一呂現家長 / potential 家長會

claudiaho

請問妳有個簡易芒果糯米

claudiaho

有一位係咪姓"陳"啊, 佢住我樓上.
>>係呀! 呢個小朋友好乖, 好肯練習, 唔似得我個女, 求求其其，無佢收!
　

alicetong

claudiaho,
多謝妳介紹..哈哈！我會試下做架0拿.....
我呢個媽咪廚藝真係...哈哈！要多加鍛鍊,第時無工人...
我都唔敢想囉.....

Candy,claudiaho,
我地星期六見啦...真係好又有機會見下claudiaho0拿..
哈哈！  

Homama2004

忍唔住要休息下,上來傾傾…做到頭暈暈     

alice
第時無工人...我都唔敢想囉.....
>>我都無印印差不多兩年,都生存到…凡事降低要求啦!! 當然有佢哋有佢哋的方便,但我就很享受現在的"自由"不用勞氣,我又不太想正面咁樣"鬧"人,我家人都知我"病"&"嬲"時就係唔出聲,老公+囡囡一知我唔出聲就知"大件事". 我”精神”上無限量支持你過多兩三年不用工人姐姐.    

我地星期六見啦...真係好又有機會見下claudiaho0拿..哈哈！
>>我都想見下你哋,但星期六囡囡找了個新姐姐來補英文.開學後再安排茶聚…

candy
等我女學小提琴有翻咁上下斤兩, 我都想佢返少交.
>>不用等,我認為羅sir見到你囡囡的音樂考試/比賽成績已經"答"晒糖咁收咗佢. 個個管弦樂團都需要大量的小提琴手,而少交的小提琴手好缺人呀!去啦!  

claudiaho,
但係樂團已經寄

candytl

claudiaho, alice,

唔好意思呀, 我原本想我女今日下午返畫班, 咁聽日下午可以約你哋, 但潯晚畫班老師話今日有事請假, 咁我女唯有翻佢平時翻開的星期六下午過班. 所以明天唔可以約你哋喇. 如果星期日上午11:00am照舊地方得唔得?

alice,

我女冇報音统. 你仔仔幾時面試?


homama,

"不用等,我認為羅sir見到你囡囡的音樂考試/比賽成績已經"答"晒糖咁收咗佢. 個個管弦樂團都需要大量的小提琴手,而少交的小提琴手好缺人呀!去啦! ">>>>多謝你抬舉. 少交要周六下午, 時間唔多夾, 仲要一去就兩個鐘, 我都係遲啲等阿女"學有所成"先去好啲.

claudiaho

各位早晨

今朝送阿女返學, 學校好熱鬧, D家長又影相, 又拍video, 情景就好似番番以前阿女一年級開學一樣, 不過當年我無o甘誇張, 都只係係入面陪

claudiaho

Alice & Candy

所以明天唔可以約你

candytl

claudiaho,

ok. 我下星期六短周, 可以翻畫班前交俾你. 時間1:50pm你得唔得?

alice,

如果上面個時間你唔得, 你再約我啦.

Homama2004

Alice,
對不起!    今早出發忘了拿老鼠記者給你添! 咁下星期一啦!

Claudiaho
今早學校好熱鬧
>我老公話多人都不得了,又熱…

交遲D都話要收手續費呀
>未聽過喎! 咁都得. 少年交錢樂團<-很好笑…  

第一堂係 2/9
>死!唔知道添,我和老公明天都要返工添!    只係聽到大囡話羅sir話九月份要地獄式訓練喎! 又有表演.我都仍在考慮繼不繼續…都唔知有沒有時間...今年我將要同囡囡共同面對三個呈分試,想起都驚…     上次同啲家長吃早餐(見到Candy),佢哋都話"登"我辛苦...唉! 互勉之.

claudiaho

Candy

冇問題, 地點照舊係一城中銀門口

alicetong

Candy,
我仔星期日面試...即係妳地依家約左幾時？..

claudiaho,
今朝我都有送仔仔返學...小一生d家長真係好熱鬧,早會可以行埋入去伴排隊..可惜我地唔識對方,不能相認..平時每天妳也送女女返學嗎？

Homama,
唔緊要...大家都揍小朋友返學..經常會見到面？
真係要多謝妳先生經常為我們做跑腿做交收...

