將軍澳富康德寶(DEBORAH)

vibianyeung

wing530 ,
你是kwaiｃｈｕｎｇ　返工，　我都係，　我在永得利，　你呢

我估－小學

wing530

vibianyeung, 我問過朋友, 有關啟思既playgroup, 佢沙田果間就無喇, 唔知其他既有無喎, 如果你真係好想知, 你可打電話問下, 我都可以問朋友既家姐, 佢係啟思做主任, 睇下有無野學到, 不過, 讀過n1, 我個人學得會醒d, 講野都好d啦, 呢方面, 可以問下hinhinmom & homingm, 佢地有經驗d喎~

永得利係邊架? 你搭咩車返工呢? 我搭25R, 直接係將軍澳出, 係健康街落車, 再行7~8分鐘左右啦!

hinhinmom, hinhin做乜咁開心狂笑呀? 係咪見到d小朋友打扮, 好攪笑呢? 我昨日湊放學, 見d小朋友打扮得好犀利, 好pro咁喎, d化妝技術好叻, 好勁架, 我同你果d簡直無得比呀, 最後, 你有無幫hinhin畫面呀?

係呀, 我有時都會"蛇"出去架~    試過有朋友係大埔gathering, 又好耐無見喎, 咁我咪由葵涌飛的入去囉, 佢地都話我顛架~

HALAHA, 我頭先同你傾電話後, 要忙到12點9呀, 我放12點架, 你話幾慘, 次次你話我得閒, 我就會比人"咬"住唔放架喇~

fifi, HALAHA & hinhinmom, 我已send相比你地喇, 你地check下喇, 我會失蹤2日, 因為我細佬係上海返黎一星期, 我今晚會入上水過夜, 要到星期一先見我"浦頭"喇~    

估pinkpink888係教咩呢???? 遲d再估教邊科下~    
homingm ----- 小學
wing530 ------ 中學
fifi--------------小學
hinhinmom-----小學
vibianyeung ----小學

vibianyeung

wing530,
真好多謝你的幫忙, 我巳打電話問, 藍田有, 如果係可以一試,

在貸櫃碼頭, 新過下啦, 玻璃外牆

看有無機會撞見

fifi

各位，今日學校有相睇，不過好難搵到自己的小朋友o架

HALAHA， wing530，

我send o左29號的相比你D 啦，check email 啦！

pinkpink888，

今日見到有相係中秋節燈籠比賽o既，五個小朋友（Stephanie，Eunice，other two classmates, one unknown）同校長一起影o即，都幾‘青見’，你一定要曬啊!

wing530

vibianyeung, 你係咪住"富康"架? 如果去到藍田上playgroup, 會唔會遠d呀? 係區內都有架喎, 你唔考慮其他既? 另外, 我估都好難撞到你喇, 我唔會去貨櫃碼頭果邊架~     

fifi, 中秋節燈籠比賽o既相, 睇怕都無anson喇, 我仲好懷疑我係咪outstanding架, 我估你睇錯既多喇, 咁我仲問唔問班主任呀? 我驚會好"瘀"喎~    

我仲未check e-mail, 咁你收唔收到我果d呀?

fifi

wing530,

我今日就見唔到Anson的相，但上次一定無睇錯，個MickeyMouse 燈籠挂係大堂哦

我收到你send比我的相啦，多謝曬！

星期五的dinner 點嘛？哩兩日有無去行街街啊？

HALAHA,

頭先見到send比你的相彈返轉頭，話個message over 5K，唔得哦 你有無其他email box 我可以send過去啊？

smallbaby

homingm

請問你2個b返德寶n1會不會成日病?因我個女會於12月讀n class 插班

wing530

fifi,

好~ 我信你, 我就憑你呢一句"一定無睇錯", 我就一於問下miss啦, 瘀就瘀d啦~     

我上星期五原本唸住一家3口去既, 最後, 我叫埋保姆3母女一齊去, 佢老公返夜, 同埋, 佢地都無咩街去, 咪一齊玩開心d囉~

果間餐廳都ok喎, 不過, 佢d萬勝節餐, 食相唔夠驚嚇, 味道ok, 唔錯, 可以考慮再去, 佢地攪左一隻"鬼船", anson & 我老公無上船, 因為佢地驚, 所以, 只有我地4條"女"上船,     我當然行先喇, 都有d驚驚地架, 我最怕就係d失驚無神彈出黎果d囉, 我保姆個細女(9歲), 嚇到傻左, 落船後全無反應, 最後, 上巴士回程, 係車上就嘔喇, 我估都係嚇親喇~       

昨日, 我返左中學母校行下, 因為收生不足, 要轉做老人院, 所以, 咪返去行下囉, anson咪係度吹波波, 跑下, 都幾開心, 夜晚就約左朋友食飯, anson就最happy啦, 玩足2日1夜, 攪到9點幾先返到屋企, 佢仲未做功課喎, 我老公就"散"哂喇, 可能年紀大呀~  

homingm

Hi! smallbaby,

初初返學預o左會多病，我細仔返學唔夠兩個月已經病o左幾次，每次都要睇兩三次先好番。但好番又好易再病，因為d小朋友咳、流鼻涕病菌傳來傳去。不過小病唔緊要，病得多抵抗力都會強d o既

係呢，你囡囡讀邊班呀

wing530

fifi,

我收唔到e-mail喎, 可唔可以send多次呀? thanks.    

