旺角基督教服務處雋匯幼兒學校

evawinhk

做義工家長, 係見唔到你d仔女嫁. 不過就幫到學校手, 我老婆都有做.

waiwaichu2003 寫道:
lioxi,

話時話,你同阿fion有冇諗過係學校做義工呀,因我見最近張訂文具notice,有提及d義工家長幫手,嘩!如果係你地咪可以日日係學校陪住囝囝囡囡law!

Twins

大家早晨呀~

fionkwok,
我都好想好似waiwaichu2003咁樣湊到自己
小朋友, 真係唔知會幾時有哩個機會.
你奶奶可能驚你唔做野要老公一個撐住頭家,
所以咁緊張試探下, 唔好喊呀. 咁你老公點
答返奶奶呀?

我friend個囝係今年畢業生, 在大坑東讀.
佢當年都有比囝囝係出面讀英文course.
現時我都好鍾意囡囡讀哩間幼兒園, D老師
主任真係好有愛心同細心, 真係好放心比亞
囡係樹讀. 但今年我會比機會囡囡考下其他
K1學校, 如考到心儀學校就唔會再係哩樹
讀啦. 考唔到就會搵D course比囡囡讀下law.
咁你又點睇呢?

Lioxi,
冇錯呀, 老師都係報告返囡囡哩個星期係學校
既生活係點, 學左D咩, 同埋又問下囡囡平時
跟邊個人, 所以老師都係想大家互相了解law.

講到派位小學真係好靠運氣架. 所以派位前我
都會幫囡囡考下私小既.

fionkwok

morning 呀各位!!

lioxi,
點呀? 仔仔今日好d未呀? 仲有冇燒?

10396,
我尋日放學終於見到你女啦! 佢好乖呀! 冇喊呀! 可能同佢返咗一段時間暫托有關啦! 平時係咪都係你奶奶揍佢架?
係呢! 你係咪都諗住俾囡囡係度讀到畢業架? 因為你同我既諗法都好相似, 都係希望佢可以開心過佢既幼稚園生活, 唔想佢太辛苦, 最多俾佢參加其他課外活動囖!

fionkwok

Twins,

你朋友俾佢仔仔係出面讀d咩course呀? 可以幫我打聽吓嗎? 我而家只係知道有劍橋英語同一d既phonics課程, 邊樣好d呢? 劍橋英語要4歲先可以學, 而phonics就3 歲就學得啦! 麻煩曬你先!   

你諗住考d咩心儀既幼稚園呀? 可以係度分享吓嗎? 好似好多幼稚園都就快要報名喎! 點解你會揀呢d學校呢?

我知道有d私小, 如果取錄咗就唔可參加派位, 有d就可以, 知唔知邊d 私小係取錄之後仍然可以參加統一派位呢? 我知道民生同培正都講明唔可以架啦! 嘻嘻! 我係咪心急咗d, 咁快講到小學派位呢? 但我就覺得係時候打算吓啦!

fionkwok

waiwaichu2003,

點解今日咁晏都未見你既? 去咗邊呀?

lioxi

午安呀!!

fionkwok:

其實囝囝只係星期三晚小小燒,好快退左,但星期四有Ｄ咳,今日好好多,雖然仲有Ｄ咳,但就冇沙聲。星期一應該可以返學啦!!到時又可以一齊食早餐lu

lioxi

waiwaichu2003,

收到啦!唔該晒你!
今曰你囝囝點呀？乖唔乖呢?老師有冇打電話同你傾下佢係學校Ｄ野呀?

fionkwok

lioxi,

係呀! 冇得一齊食早餐, 買完餸一早就返屋企, 都好悶架! 覺得時間多咗好多咁! 星期一如果邊個早, 返完仔女返學後等埋一齊去食早餐啦!

今日阿女唔知痴咗邊條線, 入學校未放手就已經喊啦! 要寶儀老師抱佢入去, 換完對鞋入課室都見佢仲喊緊, 唔知佢係咪傻咗呢? 而家至來喊?

lioxi

fionkwok:

唔係嗎？我有冇睇錯呀？你囡囡會cry?真係估佢唔到喎!!
我覺得你個女係掂既喎,所以從來都冇問過你女女返學返成點,而家竟然喊?
咁你點呀?有冇唔捨得呢??

fionkwok

lioxi,

係呀! 佢係屋企已經成日問我去邊, 我話返學囖, 佢就話"唔返學"啦! 我問佢點解, 佢又答唔到我! 又係度喊! 仲要我抱佢出門口呀! 最衰今朝鄧主任又唔係門口, 係羅老師呀, 可能同佢唔熟啦! 仲唔肯俾佢抱, 要等寶儀老師出來抱佢,  如果佢係門口可能會好d呱 !!! 唉! 阿女唔好似佢表姐, 而家至來喊成個月就得啦!

lioxi

我今朝打電話去請假時,揾鄧主任,佢地話鄧去開会喎!!
其實請假要揾邊個架?
上次有個Ｃ班媽咪同我講,佢話有小朋友開頭唔喊,係因為Ｄ玩具吸引同貪新鮮,而家返左咁耐,玩厭la,咪掛住你囉!!我諗佢吾会喊咁耐!!我成日同仔仔講,叫佢學下你個女架!!

fionkwok

lioxi,

係呀! 我多數都係搵鄧主任或陳副主任架! 一陣放學如果見到主任我都會問吓佢點解會咁? 定係係學校發生咗d咩事?

