德褔幼兒園(n1)08-09 入o黎chat下...

rabbitgirl

我明白啦..但我個腦海一片空白，有冇好建議/ 提議？其實我心中只會係宣小，不過係私學，其他就只係想學校好就得啦...我都想參考下你，你會揀邊幾間？.....

公司 block 左 BK ，block 左上網，如果單靠係瞓醒o個個幾鐘搵料又唔夠時間，放得工，同得佢地玩一陣又話瞓覺！好煩丫...

另我搵左

藍田循道衛理小學
基督教臻美黃乾亨小學暨初中學校
聖若瑟英文小學
聖公會李兆強小學
聖公會九龍灣基樂小學
聖公會油塘基顯小學

這幾間有乜意見？我見應係基督教小學

原帖由 fostermak 於 09-5-13 13:49 發表
rabbitgirl:
其實係自己經常留意各小學o既網站+bk post,加上家姐學校都會通知,先知道邊間學校有open day/簡介會/嘉年華...

我自己做法係
1.了解整個小學派位機制,明報星島每年都會搞座談會,可以留意下
2.自己定出一 ...

[ 本帖最後由 rabbitgirl 於 09-5-14 07:30 編輯 ]

fostermak

rabbitgirl:
我冇乜好建議,因為每個人o既要求+考慮因素都好唔同,
我舊年o既選擇同而家都有出入,你可以參考一下..

1.k1先了解派位機制,可以參加報章講座+小學指南+上Bk,計下小朋友有幾多分,會唔會有讀番自己或老公間小學,有冇宗教分,首名子女+適齡兒童其實個個都有,夾埋係15分,我地有多5分宗教分

2.決定會參加大抽獎+報私立+直資
--宗教:因為信基督教,本來以基督教學校為首選,天主教或官津為次選,唔揀佛教/道教/保良局/仁濟/仁愛堂,但而家只選擇基督教學校,一兩間無宗教的

--地區:我地係牛頭角區,但我地唔會揀,因為冇乜心水,所以第一輪會選擇跨區,唔會考慮港島+新界,只選擇九龍區
(藍田+將軍澳+油尖+旺角+九龍城+深水埗)

--學校:會睇位於乜野校網,因為好的英文中學集中響油尖旺+九龍城區,中學網睇小學校網,小學本身有冇聯繫中學或直屬中學,以及中學派位如何,bk或其他家長對學校評價...

--男女或女校,因為係兩姊妹,最初重點係揀私立女校,因為少左男仔競爭,機會率大好多,但最後和爸爸同意只選男女校,因為可以平衡d,以免家姐第日唔識同男仔相處...

--小朋友性格,是否適合催谷或傳統教學,
或我地想點樣同佢渡過黎緊六年,係咪呢六年放工就顧住同小朋友溫書備課,定係小一已經放學去託管或補習到五六點返屋企...
--家姐愛唱歌,上堂夠專心,音小/宣道都好適合佢,但又要顧埋妺妹性格...

牛頭角區好似得8間選擇,我同老公都冇乜邊間睇中,
第一輪選擇跨區,
我對大抽獎冇乜信心,所以會集中火力報多d私校,報幾多間睇小朋友受唔到面試壓力+你的步署,有些小朋友報得太多會有壓力,會表現越黎越差,有d則越戰越勇

選校:我暫時揀左十多間小學,第一輪大抽獎揀左協和上午或下午/循道/藍田循道,次序未定
直資:播道/優才/真道
私立:九龍塘宣道/音小/禮賢/真光附小/崇真/啟基/聖三一/培道--全部基督教
九龍塘/陳守仁都會考慮,不過要睇埋簡介會/嘉年華/學校參觀,暫時係咁諗,收左有得揀再算

平日預備--多同小朋友拍照,做portfolio,多閱讀
可以上網小一問題同小朋友練下,咁多倒

原帖由 rabbitgirl 於 09-5-14 07:17 發表
我明白啦..但我個腦海一片空白，有冇好建議/ 提議？其實我心中只會係宣小，不過係私學，其他就只係想學校好就得啦...我都想參考下你，你會揀邊幾間？.....

公司 block 左 BK ，block 左上網，如果單靠係瞓醒o個個幾鐘搵料又唔夠時間 ...

[ 本帖最後由 fostermak 於 09-5-15 00:59 編輯 ]

rabbitgirl

多謝你...我知多左，明多左，但你知否 直資 / 私立 的月費約是多少？..因我估我都要預埋 這條數.....

另我想問下

父/母或兄/姊為該小學的畢業生

10分

與該校的辦學團體有相同的宗教信仰

5 分

適齡的兒童(即翌年九月開課時年滿五歲八個月至七歲)

10 分

如爸爸係宣小畢業..而我地又揀宣小的話..係未就有 25分？

如果妹妹又入讀宣小的話...噤佢係未只得 15分？

噤妹妹未好唔著數？...

