子女的期望 vs 父母的期望

greentea000

IloveJJ 發表於 17-4-20 10:18
我仔都鐘意文史架！你親戚驚唔驚，過多幾年，可能無中史教啦？而家歷史無人讀。
前排撞見舊同事，原來佢仔 ...

金仔想做作家，有一份穩定工打底好緊要，比較好就老師、政府工。做老師肯定有中文科教，最多唔揀中史。政府工更加係選擇廣泛，好多只需degree holder，年年加point都唔錯。佢亦未必一定係香港讀大學，如果返內地讀，中史大把有得教。
另外，金仔小六暑假已經開始係內地網站發表短篇小說，中一暑假開始嘗試付費閱讀計劃，今年成為簽約作者，網站代理下年出版散文集。佢雙線行車中，暫時發展理想。

greentea000

wan_sosin 發表於 17-4-20 14:30
本帖最後由 wan_sosin 於 17-4-20 14:32 編輯

我仔試過有個女同學，比咗屋企個電話號碼比我仔，叫佢返屋企打比佢，我照比佢打，係傍邊聽住。佢哋只傾下做緊功課，就收線。

你係隔離聽住，唔通你仔仲卿卿我我咩
如果有男同學打黎屋企，我媽都會去分機聽住架！咁我會叫佢收線先，我用手提打返俾佢。

greentea000

asweetmom 發表於 17-4-20 19:29
回覆 retriever 的帖子

唔睇實，拍拖、做兼職這些分分鐘都出事。

做兼職會出咩事？

greentea000

asweetmom 發表於 17-4-20 23:59
今晚見二女有部ipad，仲以為係老公買，正想鬧老公，二女話自己買的。原來佢賣左我俾佢部雜牌tab，再加錢向 ...

你嬲佢買ipad貴定無同你商量就買？

MrBeast

asweetmom 發表於 17-4-20 23:59
今晚見二女有部ipad，仲以為係老公買，正想鬧老公，二女話自己買的。原來佢賣左我俾佢部雜牌tab，再加錢向 ...

我會話早知你想要ipad就大家夾＄買
ps 女要富養ma，無謂勞氣

wan_sosin

greentea000 發表於 17-4-21 06:51
你係隔離聽住，唔通你仔仲卿卿我我咩
如果有男同學打黎屋企，我媽都會去分機聽住架！咁我 ...

我好肯定我仔唔會同個女同學有乜"依揖"，我聽佢哋講電話唔係8我仔，我係想聽個女同學會同呀仔講乜，個女同學唔會知我聽緊嘛。
點解我咁肯定我仔無野，因為之前佢數過個女同學的不是，而且上年佢班女同學好衰，佢都未曾放得低佢對女仔嘅嫌惡，佢打比個女同學係因為好奇，奇怪個女同學什麼原因比個電話比佢，佢自細對人好有興趣，喜歡望下人哋做緊乜野，心智解讀能力極高，佢好細個嗰時，我同佢講笑話，全世界幾十億人，你無可能望得晒所有人。

shadeslayer

我女由十一歲起只會在房內用 Skype，沒法監聽。

greentea000

《生命在某處呼喊》香港仔浸信會呂明才書院 禤楊美鄰校長

某小學利用食物作獎勵，鼓勵同學交齊功課。計劃推行後，全校有三分之二的同學能達標，效果似乎不俗；但另外三分之一未能交齊功課的學生呢？是這種獎勵對他們失效？是他們無能為力？還是那種無可無不可式的生命態度使然？

一天，我曾和一位就讀中二、學業水平一般的學生對話，問及他現在的追求。他表示在物質上或有所「欠缺」，例如一部更先進的手提電話或現在流行的電玩遊戲，但這並不足以讓他為著要得到「它」而付出更多的努力。其實，他本已不缺什麼，再擁有更多，也只是錦上添花。至於對其他「非物質」的追求，對不起，他無法告訴你自己想要些什麼，只覺著生命有某種「不踏實」的感覺，但這也不會構成生活中更大的掙扎。

個別的對談，雖不是精確的統計數據，但我猜想其普遍性極高：我們這一代香港的初中生就是這樣。未知是否物質的充裕，是會掩蓋人心靈的空洞，以致我們會無視它的存在，聽不到空虛在其中的呼喊、迴響。

利用外緣引發動機，致使其竭力奮起追求目標，其轉化的過程、成功與否因人而異，也不會百分百奏效。但注定失敗的是：將「目標」定於一尊，以這是社會普羅大眾認定的成功 (諸如有財有勢)；非如此，便不能作成功者論。若如此，你便會發現：無論外緣的強度如何，動機或許會一時被誘發，但要轉化卻是無望。因為一旦脫離外控，他們便會把這個不是真正想要的「目標」棄之如敝屣。

