嘉湖德怡 05 NC (K1) 家長入黎傾/分享下

臣媽

YULAMMAMI,
呢D 老細唔洗怕佢
我個女頭先CALL 我, 佢話細佬有帶LION出去, 佢仲問我點知HEHEHE

臣媽

YULAMMAMI,
我頭先反而問佢你係點樣     

蘇蘇

一心諗住初六可以上黎, 點知返工好多野做, 最慘係星期六晚呀仔開始發燒, 燒到今天開學都未燒完, 迫於無奈搵唔到呀頭都照請假, 前晚仲燒過 40 度, 真係嚇鬼死, 4 日睇了 3 次醫生, 今朝先覆完診, 兩隻耳仔都發炎, 中耳炎, 唉, 抗生素一定走唔 "nut", 仲要晚兩仔乸都無覺好訓, 真係我病晒好過呀仔病     

前晚跟他說因為病唔可以返學, 喊到七彩, 我都好想比呀仔早日返學, 呀仔放假放得耐真係會曳 d, 不過今次真係無計, 真係要退晒燒好番晒先返得學.  :cry:  :cry:  :cry:

臣媽

蘇蘇,
我都戥

small22

@isonMa & YULAMMAMI,

多謝妳o地分享心得, 妳兩位mami都學得讀主流班實際d, 而一開始我都想仔仔讀國際班, 主要想仔仔英文好d, 真係又心大心細tim. 我都要去學校visit o下至得.

@isonMa ,

可否講o下有邊間幼稚園係著重英文多d而又o吾係國際學校o牙 ? o甘德怡既主流班都有著重於英文ga ?

臣媽

small22,
我覺得小朋友的發展雖然會有時間上差異, 但能力上其實係差不多的.
我們都好想小朋友有兩文三語的能力, 但在幼稚園階段課程的深淺完全影响不到他們的學習能力, 幼稚園安排深的課程只為應酬家長的要求, 反而到中小學時, 我會要求精深多樣化的課程.
所以在這階段我只要求@ison 開開心心地接觸英文, 我從沒有在這方面去比較各間學校的程度, honestly,他們的課本豈不是從那幾間出版社出版的嗎?
在我的親朋中, 有個拔萃男校的表弟出自東莞同郷會小學現在美國Stanford取得博士學位, 另一個皇仁中學畢業時會考只得兩分....
我自己的英文水平屬於普通, 但我有好多朋友, 包括外藉朋友, @ison 自細已有足夠的接觸機會, 只要他不害怕這個語言, 不覺得艱深便足夠.

臣媽

Hi all,
今日放假响屋企休息吓
今朝揍@ison 返學時見到好多小朋友帶住棵花, 有d好靚, 有d連冧都未有, 我仲聽到有個話棵花一早c 咗, 哈, 點解佢唔學吓卓泓去街市買番個替身呢

Mei721

@isonMa
花的替身去左3伯home寄養後神奇地長出2個花

臣媽

Mei721,
咁都係遲d先開花啫, 好一個替身 出年我會plan定寄養ga la.
我去揍佢放學喇

handsomefai

梓鈴棵花都有2朵花&好多花雷     
你o地d花係咪黃色呀   

Mei721

handsomefai
我見到有小朋友係橙色花.

BTW, 你地有冇同法蘭西菊拍照留念呀?  

蘇蘇

small22,

我仔是 11 月才插班入德怡的, 起初我都預計是給囝囝讀國際班, 但是後來都是決定讀主流班, 是因為我本身的英文都係也也 wu, 屋企雖然都可以係聯合國, 不過係講潮洲的奶奶+印尼工人+識講普通話的爸爸, 但係英文就欠奉了, 加上參觀時主任都說國際班是外藉老師任教, 所以比起主流班會自由和寛鬆一點的. 說實..我想囝囝在一個有紀律的環境下讀書開心又得到知識, 所以最後主流班是我的決定.

其實主流班還是國際班都是沒有所謂, 最重要是小朋友可以在開心的環境下得到知識, 此外給小朋友的配套足夠嗎? 將來是一條怎樣的路給小朋友嗎? 如果所有都想清你, 你便容易有答案了.  正如你所說, 記著要去參觀呀, 很重要的啊!!

蘇蘇

你地人人都有花種好開心呀

臣媽

蘇蘇,
栢軒點呀? 重有冇發燒呀?

臣媽

琴日揍完放學唔記得擺低張放學咭tim :tongue:  

蘇蘇

今天終於都要返工喇, 湊得仔多真係好想陪佢地耐 d!

多謝關心, 昨晚栢軒 11 點幾都還是 37 左右, 幸好一路沒有再升回上去, 所以今早返工都返得安心點, 不過咳都還有一兩聲, 所以今天都是沒有返學, 如今天沒有什麼問題, 等他休息多一天, 明天就返學了.

放學咭..唔緊要啦, 我一向都係簽名(有時要對埋身份證) 接放學, 因為我知自己大頭蝦, 問奶奶攞左一定唔會記得比番佢, 所以都係煩自己好過  

臣媽

蘇蘇,
唔.. 我諗我下次都學你特登唔帶咭, 好過而家袋住, 今晚都唔知記唔記得比番個工人
我揍得仔多時會想返工, 但返工時又想留

蘇蘇

呢兩日 bk 都好似好靜咁添, 起身未呀 ~~~

@isonMa, 點呀, 有無同我一樣做大頭蝦媽咪又 keep 住張放學咭呢?

栢軒今天都係沒有返學, 其實都沒有什麼大礙了, 栢軒好想返學, 不過老公唔想呀仔學住, 所以今天都係呀仔的休息日, 有時食抗生素真係有點老土, 好番晒都仲要食...

昨天 miss lee 跟我說有沒有幫栢軒拎醫生紙, 她說可以在手冊上蓋病假的, 其實"病假"跟"缺值"影響大嗎? 不過真是她不說我都不知喎!