這點計分我唔係好明...

另外，我想問下其實聖公會xxx 好似九龍灣 / 觀塘都有，係未唔好呢？官立呢？觀塘 / 藍田都有..又點解唔揀呢？...

可能我未聽過簡介會 同參觀過學校，但都想了解下...

(唔好意思，太多野問啦，真係好想搵日約你地出來，坐底慢慢傾！..)

[ 本帖最後由 rabbitgirl 於 09-5-15 07:12 編輯 ]

MrsJCLee

等我又同大家一齊討論下．首先要報料，我聯絡過聖公會德田李兆強，佢地話天主教及其他基督教都有分，如是心水學校，可再致電查詢詳情．

睇完fostermak的分析，人都清晰了許多，非常多謝你．

rabbitgirl:宣小係私校，無得計分．所有直資及私校都必須經過面試考核．如哥哥入讀了官／津學校，有兄／姊在該校就讀妹妹都會有分，但若考慮其他學校（不是哥哥所讀），妹妹便沒有這個分了．如哥哥入讀了宣小，同樣妹妹都要經過面試考核．想查各學校資料或網址（包括學費），請click:
http://chsc.edb.hkedcity.net/primary/

大抽獎我都無信心，因為若不計宗教分，只得15分，機會很微．最大機會係爸爸的母校，李兆強．所以我都會報直資學校多啲．

fostermak

rabbitgirl:
你慢慢黎啦,我都係攤長黎研究,慢慢定清選校名單...

直資/私立月費間間唔同,由千幾到五千幾不等,未計車費+飯錢+課外活動費,所以兩個小朋友讀六年或十二年,條數好襟計,所以有同事話,如果津校收梗係讀津校,留番筆錢等小朋友出國升學,唔好一鋪清袋,報私校/直資的,大部分係中產,會較緊張小朋友教育,冇咁街坊...

私立直資係睇小朋友面試表現,冇得計分架,有家姐阿哥響度讀,細佬妹未必係收...

官立小學一般都有聯繫中學,但老公唔想揀官立小學,我地希望小朋友讀基督教/天主教小學,好似家姐間幼稚園,德育+宗教薰陶做得好好,呢d野屋企教唔晒,我地比較重視學校對德育o既培養,唔想揀一d只顧谷學生谷校譽的,
同埋依家出面風氣好差,成日睇新聞有k仔入滲校園,網上援交,趁住小朋友年紀細,仲受教,慢慢滲d正確知識俾佢會好d...

有家長建議,選小學,盡量唔好揀屋邨,近屋企當然好,可以慳省好多交通時間,但最重要係校風純樸,我屋企後面果間瑪利諾中學d學生,校服永遠抆晒出黎,好哩啡,我唔想第日小朋友派到咁o既學校...

唔揀牛頭角/九龍灣d小學主要係呢頭冇乜中學可揀,我都會考慮藍田循道,因為藍田o既中學唔錯(聖保祿+聖言)...

你話基督教臻美黃乾亨小學暨初中學校,今日星島有報導
話創校八年三換校長
http://www.singtao.com/yesterday/edu/0515go03.html
你可以睇下

MrsJChan:
你好快手呀,即刻打去問李兆強,兩間升band1率好高,有六七成,但好谷同埋分精英班,好多功課默書測驗,家姐還可以,但細妹就一定唔適合...

原帖由 MrsJCLee 於 09-5-15 10:04 發表
等我又同大家一齊討論下．首先要報料，我聯絡過聖公會德田李兆強，佢地話天主教及其他基督教都有分，如是心水學校，可再致電查詢詳情．

睇完fostermak的分析，人都清晰了許多，非常多謝你．

rabbitgirl:宣小係私校，無得計分．所有直資及 ...

[ 本帖最後由 fostermak 於 09-5-15 14:29 編輯 ]

rabbitgirl

又明左 d 啦...噤德褔 k 1 會唔會派 d有關小學　ｄ野睇下呢？..

留意學校開放日，其實係點會知呢？..

報紙會搞講坐，多數係乜報紙？..老公睇開Apple...我又唔覺有. ...

請指教. .

原帖由 fostermak 於 09-5-15 14:25 發表
rabbitgirl:
你慢慢黎啦,我都係攤長黎研究,慢慢定清選校名單...

直資/私立月費間間唔同,由千幾到五千幾不等,未計車費+飯錢+課外活動費,所以兩個小朋友讀六年或十二年,條數好襟計,所以有同事話,如果津校收梗係讀津校 ...

fostermak

rabbitgirl:
德福k1會唔會派小學d野,咁要問下n1b柯浩彥媽咪,佢大仔響度讀k1,佢又係家教會委員...

