子女的期望 vs 父母的期望

shadeslayer

1998Ruby1998 發表於 17-4-21 09:22
回覆 asweetmom 的帖子

我阿媽都係畀雜嘜牌畀我，衫褲鞋襪、文具、書包等等全部都係冇牌子或者大減價清倉 ...

我係大人都唔會做呢D細藝野, 有D細路係唔會做的。

little_yolky

MrBeast 發表於 17-4-21 08:43
我有部大6平板，雖然幾舊水，但好少用，幾年前買部ipad 3k幾，e加仲用緊，拉暈都算抵用。明白唔想小朋友變 ...

蘋果真係好襟用, 當年我家姐換手機, 俾部iPhone 3我, 我用咗幾年, 到阿妹換手機, 又俾咗部iPhone 4我, 我就用部iPhone 3同C6換咗部手機, 部iPhone 4又用咗幾年。家姐又換air, 所以俾咗部iPad 2我, 用到依家咁多年都仲用到, 係個大細聲制壞咗, 其他一D問題都無, 可以俾阿女做網上練習。so good~~~~~~

shadeslayer

little_yolky 發表於 17-4-21 09:54
蘋果真係好襟用, 當年我家姐換手機, 俾部iPhone 3我, 我用咗幾年, 到阿妹換手機, 又俾咗部iPhone 4我, 我就 ...

阿女部 MacBook air 用在四年, 仲健在, 用緊毫無問題, 甚至唔覺得慢。

asweetmom

shadeslayer 發表於 17-4-21 09:14
嘩高招。有生意頭腦但同學都計錢就…

佢話買之前已經計劃好租俾同學，咁貴佢不捨得借，借得多又快殘，佢係買二手ipad。

asweetmom

greentea000 發表於 17-4-21 09:08
咁有諗頭  唔使擔心喎
又俾返你個tab錢你，你女算有義氣

我個雜牌tab1000唔使，佢話連本帶利俾返1500我，咩意思？

asweetmom

回覆 MrBeast 的帖子

好明顯依家個決定權不在我手，問都無問我。本來同樓主阿媽比，我好幸福。唔通依家先開始抗爭？！

shadeslayer

asweetmom 發表於 17-4-22 01:02
佢話買之前已經計劃好租俾同學，咁貴佢不捨得借，借得多又快殘，佢係買二手ipad。 ...

同學間唔係有互相幫忙之義咩?

greentea000

little_yolky  培正叩門位好似只俾培正小學生而已。佢阿爸阿媽無做資料搜集。

知係知，但又抱一線希望嘛，父母都係咁。金文泰令金仔父母雙重失意，非英中，非b1。等到b1圓滿，非英中遺憾又會無限放大，沒完沒了。

greentea000

asweetmom 發表於 17-4-22 01:05
我個雜牌tab1000唔使，佢話連本帶利俾返1500我，咩意思？

或者我講我同我媽既例子，你會易接受Ｄ。

我媽愛打扮我，幼稚園就公主look，小學就可愛型，中學就氣質高貴淑女路線。阿媽眼光唔錯，搞到我次次出場係萬眾矚目，佢好開心。而我越大就越唔鍾意咁吸引眼球，我想湮沒人潮中。無能力反抗之前，無辦法都要著。阿媽雖然有時都會問下我，偶然大家意見一致，唔一致阿媽都係買佢自己鍾意果件。然後我換一種方式表達，接近我低調類型就著多Ｄ，太花巧就著少Ｄ甚至唔著。好多時年尾大掃除會執出好幾件袋都無拆既新衫，如果size我已經著唔落阿媽就無奈送人。同阿媽搞對抗之後，試過偷偷地賣左少部分新衫，阿媽買既速度太高，完全無察覺。

到我同人補習，間唔中就自己去買衫。阿媽有鬧架，但係已買，又可以點。中學基本完全著自己買既衫，淨色、條紋、格仔，阿媽話我好悶好無style，仍然堅持買佢認為更有水平既衫俾我。同時中學阿媽係買少左衫俾我，衝突少Ｄ。到我高中阿媽亦換左一種形式，大減價先買，盡量買大家都接受既。高中暑假我去大公司、政府做暑期工，需要著正式Ｄ，呢個階段阿媽眼光有指導作用，斯文大方又唔老積。

最遲去到中學仔女各方面會同父母有唔同睇法，又開始有物質追求。一方面仔女未有賺錢能力，另一方面父母傾向壓抑自己物質需求，見仔女對自己咁好咁識享受係雙重嬲。仔女越大父母越難掌控，錢同拍拖係中學最後關卡，首次突破係反應激Ｄ。

你女其實好了解你亦好有計劃，明知你唔肯，用自己錢先斬後奏，再俾返多過你tab價錢安撫你，你無損失。ipad二手都唔平，仲有同學同你女租應該保養良好又唔係太舊款。已經二手，再發揮剩餘價值要跑蠃時間，租俾同學絕對係聰明做法，客源充足又穩定。到回本，好可能下次直接換一手新款ipad。

你要決定權係無可能啦，爭取知情權比較好，有商有量平穩過渡。咁精明幹練既女仔好受歡迎架，做好心理準備面對另一關卡！

greentea000

shadeslayer 發表於 17-4-22 02:37
同學間唔係有互相幫忙之義咩?

