2005年出世或~宏福幼兒園媽咪~(PART II)歡迎新朋友加入

pcdogxx

各位,

尋日我朋友俾左d書喇..  嘩..  我訂左三十幾本書.. 重死我...   

不過我係其中三分一, Total 好似九十幾本.. 咁重全部運費都係$130, 真係好過自己去書城買..  哈哈..  

同埋d書幾好.. 我訂俾你地果3本都好colorful, 小朋友一定會好鍾意..  你地得閒入去睇下有冇書要訂, 到時又夾埋一齊訂啦..  

今朝拎左俾昊藍, 子聰同軒軒咋..  本來想早d可以俾埋Candyhui77, 不過咁早起唔到身..  哈哈..
星期一如果我都早唔到, 我就叫Ms. Ng交俾宇翔啦..  

pcdogxx

Hongmimi / 天藍,
鈞渝都好怕沙...   唔敢落地,  我都報左22號..  睇下咁多人佢肯唔肯玩下先..  要同佢壯下膽...

原文章由 hongmimi 於 08-2-22 14:46 發表
天藍，
係呀~ 昊藍而家都怕沙呀! 匡匡岩岩相反，佢鍾意到既程度係夜晚訓覺前睇完本講小朋友去沙灘玩既書，然後放係枕頭隔離先肯自己訓~

原來妳上年都有參加，我地處去碼頭好方便應該就唔洗迫車，但坐船就估到會好迫 ...

ElainAiolia

Dear all mami,
好耐無上o黎留言 ，因好多o野做，但有靜雞雞上o黎睇你o地D留言，終於可以上o黎留言，希望你o地唔好唔理我la 。

各位呢排要小心D小朋友身體，因呢排輪狀病毒高峯期，有好多小朋友近來中招（又疴又嘔）要入院留醫，我同事個仔就中o左招，而家仲係醫院。

今晚（22/2）我唔得閒去青衣公園個花燈晚會，但我叫o左印印帶子聰去望o下玩o下 ，所以到時你o地見到子聰唔使咁出奇o架，其實我都好想去，因我未去過花燈晚會，唔知係點o既呢？

天藍 / pcdogxx,
好開心星期一（18/2）帶子聰返學果陣撞到你o地 ，雖然大家來去怱怱，但都好開心。

你o地居然覺得我瘦o左 ，即證明我幾咁怕凍 ，著o左幾多衫呀，果日我見天氣無咁凍，所以著少o左衫o者。其實另外有個小秘密，就係我17/2去o左跑渣打馬拉松10公里賽事 ，但因好多年無跑步，再加上事前無練跑（係1次都無），結果對腳痛o左好幾日 （咁你o地知道點解我會星期一放假la），唔知呢個小秘密解唔解決到你o地心中疑問？又幫唔幫到你o地o既減肥計劃呢？不過唔知係心理作用定抑或咁見效，跑完步果晚真係個肚腩都細D 。

ElainAiolia

天藍,
二月份昊藍果班有生日會開 ，子聰果班無人生日，所以無生日會開。果日昊藍同軒軒一定好開心la。

昊藍可能大D就無咁怕沙o架la，昊藍比心機克服佢，加油！

今晚真係麻煩到你，等子聰錫你一啖補數 ，唔該晒！你o地無比D雨淋病o麻，小心冷親，子聰返到屋企好似未食飯咁，不停食o野 ，仲要話好肚餓o忝，人o地唔知以為佢生蟲，食極都唔肥！

pcdogxx,
長隆之旅我想復活節前後去，因我想果段時間放假，我上網睇D旅行社多數2日1夜or 3日2夜，多數去歡樂世界，無包野生動物園，所以如果你帶隊又就到時間我都向你報名  。

千色店D書，我有去睇 ，可能我較為仲意D格仔大D o既寫字簿，所以無買到D書or練字簿，另外一個原因係，我lunch去睇，所以求其睇完就走，或者miss o左D荀o野，等我揾日再睇過。

