2007年8月開學宏福幻兒園既媽咪一齊入來傾下

ElainAiolia

pcdogxx,
你終於忙完，可以上o黎睇o下啦喂 。鈞渝就快可以返學，老師今日派o左本兒歌書，可以係屋企唱歌歌喇。其實子聰訓覺都唔使攬公仔，但一定要"min"耳仔 ，仲一定要係我同印印二個o既耳仔，因我o地二個o既耳仔有耳隆，佢會揾手指"o米"入個耳隆度。

天藍,
昊藍仲未敢踩沙，唔使驚，下次子聰哥哥帶佢去玩沙，可能會係上面跑o忝呀 。係呢昊藍果幅畫係邊檔畫o架，我o地一家三口上次係近街中間一檔畫o既，係男人四眼，我o地幅畫都係彩色Q版都幾似o架，幅畫三個人佢收我o地$180-HK。佢仲話細路仔最難畫，因為無乜特徵。黃金海岸商場檔攤好似只開星期日及公衆假期。

祝昊藍快o的戒片成功。

ElainAiolia

626mama,
鈞渝搭飛機時，你可以問o的空姐攞o的玩具比佢玩呀 (記得讚o下o的空姐，佢o地可能手鬆o的，比多少少玩具比鈞渝)，我知通常航空公司會有呢o的贈品比小朋友(邊間就唔知)，但有o的要出聲問佢至比。

架校車咁恐怖，係o米指定得一架 ，我覺得要同學校反映o下，我諗住K1先比子聰搭校車，聽你咁講完，我要考慮o下 ，我見我樓下o的幼稚園小朋友搭校車，o的保母同司机叔叔好nice，而車上面o的小朋友係同一間學校。軒軒喊成咁你o地o米好心酸？ 比我忍唔住都會眼濕濕呵番佢呀。

hongmimi,
子聰訓覺好少用腳踢我，通常係唔覺唔覺咁迫o左我同我老公訓半張床，而佢就獨享半張床 。匡匡居然踢到你個胸瘀o左 ，咁犀利呀，第日佢可以做球星啦。

揀學校我呢排咁忙，都未有時間研究。你就好啦，搞o左咁多 ，連浸信會資料都收到風，好勁呀。祝你成功幫匡匡入到間好學校。

天藍

ElainAiolia,

嘩~~你家姐既經歷好驚險, 如果比我一定會驚到大哭,
不過, 大人小朋友都無事真係好開心, 仲生個咁可愛
既B女, 你家姐真係好叻 , 你家姐既經歷真係可以寫
一本傳記!!!
子聰點解咁快有兒書派, 我仔個都未有既, 只係手冊到
夾張3/9-5/10既學習提示紙, 如果黎兩日都無我要
問下老師先~~
仔仔個張彩色素描都係係黃金海岸中間個檔畫, 但個男
人就無帶眼鏡, 佢自己個人素描咋! 無同我地一齊畫, 因
個日我老公都要返工無一齊去。

626mama,

今日軒軒有無坐校車, 同學校個到點覆你?
今日我有送仔仔入學校, Miss Gloria剛企
係門口我都有問到佢我仔既學習進度, 佢
都有好詳細答到我, 大約佢都話我仔都所
有學習上既野都跟到等等....
最衰我以家先知原來子聰個班已有兒歌書
派, 如果唔係今早問埋老師!
我以家都唔係次次送亞仔返學, 有時只送
亞仔上巴士我就返工, 但今日好想送仔仔
返學, 所以就同佢一齊返學!

原文章由 ElainAiolia 於 07-9-5 01:44 硐表
Dear all mami,

子聰係星期一已睇o左醫生，估計佢可能食o左雞蛋敏感，醫生叫要戒食雞蛋最少半年，睇o下仲會唔會再出"風冷"，若期間再出"風冷"，即唔關雞蛋事，到時再睇o下係對乜o野敏感，但佢食o左藥即刻好番好多 ，"R"都少o ...

hongmimi

天藍，
我唔會報荃浸，只不過咁岩睇到有用既資料update妳地o者!! 係呀! 我都聽人講要報多幾間攞經驗，我諗5間左右啦!