我認為分兩方面睇：
1.借咩都要睇雙方友誼，唔會係人都借，再好感情亦有唔願意借既野

2.部ipad自己錢買，好肉赤，好珍惜，唔想借


既然上堂要用tab，理應每個同學都有1部，平既幾百蚊家長唔會買唔起，點解仲有同學肯租？如果個個家長買ipad俾仔女，自然無人借無人租。用雜牌tab既同學用租既形式滿足物質慾望，比自己買 / 叫家長買容易達成。

greentea000

asweetmom 發表於 17-4-22 01:09
回覆 MrBeast 的帖子

好明顯依家個決定權不在我手，問都無問我。本來同樓主阿媽比，我好幸福。唔通依家先 ...

你大女除左無拍拖一路到入大學都無出位事？咁你大女同一般人比較係反常，二女係大部分正常人既表現。

凡反常，日後要付出更大代價撥亂反正。

greentea000

shadeslayer 發表於 17-4-21 09:51
我係大人都唔會做呢D細藝野, 有D細路係唔會做的。

可以唔做到Ruby咁細緻，唔可以完全唔做。例如衣食住行、娛樂、儲蓄各佔幾多%，每個月唔超支就算，省卻每日記帳。

greentea000

asweetmom 發表於 17-4-21 08:22
我三個女呀，富養不到。佢係學校部分科目上堂要用tab，又不想佢玩太多電子野，就俾左我個雜牌tab佢用。大女已經大一，我可以不理。二女咁有要求，我驚帶壞三女。老公話唔使我地兩老出錢，不理。得我煩惱

你老公講出左重點，邊個出錢。唔用你錢，唔使問你，好正常。本身你俾個雜牌tab二女就動機不良，你想減低佢對電子產品興趣所以俾個差既佢，如果一早大家商量買咩牌子問題就少好多。上堂要用即係用幾年，買個好既用耐Ｄ唔使換一樣有著數，到時三女又接住用。

greentea000

asweetmom 發表於 17-4-21 08:36
回覆 greentea000 的帖子

作家未成名之前都係有份工比較穩陣，中文系仲可以考慮記者、行政之類。你地興細細個就揾錢？*^O^*

如果無老師、政府工做，當然會考慮記者、出版社之類。
自從我劃時代小學就同人補習，新一代係多左同提早左做兼職，話曬經濟獨立先可以保障話事權。

greentea000

asweetmom 發表於 17-4-21 08:47
回覆 greentea000 的帖子

有物質追求仔女點引導好？

你先搞清楚自己物質要求係點先，想平就無質素，想有質素就無得平。你亦唔會樣樣要平，好似買衫買袋，總有幾件見得人飲衫，或者一、兩個名牌手袋。一個ipad暫時睇唔到你女追求物質，亦有可能買左ipad要錫住用又擔心唔見左，心理壓力太大下次寧願買平野粗用開心Ｄ。唔使咁早標籤佢係物質女，觀察下傾下先。一旦標籤左，大家無偈傾。

1998Ruby1998

回覆 shadeslayer 的帖子

我阿爸阿媽堅持日日都要每樣野記帳，佢地要依家都要堅持銀行寄月結單，自己做盆數，所有單據包括八達通增值等等有單就攞單。佢話咁樣先可以預知未來幾年屋企要洗幾多錢，供樓差幾多，有咩額外洗費、有冇機會去旅行。
以我阿爸月入 2 萬幾（因為間公司規模唔大，同埋內地公司低價搶生意，所以 20 年來冇咩點加人工），阿媽係家庭主婦，08 年買到當時市值 400 萬嘅樓，都儲夠一球供我外國讀書同埋退休。我地屋企冇豪飲豪食，冇咩點去旅行，所有野大部份都係翻版、雜嘜，用到殘先買，所以阿爸理財真係做得好好。佢成日話如果後生仔肯放棄旅遊、豪華飲食同埋奢侈品，肯儲錢同適當投資，應該生活條件唔錯，買一個細細地一個兩人單位指日可待（provided that 市場價格穩定）。不過呢，又有幾多年輕人抵得住頸同埋接受到冇咩享受呢。

當然，唔需要做到我咁細緻，但係起碼一定要清楚條數去左邊，細個養好呢個習慣，大個自然都會 keep 住做。好多野都好麻煩好複雜，但係我地咪都係照做

shadeslayer

greentea000 發表於 17-4-22 05:08
我認為分兩方面睇：
1.借咩都要睇雙方友誼，唔會係人都借，再好感情亦有唔願意借既野

唔 friend 就可以唔借, 租比佢有無考慮要按金呢?

Friend 的借要按金又比租就…  咁人地第日借支鉛筆比你係未要收番3毫子?  原則一樣銀碼不同者。

無論如何咁細有生意頭腦好厲害。

shadeslayer

1998Ruby1998 發表於 17-4-22 06:10
回覆 shadeslayer 的帖子

我阿爸阿媽堅持日日都要每樣野記帳，佢地要依家都要堅持銀行寄月結單，自己做盆 ...

我唔反對别人仔細理財, 但我只看大數。亦唔覺得每個細路也要由細學習仔細理財。

我看法是, 人生時間有限, 在一些限制下, 自己選擇 free time 如何用。我選擇多D運動, 看多場戲, 也不做每日仔細收支表。

這是價值觀, 無對錯之分。

shadeslayer

IloveJJ 發表於 17-4-22 10:29
如果係我，我會覺得就算阿女想咁做，都應該問過我，因為係我買俾佢既野，佢無理由唔同我講聲，就轉賣出去 ...

都係, 佢轉賣同一類形東西啫, 下次轉賣游戲點數咭（或更差的東西）咁使唔使講?