你就好la，可以成日睇埋D小朋友做完早操先走，係呢，你尋晚有無同鈞渝一齊做早操呀 ？

多謝你送以子聰果3本書 ，佢一放學返到屋企已急不及待要印印比佢睇，兼且已貼o左D貼紙la。真係辛苦你，要你攞咁多書o忝 ，你對手第二日有無好酸軟呢？真係多謝晒！

ElainAiolia

hongmimi,
你終於返o黎la，係o米好開心呢？公司係o米好多o野等你返o黎做 ？你慢慢整好D相先比我o地睇 。

我都係星卡會員，我都有興趣，我邊日都得，就埋一齊有個伴，唔知佢o地仲有邊個有興趣呢？你報o左22號，我都報埋同一日，但會唔會好快full晒o架？

pcdogxx / hongmimi,
22號果日約埋一齊搭車都得o咼。

candyhui77,
你報導翔仔放完年假第一日返學o既情境，好緊張又刺激 ，令到我好似置身於現場一樣，但好似天藍及pcdogxx話齋，翔仔應該唔係喊o左好耐o者 ，因我o地3個小朋友返到學校都聽唔到喊聲，所以你可以放心。

係呢，翔仔病好未呀，小心身體。翔仔爺爺都好有心思，幫佢改o左個咁好o既名 。

唔好意思，我想問o下西九海濱長廊，o係邊度，因我好大鄉里 ，但又想帶子聰坐“豪華家庭單車”，另外你指果種手推車，係o米得果個商場先有？因我未試過商場見過呢種手推車 。

ElainAiolia

626mama,
你D咳好D未呀，小心食o野 ，肥o既食物用D熱水洗o下先食會好D o架，但就無咁原汁原味，唯有忍o下囗la。你又會咁大頭蝦唔記得飲中藥，下次要記住呀 ！

D咳咁難好，不如試o下“三蛇胆川貝液”，尋日我係荃灣新中聯度買o左一盒有6支（$30-），個亞姐話佢個孫都係食呢隻牌子（因有好幾隻牌子），仲有九折o忝，我見子聰有D咳，買o黎試o下o羅，遲D話你知個結果 。

考車牌衰o左唔緊要la ，再接再勵，我都係考第二次至得o乍 ，係呢，你考私家車定小型貨車呀？我係考私家車o既。

今晚上去小心D，除o左小心軒軒外，你同軒爸小心行李及錢銀、証件等，無謂難得出門一次，掃興而返，祝你o地玩得開開心心 ！

你99將D藥材、海味放晒入雪櫃，雪櫃梗係逼逼夾夾、兼且無乜o野食la ，但係D人話D藥材、海味放係雪櫃入面，無咁容易發毛o架。我個雪櫃就一定有o野飲 ，因聰爸唔飲水，只飲有味o既飲品，所以雪櫃必定有飲品。

whatever,
你打中文慢，可以打英文o架，快D o麻！好過我，英文唔識、中文又唔識打 ，只可以用手寫板。

復活節你o地plan o左去邊度旅行呀？今次有無Toto份先，係o米要女唔要仔先 ！

ElainAiolia

天藍,
你D咳好D未，小心飲食，祝你早日康復！

hongmimi

ElainAiolia/pcdogxx,
妳地都報22號參加呀! yeah! 希望無咁快full，大家都有份，到時一齊出發，好開心呀!

pcdogxx,
有子聰同匡匡陪住鈞渝，鈞渝唔洗怕!

90幾本??? 嘩! 妳係大客仔喎，咁鬼重，真係拎到妳傻! 我好耐之前買左6本大剪紙書咋，都拎到阿媽唔認得，話時話都未有機會俾妳地d小朋友添!

ElainAiolia,
嘩! 妳好勁呀! 跑10公里，怪不得妳話肚腩細晒。我公司年年組隊我都唔會join，要我跑1公里都跑唔郁! 我真係屎呀!!

天藍，
小朋友個個喜惡唔同，唔好迫佢! 可能我大肚時成日去沙灘坐，匡匡未夠半歲就落地玩沙，佢初初掂到沙都縮縮下腳，大d就好鍾意。

妳想知匡匡最怕咩? 呢… 軟咇咇既橡皮膠、有d小朋友鍾意用手啫黎玩、多數係塋光色既呢! 基本上佢一見d軟咇咇既玩具就縮起膊頭調頭走，當妳拿起嚇佢時佢都會笑騎騎，用手當開話唔好啦… 但就唔會喊。

天藍

pcdogxx,

我返到屋企睇到你比我個三本書,
好靚同好精美, 真係多謝你~~
你真係有心d書咁重都幫我地拎
返來學校比我地, 你一定拎得好
辛苦, 唔該你! 昊藍再次錫啖你
同鈞渝
我有時間再上網睇下個網址睇
下有乜合心水既書訂先, 真係
好平, 你訂咁多運費先$130, 自
己坐車來來回回都唔止咁既價
錢, 多謝晒你報料。