下星期一我要趕搭車返工,要星期二先交收到0拿..
多謝妳本英文習作呀？

Homama2004

claudiaho & candy
收到alice的PM,佢仔仔好彩今年"執到好籌",中英那兩個都係出名好老師.你哋呢???(可以pm給大家看看)今年好似請了9位新老,所以有些我都不認識...今年測驗日期又幾好喎!10月26&27&31,11月1日,有成3天時間預備考常識等等..

alicetong

Homama,
妳咁快睇過仔女手冊0拿...連測驗日期都留意到？我要今晚先返去再研究...多謝妳呀？有妳係度..我地再唔係盲頭烏蠅..個心都定好多..哈哈！
幾時妳會再去搵 OXFORD本書呀？....不如大家留意下..邊個買有貨就幫對方買埋好嗎？...意下如何呢...唔駛分頭走...
剛打去偉發..萬邦..旺角天利行....永遠打唔通0既電話..
    

真係有個衝動如果有貨0個兩本英文Grammar 同Listening買埋5/6年級唔駛咁麻煩.....   

Homama2004

係呀! 剛才同囡囡一起吃飯.當然看下佢哋校曆表,我要和同事們夾下放假.

好呀! 我欠一本NOPSS 5. 你呢!! 但你要pm你手電比我喎!否則買了重複就浪費時間和金錢

細囡今年升讀那班,教中文那位出名"好"和多嘢做,下星期五已經要默兩頁成語+同義+反義詞,不是讀默,是用解釋來推敲用那個詞語.妹妹話:你一早都係咁同我哋默書,只係無同義+反義詞.我咪答:你現在知媽媽係寶…    

真係有個衝動如果有貨0個兩本英文Grammar 同Listening買埋5/6年級唔駛咁麻煩.....
>>>我就不大贊成,一陣明年轉版便浪費了.

candytl

alice,

我哋約咗下星期六(9/9)下午1:50pm係一城中銀門口.
你ok嗎? 如唔得你約過我啦, 我都想早些還帶俾你, 借咗好耐喇.

Homama,

我女報告話班主任係新老師, 姓楊. 可能係英文老師. 佢仲講佢過班有3位插班生. P3共有7位插班生.(唔知佢點知的)

Homama2004

小一/插班生輔導日那天,粗略數下插班生那人龍共有30人左右,都係歷屆數一數二咁多人!!!

我囡囡話有通告,去年4C班有一位同學因血癌已去世.願佢已成為天父旁邊的小天使!!

alicetong

Homama,
請收pm....

※要默兩頁成語+同義+反義詞,不是讀默,是用解釋來推敲用那個詞語.妹妹話:你一早都係咁同我哋默書,只係無同義+反義詞.我咪答:你現在知媽媽係寶…   ※

可唔可以講個例子解釋下呀.......

Candy,
我應該ok0既...到時再confirm可以嗎......

candytl

Homama,

"小一/插班生輔導日那天,粗略數下插班生那人龍共有30人左右,都係歷屆數一數二咁多人!!!">>>>舊年全部不過15人, 今年真係好多呀.

alice,

ok, 到時再約.

Homama2004

例:如講其麼成語比喻做一件事獲得兩種效果
可答:一石二鳥

我默詞語時,一係講解釋要佢哋推敲,一係作句句子要佢哋填充.幾work呢!佢哋考試時不供詞填充通常都沒甚麼錯的.你們可以試下...

alicetong

Homama,
明白0拿..多謝妳成日提供d育兒心得比我地...得益不少

今日我終於買到本NOPSS-Listening,去到將軍澳中華書局,但問過 bk5依然缺貨..幫妳唔到? 偉發就話等下星期學校回返d書返去可能會有....另外旺角天利行話bk1 - 5都缺貨要10份先再囉...所以妳好大可能都要去返偉發先買到.....另外幫妳問埋荃灣中華書局..佢話hold左比客暫時都無.....
真係多謝小學雜談d媽咪比到靈感我打去中華書局問..(油麻地0個間check電腦話將軍澳同荃灣可能有....),千山萬水..九龍城...旺角....將軍澳...我先生都話服鬼左我？哈哈哈...

明年我地又知道多個地點有小學課本買0拿....
  中華書局   
  油麻地  23856588(廟街斜對面)
  將軍澳 23940397(新都城2期, 寶琳站)
  荃灣    24922224(荃灣廣場5樓,荃灣大會堂)
( 最大好處係電話一定打得通...而且d職員好nice肯幫我留)