宏福插班係開學一個月前先要交學費(好在!)所以唔會讀lu。

626mama

各位,

宏福MISS昨天復電話比我，校車係會有其他學校學生，抱括小學生，司機叔叔那邊話，D小學生通常過了適應期，就唔洗坐校車，同司機叔叔唔認有其它車牌車接過我地，MISS話下次有其它車牌司機，記得抄底車牌，再話比學校知等佢地跟進。

我估好以返學咁，應該會慢慢適應坐校車，我唔想兩老咁辛苦接送。所以軒軒都係要坐校車，仲係第一個上車。(佢地三個我都咁錫)

今日婆婆話軒軒等車時扁晒咀，眼濕濕係度等車，車到時，好唔開心咁上車。

原來有人幫手，咁就好好多。一個人帶住小朋友都好辛苦。
我上次一個人帶住軒軒去迪迪，食野時找到位，又買唔到野食(冇人睇住個位)，都好煩嫁。

[ 本文章最後由 626mama 於 07-9-5 13:53 編輯 ]

hongmimi

ElainAiolia,
恭喜妳家姐生左個精靈BB女，可以同佢扮靚靚、著裙仔。

妳果然係職業病發作，寫個經歷好似口供咁詳細，每個時間都咁清晰。聽番個過程，真係有驚無險，令起諗起生匡匡時既情況。匡匡果時都係要訓氧氣箱同只可以父母探望。妳家姐好叻，一拆尿喉就落得床去睇BB(幫我贊下佢)，希望BB女同佢一樣咁叻，快d快高長大，食多d奶奶，好快唔洗訓箱仔俾媽咪爹地抱下。記得個時我日日問醫生幾時可以抱下BB，醫生語重心長同我講第日大個抱到妳唔抱(我而家知喇! 醫生!) 妳都要咁樣同妳家姐講。

好記得當時我隔著氧氣箱探匡匡，咁細個就插著喉好心痛，第一次見佢喊又唔可以抱起佢，伸晒對手入去呵呵呵仲喊，緊係d喉插到佢好痛，覺得自己做人阿媽好無用，都唔知可以點，於是自己喊得仲利害，攪左好耐攪到姑娘走黎請我攞番對手出黎，話開個窗咁耐會令到個箱無氧氣，我唔單至無用，仲差d害死個仔。我抺乾眼淚先敢出去見老公，唔想令屋企人膽心我，但原來係唔好嫁，屈著仲大件事。唔知妳家姐性格樂唔樂觀，anyway妳姐夫同屋企人要多d陪佢傾下計，突然其來發生既事對於產婦賀爾蒙影響都幾大，加上膽心BB健康……我個時好彩有個朋友感覺我有d野成日陪著我咋!   

我同匡匡返去QE覆診時識得個媽咪，佢對孖仔係個肚七個月就開刀攞出黎，出世都係around 3磅，但大大下就無分別，叫妳家姐唔洗膽心。仲有，如果想知多d BB女既情況就要同姑娘講約見醫生，政府醫院就係咁，要妳問先會同妳講。約到醫生可以問番BB開刀前後既事情、BB出世後用過乜野治療同跟著會點follow等等。我個時咩都唔識，係姑奶做護士識得咋! 見醫生後知道晒個心都定d。:loveliness:

祝妳家姐同BB女都健健康康，BB女可以快d返屋企，眼仔碌碌咁見下妳屋企咁大棚長輩，妳成屋實好高興!!:)

626mama

各位,

今天放開沒有哭，軒軒仲同我講，今日去街街，婆婆猜，可能老師帶佢地落樓下去乖車，所以確得自己去了街街。聽到今日第二日已經沒有哭，我都放心了小小。

唔知點解呢，軒軒久不久都有提起昊藍哥哥，點解加哥哥兩個字落去呢，我就唔知喇。

軒軒友同我講，成日同子聰玩車車喎。

原文章由 626mama 於 07-9-5 11:48 AM 發表
天藍,

宏福MISS昨天復電話比我，校車係會有其他學校學生，抱括小學生，司機叔叔那邊話，D小學生通常過了適應期，就唔洗坐校車，同司機叔叔唔認有其它車牌車接過我地，MISS話下次有其它車牌司機，記得抄底車牌，再話比學校知等佢地跟進 ...

