沙田聖心k1-2007

Namson

TPL,

其實大埔都有d好學校,點解都要出去大圍返呢?

原文章由 TPL 於 07-9-7 09:20 硐表
大家好,

我阿女蘊懿,返學幾好無咸,仲好想返學添......我每朝7點幾就叫佢起身,冼面刷牙,然後搭火車由大埔去大圍,大部分時間都會推"士的車"送佢返....免得過抱..."肩博會好痛"...然後就出巴士站返工...今個星期都好亨 ...

joeszewai

TPL
您架士的車泊邊 ?  
泊去火車站
我班有個粉嶺來tim

namson
阿臻佢以前pg 唔喊, 陪左4日, 咋q 囉
點解老師o廿奇怪, o廿樣真係要好好問清楚老師

joe

Namson

JOE,

我頭先打左電話比老師,佢地話好趕,離唔切同我係書包攞出黎比佢著,我覺得有小小攞黎講,一開始學校已經講左叫我地帶定,我帶左妳又唔用,又唔比底褲佢著,著條大家共用校褲其實真係冇衛生攞,希望下次佢地唔好咁啦!

namson
阿臻佢以前pg 唔喊, 陪左4日, 咋q 囉
點解老師o廿奇怪, o廿樣真係要好好問清楚老師

joe ... [/quote]

TPL

其實大埔都有好幾間幼稚園....我當時只慮過安基斯和英藝..她們學費比較貴...另外我想阿女係沙田校網會比較好些啦....其實都係返學個程比較辛苦者(早起兼行一段路,放學阿女搭校車只需25分鍾).........我本身係火炭返工...送阿女返學再返工都無咩大問題....至於架"士的車"我帶返工再帶返屋企....就係咁啦.....今日陳老致電過比我話阿女"都Okay,有時叫佢答問題會怕醜低下頭咁啦"..我諗要同學校溝通要靠本手冊....寫低再由老師查看.....其實阿女返n1時候,我都以傳真與學校聯絡....

zimpy

TPL,
我呢排朝朝去偷望個囝落車程況,日日見有個媽咪推士的車裝個女,唔知係咪您呢 ,如果拿埋返工又好似好誇下,您都好辛苦

namson,
咁學校唔幫手穿回自己褲,連底褲都無著又唔係幾好了,講真,日日帶d褲返學都預左有用,到有用佢又唔用,咁洗咩帶咁多野回校,希望佢下次唔好了

all,
您地小朋友點呀!您地會唔會日日打去學校問老師情況呀!我自己打去問左2日,但又唔好意思再打去問,天樂又唔講,問親佢又話我明天話您知!真比佢激親

TPL

ZIMPY,

哈哈....我諗你見個個係我啦....我都幾佩服其他家長手抱或慢慢行阿......我唔得啦...要趕返工......帶士的車返工n1時已有做啦....公司有貨廠擺放....下個星期同我打個招呼啦....我叫irene

Namson

TPL,

我有小小唔明,妳住大埔第時小學派排位唔係根據住址派既咩?

TPL

Namson,

我另有一個沙田地址..... ....

zimpy,

點解要偷望阿仔呀?

zimpy

TPL -Irene

我如果再見到您叫您啦
我已經在角位偷望個囝落校車4日了,星期一未決定仲望唔望呀!其實我住大圍,起初諗住自己送佢返學,不過佢行左1日己經話好倦,比他選佢話要搭校車 ,所以起初幾日咪望下佢點,而家見佢都幾開心咁,笑住返學,所以可能唔洗再偷望佢,可以直接返工了

Namson

TPL,

我都係一支半解,小學派位唔係睇彩數既咩?同讀邊間幼稚園有關係既咩?除非妳想考聖心小學啦!

原文章由 TPL 於 07-9-7 15:38 硐表
Namson,

我另有一個沙田地址..... ....

zimpy,

點解要偷望阿仔呀?

TPL

Namson,

派小學係六合彩.....揀校網就要睇住址.....揀聖幼都係夠口碑,
至於你為何會揀聖幼呢?

patpatching

各位,

學校班主任今日有冇打比你地講番佢地呢個禮拜既情況呀?今朝我個女(荔枝組)個班主任打來話想講番佢呢個禮拜既情況,話佢表現都幾好,去廁所有排隊,食茶點又會自己食哂唔洗人理,不過老師話佢見到D玩具就好心急咁走埋去,不過都會問左老師玩唔玩得先...
老師又有話佢今日同佢同學玩時肉緊到"meet"左個同學個面珠"dun"一下 ,我問個同學仔有冇 ?佢話冇,唔係大力,玩下姐,不過都叫我提番下佢咁
總括佢既表現都唔錯,聽到老師咁講我都安心d....

Namson

TPL,

其實我真係唔係好識,咁係沙田區既幼稚園黎講佢都叫做唔錯,但係第時派位我未必派到聖幼,因為佢唔係我個網,除非第一輪誇區就可諗諗.

原文章由 TPL 於 07-9-7 16:17 硐表
Namson,

派小學係六合彩.....揀校網就要睇住址.....揀聖幼都係夠口碑,
至於你為何會揀聖幼呢?

maggie_tsui

Namson,
我都估佢地用急黎做借口 星期二卓軒著左雨衣, 有帶雨衣袋,但無手挽袋, 我諗住老師會將雨衣放左入雨衣袋才放入書包度, 但最後都係就咁入書包咋. 我諗佢地都係趕時間, 所以算數.  但家楠個case就有問題, 內褲都唔同佢著...

