"啟思"的家長 (any branch) please come in.

鴨媽媽

我有參加呀! 你咁叻既整燈籠仔, 仲完成添! 我仲諗到整乜.

ho_fish

Jacqualine,鴨媽媽, 我重o係度搵緊o個本圖書, 昨天去到書局,店員話賣晒。今日囡囡放學同婆婆講佢好開心, 佢o係學校無賴臭臭我諗我同婆婆真係唔可以太迫佢, 要慢慢黎。

上星期通告話要帶d賀年食品返學校, 又要著中國服, 帶裝飾品, 你地準備好未呀?

HITOMI

請問有沒有人可以出讓男生冬季制服或體育服啊?3號或4號都得.以及n1的書.

thanks.

TSZCHINGMA

我整了寸炮將...

JacquelineHo

ho_fish, foon,

3/Feb(Thur) o個日(穿華服玩年宵),您們會否做家長義工? 我想像到會幾可愛/得意,所以答應左老師會請半日假做義工! 不過可惜上/下午班係分開攪,無緣見下您們囡囡添!

ho_fish

JacquelineHo, 3號o個日婆婆會去幫手搓湯丸, 我諗都幾好玩, 你知啦,d小朋友一齊有得玩有得食就好開心架啦

foon

今日係上學期最後1日, 下星期一(31/1)就係新學期開始.  睇返阿仔讀左半年書, 真係學左好多野, 識講左好多野, 仲乖左tim, 所以老師真係幫左我地唔少, 好感激佢地盡心盡力教每個小朋友.     

ho_fish, jacqueline,
我無時間參加義工呀... :cry:  :cry: 不過我買左少少糖果,角仔,瓜子...等俾阿仔帶左返學~~

oscarBB

真係識多左好多野架!尤其駁咀tim. :-|
今日散學禮阿仔有份跳舞,尋晚佢同我講,我仲以為佢亂講.問左老師原來係真,不過家長無得睇.. :cry:

ho_fish

原來上星期五派左上學期學習報告, 都好好笑, 我個囡其中一項優良, 係雙腳站立平穩

ho_fish

唔該晒浩天靚媽。

容許我o係度呻下。 前2日我有個朋友問我幫囡囡擇左邊間幼稚園讀K1, 跟住佢就話啟思課程淺, 好難銜接小學。 又問我諗住讀邊間小學, 我話家下先擇好幼稚園, 擇小學遲少少再算。我個朋友一輪咀就話我家下要計劃架勒,  話我比個囡讀呢間幼稚園"晒"左佢, 我唔想同佢嘈, 我同佢講:我 各人有各人既選擇,好清楚我自己既選擇。如果你係佢, 聽到呢句, 你都識收聲啦, 佢重一輪咀咁話我, "你鍾意啦" "你去問下其他幼稚園啦, 可能重有位, 家下d幼稚園唔係一定好多功課做, 你唔好將你諗既野imply係你個囡身上(即係我諗住啟思真係適合亞囡), 我登時幾嬲呀, 我咪問返佢: 咁你又知你唔係將你想既野imply係你囡囡身上?

真係各人有各有選擇, 做朋友既你比意見我會聽, 但係我好清楚我自己既立場與選擇, 況且我唔係以訛傳訛, 我囡囡親身讀緊啟思讀得好開心, 啟思既老師又好有心機。況且我同老公都覺得幼稚園只不過係一個學前教育, 為入小學作出準備, 我地兩公婆唔認為k3讀小學1年級既野係叻既。幼稚園課程係設計比幼稚園生既, 咁點解要迫佢地跳級呢?

我呻完勒, 舒服晒

JacquelineHo

浩天靚媽,
乜您咁好帶埋vedio cam的，我昨日（下晝）都有去做賣花義工，丘老師話唔可以影 DV 嘛，等我真係咁乖兩手fing fing去添   

ho_fish,
唔使咁唔開心啦，您的情況正如我係呢個 group 度分享過，我都有俾呢ｄ朋友，炳都九彩，少ｄ定力真係俾她哦到好像累死個囡咁，只要囡囡真係讀得開心，學到野，就係最緊要！我都冇搵其他幼稚園，都係諗住疊埋心水，過多兩年先諗小學！
昨日，Yuki 同班有另一位家長＋大囡黎當義工，聽到她跟其他老師傾計，原來她的大囡（今年小三）以前都係啟思讀，但係現在係『上海的國際學校』讀小學，重係冇親人係上海 back-up,一個人寄宿添! Weekend 都係去 d 同學仔處玩/留宿,有時跟 d 姨姨去其他省玩下,唔係返香港喎! 我真係聽到唔知點形容    小三咋喎 ?    好服個 Mami 咁放心，亦好服個小朋友可以咁獨立!! 不過我其實有少少衝動想問下她,係啟思讀真係追唔到小學課程咩? 點解要返內地讀:-|  :-| .......

heiheima咪

ＨＥＬＬＯ，
各位Ｎ１家長，　我想問問讀啟思Ｎ１有什麼學，　好唔好？　雖然出年我個女先讀Ｎ１，　如果要讀沙田間啟思要快Ｄ報，　因為只收２０幾人．
我又唔知啟思好唔好，　我只係覺得啟思活動教學，　小朋友讀得開心．就ＯＫ．　　將來都唔知會派去邊間小學啦．過多兩年政府又有乜改革．

heiheima咪

hi_fish,
你好叻識整餅、又識織冷衫、又識織冷帽.
我樣樣都唔識, 只係識瞓同食. :cry:

ho_fish

heiheima咪, 唔好咁講, 我都係玩下架咋。自己重有好多野想玩, 可惜時間唔夠。

KLLP

ho_fish,

你的情形我都聽過, 如你所言, 最重要是 間學校適合小朋友.
我小朋友是K1, 到現在止, 我的感覺是在這階段,可能他的英文真的比只是讀英文幼稚園的小朋友不如, 但他的自信心是有進步的. 喜歡上學, 喜歡學習, 我覺得對小朋友而言, 這是十分重要的. 比他能在這階段, 能說一口流利的英語更重要.  

heiheima咪

[size=xx-large]祝 : 啟思幼稚園的媽咪、爹d及小朋友
[size=xx-large]新年快樂[size=xx-large]、[size=xx-large]心想事誠[size=xx-large]、[size=xx-large]身體健康[size=xx-large]、[size=xx-large]學業進步[size=xx-large]、[size=xx-large]聽教聽話

foon

今日放完長假第1日返學, 阿仔居然無扭計, 仲好合作tim...可能真係大個仔...   

你地d小朋友又點呀?????   

ho_fish

foon, 我個囡都無喊呀, 不過呢排放假佢好夜都唔肯瞓, 希望返番學會好d啦