黄芴南中學 交流區

Fayme

我阿囡都派左成績，雖然科科合格，不過級名次退左20位，但佢一D都唔緊張，目標合格就算好，一樣手機不離手，我都知鬧係無用，不過真係忍唔住！

AS-Ma-Ma

好耐無上黎同大家傾計啦！公私兩忙 !

題外話，剛見到教育王國的Android app 終於有啦，唔知自己低能定個app低能，好似入左黃芴南個討論區，只有上頁同下頁，沒有去尾頁，而家要狂禁71 下先去到 last page, 好低能！

呀仔嘅成積，我用一落千丈黎形容都並不為過  !! 雖然分數一早知，但名次就見到張 result 紙先知，唉，未試過如此驚嚇 !! 已成事實，無野好講 ! 我只好同佢講，如果黎緊考試結果，都系咁衰，就要退出田徑隊，只keep 住 band. 等佢自己諗。

其實我真系覺得佢地太少功課做，無練習又點會有進步呢，等佢地自動自覺 ? 10個都唔知有無一個！

Fayme

回復 minijelly 的帖子

佢肯每日溫半小時已很好，如keep住這習慣一定不錯！讚下佢先！

minijelly

回復 AS-Ma-Ma 的帖子

係呀,功課真係少得可憐,由其數學真係要計多D先得

minijelly

回復 Fayme 的帖子

鬼咩,半粒鐘叫做好過無咋,話時話知唔知今次考試咩範圍?全年學過既野?

AS-Ma-Ma

回復 minijelly 的帖子

我見佢咁少功課, 自己都有買補充比佢做. 上學期都聽聽話話, 叫佢做就做, 下學期開始就叫幾次先做一次, 佢已經唔系以前隻小學雞啦 !!

佢上學期都keep住中上成積, 今次統測就變左中下下, 真系歷史性新低!!

佢次次Geog都fail, IS 亦唔高分. 我見張全級分數紙, 平均都系這2科出事. 尤其 Geog.

有無Geog OK既同學仔媽咪, 過2招心得研究研究.

MISIM68

係真係太少功課

第二任媽媽

係呀, 我都覺得太少功課, maths , is. geog. 間中都有, 但係 中文, 英文, 真係冇乜, 再加上亞仔果班果個英文科老師 (鬼佬亞 sir) 一星期總有一兩日請假.

係呢, 我都好想知下學期o既考試範圍, 應該唔會考埋上學期果 d 掛.  月前叫個仔開始溫書, 講到口都嗅, 都係未正式溫,   真係不敢想像!!!,

MISIM68

今天出0左考試時間表, 上黃笏南網睇啦!

第二任媽媽

唉! 琴晚問亞囝派o左考試範圍 & 時間表未 , 佢都係答我話未, 我問佢有冇野要簽, 佢話冇. 咁回條就冇簽啦, ! 又唔知駛唔駛比人罰喇 !  唉! 個心都唔知去o左邊o既, !

係呢, 請問你地有冇同 d 子女溫書架喇, 用乜野方法溫架, 仲唔會唔好似以前小學咁出卷比佢地做呢 ?

MISIM68

回復 第二任媽媽 的帖子

中一跟本跟唔到, 為由講多兩次, 提下佢溫習, 有時問亞女要不要幫佢串下字, 佢都話唔使,
出份卷比佢做都好難掌握如何出. 比個目標佢, 例如:考到某個名次就送什麼鼓勵.....
好似今次測驗, 佢自己眼見有同學因為降0左名次唔開心, 都係個警覺, 而我又同佢講就係因為同學降了,今次考試同學仔實發力, 所以唔好放鬆, 努力以赴!

MISIM68

回復 第二任媽媽 的帖子

還有學校真係未比通告同學, 我亞女都話未派.

第二任媽媽

回復 MISIM68 的帖子

係呀, 原來昨天才派, 好在冇鬧亞仔話仲乜唔比通告我簽o者 !

littlecat

我囡囡而家放學番嚟就温書, 自己做notes温習, 佢都知自己上次測驗成績唔理想, 名次大倒退, 希望佢自己生性啦. 今次考試範圍都好多, 距離考試都好快就到, 大家都要努力 & 加油!!

MISIM68

聽亞女講Science 考範圍好多,  所以各位家長要提下小朋友早點溫sci.

AS-Ma-Ma

我仔都自己編好時間表溫書。中學真系理唔到咁多，問佢駛唔駛幫佢溫，又或者問佢書，佢亦不話不用，成日都話得袈啦，我自己會安排。我又成日好衰咁話，你得上次統測就唔會咁衰啦！ 唉，不過佢既然不用我理，我都無得理。唯有日提夜提，口臭都要提啦。

第二任媽媽

請問有冇人知 英文 oral 幾時考呀?  唉, 我真係好驚, 亞仔呢排都係努力溫緊平日 quiz, 默書果 d 咋, 日日提佢時間無多, 無多, 無多. 佢就話知喇, 知喇, 知,喇,
睇怕我真係時間無多呀!

MISIM68

回復 第二任媽媽 的帖子

我亞女話已經考咗oral

MISIM68

回復 第二任媽媽 的帖子

補充應該每班有少許時間差別

AS-Ma-Ma

系呀，呀仔都話上星期5 考左啦。