"啟思"的家長 (any branch) please come in.

heiheima咪

1314,

係啦, 許耐之前有通告, 在10/1 開始到唔知邊日, 在校務處有相睇, 你星期六快d 去睇啦, 不過d 相都唔平, 3R ~ $3.5, 4R ~ 好似$6.0 or $6.5.

收到你PM, 我遲少少SEND 返張相比你.  

1314

heihei媽咪:
收到,thank you!
張新相係咪你細囡?我個囡都影過差唔多造型,間studio係咪叫Baby House?

1314

啓思家長去晒邊?放完假唔見晒人既?有無人參加今個星期日喺藍田啓思搞既"親子藝術遊戲日"呀?

ho_fish

請問有無返緊nursery既家長呀?  請問你地仔囡識叫老師去廁所大大未呀?  我個囡成日o係學校賴臭臭, 曾經比"姐姐"話佢係賴屎王, d"姐姐"又幫佢用凍水洗wor, , 我個囡曾經同"姐姐"講可唔可以用暖水, "姐姐"話無。婆婆已經lor左盒柔濕巾返去比老師, 麻煩d"姐姐"幫佢抹乾淨便可呢d都係我個囡講返比我知既, 可能未必完全係咁, 但係亞囡病左成個幾月, 好返少少返左學1日, 又病過, 好慘。

nursery已經貴過k1, 係因為d小朋友真係未識講去大大, 要特別照顧, 諗唔到自己個囡會比人用凍水幫佢洗, o係咁凍既天氣下, 除褲去toilet都唔想啦。

我可以點做呀? 婆婆同老師講過, 老師話應該唔會咁做, 但係亞囡每次返黎都話"姐姐"用桶o個d凍水幫佢洗。我又怕去同學校講會換黎d"姐姐"對我囡囡更不滿

1314

ho_Fish:
你囡囡每朝返學前有無飲奶？會唔會係佢飲左奶所以要去開大。我個囡通常飲左奶就會開大，所以自從返學後就無俾佢飲朝早支奶。
至於冷熱水問題，會唔會洗手盆無熱水喉所以用凍水同洗？不過我覺得你應該向老師反映，因為呢排天氣咁凍，就算水喉出唔到熱水都應該攞熱水開暖啲凍水，學校一定有煲熱水喺度架嘛。又或者你等個囡好番晒先返學，我個囡試過一次唔舒服返到學校又係"賴"左臭臭。可能唔係平時啲便意，啲小朋友肚仔唔舒服又唔識講，所以咪忍唔住囉。

TSZCHINGMA

DEAR ho_fish,

我囡囡都係讀n1, 但係返了學到現在都係賴過2-3次臭臭,不過你個女都好叻呀起碼佢識同你講用凍水洗, 不過我見到學校洗手間有一格有花灑上面係有熱水爐的, 不過自從返了學都係成日病, 睇doctor都睇了n次...不過我覺得你應該同老師傾下(唔係投訴),照理真的不應該用凍水洗,唔好講話凍天, 夏天我們大人沖涼都用暖水啦.....快d反映下啦  

mamiya

ho_fish,
Yes, I think u should talk to the teachers directly in order to know more details.  The wet wipping papers should put in her school bag, not pass to the teacher.  My girl study at N1 (pre-nur.) forgot to say "poo-poo" happened on her also while the first 3 weeks when she started to go to school, that was a strange smell and not normal, my maid told me due to the tooth coming out and my girl didn't know to control it (even she didn't have the feeling).  So, double check with your little one to confirm nothing happens on her if she always can control at home, or only just feeling shy to say to the teacher?

If you're worry, u can let her wear disposable panty (diaper) just in case.

ho_fish

TSZCHINGMA, 若果我個囡叻就唔會賴臭啦, 都比佢激死, 已經訓練佢每日瞓醒晏覺去架勒,但係成日返學都賴, 講比佢知點樣叫自己去,點樣叫賴, 佢又知架播, 之前重寸我,話賴左洗咪得lor, 你話點攪。小便佢都識叫人去架, 但唔知點解大大一直都攪唔掂。

