可立小學家長交流站

kuen2348

我囝都是小二，但無補習。其他可立家長有無好介紹？
你或者星期六拿成績表時見到其他同班家長時問下。

8331

我阿女是升上協和呀！

Rainy

好忙, 無時間上來睇添. 大家好嘛, 新年快樂.

考完試好輕鬆, 明天派成績表, 完全不緊張, 因為一早已知分數, 付出幾多, 收穫幾多, 亞仔第一次考試, 老實講, 好慚愧, 因為好忙, 同埋我好懶, 無同佢溫書, 亞仔又話自己識, 又唔溫, 點知全部都唔識, 激死, 哈哈. 各科只係剛合格. 算啦, 第一次睇下佢係咩料子都好.
看到各家長的兒女拿得8-9x分都話考得麻麻, 我真係要再好認真咁plan下啦..   
希望下學期會可以安排得好d, 同佢溫下書啦...

明天要報課外活動, 我同亞仔心儀的活動夾埋要報4天, 加埋校外學果d, 玩足五日, 會否太多....
但又覺得襯佢係小一, 讀書未有咩壓力, 儘量比佢學多d, 唔知我咁諗岩唔岩呢...

關於做past paper方面我都想講小小, 其實我又覺得將亞哥的舊試卷比細妹做無乜問題, 唔會唔公平呀, 我地係香港讀左咁多年書, 去到中學同大學都係多數狂做past paper, even出面既公開試, 都係做past paper, 只係溫書既其中一個方法, 唔係背答案嘛.. 當補充練習咁做.... 況且, 老師都多數唔會照出往年既考題卦....
不過我都無得比佢做, 若果有媽咪願意比我睇下佢地d大仔大女既舊試卷咁都唔錯 =P

大家加油!!
希望可以多d 上來啦~

kuen2348

多少課外活動因人而異，以不影响學業為原則。
但在我來說是多咗，不要以為學多些一定好，太多有時適得其反。
多喲上來傾吓呻吓。


[ 本帖最後由 kuen2348 於 11-1-31 12:00 編輯 ]

小虎哥

大家好小兒今年小一選學，請給點意見 eg. 功課多唔多、課程深唔、你們對老師 &學校觀感？
這學校是否本區熱門？

kuen2348

你好，可立不是區內熱門，程度中等，二測二考，壓力不算大。但小二開始按成績分班。
功課相對計不算太多，學校鼓勵學生多看課外書，中文教學，小一有五班，2010年開始小班教學。其中兩班英文科全由外藉老師任教。
我個人覺得學校及老師都算OK。
你可上小一選校及教署小學概覽了解多些選擇適合令公子小學。

Rainy

thanks kuen... 再試多個學期睇下佢應唔應乎到先決定明天小二係點..

小虎哥.. 我個仔讀小一, 班班功課唔同, 亞仔果班唔係太多功課, 考試測驗我就覺得較淺, 可能係第一次, 唔會出得太深, 費事打撃小朋友自信心嘛..
暫時遇到既老師都係幾好, 教學方面都算ok... 唯一唔好就係無乜唔使錢既課外活動...  有都好難先份...

kuen2348

Hi Rainy,
           不用謝，多啲上嚟傾吓講吓仔仔近况，傾吓呻吓。小一下學期開始功課會多啲，升小二會按成績分班。
             個人來說，搞掂中英文最主要，多啲中英課外閱讀，慢慢會提升閱讀理解及文法嘅運用，越高年級越有幫助，亦能幫助數學解題。
             課外活動睇吓仔仔邊方面有興趣，同佢傾吓，通常家長都會傾向安排大量課外活動及補習俾自己仔仔女女，認為樣樣都為佢好，希望贏在起跑線上，慢慢忽略仔仔女女壓力、感受、才能和興趣。學習喺長遠，條條大路通羅馬，磨利一兩把刀方為上策。

[ 本帖最後由 kuen2348 於 11-1-18 18:37 編輯 ]

小虎哥

Thanks Rainy & Kuen 2348!
再想問吓 : 你哋當時第幾志願？
我唔識點排位
請給點意見
(小兒較怕丑、讀書一般、尤其英文)
謝謝 !!

kuen2348

我是第一輪自行派位，是因為唔想仔仔讀得太辛苦，每個人要求唔同，你應該去小一選校度睇吓會好啲。可立不是區內熱門之選，放在第二或三志願都應該有機會入。

小虎哥

Kuen2348 Thanks!
我都想他無咁大壓力。

kuen2348

不用謝，若同校多啲上嚟傾吓。

原帖由 小虎哥 於 11-1-21 17:43 發表
Kuen2348 Thanks!
我都想他無咁大壓力。

Rainy

我係區外叩門考入來的...

kuen2348

祝各位新年快樂，
仔女精乖伶俐學業進步，
青春常駐賺到盤滿砵滿！

BabyLincoln

恭喜發財
心想事成
身體健康
新年快樂

原帖由 kuen2348 於 11-2-3 01:46 發表
祝各位新年快樂，
仔女精乖伶俐學業進步，
青春常駐賺到盤滿砵滿！

Rainy

恭喜發財, 祝願各位家長心想事成, 身體健康!
仔仔女女學業進步, 精乖伶俐, 身體健康!

kuen2348

中-48/50
英-49/50
數-44/50
常-28/40
普-20/20
今次常識十分差，究其原因主要上堂無認真同專心，温習亦欠全面吧！
希望他會努力改善。
大家考成點？可否分享吓？

BabyLincoln

Hi

今次評估
中-47/50
英-47/50
數-43/50
常-33/40
普-19/20

中、英、數的失分皆因不小心!

今次常識科評估內容有些問得並不直接,仔仔也非常大意!

另外,想問你覺得他們的功課多嗎?阿仔天天像拉牛上樹,常常弄到十時、十一時才把功課完成,他亦非常疲累。不知是否只有他才有此問題。平時根本沒有時間溫習,唉!只有長嘆!

很久沒有留言,日日也忙忙忙!

[ 本帖最後由 BabyLincoln 於 11-4-7 21:58 編輯 ]

kuen2348

原帖由 BabyLincoln 於 11-4-7 21:56 發表
Hi

今次評估
中-47/50
英-47/50
數-43/50
常-33/40
普-19/20

中、英、數的失分皆因不小心!

今次常識科評估內容有些問得並不直接,仔仔也非常大意!

另外,想問你覺得他們的功課多嗎?阿仔天天像拉牛上樹,常常弄到十 ...

Hi Babylincoln,
                     我覺得不算太多，剛上二年級時，他的確做得慢，但現在會快少少，有時佢會爭取在小息時做功課，這可能因為我同佢講七點前做哂功課，賺咗時間由得佢做自己鐘意嘅嘢。如時间唔許可，每曰一篇和英文百寶箱都會唔做，留待有時間先補做。平時佢都少温習，希望這方面日後會有改善。

8331

各位可立媽媽：

很久無和大家say hi，知道各位小朋友評估完了，復活節快到，大家可以輕鬆下。

我最近都是忙於幫仔女溫書，好彩他們不是同一時間考試，不過我的時間就完全給了他們，當初以為升中我可以
放手了，原來是唔得的，仍然要陪太子讀書。

阿仔和阿女升中一初時我都試過放手給他們，點知道成績真的唔係太好，所以我在他們考試時都要出口和出手，有媽媽管束下真的唔同d，真的唔知道要陪太子讀書到何時，唉！

不過當然無小五小六報分試那麼緊張！大家努力啦！