香港創價幼稚園

YinYin2002

Pulmma,

我已將菜呀,冬瓜呀剪碎比囝囝食,佢一入口發現無味道就即刻吐出來,如迫他食就扣喉,將所有飯吐哂,我都罰去將一件玩具即刻掉出街,佢就食多少少啦,真係要打PATPAT 都怪當初BB仔時,我同老公成日比腸仔佢食, 另佢愛食重味 ,而家盡量唔比佢食味精的食物啦。午餐有時係紅蘿蔔(攪碎)+魚蒸飯,雞肉通粉等,晚飯就跟大人食。

請問重有乜辦法呢,囝囝有濕疹,全身皮膚好乾燥,有時痕到無覺好訓,醫生話唔算嚴重,不用再睇醫生,但都要等佢大個仔到青春期.D 皮膚才會好D。    

yinyinma

YinYin2002

Imysze 寫道:
Yinyinma,

希望可以做到同學仔.

有什麼心得請多多指教.

IMYSZE

Imysze
唔好咁客氣,大家互相交流吧
Yinyinma

lyannwong

yinyinma2002：

        我囝囝情況與你差不多，最近睇左醫生(二個同樣是兒科，其中一個更是某政府顧問醫生)，二個同樣叫我唔好用帶有香味既肥皂或浴露，改用浴油，沖涼既水水溫不要太高，不要用花洒改用浸浴但不可超過十五分鐘(因過熱的水另皮膚更乾燥，而使用花洒沖涼，因水力打落皮膚度會刺激皮膚更痕癢，浸浴時水分可滲入皮膚)。沖涼後塗上潤膚乳就可以。
你可嘗試使用以下醫生所介紹既浴油及潤膚乳：
浴油：(1) Emulsifying Ointment B.P ~ 屈Ｘ氏內葯房有售 $40 ~ $45
(狀似凝固左既豬油膏，沖涼時當平時用浴露一樣，直接塗上身上，然後用溫水沖洗就可以)
             (2)Keri Moisture Rich Oil(肌麗) ~ 普通葯房有售
(價錢未知，一位做護士既朋友介紹)

潤膚乳：Aqueous Cream B.P ~ 屈Ｘ氏內葯房有售 $35 ~ $40)

我囝囝而家用緊浴油(1) + 潤膚乳，情況巳有改善，你可一試！
  
lyannwong
  :

Pulmma

哈!!!!又是我出場的時候了!
醫道~~~~~~~~~

中醫角度來說, 一般有濕疹煩惱的小朋友日常生活多數喜歡食很咸的東西.  吃清淡些, 情況會有改善的.  塗藥膏冇錯是可以止痕, 但用得多會令皮膚很乾, 到時又會出現另一種問題,  現在summer 出了汗, 濕疹情況相信會更嚴重.  如果有這樣問題的媽咪可以試下以下方法, 我媽媽有好嚴重的病患, 現在已根治了.

用1両花膠+一隻手掌咁大左右的瘦肉or 脫皮乳鴿+十多粒龍眼肉以1碗半至2碗水燉3小時左右, 燉到有膠膠地咁+少少鹽食即可.  要連續飲2星期左右, 之後每月食1-2次就好好好好好的.  不過要注意, 花膠一定要好, 肉赤d 都要買貴d, 如果唔係就浪費心機, 購花膠時, 要選厚的, 冇1cm厚都要有8分厚, 我阿媽當年有親人做這行買$5000/1斤(市價成$7000/1斤) 貴就貴d, 但一斤可以燉20次左右, 除番都不是太貴(唯有咁諗) 這個療程, 最重要是頭的2星期, 之後用的花膠可以用平d .  小朋友一定飲唔晒的, 大人可以拾手尾, (hehehe! 大人飲了皮膚會變成旦旦咁滑, 好過燕窩好多好多好多...........) 有問題的媽咪可以試試.  

pulmma   

YinYin2002

Pulmma,
你的介紹反而我自己好想飲呀 如果囝囝唔飲就益哂我    我有唸個帶亞囝睇中醫,覺得可能係本身的體質問題,但又怕囝囝唔肯飲苦茶,所以打消念頭。

Lyannwong,
好多謝你的介紹,這些方法由囝囝BB時已開始用緊啦,因我囝囝滿月時個面仔又紅又腫,親戚就即刻介紹我帶囝囝睇皮膚專科,醫生就叫我用這些方法幫BB沖涼,牌字則不同是用"QV",上星期再帶囝囝到健康院,個醫生都是話無根治方法,只是盡量另他無咁痕癢,也是叫我加 "Emulsifying Ointment B.P"
沖涼。