626mama

ElainAiolia ,各位,

校車有兩架，一架反學，另一架放學，婆婆話反學那一架冇咁好(人)架車大部同多位d，放學車細d，司機好d。軒軒喊成咁，個個都好心痛，佢地個個都打電話來話我唔好，個仔咁細比佢坐校車........等。我只係會同妳地講好心痛。 同佢地講，就話唔怕，好怏適應就會冇事嫁喇。咁講囉。:-|

原文章由 ElainAiolia 於 07-9-5 01:52 AM 發表
626mama,
鈞渝搭飛機時，你可以問o的空姐攞o的玩具比佢玩呀 (記得讚o下o的空姐，佢o地可能手鬆o的，比多少少玩具比鈞渝)，我知通常航空公司會有呢o的贈品比小朋友(邊間就唔知)，但有o的要出聲問佢至比。

架 ...

626mama

ElainAiolia,

子聰可能食o左雞蛋敏感要介半年，咁內，咁洗唔洗食返d咩野補反數嫁?

老師派o左本兒歌書，我都好想怏些收到，唔知幾時派我地那一班呢?因為昨天老師忙了放手冊仔入軒軒書包，所以昨天沒有收到，不過今天放學又沒有派，只係知手冊仔有長好多字的通知，我要回家或等ee佢地放工返來睇完話我知。

子聰訓覺會揾手指"o米"入個耳隆度咁得意，咁咪好痕囉。  

妳是原居民來?咁會唔會聽客家話?

我姐夫講我家姐係胎盤前置，胎盤前置真係會下體流血好利害嫁，應該產前查檢會知，對大肚婆來講都幾危險架，聽講"胎盤前置"生第二胎都有會係咁架，而且多數都會開力。好彩大細冇事。BB女要去深切治療病房，住氧氣箱及只可父母探望，其實都唔怕，而家醫學好過以前好多。

軒軒又係出世去了深切治療病房，父母才睇得，我當時唔落得床住，所以去唔到睇佢，我都係等老公拎部相機影第一張相出來比大家月睇。之後咩事都冇，就比其他小朋友身體檢查多了很多囉。

妳真得真係講得好詳細，我一路睇，好像在現場一樣好緊張剌激。有追小說感覺。SO GOOD

原文章由 ElainAiolia 於 07-9-5 01:44 AM 發表
Dear all mami,

子聰係星期一已睇o左醫生，估計佢可能食o左雞蛋敏感，醫生叫要戒食雞蛋最少半年，睇o下仲會唔會再出"風冷"，若期間再出"風冷"，即唔關雞蛋事，到時再睇o下係對乜o野敏感，但佢食o左藥即刻好番好多 ，"R"都少o ...

626mama

hongmimi,

匡匡果時都係要訓氧氣箱。仲咩事呀?就算訓氧氣箱都唔關妳事，唔好怪自已，而且聽落都仲確妳好唔開心，而且已經過去，而家跳來跳去咪幾可愛。

原文章由 hongmimi 於 07-9-5 11:50 AM 發表
ElainAiolia,
恭喜妳家姐生左個精靈BB女，可以同佢扮靚靚、著裙仔。

妳果然係職業病發作，寫個經歷好似口供咁詳細，每個時間都咁清晰。聽番個過程，真係有驚無險，令起諗起生匡匡時既情況。匡匡果時都係要訓氧氣箱同 ...

626mama

好以"立秋"後，真係冇咁熱。

[ 本文章最後由 626mama 於 07-9-5 17:03 編輯 ]

hongmimi

626mama,
我陣痛開到4度，匡匡就急住出世，心跳唔規律(又係成床血)，醫生要立即開刀，所以要訓箱仔觀察住。我依家無事，只不過諗番起o者! 醫生同姑娘都好好，出院每隔三個月返去跟足一年小朋友既行為發展，又check晒心仔、腦仔，確定無問題就大家都安心晒。so far我地都認為係因為匡匡太頑皮同無耐性，趕住出黎玩，同而家性格一模一樣。