TPL,
你囡囡都係七點幾起身, 咪好趕? 卓軒都係七點三起身, 八點落樓, 因為婆婆話唔想因為要趕時間而咩都同佢做, 要佢自己做,所以咪要預多d時間 佢係"慢王之王"   

Joe,
希望亞瑧快d適應, 唔洗擔心

我仲未收倒老師電話, 大家係咪都收倒啦? 我好心急, 因為卓軒都唔係好識同我講佢做過咩, 可能係佢自己都唔知自己做過咩

joeszewai

對於選小學, 您可去教統局網,
http://chsc.edb.hkedcity.net/primary/ 您登入後, 可check 番您所屬區, 至於派位位方法, 有得睇, 每間ps 都有web site

阿囡問佢番學點, 佢正係話”ee 剪左頭髮, 好短, 好靚, 我好鍾意佢呀” 校車ee 原來佢最愛, 不如番學都搭lu

佢今日多左個頭箝, 佢話同學仔好朋友比佢, 佢講到個名架wor, o廿a啱我有佢mami mobile no.我都係問下佢先

Maggie, 多謝支持, 多謝大家
阿臻識到朋友仔了, 希望佢唔好再喊, 但我完全feel 到佢無以前pg 番個間kg o廿開心, 佢成日唔唱歌唔笑, 好情緒化, 突然會喊, 係呢2weeks 先係o廿
佢今日係學校跌到損左, 佢話無人理佢, 老師仲話佢唔乖.
都唔知堅唔堅,

maggie_tsui

Joe,

如果我講得唔啱, 唔好介意, 我feel倒你有d迷網, 之前又睇倒你另外個post話對碧濤有趣聞...其實我之前都係呢兩間學校之間諗左好耐, 雖然我之前d post 講過我buy天主教學校, 但亞囝性格唔同我, 所以我兩間都有交留位費, 諗左幾個月....終於都係呢度, 因為我估碧濤會比呢度開心, 但到小學我驚佢仲難適應, 到時仲難handle...不如試下呢間, 真係唔work, k2先轉...
到依家自己番左1week, 我覺得卓軒比n1開心, 可能因為n1地方超細, 呢度樓底高, 佢感覺輕鬆, 人都輕鬆左, 好似無我想像得咁恐怖, 當然只係1week, 仲要繼績觀察...
最後,如果我講得唔啱聽, 唔好介意

TPL

maggie tsui,

我地都係7點2,3起身啦.......我只係叫阿女冼面,刷牙(逼佢自己做).....至於食早餐都係到大圍火車站(光顧美心麵包)...阿女都係"求其"食兩啖....總好過坐校車返學.....大埔上車都要"7:20am"...如果係仲要早些起身....

joeszewai

maggie
傻啦, 我又點會介意呢, 可能我個囡較為內檢D, 所以唔發洩出來, 好難攪. 佢要好耐先同人互信. MAY BE 遲D佢同MISS 熟左好D


昨日好似係咪影左學生相 ?

maggie_tsui

各位靚媽:
琴日我地去左太古城, 行經 uniqlo, 發現d短袖童裝t shirt $19咋, 本來我諗住買幾件比卓軒出年係屋企著, 睇下睇下, d款都ok, 最後我掃左7件 size120, 出年著,去街都著得...女仔款我無睇倒, 不過我覺得d女仔衫通常都會靚過男仔衫 uniqlo係德福同又一城都有branch...(不過我之前行過德福果間, 超多人)

CrystalMok

Hi all,
好慘呀,我同阿仔輪流腸胃炎,所以阿仔星期二無返學!
星期三,朝早佢係屋企無異常反應,好乖咁換衫,不過上校車就要我抱佢上,上到車就係大喊,搞到我都喊埋一份呢!我親自到校接放學,問老師佢情況如何,佢話阿仔回到校起初都無喊,但玩下玩下想下想下,就眼紅紅,但就無大喊出來!佢果日都濕左條底底,老師都有同我講,佢地有同阿仔著番校服褲同新底底!(家楠個case我估佢地一時大意)!
星期四,慘了,好似打場交先出到門口,唔肯起身,唔肯換衫,唔肯著鞋,終於抱住行落去上車,上車仲要唔肯放手,要嬸嬸'格硬'放們佢上車!不過嬸嬸話佢唔會喊好耐,架車轉彎佢已收聲,叫我放心!
星期五,在家情況一樣,上車都要抱,但就眼紅紅無喊!今天我又偷到時間接放學,老師話佢都係眼紅無喊出來,但最搞笑就係阿仔知道我會接放學,老師話佢一返到來就同老師講媽媽會來呀!
返左幾日,我覺得阿仔主動左同人say bye,平時你叫到口水乾都未必理你,同埋多野講左,問佢返學開唔開心,佢都話開心!但脾氣就差左,唔知是否病完又加上未習慣返學!
其實如果偷到小小時間接放學同老師講兩句都幾好,我阿荔枝組黃老師幾好呀!patpatching,你阿女叫咩名,是否眼大大架?遊戲週我估有個大眼妹係米你,但始終無相應!