sinsin77

珍珠媽咪，
好開心啊！我遲d都搬去油塘宿舍！我個女讀上午校，到時可以一起坐校車。

珍珠媽咪

係呀! 咁你而家住邊啊?好啊,我搵到個伴添,你係住消防定係警察宿舍呀?八卦下 我係消防宿舍呀!hehe~~

sinsin77

我依家住土瓜灣。我都係住消防宿舍。

珍珠媽咪

sinsin77 ~~
你幾時搬呀?我諗住9月前搬入去,但係唔知趕唔趕到呢?唔好意思而家先復你

virginia_chau

Pulmma,

我囡非常之招惹d蚊咬, 攪到雙小腿有好多蚊印, 想請教你點樣&用d咩

龍馬媽媽

hi Pulmma,

我囡囡都係會係05年9 月入讀創價上午班, 很想請教你,
我兩個仔女咳左成個月, 個細女食葯食到 , 中西醫都睇過, 好d又好唔哂, 有咩食療方法介紹? Please help!     

chityumama

有冇人清楚知道下次家長會(8月14日)要帶甚麼小朋友的物品返學校呢? 係咪要帶白鞋同校服? 咁白鞋有冇話要咩款? 咁小朋友平時返學又著邊款? 另外,駛唔駛為小朋友準備杯呀,毛巾呀,盒仔呀...等等?        我上次忙記問老師   "我諗都係要搵我地的顧問幫幫手"
Thanks a lot!!!

Pulmma

[quote]
virginia_chau 寫道:
Pulmma,

我囡非常之招惹d蚊咬, 攪到雙小腿有好多蚊印, 想請教你點樣&用d咩

Pulmma

chityumama 寫道:
有冇人清楚知道下次家長會(8月14日)要帶甚麼小朋友的物品返學校呢? 係咪要帶白鞋同校服? 咁白鞋有冇話要咩款? 咁小朋友平時返學又著邊款? 另外,駛唔駛為小朋友準備杯呀,毛巾呀,盒仔呀...等等?        我上次忙記問老師   "我諗都係要搵我地的顧問幫幫手"
Thanks a lot!!!

留在學校的鞋要純白色波鞋仔or 白飯魚, 返學著的款式就沒有限制. 不用準備杯, 只要每天帶毛巾盒(濕毛巾). 還有要準備多一條乾毛巾用安全扣針扣在小朋友的工作袍的袋裡, 媽咪們可以留意到工作袍的袋有個扣位的.

pulmma

CathyDannyBB

Pulmma
請問麥皮+鮮幼要塗幾耐, 花露水買邊隻好呢?? thanks!!

彤彤媽

Pulmma,

thanks for sharing!     等我返去試吓同阿女退吓d印先.

Pulmma 寫道:

防蚊方面我都好有心得的，我的囡的災情都很輕，因為小朋友的體温比大人高，故此會比較"野"蚊.  故此想辦法令小朋的體温涼快些.  

我會每晚臨睡1小時左右在睡房燒 "lemon grass" 的香薰, 睡前會用小温水洒身, (因為我和阿囡都有鼻敏感故此不能開冷氣睡) 最重要的是~~~~ 花露水~~~~ 每天在小朋友的髮尾, 小腿, 腳拍, 手腕, 手肘, "查"小小就非非常好, 我還會拖地時, 加小小落去, 窗邊, 廁所氣窗邊都 "查"小小, 我這樣做的效果非常顯著.  上學前 "查" 些, 小朋友會好開心, 因為可以香香!!

印印方面, 我試過用麥皮+1-2匙的鮮奶混在一起, 溝到傑傑地咁，塗在印印處，好好的，連雀斑都可以退到的.

還有咳方面的問題, 之前有個媽咪用洋桃汁好好，（我都有用過，真的好好）還有山楂（不是山楂餅）你可以在大型的supermarket 買到, 山楂乾之類的健康食品.  真的唔好飲凍野, 可能的話, 每早起牀飲一杯微熱的水都非常好.

pulmma  

Oscar媽

請問我想幫我囝囝報讀2006K1上午班,取入學表需唔需要排通宵....

CathyDannyBB

OSCAR媽
我諗唔使掛 ???   

Oscar媽

各位創價媽咪:

1/ 我想問面試會考小朋友及問什麼問題..
2/ 我唔係大了解創價幼稚園有媽咪能解答我呢...
3/ 創價師資OK嗎???

龍馬媽媽

HI Pulmma,

1. 多謝回覆, 我覺得你小朋友真幸福, 有咁叻的媽咪
2. 我都想知花露水買邊隻好呢?
3. 咁係唔係返學個對可以唔係白色波鞋, 著有顏色都得?
4. 咁係唔係買洋桃窄汁, 駛唔駛落其他野呀?
謝!

hi Oscar,
取表唔駛排隊, 寄回郵信封就得!