軒軒出世點解要入深切治療病房呀？妳唔係順產咩？發生咩事呀？原來大家都有d咁既經歷，所以話生仔真係唔係簡單事，媽媽真係偉大。

我記得老公影左匡匡第一張相俾我睇，我模模糊望左一眼，問我老公BB塊面靚唔靚仔(因為之前成日俾人嚇我大肚搬屋BB出世唔靚)，我老公話好靚，我就笑住訓番(麻醉藥未過)訓到第二朝先識醒。

626mama

hongmimi,

我產程過長，我由4號10:00入到院，下午穿水，5號下午才生軒軒，所以軒軒要訓相仔，住了五日。醫生同姑娘話，如果我生第二個都會係咁，記得話返比醫生知我係"產程過長"跟住冇跟進過，好以妳咁講，一有野想問，姑娘就會話幫我約醫生問，上午醫生來睇bb時，順便叫我過去，自已問醫生，佢地都好有誠意解釋我知，有時聽完唔係好知佢講乜，我唔識講返比我老公聽。:

[ 本文章最後由 626mama 於 07-9-5 17:52 編輯 ]

ElainAiolia

Dear all mami,
多謝大家o既慰問及恭喜，我會轉達番比我家姐知 。其實除o左星期日外，我今日先得閒探佢，佢話姑娘幫佢拆o左尿o候後，已經叫佢快o的落地行，行多o的個傷口會快o的好，另外，醫生話佢可以試用奶樽比人奶比BB女飲，但份量唔可以太多，每日只可以試一至二次，比時間BB女適應。佢都好樂觀o既，因為今年o的學生係3/9開學，佢話BB女趕住返學o咼。:tongue:

天藍,
本兒歌書叫開生兒歌唱遊集2007-2008年度，係綠色o既，入面有中、英、普通話o既歌(國歌及詩詞都有，只係少量，但好好o架喇)，o係星期二派，用Communication Book夾住，除o左你講果張學習提示紙外，Communication Book入面夾多o左個拉鍊袋仔及一張簽收什項費用卡o忝，唔知你有無呢？我有問老師本兒歌書是否每日要帶番學校，佢o地話唔使本兒歌書係比家長同小朋友係屋企用o既。

你就好啦，好想送昊藍返學，就可以送，因我好早返工，當我出門口時，子聰仲係食緊早餐，好睬佢都會同我講："媽咪，小心o的呀，慢慢行呀"(平時我o地教佢，邊個出門口都會咁講)，我都會同番佢講同一番說話，但會加埋"出街要拖住隻手，返學唔好喊，唔好賴尿呀"。同埋有時會錫o下 我先比我出門口，個心至甜o的o乍。:D

ElainAiolia

626mama,
我諗星期一果朝可能就o黎遲到，所以有咁不愉快事件，希望以後唔好再發生，等軒軒做個開心快樂小朋友:loveliness: 。其實二個老人家湊個小朋友，真的好辛苦，我贊成你咁做(同佢o地講梗係話"小朋友需要o的時間適應，遲o的會無事")，對住我o地o申o下無妨，邊個父母唔想成日對住o的仔女照顧得無微不至，可惜唔得:(  ，唔通走去攞公援o羊？

嘩！你一個人夠胆帶軒軒去迪士尼，比我一定唔會(就算而家都唔會)，因為太辛苦 。以前每逢印印放假，我都會要我老公放假，因子聰太有精力。若佢放唔到假，而又唔想子聰困住係間屋度，我會約我屋企人行街或去佢o地屋企，起碼有人幫手睇o下 。而家我單對單放假同子聰出街都唔怕，最多去有冷氣及有位坐o既地方先比子聰訓。

軒軒同你講成日同子聰玩車車，會唔會係9點前返到學校係中間空地玩車車時同子聰一齊玩，所以咁樣講。 關於戒食雞蛋，醫生話唔係必須品，可以食其他o野補數，但我都唔知可以食o的乜？ 子聰訓覺揾手指"o米"入個耳隆度唔痕，不過好痛，因個耳隆係指帶耳環果個耳隆。我雖然係原居民，不過唔識聽客家話。乜原來胎盤前置若試過有，第二胎都會o架，但我姐夫話醫生講每胎都唔同，唔一定會再有。

