九龍禮賢幼稚園K3家長請進！

penpen

朱古力,
我妹豬轉食咗雅培既皇牌IQ高兒聰大約2個月, 我覺得幾好!! 對於妹豬來講,起馬好過A+ !! 我覺得佢食咗呢隻, 醒過食A+,佢腸胃就一向都冇咩問題既!!


kitty&mimmy,
係呀! 我得閒唔洗返工,所以老師未搵我囉! 10日喎?! D媽咪未必一次過可以請咁多日假嘛~ 其實我自己應承既原因係除咗想了解多D阿囡既學校生活之外,另外都幾鍾意同D小朋友玩同埋係抱住返去自己學嘢既心態!! 因妳咁快知既?! 妳有冇份呀??  

朱古力

penpen,

我囝囝食開惠氏，因為我有好多萬朝SAMPLE，所以睇下有無人岩用．
好羡慕你可以參與做老師呀！:cry: 我地要返工，無辨法出一分力，你做老師時幫我留意下囝囝既情況，得閒報下料比我知呀！

shermanbb

penpen,
   係呀...我都有份呀,派

GraceMami

朱古力,
我囡囡無飲奶粉差不多成年, 因為佢腸胃太差, 醫生叫佢唔好再飲奶粉, 轉飲鮮奶.


penpen,
哇, 可以做老師?  好羡慕呀.  我之前都唔知嘅, 係咪只叫全職媽咪做呢.  幾時呀? 做D甚麼呢?

penpen

朱古力, bosze, GraceMami,
唔洗羨慕我啦~ 我冇得返工嘛!! 到時有咩再報料過你哋知啦~  我到時就好似返學咁喇~~ 足足10日,每日2小時!!
明天阿囡又要分享喇!!


kitty&mimmy,
原來你記得我個囡個名, 我都唔知你囡囡叫咩名添!     

朱古力

penpen,

你囡囡明天要分享呀，塱生明天也要分享呀！

Allie

各位禮賢家長,

我個小朋友考入了此幼稚園. 但我住深井, 好似無校車.  唔知你地知唔知有無人都係由深井返禮賢架呢?  有無方法提供, 因不能搵人自己接送呀!  如果搵唔到校車都只好放棄入學了.

GraceMami

Allie,

深井的褓姆車好像只接送小學部學生, 不過, 我認為你最好先向學校查詢會否加開路線, 又或者直接問下該線負責人 (馬生, 92077797), 看看是否有其他學校幼稚園生由深井去九龍塘, 順道載埋你個小朋友, 不過可能要自己議價.  

朱古力

各位:
返埋今日又放一個悠長假期喇!你地有咩攪呀?

朱古力

bosze,

我27號會提早同囝囝開生日會，因為就Ｄ大人放假，正日29號我同老公請左假，可能同囝囝睇戲和去新都城二期，因為有Thomas and friends既活動，有個大既Thomas彈床和油圖畫等等.................
我都好耐無去過長洲喇！有機會都會去，因為囝囝好鍾意坐船．
希望你玩得開心Ｄ！大家都有個開心既復活節．               

penpen

hihi~~ 各位,
偷懶咗一排, 我返來喇~ 唔知點解呢排我都覺得好倦, 感覺就好似以前返工咁, 梗會每隔一段就唔想撈咁! 所以我呢個假期就乘機偷吓懶咁! 但偷懶極都要煮飯俾個囡食呀! 我哋放假果時都好似平時咁咋! 因為阿囡感冒, 不過好彩都唔嚴重, 醫生都冇睇! 但係就費事出去散播病菌嘛~ 唯一同平時唔同既就係阿囡開始咗學芭蕾舞喇~ 佢開心到飛起, 上完堂果日開始仲乖咗添!  現在放完假了, 冇得再偷懶, 星期六又要返學校開會, 下星期一開始連續兩星期都要同阿囡一齊返學,冇得甩底了! 老師早排已經同阿囡講咗媽媽會去佢學校做老師, 佢不知幾開心! 明天旅行了, 心情有d緊張, 唔知今晚會唔會睡不著呢?! 明天你們看看我有沒有熊貓眼啦~ 相信一定會好多人呀!  我自己準備整雞翼, 燒賣同埋三文治帶去呀! 另外再帶少許零食啦~ 你哋呢?!  
祝明天好天和大家玩得開開心心!

p.s.記得帶防曬同驅蚊呀!!  

朱古力

昨日參加了囝囝的生日會，老師表演得好投入，好攪笑，囝囝扮迪士尼花車巡遊，佢跟住高低班小朋友由門口行上台，轉左幾個圈又落番台，無怕醜好叻仔呀！我地家長都睇得好開心．
今個月要請三日假，因為6號生日會、8號旅行、30號就家長會，上司已比左ｄ微言我聽喇！真係唔開心．

penpen

昨日阿囡真係玩得好開心,原來阿囡響學校真係學咗好多跳舞,旅完行真係好倦呀!! 我差d 七點半未夠就睡著了, 但係因為想睇大長今, 所以撐住!!
一陣又要返學校開會, 星期一開始喇~ 連續兩星期,李老師已在昨天告訴了我兩次會好辛苦呀!!   

bosze,
昨天再見妳囝囝真係越來越鍾意佢呀!! 見妳響又一城果度落咗車抱住囝囝望轉頭幾次, 唔知妳係唔係想搵我同我say bye呢?! 其實昨天未停車我已經見到我有小巴響燈位等緊轉燈開車, 所以一停車我已經抱住隻睡寶寶9秒9飛奔落車衝上小巴喇~~  返到屋企沖埋涼都未夠四點3個字
妳囝囝開生日會預埋我哋啦~
果條戴手既驅蚊帶好有用, 我返屋企同佢睇過晒, 冇中招!

朱古力,
妳老細係唔係未結婚架?! 咁冇人情味!!  
見到妳昨天都帶病上陣, 妳真係偉大的媽媽呀!!   

GraceMami,
昨天見到妳但都冇機會同妳打聲招呼添~   

朱古力

penpen,
佢已結婚但未有小朋友,

果日真係好攰，我返到屋企第一時間沖涼瞓覺,我地三個一覺瞓到八時先起身,跟住出街食飯,昨日我帶左囝囝玩繩網、單車、跳彈床(2次)、仲去埋海邊捉蟹．

shermanbb

penpen,
    你去旅行

penpen

朱古力,
嘩! 好好犀利呀! 同囝囝玩咗咁多節目, 我見到咁多人又熱又濕又焗都怕怕呀!!  
前晚睇完大長今, 昨天終於擋唔住, 電視有泰山破例俾阿囡睇埋先瞓, 但阿囡未睇完十點都未夠我已經瞓著咗咯!!

kitty&mimmy,
係呀! 妳應該冇認錯人喇~ 昨天妳有返學校開會嗎?? 若果有, 妳是否著黑色衫大著肚那位呢??!!   因為我記得妳好似係大緊肚, 希望冇搞錯!  

shermanbb

penpen,
  我有返去開會呀,係呀,我著住件黑色衫大緊肚

littleeva

各位好

我想問下您們是如何幫小朋友請病假 ?

我仔仔這數天有咳和發燒.  今天也是這樣. 我想幫他請病假. 又怕找老師會阻住老師上堂.  我剛打去學校, 是錄音. 我講左姓名和班別和請假原因. 是否這樣就已OK 呢 ?


謝謝各位

朱古力

littleeva,

係呀!你留言就得,會有人聽番.
如果你要

朱古力

bosze,

好呀!你預埋我同塱生呀!