將軍澳富康德寶(DEBORAH)

wing530

pinkpink888, 唔係大部分都估啱呀, 而係得我一個估錯咋~      而家做教師真難做呀, 真令人敬佩呀~     

fifi, 我已收到d相喇, 不過, 仲未睇哂, 頭先lunch time出左荃灣行街, 行到2點先返到黎, 足足遲左1個鐘呀!    真開心呀, 好耐都未試過呀, 我想幫anson買d褲仔, 真難買呀, 而家佢著110(褲頭)都有d緊, 120又太大, 橡筋褲頭就ok, 搵日我地去kingcow, chicco行下啦, 記得帶埋vip咭喎~  

HALAHA & hinhinmom, 搵日我地約埋去沙灘玩, 好唔好呀? 我同fifi講好喇, 仲有, 我個BBQ PARTY 點呀? 點解無哂聲架? HALAHA, 你又講得好跨張喎, d相唔會新年先有得拎呀~  

homingm & Glau, 一齊玩啦~    啊, 原來k1旅行要3月呀, 我都係鐘意秋天去多d呀, 涼涼地, 好舒服, 點解k2無親子旅行架? 我都好失望呀!  舊年你地去音樂農莊, 有咩好玩呀? 係邊度架? 係咪即係"區瑞強"攪果個呀?  

smallbaby, 我都有參觀過比華利, 第一印象唔係幾鐘意個長樓梯, 上次interview, 阿仔同2個外籍老師玩, 佢2個老師好應酬咁講2句, 佢2個只係顧住自己傾計, 都唔理阿仔, 其他中國籍既miss, 就好nice喇~

Glau

音樂農莊響元朗，係“區瑞強”攪O個個，上次包場，佢地有D program 適合小朋友玩。
呢個星期六家長日，你地約左幾點呀，我就~ 3pm. :

HALAHA

Glau,

呢個星期六家長日,我約咗2:00pm,大家又緣慳一面,我記得你個囝好似同我囡囡一班,不知有冇記錯呢?原來你囝囝都讀過pre-nursery.

wing530

hello, 各位德寶媽咪,

你地有無興趣攪Christmas BBQ Party呀? 可以係我clubhouse度攪, 我果度(坑口), 可以book兩個爐for 16人, 或其他地方攪, 有無興趣先, 係的話, 可以大家相量下喎~小朋友又可以換雙交換禮物, 有波波池, 應該幾好玩掛, 好唔好呀? 大家比下意見啦~  

Glau, 如我無記錯的話,

HALAHA  ---- 2:00~2:15
fifi------------ 2:15~2:30
wing530------ 2:30~2:45
hinhinmom---- 3:00~3:15

hinhinmom, 今日我地放工去行街街呀? 你join唔join呀?    

   

fifi

我有興趣啊！我唸唔使係Christmas 正日，可以定係18/12果個weekend（星期六/日再訂）。wing530可以book兩個爐，再book埋閒多用途室，用來玩遊戲同交換禮物。

vibianyeung

Dear all,
嘩, 好有興趣, 邊日呢?
未試過同小朋友燒烤, 唔知會點

是不是satursday 18/12 可以3:00 (因要返工), 是否直至晚飯,不過我一個人怕攪阿女唔掂, 會不會星期日???

fifi

不如我D整個name list 先，睇有幾多人參加，因爲BBQ果度最多16人（計大人），如果太少人就唔使租兩個爐同埋無麽氣氛。

Christmas BBQ Party （暫定18/12晚）

1. wing530
2. fifi ----------------2or3大1細
3. vibianyeung
4.
5.
.
.
.