Viktor E. Frankl 的 “Man’s Search forMeaning”（筆者註：程翔在獄中因看了此書而歸信基督）曾言：各人要為生命尋得意義，才能堅定意志，以致能抵受任何歷練。動機是內在的，即便在如何惡劣的境況下，終極的追求和渴望是越過難關的橋樑。演示出生命的內蘊是要自身看到「意義」的所在。

新學制的開展，更強調個人的自學和自省。鼓動年輕人對自身生命作出追求、明瞭活著的真諦，是對個性的尊重、是對生命的珍視。「卓越」在於能發揮一己所長，而不在於超越他人；「成功」在於看到自己的價值，而非追求個人的「市場價值」。

期盼學校的教育能守護那些稚小的心靈，給他們勇氣，讓其放膽摸索前行，在人生的道路上邁開踏踏實實的、小小的腳步，並在期間找到開啟己身的生命之鑰，覺醒生命那種「踏實」。

greentea000

培正仲算符合b1，金仔父母都叫過金仔去叩門。金仔拒絕，認為唔值得花咁多交通時間返學。真正原因佢無同父母講，佢感覺父母始中想佢去英中，叩門培正只係試探，如果應承去培正叩門，父母好可能乘機話反正b1不如去叩門英中。所以企硬，唔俾父母有幻想空間。

asweetmom

MrBeast 發表於 17-4-21 07:37
我會話早知你想要ipad就大家夾＄買
ps 女要富養ma，無謂勞氣

我三個女呀，富養不到。佢係學校部分科目上堂要用tab，又不想佢玩太多電子野，就俾左我個雜牌tab佢用。大女已經大一，我可以不理。二女咁有要求，我驚帶壞三女。老公話唔使我地兩老出錢，不理。得我煩惱

asweetmom

回覆 greentea000 的帖子

作家未成名之前都係有份工比較穩陣，中文系仲可以考慮記者、行政之類。你地興細細個就揾錢？*^O^*

asweetmom

greentea000 發表於 17-4-21 07:01
做兼職會出咩事？

我二女好熱情，交友毫無選擇，試過過年去包花紙識左幾個食煙、講粗囗女仔，佢一樣同人好老友！！！(￣∇￣)

MrBeast

asweetmom 發表於 17-4-21 08:22
我三個女呀，富養不到。佢係學校部分科目上堂要用tab，又不想佢玩太多電子野，就俾左我個雜牌tab佢用。大女 ...

我有部大6平板，雖然幾舊水，但好少用，幾年前買部ipad 3k幾，e加仲用緊，拉暈都算抵用。明白唔想小朋友變大花筒，但無謂為左每年幾百蚊令大家心中有條刺，最重要係用得開心，和大家justify到個buying decision

asweetmom

回覆 greentea000 的帖子

有物質追求仔女點引導好？
呢個校長有趣！

asweetmom

greentea000 發表於 17-4-21 07:03
你嬲佢買ipad貴定無同你商量就買？

兩樣都有。今朝仲同我講好快回本，有其他同學仔租佢ipad上堂！

asweetmom

回覆 MrBeast 的帖子

我驚其他方面佢一樣咁豪呀，否則一次半次我可以忍。第一次不出聲，第二次出聲會講點解第一次不反對。唉，愁。

greentea000

asweetmom 發表於 17-4-21 08:50
兩樣都有。今朝仲同我講好快回本，有其他同學仔租佢ipad上堂！

咁有諗頭 唔使擔心喎
又俾返你個tab錢你，你女算有義氣

shadeslayer

asweetmom 發表於 17-4-21 08:50
兩樣都有。今朝仲同我講好快回本，有其他同學仔租佢ipad上堂！

嘩高招。有生意頭腦但同學都計錢就…

1998Ruby1998

回覆 asweetmom 的帖子

我阿媽都係畀雜嘜牌畀我，衫褲鞋襪、文具、書包等等全部都係冇牌子或者大減價清倉（最貴應該係我套校服），但係我阿爸就好堅持如果係讀書野，就一定會畀最好，其他可以唔需要咁靚。如果有個 ipad，起碼硬淨少少，唔會咁容易壞。
不過又真嘅，如果冇動用到你 d 錢，就冇需要理會。你係畀左零用錢佢，筆錢就要佢自己管，佢鍾意用曬就用曬，唔用就唔用，佢冇錢果陣就唔可以問你攞，自己承受返。不過呢，要 set 個限制，例如好似 ATM 咁，幾多錢以上就會有 message 通知你，確保呢筆錢係你攞嘅。你都要話畀個女聽，幾多錢以上就要通知父母，最好就個女整個 Statement（好簡單，冇學會計都可以做到），左出右入（Money Out／Money In），每個月底結算剩低幾多錢。呢個我中四開始做，係電話 Excel 到入數，的確可以提醒自己每日用幾多錢，錢用左係邊度，剩低幾多錢可以下個月係多 d。我阿爸都係咁，有幾次買完野發覺八達通洗嘟多左錢，睇返單捉到 7 仔同埋百佳個職員偷偷地嘟包煙／零食。