九龍禮賢幼稚園K3家長請進！

Shanghai

禧媽媽, 你真係check 下有冇聽錯, 我囡係葵芳上車落車都要$730wor, 青衣同葵芳應該差不多架???

禧媽媽

Shanghai 寫道:
禧媽媽, 你真係check 下有冇聽錯, 我囡係葵芳上車落車都要$730wor, 青衣同葵芳應該差不多架???

kitty&mimmy, Shanghai
等我更正番先!!
剛剛打電話問過馬叔叔, 原來係 $760.00 至真, 我仲以為咁平添  
不過都係第1個上/落車 !! (9A車)

Micky

想問下讀緊禮幼與及將於今年9月讀k1的媽咪, 你哋係咪諗住讀埋禮小? 我知道禮幼係一間好學校, 但如果唔諗住讀禮小, 咁每日坐成個几鐘頭車返學係咪值得呢? 但聽講禮小的程度都几深, 讀上去都會几辛苦, 大家可否分享下意見.

朱古力

Micky,
我係諗住比囝囝讀埋禮賢小學架，除非自己失業或負擔唔起．
值唔值得好難講，有Ｄ人會搵就近屋企留下既幼稚園，有Ｄ人山長水遠搵間出名既學校，其實各人各既原因，睇你點睇．
至於小學程度深，怕唔怕辛苦，我覺得香港讀書就已經係辛苦，制度又混亂，但有咩辦法，除非唔生小朋友姐．唯有細時好好培養佢讀書既習慣，其實而家小朋友讀書連父母都要一齊讀，唔係淨係小朋友返學敢簡單．

Micky

朱古力,

Thanks for your reply.  

penpen

朱古力,
我都想阿囡讀埋小學架! 7x%入到band 1中學喎! 但我屋企得我老公做野, 佢又話仲咩唔用九年免費教育, 我自己又想, 阿囡讀小學我都應該會做番野, 所以我諗會兩樣都俾佢試, 因為我果區個校網都有幾間好學校,若果大抽獎抽到好學校就梗係去啦~ 若果考唔到, 死慳死抵都要俾阿囡讀番呀!!  :cry:

littleeva

各位我想問下星期五的運動日您們會去嗎 ? 如去會由小朋友坐校車去 or 自行帶小朋友去呢 ?

朱古力

littleeva,
我會自己揍囝囝去，未決定自己揍走or搭校車，因為下午我要返工．

你地會唔會去學校旅行呢？營費同車費係咪自己加小朋友$50+$32=$82，我計得o岩嗎？我怕寫錯支票呀！

愛美

eva, penpen, 朱古力,
星期五既運動日, 記得要同小朋友一齊出席, 因為佢地會有親子運動環節, 係家長同小朋友一齊參與比賽架, 好開心架, 唔好miss左呢個機會.

penpen

littleeva,
我都未決定自己去定搭校車呀!!

朱古力,
啱呀! 我就加埋我老公$123, 到時見!!  

愛美,
係呀! 我都有聽老師講過會有親子運動玩, 到時大家記得著白底鞋呀!!  

朱古力

penpen,

最新果張通告話:只要是不脫色的波鞋便可．所以唔一定要白底波鞋呀.

GraceMami

我都會去運動會, 多數會自己同囡囡去, 再由校車接走, 因為下午返工.

我都報了日營, 如果不用自己帶食物, 在裡面食就好喇.

penpen

朱古力,
係呀!通告有咁寫呀!! 但我自己又諗, 咩波鞋會脫色先?!!!  

GraceMami,
係呀! 我都覺得自己帶食物真係幾麻煩! 因為到時天氣開始熱熱地, 果d地方又冇遮冇檔, 分分鐘晒壞d食物, 到時記得帶定驅蚊同防曬呀!!

朱古力

係呀！都唔知帶Ｄ咩去食，最緊要係防蚊．

penpen

朱古力, bosze,
我見到jusco $10廣場有d類似可以保溫既袋, 唔知有冇用呢?!  
係呢?! 你哋有冇儲JUSCO出既超人特攻隊既幻變章呀? 我幫阿囡儲緊呀~ 有冇可以交換吓呀??  

bosze,
你囝囝個酒粒我見到就想篤下佢喇~~ 其實我笑果陣都有一邊少少的!   妹豬昨天告訴我有人邀請佢, 我問佢個同學仔叫咩名, 佢話唔記得咗喎! 跟住我問佢係咩組架?! 佢話係西瓜組, 跟住我再問佢係唔係浩然呀?! 佢好快答話係, 我諗住睇佢有冇亂答,於是再問係唔係塱生啦~ 佢話唔係喎! 佢同我講有人邀請佢果時好開心呀!! thank you浩然
今日話嚴老師帶咗佢哋去圖書本, 我話唔係圖書館, 唔係圖書館呀! 隻嗅嗅豬老師帶佢去就記得, 我帶佢就唔提!!  

朱古力

penpen,

原來你儲緊超人特攻隊既幻變章，不過我附近無吉之島所以好少去，我幫你問下我家姐，佢成日去吉之島的．

penpen

朱古力, bosze,
謝謝你們的幫忙!!  

bosze,
浩然有兩邊,緊係兩邊篤晒啦~ 我自己得一邊咋! 而盈盈出世果陣我都見有架! 唔知係唔係家陣塊面太肥, 所以唔見咗呢?!   我都有問番阿囡你囝囝邀請佢做咩?! but佢都講唔出呀!!  

penpen

[size=large]不知不覺由發通告到明天的運動會已一個多月了, 明天見!!

KiuKiu媽媽

今年的運動會竟然系突破性地讓家長在場館中一起參與活動, 真系好開心呀, 未知各位有否參與到呢, 希望明年仍然會繼續這個做法就好啦! 因為以往家長只可在看台上觀看, 都幾悶架, 只有親仔比賽才可以落到場館中參與, 今天系大部份家長都在場館中親身感受整個過程, 實在好感動呀又壯觀, 而且今年亦系最后一年參加運動會了, 7月就會結束幼稚園生活, 准備升上小一, 這三年真系過得好快, 參與了三年的運動會, 今天見到幼班的同學仔好可愛呀, 但回想第一年的運動會囡囡的模樣, 再望番現時的囡囡, 真系大個左好多, 感受良好呀...各位請緊記盡可能參與學校的親子活動, 不要錯過任何機會!

朱古力

KiuKiu媽媽,
原來之前家長只可以觀看沒份參與架，我只知李老師話以前會係田徑運動為主，今年就特別ｄ，咁我地真係好幸運呀，可以一起參與．
但最可惜場館音響較差，不能全聽到老師既指示，如果場館大些就可以高、低、幼班一齊玩，唔洗分開．因為跑步只可以５個小朋友，囝囝無份好失望，仲喊起來．希望下次可以多ｄ項目比小朋友和家長一起參與喇！