"啟思"的家長 (any branch) please come in.

foon

ho_fish,
你阿囡都好乖bor...抵讚..   

阿仔同你阿囡一樣, 夜夜唔肯訓, 玩呢樣玩個樣...晚晚攪到成12點咁濟, 我都希望佢返學之後會好d...

你新年去邊度玩呀????

oscarBB

hi foon, ho_fish
你地好嗎?
我幾日前已日日提阿仔星期五要返學la.佢就日日玩倒數.昨晚就同我講聽日要返學tim.

過年要去拜年,我都想去玩呀:cry:

KLLP

I just remind my son last night that he had to resume school.  I also asked him whether he wanted to arrive earlier at the stop than "Shum Shum" of the school bus.  he replied yes and went to sleep at 9.30 .

During the holidays, he always told me that he missed his school mates (on the school bus) ( why not the school mates of the same class )

TSZCHINGMA

DEAR 啟思"的家長,

有無人會參加學校派"學齡前保健"$400一年....

niklaus903

各位屯門區媽媽,

唔好意思想請教....
1. 需唔需要讀幼兒園呢? 讀左nursary會唔會易入kinder?
2. 屯門啟思可以上邊間小學then中學呢?

KLLP

TSZCHINGMA,

我冇收到呢方面的INFORMATION WOR  

TSZCHINGMA

DEAR KLLP,

我係過年前收到, 係一張FORM, 你們會唔會遲D才派, 因為之前係呢個TOPIC講資料, 佢地講完.之後我.間分校才派通告...你可以問下老師....

ho_fish

今日學校開運動會, 可能我囡囡太期待, 太興奮勒, 尋晚竟然失眠, 半個鐘起一次身, 婆婆話無諗到咁細既小朋友都會失眠

1314

好耐無入嚟啦，仲記得我嗎？

上星期六家教會去西貢獅子會自然教育中心參觀，我個囡一落車見到個同班同學就痴到佢實一實，去到邊就跟到邊，老師每人派一份資料俾佢地，要佢地見到咩就加個剔號。個囡係咁痴住人地媽咪要人幫佢剔，人地一家四口去，我個囡就痴到實，我都覺得唔好意思，點知我個囡就fing開我追住人地阿媽，我嬲起上嚟，抱起佢走出外面，佢就擘大喉嚨坐喺地度喊，我阿媽當時都有佢，佢話我同個囡好失禮。我事後諗番起都覺得衝動左啲，但係當時真係好嬲，因為試過有一次喺人地屋苑既club house兒童遊戲室玩，我個囡又係跟住一個細路同佢媽咪玩，我就坐埋左一邊，可能人地都嫌佢煩，帶點不耐煩既語氣同我個囡話”姨姨唔得閒啦，你行開啲啦”。我當時即刻走過去捉個囡走，佢又係大喊，我就一邊同佢著鞋一邊鬧佢話”人地都唔同你玩你痴住人做咩”。我都係唔想再瘀多次俾人話先捉佢走啫。

我都知個囡受軟唔受硬，叫佢唔好做就偏去做，事後同佢講咩佢都話知，俾佢吹脹。我阿媽話我臭脾氣喎。我同個囡講再係咁以後都唔再參加呢啲活動啦。唉，如果要我做全職媽媽真係人都顛。

ho_fish

1314, 你唔好咁話你個囡啦, 我唔覺得你個囡有問題播, 佢比較主動o者, 係好事黎架, 唔通你想佢一舊木咁好咩。我個囡同你個囡都一樣, 的確有時候會遭人白眼, 不過我會唔出聲, 由佢自己去解決, 比佢知道每個人有唔同性格, 唔係個個人都好似佢咁。你就咁拉開佢, 佢會以為自己做錯野架, 講真佢又無做錯, 係咪?

1314

我都覺得個囡衰在太主動又太好動，佢個陣真係喊到扯晒蝦咁，我都檢討過自己既做法唔啱（講真都幾丟假），講出嚟當係負面教材囉。仲有呀，我拉左個囡出去一個涼亭，嗰度有其餘兩個啓思既小朋友，佢地主動走埋嚟俾張紙巾我個囡，又叫佢唔好喊，好乖呀。

ho_fish

1314, 你囡囡邊處衰o者, 我寧願小朋友好似你囡囡咁主動同好動勒。你個case唔係負面教材, 其實好多小朋友都係咁架, 無事既

1314

我係話我自己係負面教材，希望大家唔好學我咁衝動咁對個囡。

講番啲開心既野，我個囡三月開始學芭蕾舞，之前睇見啓思網頁介紹上年既課外活動有芭蕾舞學，唔知點解今年無左，於是幫佢報左毛妹芭蕾舞，逢星期六上堂。上兩個禮拜帶佢去買芭蕾舞裙，唔知幾鬼開心，一返屋企就試上身唔捨得除，我話要洗乾淨先著佢至肯換。