EalinAiolia,

你唔使咁客氣! 尋晚都係咁岩我又
去睇花燈, 大家一齊行都無乜所謂,
我地都係8點幾先到, 一去到我叫
印印打比你個印印, 行左一陣就見
到子聰同你個印印, 我地一路行一
路睇花燈, 仲影左d相, 好多人好
多一家大細去睇花燈同影相, 昊藍
同子聰都影左d相, 但因行行下落
雨, 所以都無再行我怕d雨會越落
越大, 我地就走, 你印印同子聰
都搭車走左啦!d相遲d我有時間
整好再send比你, 因我近來比較
忙, 唔好意思!!!
原來你去跑馬拉從, 你咁犀利, 果然
勁~~
早知你跑馬拉從我個日金精火眼留意
電視直播睇下見唔見你上鏡同你打下
氣, 唔知聰爸個日有無同你一齊跑???
你兩個係咪情侶組合一齊出賽???
你以家隻腳好d未??? 有無擦d藥膏
會快d好! 如你叫我出跑就C啦! 跑
跑下氣喘都似!
我都想去長隆, 但之前我亞媽同老豆,
細妹都話想去, 話要同埋我地一家去,
所以我都要問埋佢地d假期係點? 之
前我地講個都係閒日去, 會平好多,
同佢地都係大約3月尾同4月左右有
假, 如到時夾到你地D時間, 同你地
唔介意我成村人去, 都可一齊去報名,
我d朋友去個, 佢地提意如我地有
小朋友跟團會好d, 因搵車坐佢話
都好煩, 同自己去唔爭得好多錢~~
我下星期經開旅行社都走去八下問
下先!!!
我d咳都好番啦! 你有心啦~~

原文章由 ElainAiolia 於 08-2-23 00:33 發表
天藍,
你D咳好D未，小心飲食，祝你早日康復！

天藍

whatever,

昨晚你9點幾打比我, 我都已返屋企,
因我8點去到, 同ElainAiolia個仔仔
會合, 行左一陣點知落雨, 我地匆匆
影左幾張相玩左一陣, 我怕雨勢會大,
所以我地9點左右都走左, 我見落雨,
所以都無打比你, 到你打比我個陣我
剛回到家, 真係好可惜尋晚無機會見
面, 不過, 都唔緊要旅行個日我地都
會見面~~

626mama,

你地一家上大陸情況如何, 報告下比
我地聽???



[ 本文章最後由 天藍 於 08-2-23 11:16 編輯 ]

天藍

hongmimi,

原來匡匡最怕軟咇咇既野/玩具~~
真係每個人既喜好都唔同, 我都覺得順其自然
會好d, 到大大下就唔怕, 可能到大個就怕等
易d野
你, pcdogxx同ElainAiolia都報左22日去掘蛋,
到時你地參加完報告掘到幾隻蛋比我地知~~
你地玩得開心d!!!

原文章由 hongmimi 於 08-2-23 10:25 發表
ElainAiolia/pcdogxx,
妳地都報22號參加呀! yeah! 希望無咁快full，大家都有份，到時一齊出發，好開心呀!

pcdogxx,
有子聰同匡匡陪住鈞渝，鈞渝唔洗怕!

90幾本??? 嘩! 妳係大客仔喎，咁鬼重，真係拎到妳傻! 我好耐之前買左6 ...

ElainAiolia

hongmimi / 天藍,
你o地唔好以為我好勁走去跑10公里 ，當中我只係跑o左4公里，另外果6公里係行o既 (以前後生可以跑足全程 )，所以無其他參賽者咁有實力。其實你o地都可以試o下去行o架，因有好多人都係一家大細 (包括狗) 唔係跑而係行，仲係途中係咁影相o忝 。早2日，已經有另一位同事叫我出年參加半馬拉松，我都心郁郁，睇o下今年有無時間練習至再算 。

hongmimi,
匡匡又會驚D軟咇咇既橡皮膠o既 ，子聰就驚D斷o左o既頭髮  ，如果揸住條斷o左o既頭髮比佢睇，佢會嗌唔好同埋走o左去 。都幾搞笑o架 ！

天藍,
好彩你無留意電視直播o乍 ，費事你失望la ，我咁鬼“揸”，聰爸果日無陪我，我只係同幾個同事去跑o者。你有心la，我對腳好番晒、唔痛lu ！

天藍

ElainAiolia,
聰聰轉咗張新相好靚仔喎~~
你好叻o架啦! 馬拉從有參予, 比我無話4公里,
2公里我都唔知點唔點 子聰大d你遲d
可以帶埋佢去跑都ok, 到時我真係要金精火眼
望住個電視睇下見唔見你兩母子, 同你地打下
氣, 你地一定唔會令我失望, 因你兩母子都咁
醒點會令我地失望
我已經send咗個日花燈會子聰同昊藍影個d
相比你啦! 你睇下收唔收到, 不過, 影得唔係
太靚有D唔係太夠光, 因果日昊爸病好眼瞓無
同到我地出去, 我唔係太識較部相機, 影得唔
係太好唔好見怪。
子聰怕斷咗既頭髮咁得意, 真係每個小朋友怕
既野都唔同~~

