番禺會所華仁小學

ms99

wlk168win：

你講得好白喎!  有無留意你寫了「x老師」呢?  

wlk168win 寫道:
早晨呀各位:
ms99: 不如睇0下係0米我估0個個老老師?
Pls. check PM.

easiness

各位早晨呀!

ms99,

你小朋友肯講o下學校既野俾你聽, 我個仔就唔會啦! 有時真係問好耐先會講一, 兩句! 到現在為至, 佢仍未識晒班內既同學!

ms99

Hello! easiness,

我仔仔都唔係日日番嚟匯報架，只不過回家途中坐車無得走先局佢講咋。  

仔仔都係識座位附近的同學，遠少少嘅都唔知係邊位?!

不過話時話，仔仔聲稱自己調過兩次位，第一次調去同行的前兩個位，第二次仲妙，坐唔夠兩個禮拜就調番原先開學個學號位，咁即係有調定無調呢??  

ms99

睡公主：

有嘢問，請睇pm, thanks!

wlk168win

happy5

ms99:

謝謝回覆! :wink:

easiness

ms99,

阿仔話掉過一次位咁多, 因為我問阿仔識左幾多位同學仔, 佢話衹係識左後面三位, 掉左位後再識多一位! 不過原來每日一篇有個龍虎榜, 裡面show晒佢班所有同學仔既名架!

睡公主

麟媽媽，ms99

please check pm.

ms99

wlk168win ：

哎呀!  原來你都有接觸過。 無燒親嘛?!

而家仔仔同幼稚園時代好唔同，以前成個開籠雀咁嘜都講，而家唔迫都唔講。 咁仔仔上堂咪正係接收老師所教嘅一切，唔明都無得問，好dry喎。   

wlk168win

ms99:
講開先講, 我個仔起初唔肯返學, 佢話老師們成日鬧人, 成日 “angry face” , 嚇死佢, 所以成3個禮拜都會0係每天晨早返學前重複以上說話…然後lou計…死未, 因為係我控制唔到既事.
宜家, 可能佢學會 – “人始終要面對現實!”, 間中會再講邊個老師邊日又鬧人又罰人…又 “angry face”, 佢又點樣因為禁而唔開心, 主要係, 佢唔鍾意有人有argue, 鍾意寧靜同和平地既氣氛….哈, 希望時間會沖淡一切既, 係羅!

最意外既係, 個仔今晚用好 “大人” 晦氣既口吻去博Daddy嘴, 仲7情上面 (當然我都唔知佢0係邊度copy番黎), 之後, 我要立即幫大家解圍, 然後低頭繼續check功課, 跟住, 哈哈, 個仔竟然細細聲禁同我講: “Mummy我宜家識得鬧人啦!”, 我真係比佢呢d 說話嚇親 ,    佢好似好自衛禁…

  

睡公主

Happy5

今日你個仔代表佢地嗰班上台攞獎喎！

felix喵喵

......喵喵!!......喵喵!!......

今日O.T., 成10:30pm才回到家.
呀仔正正上床睡覺, 講唔夠兩句便要say: good night.

......喵喵!!......喵喵!!......今天沒有親子遊戲時間......悶......喵喵!!......   

睡公主

今日大少又有烏龍嘢，明明帶咗中文默書本簿，但到交的時候又冇咗，佢隔離位個同學幫手揾佢書包都揾唔倒，就連Miss Lee也有幫手揾，但當然係揾唔倒啦，就算阿仔話佢真的有帶，Miss Lee都無能為力，唯有喺本手冊度寫欠交。但到佢放學後，Miss Lee 打電話給我，原來阿仔將本默書簿夾咗喺其他功課度，所以沒有遺失，佢仲叫我提醒阿仔明天回去取消個欠交字眼，因為這個欠交係會影響每月嗰張操行咭的取分，佢話一個月沒有欠交，喺欠交功課嗰欄會有A，如果係少過5次，就攞B，多過5次就係C等等，又如果一個月多個20次就要留堂，佢話係會喺星期六長週時罰的，要留到一時才放學。

felix喵喵

睡公主,
Miss Lee 真喺好人, 可以比個Good"距".

嘩! 欠交功課原來會影響個操行咭的取分, 今暈斃lar...
呀仔間唔中都有一兩次無理頭, 奇奇怪怪的欠交...
要開始常常remind吓他先得.
多謝提醒......thank you......喵喵!!

ms99

Good Morning!


wlk168win：

未讀小學前已有朋友同我講小朋友好快學識啲曳嘢，以為係同學之間會發生，估唔到係老師到都學到唔少。 仔仔而家都識义起條腰用手指住人嚟鬧，個樣同動作十足似個潑婦，自問屋企個個斯文溫婉(大多數時候)，又何來俾佢模仿呢?!

仔仔尋晚又學老師鬧同學了，今次仲加埋老師與同學拉扯動作，老師好惡地話：我唔想見到你。又請黃姑娘帶同學仔走。 我都覺得場面有啲2級半 (對小一生嚟講)，當然要問亞仔心情有無受影響啦。 好驚! 佢竟然帶領我祈禱 (平時少見)，求天父幫助嗰位成日俾老師鬧嘅小朋友，希望佢快啲乖啲，老師唔好咁惡，上堂時順利啲。  嘩!  睇得出呢啲暴力場面係小朋友唔想睇，亦都令佢哋好驚。再係咁，仔仔每日嘅匯報唔係同小朋友學校嘅愉快學習情景，而係一幕幕老師鬧人嘅畫面。我都有安慰佢，但從此下去，真怕佢唔想返學。學你話，唔想見老師的 Angry face.

ms99

攞什麼獎呢?  

睡公主 寫道:
Happy5

今日你個仔代表佢地嗰班上台攞獎喎！

ms99

多謝睡公主詳盡報告。

我現在先知 "欠交" 咁重要的。 仔仔無姑姑受咗幾個，但最後啲功課又派番嚟，咁係咪要去老師到cancel番呢?!

OK! 算嘞,算嘞!  呢排課室好混亂，都係算罷嘞! 唯有叫仔仔自己執生啦!  

係咪"妥協" ??  

wlk168win

ms99:
咪係lor, 佢學識自衛都算話係好事, 最怕佢學到 “係唔係都起晒kong”, 宜家鬧人時仲成塊面都紅晒 , 好似好激動禁, 死火啦, 真係驚佢會“皮質醇”偏高…, 仲有慢慢長路, 之後, 會變成一個超級無敵鬧人精啦…
我知個仔個心仲係有陰影, 仲係有d唔開心, 但見佢無講我就唔提, 以免打草驚蛇ma!
   

wlk168win

老實講, 我見都大部份老師都係亞媽 + 慈禧太后 禁款, 下下一出聲唔係bear住d小朋友, 就係大聲渴 (可能有佢原因掛??!), 都幾厲害, 不過禁, 如果亞仔讀多幾年都無事, 即係話佢地既心臟同血壓都已經通過非常嚴厲既測試, 結果: 正常...  

happy5

睡公主:

多謝你問我,我都係剛剛知道佢同另外一位同學代表1b1上台攞秩序獎咋!唔問佢就唔講,激死!