無見，祝大家:

一帆風順、二龍騰飛、三羊啟泰、四季平安、五褔臨門、六六無窮、七星拱照、八面玲瓏、九運亨通、十全十美。各位小朋友身體健康，讀書聰明。

係學校旅行可以同大家見面la。

w27

小蕎媽媽

w27

真係好耐無見，我都祝你同囝囝身體健康、心想事成。

希望親子旅行可以見下面傾下計。

lulu0820

我年初二都有同喬喬去人地家看煙花，佢好開心，一路睇一路嘩。

做人媽咪，就是咁少野都會開心一餐，我只要囡囡唔好成日唔聽話就好la。

Candice1128

lulu0820, 小蕎媽媽 ：

很開心看到你們的女兒都有進步，希望新的一年個個小朋友都聰明伶俐，常常都有D令我地開心一餐的驚喜啦！ 做媽咪特別之處--- 就是會為這小傢伙所作的每樣小事，都樂上半天的！ 不為什麼，只因他/她是自己的孩子！

brianchungma

Alexismama & Heilai
Please check your e-mail account
Thanks
Brianma

Lulu0820

w27,

真係好耐無見!祝你仔仔身體健康,你就事事如意!親子旅行見!

小蕎媽媽,

我都話佢地好貪靚嫁啦!女仔天生貪靚,無人教佢地都識,卓妍近排唔再話油指甲,而係將所有首飾帶晒上身!      比佢激死! :evil:

Lulu0820

小蕎媽媽

lulu0820

今日小喬上完堂成日問我卓妍呢樣、卓妍果樣，又問佢住邊座、又問佢下星期會唔會來。

今日我都有溜冰，但好耐冇玩好驚，我好似完全唔識咁。我都好驚會跌倒，扶住周圍，同凱喬玩左一陣，佢叫我扶住佢個架，又叫我跟住佢咁做就得架，自己係到扮亞sir，都唔知幾好笑，成日叫我拖住佢就唔駛驚，佢又唔知自己都只是拿住個架，個架又細。

我呢頭話佢冇咬手指，佢搭車返出來的時候又咬過，話佢佢又話冇咬，真是比佢激死。

彥彥媽咪

各位:

我返嚟喇....       

日本真係好好玩~~對我兩個仔嚟講丫嘛~~~ 因為我同我老公全程做阿四陪伴兩位小王子四圍走...(依家先真正體會到男仔嘅威力..真係冇時停, 只係訓著個陣唔郁 only)..我地追到有氣冇定抖....都係囡囡正d咯~~邊位唔該有心就送個大聲公過我喇...我喝都喝都啞咁滯~~~ :evil:  :evil:  :cry:

仲有, 佢地就好玩..我就中招, 得個4 度唔夠, 記得幫佢地著衫就唔記得咗自己....依家又傷風又咳, 十足梁山伯咁....咳死我.....聽日仲要教書添架...真陰公...嗚嗚....

不過...見到對仔咁 happy, 尤其係佢地響滑雪場係咁玩, 用雪兜由山到 "sir" 落嚟, 連個細嘅都唔驚真係勁....仲死命話要再玩呀....同 Micky, Minnie, Pooh 佢地影相就超興奮....哈哈...咁我咳都抵嘅~~~     

依家岩岩先有時間去 see doctor (禽日成 12:00 midnight 先 arrive HK ma...) 食咗藥...等我訓訓 rest rest 先....遲d upload d 相過大家睇睇~~   

Goodnite...   

Candice1128

小蕎媽媽 ,

凱喬已經學溜冰了嗎？看來她都很大膽喎！仲好似老師教學生般教媽咪喎。她學了多久呀？

彥彥媽咪,

日本一定是個令小朋友好興奮的地方，24孝媽咪見仔仔玩得開心而自己忘了著夠衫？！ 保重阿！

小蕎媽媽

Candice

是呀!凱喬學緊了，上2個星期左右教練打電話比我話有小朋友夾到開班，於是拿拿臨confirm佢。今日第三堂，佢好大膽，第一堂佢跌到面色都變埋佢都要繼續玩。今日跌得少左，好似跌左2次，佢都好快就起翻身。佢地咁細個唔怕跌會好快學到，重好得意。不如你快d叫旼希學，唔好淨係睇，重可以同靖喬夾下一齊學ar(唔好意思我自作主張)，佢地d小朋友一定會好開心。

凱喬而家是1對2，而另一個小朋友都是差不多大。佢本身有玩過不過冇學過，佢就好快學識，而喬喬就慢d。今日同佢媽咪傾開計，佢話佢覺得海濱冇咁多人，適合學溜冰，又一城佢去過話好多人滿

Candice1128

小蕎媽媽 ,

我都好想旼希可以學下溜冰，我發覺佢都仲好嗲我地，問佢學唔學就一定話唔學！之不過若果冇媽咪陪，佢又好快join到的。仲之有父母係到，佢會唔制，激死我！

好似而家去英文班，佢首兩/三堂會哭的，但數分鐘又無事，仲會好參與當中的活動的！佢又好似好清楚自己會有少少哭，佢仲預告我如果見佢哭可以不理他，叫我走先就得勒！吹脹！ :evil: 我見他的讀音很清楚正確，明白老師的英語會話，我知他有聽書！

所以上次你話學溜冰，我諗有熟人一齊，佢會好D！但凱喬唔怕趺，比佢勇喎！ 其實我都想比佢試下，佢平日咁鬼牙擦，同D同學大部份都好friend，希望佢膽都可以大D啦！ :

晚間孩子睡了，是做功課良機，比心機呀！ 我需現不需做功課，但工餘時間有參加心理輔導的專業督導小組，跟導師多討論個案，增加處理的知識和技巧，也很忙碌呢！

w27

小蕎媽媽 ,lulu820

大家咁話la.所有媽咪都青春常註。

凱喬學緊溜冰，有沒有買pet pet褲比佢著，因為奕朗已前都有學，同佢一齊學個個女朋友仔因跌落地整到個pet pet瘀晒，你知啦mami見到一定心病，所以比佢蓍番條pet pet褲保護住會好d。奕朗就沒有pet pet出事,出事係隻腳，次次去完佢都話隻腳好痛，可能佢每次都好緊張好用力所以隻腳痛，所以學左半年已無學，遲d等或者有機會再學，因為其實d種運動我覺得都唔錯 。

彥彥媽媽你要保重身體，祝早日康復。

還有我想問問你們秋海棠怎樣?因我見家長個日見到馬啟和同秋海棠幅相係出面貼左出o黎，佢盆花開得好靚。

w27

:

Candice1128

w27,

奕朗以前在那裡學呀，點解冇見你咁耐呀？

我的秋海棠都開得好靚呀•而家換左較大花盆，仲有好靚的紅花仔！

w27

Candice1128,

年尾鬼咁多野做，到新年前先至好d，所以好耐無見大家。奕朗係太古城學，我覺得個到學完可以同佢去其他地方行下。嘩!你盆秋海棠已經咁大，旼希未好開心囉 !未可以放出o黎做年花囉。你地就好啦，始於我都好遺憾無比奕朗睇下秋海棠生長情形。

D排你地有無Function呀?因我無跟進好耐，有沒有我miss o左o架?

w27

Candice1128

w27,

我與這裡部份家長在家長日都約了一起飲茶，傾下計！跟著在同學仔的生日會，跟小部份家長見過面！下次去親子旅行可以傾餐飽了！