你穿o左水都捱o左咁耐先生，真係產程長o各 ，其實你唔識講番比你老公聽，點解唔約埋一齊見醫生？

ElainAiolia

hongmimi,
匡匡真o力仔，完全乜事都無，你唔使擔心喇。個醫生真係高人，知道匡匡大個抱到你唔抱 。我都認為生完後，若有唔開心千祈唔好屈埋，好易有事o架。所以我果時有唔開心就喊出o黎 ，我亦有同我老公講過，佢都有問我使唔使睇醫生 ，我話佢知講座話會有二個星期情緒低落期，過o左二個星期仲係咁先算，我仲叫佢放心我只不過喊o者，無其他特別，尤其係無諗過死，亦無諗過殺死佢個仔，叫佢放心。

pcdogxx

天藍,
10月27日玩完..  又到鈞渝返學喇..  好緊張..  哈哈..

上星期同鈞渝去左珀麗灣游水, 果度係冇乜人, d沙好幼, 但係真係唔可以游水囉..  d水好續..  同埋水底勁多沙石..  好危險..
鈞渝好驚d沙呀..  企係沙到郁都唔咁郁...

荊冕堂士德同荃灣浸會我都諗住報..   聽講荃浸個校長係之前禮賢做架. 所以好好架喎..    不過我朋友同我講佢個仔之前讀青衣果間荊冕堂, 果d先生好好, 真係好留意小朋友有冇唔開心, 跟得好足.. 之但係佢係冇書本上堂..  真係唔覺得個仔學左d咩.. 同埋好多都係親子一齊做, 佢話佢兩公婆就學到好多野囉..  因為好多都係佢地做..  小朋友咁細點識做喎.. 所以結果佢k2轉左第二間學校喇..

士德我都知係同一樣教學方法, 所以我自己都有d驚..  06年4月媽媽討論區有個彥媽媽好有料..  我問佢呢間如何, 佢又話係地區既名校黎, 如果收梗係讀啦.. 所以而家唯有報左先, 到收先再決定喇..

另外, 我朋友仲話青衣間康傑完全唔掂.. 佢個仔讀N1下學期, 瀨左尿d阿嬸好惡咁鬧佢, 攪到佢個仔好驚.. 跟住打俾先生問, 佢居然答我唔得閒同你傾... 激到我朋友死死下.. 所以到K1 即轉..

Hongmimi
其實我唔鍾意去d淨係得游水既地方..  會好悶架嘛..  雖然可能果邊d水係清d正d, 但係總覺得游水使唔使去到咁遠囉.. 哈哈..

係呀, 日本話晒都好d, 淨係拉麵烏冬一定無走雞啦..     我都係諗住去到先買玩具俾佢..  或者係100yen店執..  哈哈..

我朋友教我俾水佢飲或者俾野佢食囉.. 我都驚起飛果陣佢會唔舒服.. 佢又唔識講..

其實你年尾先搬點解唔俾匡匡讀一兩個月先呀? 反正校服又有, 學費又俾左少少..  唔使嘥左佢嘛..

多謝你d資料,  等我mark先.. 呢間都好緊要架..

呢幾日鈞渝可能出大牙, 所以好扭計, 又勁流口水..  同埋呢幾日婆婆唔得閒要湊落奶奶到, 佢一見到個工人就夾住我係咁喊..  要個工人夾硬帶佢走.. 佢一路喊一路叫媽咪媽咪..  真係心都痛埋...  幾想唔返工湊返佢..

626mama,
果個香薰園好似幾好玩喎.. 仲要有得遮唔怕曬同落雨.. 不過佢d價錢點計架?  d野食好唔好味?

嘩.. 咁d校車咁架.. 死啦, 我都諗住俾鈞渝搭校車架喎.. 慘..
希望佢遲d會有改善啦...

Elain&Aiolia,
感敏既人係咁架喇.. 要續樣試...  不過都幾係野.. 咁多食物係致敏原..

哈哈.. 子聰d辟好真係難為左媽媽喇...  你隻耳仔都唔知幾時好得返咯..   

我都知呀, 所以我一定唔會蝕抵.. 勁問空姐拎野玩..
叫鈞渝出絕招扮下可愛一定得既.. 哈哈..

