番禺會所華仁小學

wlk168win

Sorry!!頭先睇漏左呢句..."wlk168win：第一次召集!! 大家都掛住你。"
呢幾日慢慢跟番個仔有咩野, 仲要係禁以幫佢溫中文, 尋日三度擺好架步準備溫一次中文, 點知....最終大家一齊解散...到夜晚先有少少時間溫左5分鍾...今朝起身話: 唔想默書wor

wlk168win

老人家返黎仲有少少偶偶地.
其實我每日一開機就上黎睇你地架啦, 嘩你地真係好勁呀!!
  

happy5

睡公主:

可能之前有故障 , 煩請再 check pm,thanks!!

ms99

歡迎 wlk168win 平安登陸。   

"巴斯光年" ?  唔知點解亞仔話唔鍾意佢!   仲用"最憎"嚟形容，唔知有嘜得罪。

今星期又要開始備中默同下星期測驗，今次無咁緊張了，可能唔係英文，唔怕佢唔識睇啦。最多又係careless mistake。但今晚要試一試仔仔實力先在評論。

felix喵喵

hello! 各位午安.........喵喵!!

午餐時間, 可以relax吓!!
這兩天要O.T., 有D擔心呀仔的測驗.  :-|
希望呀仔醒醒目目, 自動自覺.....

睡公主

happy5

please check pm.

麟媽媽

Hello！多謝各位aunties，亞仔琴日生日都好開心！
今日好鬼攰....揹左成朝書包，真係好重。
一早去到西環做身體普查，都幾快，50分鐘左右喇。
比預期快，11點已在合和Delifrance食lunch。
食完仲有時間溫埋聽日既默書，佢又幾快手，
已串晒D字，今晚時間鬆D囉。
佢個高度有90/100喎，不過重量是70/100，
要食番多D野。佢有同學超重吖！要少D零食了。

亞仔3歲前Buzzlightyear係佢頭號大熱，
但之後又唔鐘意喇。之後鐘意Star wars既Obi-won，
連隻貓貓都改做OBI。呢排又鐘意「龍騎」....
好在一早同貓貓改左名啫，我唔想叫隻貓做「龍騎」！
佢都好花心吓，大個對女仔係咁就C喇！

麟媽媽

我想問吓二年班家長，
你地中文係咪次次都背默？
以前小一成年都只是背默過兩次，
但亞仔除了第一次中默是讀默之外，
之後次次都係背默既？我問個仔點解？
佢話老師話次次背默都好成績過讀默喎…
所以背默囉。都唔知係唔係真既？！

ms99

Hello!  麟媽媽,

你家中隻貓貓係仔仔叫你俾佢養定全家一齊贊成養呢?

因為亞仔叫我俾佢養好耐，連佢爸爸都舉手贊成，獨欠我未點頭。因為我預料玩就無我份，執呢執路就唔少得。

養貓唔煩咩??

麟媽媽

ms99,

養貓好呀，可能我隻貓比較乖，我覺得好好。
我自己好鐘意的，亞仔都鐘意，但老公麻麻地。
我養的是異國短毛貓，樣子似波斯，但毛無咁長。
呢種貓比較文靜，好少叫亦唔四圍跳，多數食完便訓！
我朋友的英國短毛好貪玩，由窗網爬到天花頂！
我個仔已經無時停，我唔頂得住連隻貓都係咁！
食方面好簡單食乾糧，廁所佢會自己去的，但要”不”屎囉！
呢D一定我做架喇，有時工人”不”，但成日整散晒d沙！
所以我做多D，我怕工人佢洗唔淨隻手去整飯呀！！
我亦好鐘意同貓貓沖涼，初初佢怕水架，
但沖涼時我同佢massage，而家佢唔再怕了。
其實一開始是亞仔要求的，咁講掂老公咪買左囉。

felix喵喵

麟媽媽,

多謝你的意見.......喵喵!!
革命尚未成功, 我和呀仔會繼續爭取 (已經第五個年頭了).
各方喵喵擁護者, carry on...............喵喵

麟媽媽

felix喵喵,

kookooloo都是愛貓之人，佢兩隻吖！
望你有日革命成功！
我老公而家都好錫隻貓架！
等我老公同ms99講吓佢既心路歷程，
養貓之事，指日可待呀！

felix喵喵 寫道:
麟媽媽,

多謝你的意見.......喵喵!!
革命尚未成功, 我和呀仔會繼續爭取 (已經第五個年頭了).
各方喵喵擁護者, carry on...............喵喵

ms99

OK! 麟媽媽 & felix喵喵：

請不要給我諭論壓力吧。

你知嘛! 我由細到大都未試過養活一樣生物的，由兔仔，金魚，龜龜，任何植物...但凡經我手的，都不過三個月壽命，我都有儘力養牠們的，但可能我"剋"死牠們了。所以....我不想再有生物因為我而..... 更不能傷我寶貝仔的心呢!!

ms99

小事分享

仔仔話今日班房有人喊。

原來有一同學仔俾老師寫手冊欠交功課，跟住同學仔就開始喊，老師都有上前叫佢唔好喊，噢!點知同學仔邊喊仲要邊打自己添。 我心唸老師一定繼續安慰啦。點知老師話：打大力啲啦。 講到呢度，仔仔就學同學仔當時打自己嘅情形，嘩! 都幾大動作喎。 我追問仔仔當時其他同學點樣，佢話有啲睇嘢，有啲寫嘢。咁仔仔又點呢? 佢話當時覺得好傷心，好痛。 我聽到都覺得好感動。  :cry:
因為仔仔能夠切心處地替他人分憂，我感受到仔仔好善良呢。

happy5

ms99:

你仔仔好叻噃,識得感同身受!
另外,呢個係教邊科嘅老師黎嫁?話唔定第日阿仔有機會撞到佢教嫁,我想八卦吓呀!

ms99

happy5：

要知係邊位?  我唔係好方便講，不過，睇pm啦。

easiness

ms99,

請問係邊位老師咁過份? 身為老師講呢o的說話, 有無想過小朋友既感受?

睡公主

ms99

我估嗰個老師係出盡法寶都攪唔掂個細路，唯有用激將法，等佢自動停手，其實我都試過出呢招，因為有時阿仔真係野蠻到唔係人咁品，但嗰位老師係專業，又接觸過咁多小朋友，冇理由會用呢招，佢可以用分散注意力或者叫佢坐埋一邊冷靜吓，乜佢冇諗過會嚇親其他小朋友？你個仔真叻，識得將心裏感受講出來，唔會悶喺心入面。

ms99

早晨!

我明白老師要對住40個學生，仲要係時間緊迫下趕課程，難免分身不下兼未能盡善照顧每位小朋友需要。要用最短時間控制場面，當然要先行下馬威啦，免得其他同學有樣學樣嘛。但場面受控後都需要解釋一下，等小朋友知道下次嘅處理手法，呢啲情景教導仲好過平時日鵝夜鵝嚟得深刻。只不過.....之前仔仔都受過幾嘢，不明不白俾人話咗兩句，佢都唔明做嘜，淨係覺得好難受，如果唔係留意到或氹佢講多兩句，我相信佢一路放係心裡面或會重犯又重犯，所以今次老師嘅反應我都有啲出奇，但想深一層，又唔係第一次，佢嘅style不嬲無變，係我哋要變吓唸法先啱。 所以我要教仔仔"多一事，不如少一事"吧。  

wlk168win

早晨呀各位:
ms99ls. check PM.