有無人記得德寳幾時開始放聖誕，新年假啊？

wing530，

Stephanie 琴晚‘目訓’到3點幾，係度嗌腳痛哦，今日無返學，等陣湊侷去睇醫生，因爲之前都試過一次，搞得我同老公都好緊張，你知啦，而加成日見到好多人病，唉，都唔到你唔驚

琴晚我D分手後，stephanie係度問‘anson 點解唔返我的屋企啊？’ 返到來又講‘媽咪，我今晚玩得好開心’

HALAHA，

你作麽改變主意唔去啊？兩個小朋友玩得好開心，同埋好彩琴日去chicco, D 羊毛底衫賣得斷曬市啦，訂都無得訂添

pinkpink888,

果日無唸到可以見到你 我無麽記性，我D係唔係見過啊？ 你家長日果日（開學時）有無去啊？

Christmas party 湊埋Eunice 來一起玩啦

pinkpink888

fifi:

我在開學前家長日那天有出席，還見過你呢!!想不到我們也挺有緣呢!!!

EUNICE終於無咳了，不過聞了三日氣(醫生開的舒緩氣) 。但不幸的是，現在輪到我咳了...... :-|  :-|

18/12，我應該可以出席，預埋我!!!

wing530

fifi, HALAHA, 各位媽咪,

今日我勁忙, 暫時唔會見我喇, HALAHA, 最衰係你呀, 成日話我得閒, 而家死喇, 幾個月既野要今日做哂呀, 仲要成個office總動員做tim呀~:cry:  :cry:  :cry:
   

fifi

pinkpink888,

嘻，我都覺得我D家長日同開學第一日見過，不過今次見你轉o左髮型，所以驚認錯曪。 不過果日等放學果陣，有個女仔同你打招呼‘x老師’我已經第一時間唸起你啦

Eunice點解要聞氣o既，係唔係可以快D清曬啊？你真係要注意身體啦，上次我咳都係Stephanie傳比我，你日日要上堂，咳到上來會好辛苦。

HALAHA，

多謝你關心，Stephanie 無麽事，今日睇醫生，侷話腳痛真係可大可小，不過Stephanie 只試過幾次係夜晚短時間痛，同埋無發燒，仲好精神週圍走，應該係侷高得太快，D骨長得快，但D肌肉同筋跟唔上，所以如果玩得多跳得多D肌肉同筋就會痛。用D按摩膏幫侷按摩下就得啦。好多小朋友都有哩個問題，有D男仔到8，9嵗都會。醫生話如果我仲係唔放心，可以去照x-ray。

wing530，HALAHA，

我今日去埋太古城（去北角睇醫生），見到chickeeduck好多男仔褲賣，女仔款反而少，你得閑可以去睇下。原來kingcow 張cash coupon唔可以同vip card一起用，chickeeduck 果張就得。

Dear all，

我同Stephanie今日打o左流感針啦，次次都唸住星期五，六去打，驚有反應，但今日去開o左，醫生話有反應的機會都好微，所以打o左算啦。醫生話今年流感來得特別早，而加已經好多流感病人，所以最好及早打。小朋友返學打o左無o甘驚嘛

beetle

您地好!我囡囡出年二月會插班讀富康n1國際班,今日交左學費,唔知有冇同學仔係度呢?

zoezoeiou

beetle 寫道:
您地好!我囡囡出年二月會插班讀富康n1國際班,今日交左學費,唔知有冇同學仔係度呢?

不過係主流班...

另我想問国際班有冇得学中文 ?
讀完N1 是否可以直升K.1 , 並由下午轉返做上午.
K1 上午有幾多班主流班, How many student per  class

vibianyeung

FiFi, Dear all,
Morning,
點解要打針?

fifi

vibianyeung,

我講o既係打流感疫苗，今年講流感會好犀利，小朋友返緊學，班度如果有一個病，其他真係好難避免中招，唯有自己做好防範措施儸 我好驚個女病，侷病仲慘過我自己病

vibianyeung

fifi,
唉, 我係新手媽媽咪, 什麼都不懂, 辛苦你了.

以後請大家多多幫忙!

fifi

vibianyeung，

你小朋友幾大啊？係德寳讀麽野班？都無話邊個幫邊個，大家交流下嘖

wing530

fifi, 果晚anson都話好好玩呀! 我返到屋企, 都有同我老公講返, 我就笑個不停喇, anson玩"搖椅"跌左落黎, 真係好好笑呀, 我而家仲識得笑呀!