仲有我諗住佢升K2時轉讀全日，想佢多啲時間喺學校同生活有規律啲。星期六問學校開唔開得成班（因今年K1只有兩班上午班），佢話實開到，同每班只有十幾個位，叫我想報既話就寫封信留定位先。個秘書小姐仲話全日班學費校董會有津貼，所以全費$4,xxxx其實只要$3,5xx（包$160茶點同 $3xx午飯錢)，不過今年八月新學期津貼多少就未知，總知唔駛俾全費咁貴，咁都慳番筆喎。

ho_fish

各位靚mama, 如果你係我, 你會點揀呀?

我住馬鞍山, 九龍塘啟思已經收左我囡囡, 我亦幫佢o係屯門啟思留左位(因為佢家下讀緊, 同埋之前有考慮過搬番入屯門), 但家下最後決定唔搬, 你話我比個囡讀九龍塘啟思好d, 定幫佢報帝堡城分校方便d呢???  

1314

ho_fish:

我個人覺得既然你兩個選擇同樣係啓思，而唔係兩間唔同既學校（好似啲人成日問Kentville同St Catherine揀邊間），咁就主要係方便個小朋友返學囉。因為間間啓思用既課本都一樣，即係教同樣既野，分別只在於有唔同既教師，我個人經驗就覺得帝堡城啓思啲老師都好好。其實我當初都同你一樣，同時報左九龍塘正校，諗住九龍塘校舍係獨立屋，有個花園仔俾小朋友多啲活動空間，但係去完帝堡城之後，眼見嗰度既環境都好新淨好舒服，於是連九龍塘既interview都唔去（因為正校有成20年，唔知啲設施舊唔舊）。不過之前聽聞過正校快要裝修，學生可能要暫時搬去又一村分校上堂，唔知係唔係。

我住沙田巿中心，囡囡坐校車去帝堡城都要8:30落樓，更何況由馬鞍山去九龍塘，最少點都要45分鐘瓜？好似我個囡咁，逢星期一同星期六都參加課外活動，要自己湊返學放學，呢啲都要諗埋喎。

ho_fish

1314, 我都係想囡囡車程無咁遠, 所以想幫佢報埋帝堡城啟思。

九龍塘律倫街黎緊o個年裝修呀, 要係又一村返學, 其實九龍塘真係唔係好方便我, 之前本來諗住o係九龍塘讀書好似好d, 但係當我決定唔搬屋, 我就覺得近d好, 況且間間啟思都一樣。

等我去問下先, thank u

Voggies

Hi, ho_fish,

我個 case 同你差唔多，家住馬鞍山，而律倫街啟思又收左我個仔讀 k1上午班，本來我都諗住俾佢搭校車返學，不過律倫街正校又話要裝修，今年要先去又一村讀 k1, 待正校裝修完畢又要搬番過去........  而家都唔知俾唔俾佢讀好........

ho_fish

Voggies, 我已經獲帝堡城啟思幫忙, 將o係屯門留位既費用轉過去佢地o個度, 佢地上午班重有位, 你可以去問下。

本來我都諗住比囡囡返律倫街啟思, 學你話齋, 佢地來年又要裝修, 要借用又一村校舍, 到小朋友習慣左又話要搬番去律倫街。況且唔知點解, 雖然都係比佢坐校車, 但係要過條隧道硬係覺得好遠咁。如果自己揸車, 我又唔係好熟路, 重要o係o個頭行成幾個鐘先有得接放學。

KLLP

正校而家有個"親子閱讀圖書獎勵計劃", 每兩個星期會派一本圖書俾小朋友, 然後小朋友要將自己最喜愛人物或東西繪畫出來, 其他分校有冇這個活動呀

1314

KLLP:
係呀，我個囡都派左本故事書呀，我講左故事俾佢聽，不過就未做畫畫嗰部份。

ho_fish:
第日咪會見到你？不過你囡囡今年八月應該讀K1咋喎，K1兩班既班主任伍老師同鄭老師都好nice的。