嘩..  嚇死人咩....  流咁多血.. 好彩母女平安咋..   俾我實嚇到喊.. 唔知點好..   希望母女快d康復快d出院返屋企...  

最後, 俾d野你地睇吖.. 好攪笑架..   
http://www.babyhome.com.tw/album.php?op=album4&mid=212686&folderid=1484296&page=2
你睇下佢地襯唔襯..  哈哈...  好似小情侶...  

626mama

各位,

唉...軒軒今日坐校車又有新聞喇。
話說:細EE打電話返去同軒軒傾計，軒軒同EE講今日坐車車時轉灣時掉了落地，軒軒話撞到條頸，婆婆係側邊聽到立即問佢，軒軒又唔感講落下，唔知係咪褓姆車個姨姨叫佢唔好講。跟全問極佢都唔肯講。我只好打電話去學校同老師講，老師話叫司機打返比我喎。我而家等電話中。

原文章由 ElainAiolia 於 07-9-6 12:33 AM 硐表
626mama,
我諗星期一果朝可能就o黎遲到，所以有咁不愉快事件，希望以後唔好再發生，等軒軒做個開心快樂小朋友:loveliness: 。其實二個老人家湊個小朋友，真的好辛苦，我贊成你咁做(同佢o地講梗係話"小朋友需要o的時間適應，遲o的 ...

[ 本文章最後由 626mama 於 07-9-6 16:45 編輯 ]

pcdogxx

626mama,
攪錯呀.. 佢地冇安全帶架咩?  如果真係check到有咁既事, 而個保姆唔主動報案, 真係一定要同佢死過..   咁唔負責任都得架咩?  萬一有咩事咁點算呀!!!   真係好離譜....    遲d鈞渝都要搭架嘛..  咁樣我點放心呀...   

626mama

ElainAiolia

BB女趕住返學，妳家姐都好開朗。

本兒歌書我地冇咁快有，今日打電話問校車事而，剛剛班主任聽，佢話冇咁快有，最怏要下個星期四才有，到時仲會有其它書。
妳0係星期二派，我地係星期三派，同妳一樣有果張學習提示紙外，入面夾多o左個拉鍊袋仔及一張簽收什項費用卡唔知用來做什麼呢?

我上次都有一天想一個人帶軒軒入迪士尼(又係我老公要
返工)，不過之前太熱成35度，所以冇去到，其實有BB車
就得，BB車可以推到去的地方就冇問題，我住沙田這方便
有著數，有單車徑，同搭火車去街都好方便，因為一定有
"立車"坐，地鐵就未必可以程程坐"立車"，遲d可能好d，
如果要拎車又抱軒軒就去唔到，而家都好好，好多商場
有BB車借，方便我這些冇人幫手時又想去街街的媽媽。

軒軒同我講成日同子聰玩車車，我都估係9點前返到
學校係中間空地玩車車。
我老細個老婆"胎盤前置"生二胎都係咁，佢比較煩，佢老
婆大肚其間，直程行都唔行得，又成日好多好多流血，
平日都係訓係度多，唔多旭，因為好容易小產，因為
佢係日本人，每次去醫院檢查都帶埋我地公司個翻譯去，
翻譯話次次都攪到成架的士都係血，翻譯話見到好驚，
因為真係好多血。佢生完第一個，個醫生同佢講，佢
"胎盤前置"生二胎都係咁，叫佢唔好再生，因為大人同
bb都會有人命危檢，不過佢第一個生女，死都要生番個
仔，所以又生第二胎，個個都話佢第二個仔係攞命換返
來。(因為其間醫生叫佢人工流產，唔係媽媽條命都有
問題，個媽媽重話唔緊要，最緊要保住個仔)

不過我知"胎盤前置"都有嚴重或冇一咁嚴重的分別。

後來我聽人講，日本人想生仔，想得利害過中國人呀。

我唔識講番比我老公聽，點解唔約埋一齊見醫生？
因為姑娘話，醫生唔知幾時來講比我知，所以係冇約實
一個時間嫁，我都係姑娘同我講，深切治療那邊姑娘
找我，我就行過去，原來醫生係度會講解我知，咁囉。
後來聽同房d媽媽講，通常上午有醫生來，平時多數
都沒有人醫來。