HALAHA, 你又唔黎, 真係好好笑, 我地行到8點幾都仲未食飯, anson已大叫好肚餓喇, 佢同stephanie係餐廳到扮野, 真笑死, anson仲問stephanie佢靚唔靚, 佢兩個仲係度食"檸檬"tim呀~  

fifi, stephanie可能真係"標高", 所以腳痛, 我以前都試過, 我就係腳踝位, 果時又真係高得好快架喎, 果晚, anson都有同我講, 佢又係腳痛, 乜咁o岩既~ 你去左chickeeduck睇喇, 我好少去果度買野, 除非減價啦, 如果唔係, 都幾貴, 我好少買貴價"3"比anson, 著得1, 2年, 好似好浪費咁呀, 又唔捨得呢~  

vibianyeung, 打左流感針會好d, 我都打算幫anson打, 有d人就唔鐘意打既, 覺得無哂d抵抗力, 但而家d細菌咁犀利, 返學又容易"中招"呢~

講返我地個party先, 我打算只係租燒烤爐, 就唔租多用途室喇, 因為多用途室要$130/hour, 如果攪party, 人多就租房玩, 我地唔多人, 攪BBQ會好d呀! 咁, 我地攪星期六or星期日呀, 可以叫埋老公去喎, 幫手睇小朋友麻~    

Christmas BBQ Party (暫定12月18, 5~6點開始, 為4個小時)

1. wing530----------2大1小
2. heiheima咪--------1大1小(我好朋友, 佢仔仔k1)
3. fifi ----------------2or3大1細
4. vibianyeung------?
5. HALAHA----------?
6. pinkpink888------?   

fifi

wing530，

你忙完啦？我驚阻住你做野，所以無打比你儸。

你仲講返果晚的野，好搞笑，到而傢我仲沒搞清楚Anson點解連住兩次跌低，好似玩緊o甘 Anson同Stephanie係餐廳度又扮野又傾解，真係笑得肚都痛埋。 :  :

你幾時同Anson去打流感針啊？我D琴日打o左無麽反應，都ok啦。

BBQ 都係星期六啦，因爲星期一大的要返工，細的要返學，（德寳22/12先放聖誕假），如果星期日搞實又興奮得’目訓‘唔著。最好5點或之前開始啦，費事太夜（玩完仲要拶野）。如果你而傢book o左先，使唔使比定錢啊？我驚遲o左會book唔到。

整完name list，再整張food list，睇係大家分頭準備，點幾個人一起去一次買齊所有野再加埋BBQ 爐租一起share。

Christmas BBQ Party (暫定12月18, 5~6點開始, 為4個小時)

1. wing530----------2大1小
2. heiheima咪--------1大1小(我好朋友, 佢仔仔k1)
3. fifi ----------------2or3大1細
4. vibianyeung------?
5. HALAHA----------?
6. pinkpink888------?

wing530

fifi, 總體上都已忙完喇, 但今日有同事放假, 都會無咁free架, 打電話比我無問題既~

乜你唔知anson點樣跌咩? 真好好笑, 我係"罪魁禍首"果個囉~     

我仲未同anson打, 我自己都會打既, 我唸緊返唔返上水打呀~ 聖誕假期由22號開始, 咁至到幾時呀? 我唸緊去唔去玩呀?   

我未book爐住呀, 我想知幾多人先呀! 星期六啦, 第2日唔洗返工返學都好既~

Christmas BBQ Party (暫定12月18, 5~6點開始, 為4個小時)

1. wing530----------2大1小
2. heiheima咪--------1大1小(我好朋友, 佢仔仔k1)
3. fifi ----------------2or3大1細
4. vibianyeung------?
5. HALAHA---------- 2大1小
6. pinkpink888------?

vibianyeung

FIFI,
欠1個月就2yrs, 暫報德寶n班, 德寶話出年3月先interview, 8月入學.
現正考慮報"樂緻". 德寶太貴啦啦!

你小朋友呢?唔好意思新仔, 好多都未update.