第一個登陸"協和小學家長分享"! Part 2

maku

各位


剛才收到女女同學仔妈咪電話， 好吾開心，太子道西中午發生交通意外，事件中一名6歲女童被一輛小巴拖行後輾過死亡， 是協和下午女女P.1同级同學
          

大頭玲

    

學校附近d交通真係好繁忙架!! 真係好今人擔心架!!! :cry:  :cry:

maku

今日或明天會收到通告     

月兒

旺角小巴輾斃女童遭扣查
(星島) 01月 08日 星期一 02:40PM

一名六歲女童中午在旺角被小巴拖行，並捲入車底輾過，傷重死亡。事發在太子道近基堤道，警方表示，女童與母親一起乘坐小巴，母親付車費，女童先下車，兩人落車後，小巴開行一段路程，司機才知道發生意外。警方表示，司機在意外前並無飲酒，警方將司機帶走進一步調查。警方亦會繼續了解女童為何會跌倒被捲入小巴車底。警方初步檢查過小巴的車身及車輪後，將小巴拖回扣押中心，又帶走女童留下的書包。

    

carollam310

阿女剛剛放學返黎話我知佢好驚...佢見到血...果陣阿女架校車剛剛經過果度...就快到學校門口要落車..但發生左意外就塞左喺果個位...知道後..個心好痛 :cry:  :cry:

大頭玲

原來是同亞仔一班!!!   

願主與她及她的家人同在, 好讓傷痛時間快快過去!!!

maku

希望小朋友早日安息

Snake

最初睇到網上新聞很擔心囡囡塞車, 接她放學時她把事情告知, 我都有點驚訝.  我囡囡的情緒沒有大不同, 可能她已經歷了祖父及祖母的去世.

yanyanangle

聽到嗰新聞,嗰心好唔安樂,嗰細老女死得好無辜,點解小巴司機會唔知車到佢,仲要行咗陣先知    簡直過份    嗰媽咪一定好傷心,親眼睇住嗰女咁,        身心靈受到嚴重傷害,需要長時間復原,但願神醫治呢位媽咪心靈,讓其女兒早日安息,到天家享受永生嘅快樂 :cry:

carollam310

果個位落車..D小巴司機係好急架...我平時都搭慣旺角小巴..都係0係果個位落車....附近D交通都幾亂架... 聽朝阿女返10點..我自己帶佢返學..會搭旺角小巴出去...會喺果個位落車...頭先阿女同我講...我地聽日要小心D落車    佢好似真係有D驚....   

maku

我女女是讀隔離班, 但我女女說認識她, 在課堂時都有           
今晚要多加留意先得

Hellomummy

今日我剛好帶阿女去協和考插班試...

剛剛聽到新聞係個女童落車後跌倒, 而車就在此時開...平時乘小巴都已經覺得一步一驚心, 想不到真係會發生咁罕見既意外, 女童死得好無辜, 個媽咪好慘, 只是按平時習慣上學, 一下子就無左個女...好心up   

月兒

Hellomummy

妳的囡囡是否穿白色綑深藍邊體育衫和深藍色運動褲的，
可能是妳吧！
今天我接放學時，好似見到妳們走，
大約三點半至四點左右。

月兒

Hellomummy 寫道:
今日我剛好帶阿女去協和考插班試...

tamannabel

各位家長,

呢件事真係另我們好痛心,   
希望小朋友安息及她父母哥哥要震作...

亦提醒家長要小心小朋友安全,
他們是需要父母細心照顧       

tamannabel

carollam310 寫道:
阿女剛剛放學返黎話我知佢好驚...佢見到血...果陣阿女架校車剛剛經過果度...就快到學校門口要落車..但發生左意外就塞左喺果個位...知道後..個心好痛 :cry:  :cry:

蘋果用你呢段話做左稿,
咁你們帶小朋友出入,記住都要小心呀!
:cry:  :cry:

carollam310

carollam310

尋晚阿女唔肯自已訓 :cry:  :cry: 要同我一齊訓 :cry: 我諗佢真係有D驚...剛剛帶左佢返學..都係搭小巴..都係喺果個位落車...一路行阿女仲望返轉頭望住果個位.. :cry: 雖然佢冇出聲...但我知件事對佢有影響 :cry:  :cry:

Hellomummy

月兒:

是的, 你說的都對, 那該是我們了, 你很心水清呢! 呵, 我尋日病緊又帶哂口罩, 著得好求其, 真係失禮哂tim!

剛剛收到電話話收左我個女, 又驚又喜, 因為佢考完出黎話d卷好似唔係幾識做, 我仲打定輸數, 點知咁都收, 我俾d証書佢, 佢又唔睇, 佢上一張成績表仲係幾核突tim....唔知係咪因為2年班多了很多位呢?

明天要去註冊了, 想問各位09年搬去長沙灣可能轉校網(油尖旺變深水埗), 你地點睇呢? 我由荃灣轉去深水埗, 值得嗎? 請給我意見....謝謝   

月兒 寫道:
Hellomummy

妳的囡囡是否穿白色綑深藍邊體育衫和深藍色運動褲的，
可能是妳吧！
今天我接放學時，好似見到妳們走，
大約三點半至四點左右。

月兒
[quote]
Hellomummy 寫道:
今日我剛好帶阿女去協和考插班試...

[/quote]

大頭玲

hellomummy

hi! 坦白講, 搬左會點, 幾年後ge事, 冇人答到您, 有可能好d, 有可能差d, 咁要睇您有expect d mug???!!   
如果您亞女現在間小學, 唔係咁差, 上中學ge出 路又幾好, 又近屋企, 客觀條件都好, 真係冇必要轉! 如果, 唔係ge, 咁轉校先有意思ma!   

Hellomummy

大頭玲:

謝謝你的回應, 我都係同大部份家長一樣, 為了子女的前途打算, 今年大仔升中選校, 才令我體會到校網是如何重要, 所以一定要諗埋校網; 其次, 交通亦是一大問題, 我們現在要1小時15分鐘上學, 來回是2.5小時/ day, 又番全日, 回來已經很晚亦很倦, 書很難讀得好.

咁雖然出太子都要1小時, 但交通直接些(mtr only), 又番半天, 可以多些時間用, 考慮了以上幾點, 都係決定要轉, 問題係, 應該轉去邊間而已...

其實阿女極喜愛原本的學校, 老師和同學, 一講到轉校就哭了, 不過都只是過度期, 希望她會盡快適應吧...