唔知會唔會真係好似1314咁講食左奶既關係, 但係佢一日要食3餐奶架播。

mamiya, 我有同佢傾過架, 佢會答知。佢唔係唔舒服, 亦都唔係唔敢講, 而係佢有依賴, 佢成日諗住賴左只要洗乾淨就得。佢又唔怕"up"住架播, 都比佢激死

heiheima咪

1314,
你之前睇是野人相,不是我細女, 是我大仔來的.
今次張劃家張就是我細女來的.
係啦, 在babyhouse 度影. 不過今次個女影得唔係太理想了. :cry:

ho_fish

原來今日係教師進修日, 因為上星期五無返學, 又無睇手冊既日曆表, 今日婆婆同囡囡摸門釘呀

KLLP

ho_fish,

me too ar, I took my son to wait for school bus but not coming.  At first, I though I was late but when I called the school and they told me that today is a school holiday ar

foon

ho_fish, KLLP,
其實除左手冊後面有寫之外, 老師係手冊入面都有紙仔釘住, 提醒家長今日放假ga...

ho_fish,
你囡囡好翻未呀???

ho_fish

FOON, 我睇過本手冊, 今次老師無夾紙仔通知呀

我個囡又染返感冒, 好返d架勒, 最好佢快d連咳都無晒就好勒

JacquelineHo

ho_fish,

您囡囡幾大? 係咪細 B 黎哩?! 有冇重組下她的飲食習慣,試下改唔改到下晝先開大大! 打左電話俾老師了解下冇?

昨日係學校假期,手冊度有寫架,您們上午班冇 mark 咩? 可能您囡囡病左的關係罷,上星期五老師都有提姨媽 Monday 唔使返學的!

ho_fish

JacquelineHo,我囡囡今個月剛好3歲勒, 唔知係咪我地o係"臭臭"呢個問題上比太大壓力佢, 佢2個星期前將自己d手甲咬到入晒肉, 問過醫生, 醫生話我囡囡可能有d野唔開心,感到有壓力, 重問我地呢2個星期屋企有無重大變化tim。

不過尋日佢返學都有舉手叫老師去"臭臭",最終係無既, 都係下午返屋企賴左, 不過都係好開始, 起碼佢話比老師聽。我諗住今個星期同佢一齊去買一個痰罐(我屋企用bb廁板), 佢之前睇中一個有音樂, 但太貴我無買到, 希望同佢一齊買個佢鍾意既會有所改善la。之前我o係書局見到一本故事書, 係教d小朋友去大大既, 但係本書糷左又無新,所以無買到, 家下我四圍搵緊o個本書  

TSZCHINGMA

Dear ho_fish,

有無去圖書館睇下有無得租, 我記得d育兒手冊/指南入面有教, 我之前都有本書係購教"大小便"唔知你有無興趣睇睇..我可以fax給你, 希望幫到你...

ho_fish

我都有一本書係講教大小便, 不過我想搵o個本係比小朋友睇既, anyway, thank u

JacquelineHo

ho_fish,

『....將自己d手甲咬到入晒肉..』    咁睇黎您囡囡真係好唔開心喎,陰功! 其實除左您們、自己的壓力,會唔會係學校都有 d hard-feeling 或者覺得醜醜呀?! 她好像都努力緊去改善/表達..... 您們唔好太 focus 係她呢個問題上,等她釋懷點再開導+鼓勵她啦!

你講個本書,係淨係教大大咋?! 我之前係用 "健力氏"個本,都係俾小朋友睇架,您有冇都試過呀?!

鴨媽媽

太耐冇入黎, 又傾番下先.

講開無睇手冊既日曆表, 見之前D媽咪話mark哂係日曆個到先,所次2005年開始我就mark低哂先, 所次今次冇走雞.

但另一樣野係, 星期五派手冊, 話下星期幾要帶d乜野返學用 或者 要整d 乜野返學用, 星期一又收番本手冊, 唔知自已是否烏sir sir, 有時真係會唔記得!

ho_fish,

今晚番去問下婆婆和姐姐, 在學校'大大'後會點樣 (我記得我個囡囡 有試過係學校'大大') , 之前婆婆有同老師及學校姐姐'單'聲講話我個囡囡如果話'痾石頭'='大大', 麻煩留意.

1314

學校前幾日派通告，話家長可以同小朋友自製賀年吊飾，唔知你地有無參加？我就同囡囡整左相中所見既燈籠仔。