大家知唔知學校幾時先攪一年一度既旅行呀? 我見有d朋友仔已去左喇, 唔知我地幾時呢?

homingm & hinhinmom, 你地舊年有無參加呀? 去左邊度玩呀?

pinkpink888

Dear all:

你哋都幾醒，大部分都估啱了。我是小學老師，主要任教的科目為視覺藝術和中文。

fifi

wing530，

比你個衰野搞到好大壓力添， 唔係得我講個燈籠挂o左出去，Anson都有話你知啦。 問下啦，我唔覺得瘀哦，得個知字都好嘛，唔曬成日估估下

你都幾搞野，‘食相唔夠驚嚇’，我唸我唔得，無話我，我唸我老公同Stephanie 見到D得人驚的野，一定唔肯食 同埋我一定唔夠膽玩鬼船，我上到去實嗌到成個餐廳都聼到

D 相我分o左3個file send比你，你check下收到沒。send o左張stephanie的花面look（原裝正版）比你睇

我前兩日唔得閑上來，仲唸住你會去行下先施，永安。我今日又係散o西啦，星期六，去飲茶，然後送老公返學，夜晚整海鮮餐食，又準備第日去沙灘picnic的野，星期日就去沙灘玩o左大半日，今次，捉o左好多魚仔比stephanie玩，佢都沒識玩，係o甘用手撈，又用兩隻手指柃起D魚，搞到我好緊張

你今日係唔係唔得閑啊?之前有call 過你兩次，電話都無人聼，如果唔係，唔使而加打到我手都軟啦

homingm

wing530,

N1同K1一年一次旅行會係春季搞(好似係3,4月)，N1果次去o左西貢獅子會自然教育中心，K1去綠田園。兩次我都有報名參加，可能因為係春季小朋友容易病，兩次呀仔都病o左，N1時有跟大隊去，但呀仔病到辛苦得制頂唔順一陣間就離開大隊返屋企。K1去綠田園果次稔住一定去得成啦，點知距離旅行幾日呀仔又開始病，旅行當日仲發高燒o添，結果比晒錢(成$300)又去唔到，既失望又心痛 :cry:

後來同學校反映，點解次次都係春季搞旅行，原來學校會分兩批去旅行，N1 & K1春季去，K2 & K3秋季去，但願來緊o既旅行呀仔可以去到，如果唔係佢一定失望到喊 :cry:  :cry:

smallbaby

homingm

我都未知, 因未收到信, 只是在電話裏口頭confirm左收, 12月返學, 我有些擔心, 因阿女未介片, 不知地嬸嬸佢去左臭臭而不知便麻煩了。你有沒有這方面的問題?

現在比華利又收佢, 現正在考慮, 我住坑口. 你知不知比華利好不好?

Glau

上 年 我 地 去 音 樂 農 莊 喎 ， 好 玩 呀  ！  

homingm

Hi! smallbaby,

未戒片片唔緊要o架，比囡囡著學習褲返學，我仔仔係屋企一早已經唔駛著片，但返學我就比佢著學習褲，但今日開始老師叫我唔好比佢著學習褲，嘗試訓練下佢。咁耐呀仔都未試過係學校臭臭，不過d嬸嬸有呢方面經驗應該識點處理

smallbaby

homingm

謝謝你意見, 我阿女會讀主流班.

homingm

wing530,

講錯o左o添，上年是去音樂農莊。頭先放學問o左黎主任，今年k1會係三月份去旅行，k2就會係12月頭去，不過k2不是親子旅行，而是學生跟從老師去。真失望，今年又無得跟呀仔一同去旅行o添  

fifi

wing530, HALAHA,

收到D相沒啊？

HALAHA，

今日係學校見到wingwing的相（玩緊BBQ），係學校搵D相曬搵得好辛苦，各個都係度話睇到眼都花。你問下婆婆使唔使我幫手搵wingwing的相啦，因爲今日見到個婆婆係度搵得好辛苦一張都沒搵到。 果D 相有D貼得好低，好難睇清。

HALAHA

fifi,

我收到啲相啦,不該晒.
今天好似聽婆婆講,佢選咗3張相來晒,詳細情形我都不知.上次晒既相到依家都未有.今次啲相可能新年才有得拿.