95區家長大都會

MIHOLO

yeeli & alkyng

很晚了 又時我要    時候
遲些再談.

  

yeeli

MIHOLO  alkyng

我pm咗比你地,睇下收到未,

MIHOLO
其實你老公可能唔想你個仔讀得咁辛苦,我都有想過如果入第二三志願唔去叩門好唔好呢,但都係想努力咗先,唔得就無法啦,但95區學校又點同[根得],95區深淺都好平衡,唔會好似根得咁勁谷,你同你老公講返,你無錯,唔好太早放棄努力咗先.

alkyng
講開補習,你知唔知tko有無好口碑既補習社,你地會幾大比小朋友補習.

alkyng

MIHOLO:

其實我老公都唔鍾意我睇得個女d成績太緊, 尤其是個女病緊時, 我老公就特別多啟發, 就會同我講"讀唔讀到書唔緊要啦, 最緊要佢地健健康康咁生長, 最緊要教好佢地品德, 待人接物, 咁將來出來社會先至係一個好人".      .

yeeli:

其實我都唔知邊間好, 我地新都城這邊都有好幾間, 等我得閒問下d街坊, 而我想個女小一就去補習, 等佢習慣一下呢個生活模式, 加上佢響補習社做功課的話, 我同個女或會少左磨擦而且佢可能會做得快過響屋企, 因為我個女都係怕外人多d, 咁佢補習返來我就同佢溫書.

HALAHA

yeeli,

我都有興趣睇下, 可不可以pm給我?

我覺得你都跟得囝囝啲功課幾緊, 我唸我都要睇緊啲啦.

囡囡呢個星期學校評估, 復活節到現在我都無幫佢溫過, 今朝睇返之前做的revision, 佢有幾條做錯咗, 唉, 今日評估英文不知佢識不識呢?

alkyng,

你通常點幫priscilla溫書呀?

alkyng

HALAHA:

你唔好咁緊張啦, 今日都未開始評估, 聽日先開始呀, 你今日仲可以幫佢溫習呀.

我平時每晚臨瞓前都會同佢睇番每日教過0既書, 如果有功作紙, 亦都會同佢溫, 而且要佢自己讀出來, 另外每個星期派個d字卡, 我會將d次序調亂打入電腦, 之後print出來比priscilla重組番佢.

而我覺得priscilla英文較弱, 有d生字成日都會唔記得點讀, 其他科目就ok, 亦都唔需要用太多時間去溫, 反而英文真係需要奈d時間, 而且默過0既生字又唔記得點串, 又要同佢溫番, 所以會辛苦d.

HALAHA

alkyng,

我就係太不緊張, 所以搞到今日都未同佢溫, 係今朝睇到佢啲REVISION功課, 才唸住要同佢溫下, 真係臨時抱佛腳.

囡囡就反而同PRISCILLA掉轉, 英文單字就差不多全部識讀, 啲字默咗有時都會不記得咗點串. 反而中文啲字就不係全部識讀, 要同佢溫(不過我都好少同佢溫)

囡囡話上星期五上完珠心算係3期撞到你地, 你見不見到佢呀?

啲碟我都係叫婆婆給你啦, 我地好似好難就到時間, 到時你睇完才給返我啦.

HALAHA

alkyng,

係上次講1期個女牙醫, 不知睇大人好不好呢? 我老公話想去嗰度補牙.

alkyng

halaha:

所以頭先我先至響到想, 響屋企真係要多d同佢講下英文,引用番學校教過0既套番落我地生活入面.

我有見到佢地呀, 同左婆婆傾左幾句, 我叫priscilla叫婆婆, 佢都想扮傻唔叫, 真係比佢激死.

不如咁啦, 平時婆婆響邊個位等wingwing放學架, 我就去個度搵婆婆拎啦, 咁就唔駛婆婆專登走多轉.

alkyng

halaha:

一期個位牙醫, 我同老公多數係一年搵佢洗一次牙, 但就未試過補牙, 不過我覺得佢都幾細心, 之前同我老公洗牙, 發覺佢有d牙肉有少少發炎, 懷疑佢有牙周病, 仲講解左一大堆原因, 我地先知原來一個人有壓力, 都會令牙肉發炎而引致牙周病, 不過我知佢個d時間好full的.

yeeli

HALAHA

我pm咗比你,你睇 收到未.
我都係k3先至緊佢d功課,因為想佢上小學無咁辛苦,宜家習慣咗日日都要温習同做完功課再做一業習作,我自己出比佢,原來小朋友只要係習慣咗就唔覺得辛苦架.

