拉小提琴分享及交流part 2

小伊

Perfect Pitch 系天生嘅。

Sindy

原帖由 singpapa 於 10-9-25 19:19 發表


想問下呢處學小提琴的小朋友or大朋友有冇人係有perfect pitch, 如有的話係咪會學得好d or容易學d?

thanks!!

好多老師都話我小朋友有perfect pitch,拉弦樂係有幫助的,但係咪絕對呢?又唔係囉,因為聽得到,都要按得到,關係到協調

至於係咪天生,我唔係幾知,但我女細時係學鋼琴先,佢細個時,好鐘意彈琴時一路就up住個音,即係彈瑪利有隻小綿羊咁,佢一路彈,就一路up住,edcdeee.....我覺得係咁,所以佢認到音,不過好多人都話,如果無perfect pitch,係咁做都無用....有個老師,佢話佢淨係練一個a,都練左三個月.....所以我仲未下定論,究竟係天生,或是後天可以練習,但好肯定既係,越細練就越得快

小伊

小女在剛剛學琴2週後，我發覺她竟然可以不經思索地，立刻認出琴上的88音，還可以雙音3音齊奏，但她全無樂理知識，亦沒有經過有關訓練。

Sindy

原帖由 小伊 於 10-9-26 22:12 發表
小女在剛剛學琴2週後，我發覺她竟然可以不經思索地，立刻認出琴上的88音，還可以雙音3音齊奏，但她全無樂理知識，亦沒有經過有關訓練。

我係我女學左琴一年後先發覺.....又係唔駛半秒就答得出係咩音.....我見好多小朋友都做得到.....真係幾難確定係咪天生....不過天生又好,後天又好.....有就係有..... 識得運用,或者會用就得.....都無乜關係...

lillymarie

原帖由 Sindy 於 10-9-26 21:00 發表


好多老師都話我小朋友有perfect pitch,拉弦樂係有幫助的,但係咪絕對呢?又唔係囉,因為聽得到,都要按得到,關係到協調

至於係咪天生,我唔係幾知,但我女細時係學鋼琴先,佢細個時,好鐘意彈琴時一路就up住個音,即係彈瑪 ...

我個仔可以聽完一次之後就拉返同一段音樂, 老師就只係話佢聽力好, 意思好似係無咩特別. 我估所有專業音樂人都有咁既能耐. 老師反而對佢有好多要求: 執完左手到右手, 又要佢sight reading快, 未學好首歌, 唔准聽, 唔准佢靠聽力去學, 又要佢拉得有感情, 成日問佢: 你拉呢首歌, 講緊咩故事? 我仔答: nothing. 老師答: yes, you are right, because I heard nothing!

[ 本帖最後由 lillymarie 於 10-9-27 09:19 編輯 ]

bebebe12345

等孩子大少少,就會顯得沒有這麼重要,因為其他方面的影響會更加大,包括技術、感覺.................等。

Sindy

原帖由 lillymarie 於 10-9-27 06:40 發表

我個仔可以聽完一次之後就拉返同一段音樂, 老師就只係話佢聽力好, 意思好似係無咩特別. 我估所有專業音樂人都有咁既能耐. 老師反而對佢有好多要求: 執完左手到右手, 又要佢sight reading快, 未學好首歌, 唔准聽, 唔 ...

我女既琴老師都無顯示咁無乜咁特別,佢話天份同呢D,只係佔音樂既好小部份......錦上添花而已,靠既都係要努力,以前我會覺得...車...同你比,你係鋼琴家,咁有天份,就梗係咁講,都想我地重點放返係小朋友基本功上之麻,但而家真係體驗得到佢講緊咩....

我可以話你聽,你老師無特別嚴格架喇,基本就係要咁,除非佢地唔係盡力咁教既啫,坊間比比皆是

Lofty

Hi bebebe12345,

想請教: sinfonia orchestra
            sinfonietta orchestra
           symphony orchestra
           Philharmonic orchestra

其實有什麼大分別? 謝謝.

原帖由 bebebe12345 於 10-9-27 13:45 發表
等孩子大少少,就會顯得沒有這麼重要,因為其他方面的影響會更加大,包括技術、感覺.................等。

lillymarie

原帖由 Sindy 於 10-9-27 16:57 發表


我女既琴老師都無顯示咁無乜咁特別,佢話天份同呢D,只係佔音樂既好小部份......錦上添花而已,靠既都係要努力,以前我會覺得...車...同你比,你係鋼琴家,咁有天份,就梗係咁講,都想我地重點放返係小朋友基本功上之麻,但 ...