係呢! 今日呢度咁靜既? 得我地兩個咋? 仔仔係咪訓咗啦?

lioxi

fionkwok:

尋日放學佢有冇同你講Ｄ咩呀？會唔會因為見唔到我仔仔,所以扭計呢? (講下笑咋)     
可能佢地好忙呢!係我地先咁無聊咋!我覺得我好似冇セ目標,唔知起身做Ｄ咩好.....呢兩日又唔駛送仔返學,又唔駛買菜煮飯(佢病特別痴身,所以煮唔到)

fionkwok

lioxi,

咁又係! 好在一陣我又要出去揍阿女放學啫!
呀! 你講開又係喎! 我女係呢兩日至喊喎! 唔通真係因為見唔到你個仔? 咁你星期一, 一定要俾仔仔返學啦! 唔好攪到我女喊至得架!     

Twins

Fionkwok,
我之前問過佢亞囝係YMCA讀過架,
唔知近唔近你屋企呢?
咁你又有冇諗住幫囡囡試下考K1呢?
民生,培正同ST Cat我都會報, 有冇興趣
一齊呀? 開心D ma~
至於你問我私小既問題, 我現時得閒都會
問下我哩個friend應該條路係點行法,
我了解完再話過你知啦, 好冇!

你囡囡做mud事喊呀? 佢唔似會係咁估喎,
會唔會係我囡擒日又唔采佢呢
你今晚同佢傾下心事啦.


Lioxi,
你囝囝好返就好啦, 可以返學一齊玩lu~
上次我囡囡請假係搵Miss Lee.

fionkwok

TWINS,

好囖! 見到你啦! 好鬼悶呀!
係咪tst個間ymca呀? 近喎! 幾多歲可以讀架? 麻煩你問吓!
我都有諗住報其他k1既, 俾佢見試吓囖! 培正, 民生都會報, 但st. cat就唔會啦! 我成日覺得九龍塘d幼稚園唔係我呢個階層既人讀既! 就算讀咗, 佢地又冇小學, 咪又要參加派位, 對我來講, 冇mud用, 又有d自悲啦 , 我冇咁多錢俾阿女讀d咁高貴既學校囖! 希望你唔好怪我咁直接啦!    
而培正&民生我諗都係報吓咋! 就算收咗都未必會俾阿女讀, 因為讀得佢地既幼稚園, 多數都會讀埋小學, 條數真係好   計架! 有個朋友佢女讀民生, 而家都係$1,xxx學費, 起初我都覺得ok既, 但由今年起轉全日際, 要成 $3,xxx, 咁點攪呀? 仲有課外活動呢? 一個月都成$2,xxx, 兩樣加埋咪成 $6,000, 我真係負擔唔起喎! 我情願將學費用來俾佢參加課外活動好過啦! 培正各方面都ok, 學費都係我所接受既, 唯一就係中文學校啦! 我老公個姪女已經讀到畢業入咗中大, 但係佢d英文真係麻麻啦! 叫佢幫人保習英文, 佢都話唔得, 大學生喎, 都攪唔掂d英文, 點算呀?

你話啦! 我係咪好煩呢?     
咁你朋友個仔仔而家係咪讀私小呀? 學費貴嗎? 好呀! 問完就交流吓啦! thanks!

仲有, 培正10月中開始派申請表, 民生就要成11月, 到時一齊報名呀!

waiwaichu2003

我返回地球la,各位,今日超忙呢!

evawinhk,
原來義工家長唔係係學校幫手做照顧小朋友架咩,你唔講真係唔知喎!咁你太太係咪係雋匯幫手做義工家長呀? 如果係,唔介意既話你可唔可以話比我地知大概做d乜架?

嘩!你地今日個討論話題係咪升小一呀? 咁快就講度lee樣野la!

waiwaichu2003

喂喂喂!
我想問你地呢.....如果小朋友剛開始有打d鼻水咁呢,你地會唔會即刻同佢睇醫生呀?

我囝囝好似又開始發病la,我都唔知同唔同佢睇醫生好,定係等佢真係再嚴重(發燒,咳)d先睇呢?  請比d意見我呀,唔該!

fionkwok

waiwaichu2003,

唔好! 一定要早D同佢睇! 初起即刻睇會好得快D, 拖耐咗佢地又唔會自己好既, 仲可能要病多幾日, 冇謂啦! 好似LIOXI仔仔咁, 一起就即刻去睇, 而家都已經好返啦! 係咪?

zimba

waiwaichu2003,
你囝囝點樣呀? 有冇睇醫生?
如果我囝囝有少少鼻水, 我仲會盡量唔開冷氣, 同埋俾多d含維他命c的食物佢食, 叫佢睡多些. 如果你家沒有收鼻水葯, 就要睇醫生攞定啦.

各位媽咪,

我好開心呀! 因為細囝九月會成為正式學生啦. 下星期就轉去d班.
估唔到真係有人走喎, 不過唔知係邊班?