alkyng
咁你幫我留意下補習社,我都想小一比仔仔補,但都要睇下有無好既補習社先,其實d男人個個都係咁架,希望小朋友讀得開心就ok,可能一個緊張一個輕鬆,對小朋友都會好d,平衡返

alkyng

YEELI:

你知唔知我地將軍澳有"青年空間", 我今日拎左一本今年暑假的課程, 入面有一part係參加"親子義工"的, 會親子做一d野之後去探訪老人送比佢地, 你都去拎一份睇下丫.

yeeli

alkyng

"青年空間", 係邊到嚟架???有無話要幾歲先可以去做,
你睇咗pm未,你覺得深唔深呢???
另有係看圖後寫出有幾多條線,
同埋看圖再寫出圖內的小朋友坐位前或後,我遲d先至整比仔仔做.

有無聽過學士教室,好唔好既呢??

alkyng

YEELI:

青年空間係由香港青年協會攪的, 一間響:明德村明覺樓地下(TKO醫院對面), 另一間外就響:新都城呢邊就響茵怡花園, 我介比你的就係FOR 6歲小朋友的, 一般青年空間攪的課程都好好, 有好多都會著重小朋友發展及親子關係, 而且價錢亦比較便宜, 最近我幫個女報左一個課程, 係教佢地人際關係及朋友之間合作, 5堂先至60蚊, 每堂一個鐘 .

另外, 學士教室我樓下都有一間, 我之前問過佢地, 每日去補習的話, 大概千多元一個月, 不過當時個男人就同我講, 佢地個度比較少一年班就去補, 我打算遲下再問過, 到時再話你知丫.

我收到個EMAIL了, THANK YOU, 睇落就唔係好深, 都幾接近我個女依家教緊0既數學, 而且我都有比佢做下一D課外練習, 希望上到小學會易D適應啦.

yeeli

alkyng

我過兩日去攞d資料睇下先,5堂$60都真係好平喎,

嘩,原來你女間幼稚園都真係好深,連數學都貼住小學測驗,
咁你女上小學你都可以放心晒,我仔間只係一部份有教過
其他都係我自己教佢,咁你女幼稚園重教d咩野架?

MIHOLO

YEELI 妳都很勵志 會自己每日做一作業功課給仔仔
ALKYNG 故不到妳很全面不只讀書仍留意其他教育, 我真沒那麼多時間了, 每晚回家開始覺仔仔實太多東西學及須用時間溫習,弄他也晚 因除了溫書真須要給予一點玩耍時間給他,現連學琴都有功課   故現決定取消一個活動. 真要加點力溫學校書本.
alkyng 說真妳女兒的幼稚園真是比較深我相信此就是為何將天首選學生之一, 不過我聽人說如從小習慣對小朋友是不覺程度深的.   

alkyng

yeeli:

我都唔知點話你知, 不過書局d小一上學期補充練習, 同我地間幼稚園依家k3學0既野, 真係差唔多, 而我地英文科就有三本書, 其中一本係phonics.

MIHOLO

那請問有沒有聽過尚德內補習社 ? okay 嗎 ?
我真有打算可能從p2開始, p1則看仔仔是否能下午自己完成功課後待我們回家看及溫書.

我自己也怕他上小學後不習慣多功課, 好在現每天做功課及公文, 珠心算等都自己下午完成 當然也有不懂做之功課一定待我們回家教他做.

其實真很多謝公文他令他習慣坐定做功課    

MIHOLO

alkyng 我想問phonics是如何教的 ? 有什麼學 ?
因我想知與我仔學的有沒有不同 ?
是由k1至k3學 ?  她是否已能讀3個字併音 ?

csy_janice

將天真的很深嗎?? 我都幫個女揀呢間呀, 因為我都係心儀宣基多d, 講開補習, 我都諗住佢一年級就比佢去補習, 一黎可以有人幫佢跟下功課, 咁我夜晚就可以同佢溫習一下就得嘞, 如果唔係, 就真係驚夜晚d時間唔夠用

yeeli

MIHOLO

你仔仔都有自己做功課咁都幾叻仔,公文係點形式?我無比我仔學公文,佢宜家學畫同跆拳,我都唔想比太多課外活動佢,因為學科都有好多野要温,比返d時間佢同鄰居朋友仔玩下,

alkyng
我都想知phonics係點??