我個仔遇着呢位老師可以話係好有福. 係自己要適應一下, 從未諗過要個仔咁認真去學琴學音樂, 亦未諗過自己要咁認真去陪練.

bebebe12345

哈哈!我所認識的絕對有限,留待D高手的高論!
樂隊編制問題,不過不妨參考以下連結:

A
B
C
D

suveve

樂團裏面分3種
1，chamber orchestra，Kammer orchester，只會演奏室內樂，很多曲目不會有指揮，由獨奏或者首席帶領，不會擴充。編製大約為10-45人

2，sinfonia orchestra, sinfonietta orchestra, sinfonica orchestra等等，雖然sinfonia也為交響的意思，直譯因為交響樂團，但由於其來自於巴洛克至浪漫時代早期，所以其實對比來睇系編製比較小的交響曲，編製大約30-60人。

3，symphony orchestra系最早浪漫時期的樂隊名稱，因為symphony orchestra 受雇與政府/皇室，既系傳說中的鐵飯碗職業，公務員……所以有了philharmonic orchestra，愛樂樂團，由民間的愛樂者自己組成。但是現在已經沒有這個區別，很多早年的philharmonic亦接受政府的資助，例如hk phil. 編製最多可去到100多人。

suveve

原帖由 Sindy 於 10-9-26 21:00 發表


好多老師都話我小朋友有perfect pitch,拉弦樂係有幫助的,但係咪絕對呢?又唔係囉,因為聽得到,都要按得到,關係到協調

至於係咪天生,我唔係幾知,但我女細時係學鋼琴先,佢細個時,好鐘意彈琴時一路就up住個音,即係彈瑪 ...

perfect pitch 有天生，但是也有練習才懂得怎麼用。也可以後天練習，一般學不轉調的西洋樂器只要用心培養，大多都可以練出來，但是如果系轉調樂器，或者中樂，perfect pitch反而會好辛苦。

lillymarie

阿仔跟老師學咗10個月, 學咗三首concerto. 今日練琴叫佢試下拉返第一首, 佢仲話自己肯定唔記得哂. 但點知佢技巧上做得仲好過之前, 記得哂D音, 當然D感情就唔見哂啦, 可以話係比之前還要更似robot. 心裏感到好欣慰, 阿仔技巧上進步咗不少呢!

昨日阿仔練琴, 拉一串三連音, 拉極D音都唔準, 被我鬧咗一輪, 先知道原來佢以為三連音下面個"3", 係表示指法, 自己夾梗轉position去就個"3"既指法. 笑C我地.

陪阿仔練琴都幾得意. 見佢拉練習曲拉得唔順, 就問佢: 做乜練咗咁耐都仲係咁架? 佢反問我: 你知唔知呢首歌好難拉架? 被佢問到我口啞啞, 諗起老師講過呢首歌真的好難, 就唔敢再出聲. 竟然被個仔大到.

[ 本帖最後由 lillymarie 於 10-9-28 21:14 編輯 ]

Sindy

原帖由 lillymarie 於 10-9-28 21:04 發表
阿仔跟老師學咗10個月, 學咗三首concerto. 今日練琴叫佢試下拉返第一首, 佢仲話自己肯定唔記得哂. 但點知佢技巧上做得仲好過之前, 記得哂D音, 當然D感情就唔見哂啦, 可以話係比之前還要更似robot. 心裏感到好欣慰,  ...

我好鐘意陪佢地練琴架......雖然口就話你呢樣要改,果樣唔多準,但見到佢地成日都會有驚喜,好開心架

hunglin

我想問你哋有經驗嘅媽咪，小朋友最好係幾歲開始去學小提琴好???
Thanks

ohmygosh

我全職私人教授鋼琴和小提琴﹔我自己收生也要求小朋友滿四歲半才開始學﹐三四歲的階段最好多參加一些音樂班﹐多去音樂會﹐先培養興趣﹐音感和節奏感。

原帖由 hunglin 於 10-9-29 11:48 發表
我想問你哋有經驗嘅媽咪，小朋友最好係幾歲開始去學小提琴好???
Thanks

rolandbb

請問你地响邊度買小提琴呢 ? 我仔小一啱啱開始學, 去普通琴行, 定係去 tomlee 呢 ?? 唔該.

lillymarie

原帖由 hunglin 於 10-9-29 11:48 發表
我想問你哋有經驗嘅媽咪，小朋友最好係幾歲開始去學小提琴好???
Thanks

阿仔第一位老師話過, 起碼要K3佢先肯教, 最緊要係小朋友要夠定. 事實上阿仔係佢教過最細既學生, 5歲開始學. 小提琴唔似鋼琴, 一彈就可以彈出首歌仔, 好快有滿足感. 起初只係猛拉幾條空絃, 要有一定程度的耐力和專注力先無咁辛苦.

lillymarie

原帖由 rolandbb 於 10-9-29 14:37 發表
請問你地响邊度買小提琴呢 ? 我仔小一啱啱開始學, 去普通琴行, 定係去 tomlee 呢 ?? 唔該.

去通利買最平個隻啦!
老師話通利D琴未必係最靚, 但品質勝在一致, 即係個個價就係個種貨. 我個仔第一隻琴係通利最平個隻, 拉落D聲都唔差架.