pcdogxx, hongmimi, 626mama,

我都有send 到花燈會d相比你地睇, 你地睇下收
唔收到~~

candyhui77 & whatever,

我都想send 埋比你地睇, 不過, 我無你地既
e-mail add., 如你地都想睇就pm你地既
e-mail add. 比我。

原文章由 ElainAiolia 於 08-2-24 02:06 發表
hongmimi / 天藍,
你o地唔好以為我好勁走去跑10公里 ，當中我只係跑o左4公里，另外果6公里係行o既 (以前後生可以跑足全程 )，所以無其他參賽者咁有實力。其實你o地都可以試o下去行o架，因有好多 ...

[ 本文章最後由 天藍 於 08-2-24 20:09 編輯 ]

天藍

All mama,

想有件事問一問你地, 睇下你地幫唔幫到我,
想問下你地知唔知邊到有訂紙(一卷卷), 抹
手紙, 同一盒盒紙巾, 除超級市場, 價錢會比
超市平, 但又可送貨到公司, 可否提供網址or
電話, 同要訂滿幾錢才可送貨。
因我老闆奄之前訂貨個間公司d紙質數差
想轉第二間試下, 如你地有資料可提供給我, 如
無亦唔緊要。

pcdogxx

天藍,

Email左俾你..   我公司同呢間訂架..   佢好似都好多選擇.. 你慢慢睇下..  希望幫到你..  

原文章由 天藍 於 08-2-25 10:37 發表
All mama,

想有件事問一問你地, 睇下你地幫唔幫到我,
想問下你地知唔知邊到有訂紙(一卷卷), 抹
手紙, 同一盒盒紙巾, 除超級市場, 價錢會比
超市平, 但又可送貨到公司, 可否提供網址or
電話, 同要訂滿幾錢才可送 ...

whatever

mail 埋比我啦 ,我有興趣呀！
不如一齊訂啦。

whatever

ElainAiolia，
Easter I will go to China (深圳華橋城）。
This time, of course Toto will go will us.

626mama,
I didn't not take any photo in Tsing Yi park on that day.
Toto had already broken 2 cameras so far... We have not yet bought a new one. So ...

hongmimi

ElainAiolia,
子聰又換相喎! 仲一張靚仔過一張

馬拉松跑又好、行又好，妳都好有決心去完成賽事，要讚要讚! 証明妳而家都好後生啫~

一開學學校有問卷調查，我都嗱嗱聲填匡匡驚軟咇咇既橡皮膠，嘻!匡匡細個同佢返playgroup咁岩玩彈彈箭豬型橡皮波，佢驚到想走人。

子聰驚斷左既頭髮??? 都幾特別喎!  如果係匡匡就C囉~ 事關我生完到而家仲甩緊頭髮、d頭髮又成日斷... 咁下次我見到子聰都要行遠d，費事嚇親佢囉!

hongmimi

天藍，
花燈會相我收到喇~ thanks!!昊藍永遠都保持靚靚笑容!!

天藍

hongmimi,

昊藍係好鍾意笑, 個個都係咁講, 我都唔知點解???
都係好事笑, 每日笑一笑世界更美好
真係唔好意思, 之前唔知匡匡咁怕軟咇咇既玩具,
上次既生日禮物我都係送d類似軟咇咇既玩具
比匡匡, 真係唔好意思, 下次我會醒目啦~~
同唔該晒你, 我收到你pm啦! Thank you~~

pcdogxx,

我收到應該係你send比我既資料, 但唔知係咪你,
我pm比你~~
唔該晒!!!

whatever,

我收到你pm, 我將個日花燈會影d相send埋
比你, 著紅色衫個個就係昊藍, 藍色衫就係子聰,
你睇下收唔收到!!!

原文章由 hongmimi 於 08-2-26 09:43 發表
天藍，
花燈會相我收到喇~ thanks!!昊藍永遠都保持靚靚笑容!!

[ 本文章最後由 天藍 於 08-2-26 10:17 編輯 ]