學校開放日/嘉年華會/簡介會,可以上下面個網睇或者直接去你心儀果幾間小學留意,音小+真道係四月有簡介會,五月有嶺南同學會直資小學+聖三一+優才,大部分私校直資會有幾場簡介會,津校就唔一定有
http://www.hkedcity.net/article/parent_tip_homeschool/080904-002/index6.phtml

蘋果冇教育版,一定冇教育講座,你留意明報+星島,除了搞講座,到咁上下仲有指南換購...

原帖由 rabbitgirl 於 09-5-16 07:09 發表
又明左 d 啦...噤德褔 k 1 會唔會派 d有關小學　ｄ野睇下呢？..

留意學校開放日，其實係點會知呢？..

報紙會搞講坐，多數係乜報紙？..老公睇開Apple...我又唔覺有. ...

請指教. .


...

rabbitgirl

唔該哂，但邊個係柯浩彥媽咪呢....大獲....等我問下人先....

我會 save 底個 website...得閒就睇下，我見裏面好多資訊...

真的唔唔該你丫.

原帖由 fostermak 於 09-5-17 00:15 發表
rabbitgirl:
德福k1會唔會派小學d野,咁要問下n1b柯浩彥媽咪,佢大仔響度讀k1,佢又係家教會委員...

學校開放日/嘉年華會/簡介會,可以上下面個網睇或者直接去你心儀果幾間小學留意,音小+真道係四月有簡介會,五月有嶺南 ...

MrsJCLee

fostermak:

去了嶺南..小學簡介會，感覺不錯，教學理念也不錯，老師學生非常友善，不過，附近環境差了少少，很多地盤．

佢地都係五月份便開始面試，同優才一樣，所以想請教你，遇著這些學校，是否可先讓孩子面試，待真係取錄時再作打算？因為我相信未開始政府第一輪抽籤便會有結果，但有很多其他學校都是１０月份才面試，到時候，可能這些學校收生巳完畢了....你睇法怎樣？

fostermak

MrsJCLee:
原來你都有去,我都去左,聽埋簡介會,同你一樣,覺得教學理念幾好,唔係死谷,小朋友又真係學到o野,我見有家長上台講感受,應該家長同學校關係唔錯,多數簡介會都係校長同校監sell學校,呢度仲有小朋友上台做英文話劇同讀詩,有人辦俾我地睇,水平唔錯,但附近環境唔好太好.搭地鐵唔就腳,好在老師有愛心,又有獨立廚房,轉直資冇幾耐,唔知中學派位會點,真係得個信字...

係呀,有d直資/私立小學係五月至七月搶閘面試,參加第一輪派位前,就會公布結果,要你決定要直資定放棄抽獎...

你話應該先讓孩子面試定點,好睇你取向/策略/部署,有d家長一心報直資,其他唔報,費時再煩六年再抽中學...

我暫時諗住
1.直資早d有面試,等家姐習慣下模式,直資好難入,優才好似係十揀一...
2.有多無少,寧願報幾多間-因為識去年有家長同仔仔報9間,但得一間收,咁好似報四五間又太少,我又諗報左好過冇報,到時面試時間撞咪再揀去邊間,又或者中途未去晒全部學校,已有一間收,我地咪唔去其他學校
3.我希望有一間私校收左先,照參加大抽獎,盡量唔想等到叩門果個階段...
4.如果有直資收,例如播道,仲要係英小,學費唔係太貴,我會積極考慮唔抽獎架...

原帖由 MrsJCLee 於 09-5-17 14:29 發表
fostermak:

去了嶺南..小學簡介會，感覺不錯，教學理念也不錯，老師學生非常友善，不過，附近環境差了少少，很多地盤．

佢地都係五月份便開始面試，同優才一樣，所以想請教你，遇著這些學校，是否可先讓孩子面試，待真係取錄時再作打算？因為 ...

rabbitgirl

o黎緊你地仲會去邊到聽？..我都想聽下，...知多幾間先..衰在暫時未有心水！....所以你地去我就到時間我又去. .

原帖由 fostermak 於 09-5-17 18:33 發表
MrsJCLee:
原來你都有去,我都去左,聽埋簡介會,同你一樣,覺得教學理念幾好,唔係死谷,小朋友又真係學到o野,我見有家長上台講感受,應該家長同學校關係唔錯,多數簡介會都係校長同校監sell學校,呢度仲有小朋友上台做英文 ...

MrsJCLee

fostermak:

係呀，你講得岩，揀嶺南小學只係個信字，睇唔到中學派位如何，其實我尚未同老公傾大家的睇法，暫時諗住找多些資料先...

多謝你的分析，不過，我只是怕到時兩頭唔到岸，因為如九月十月前有直資收，若註冊，便要放棄大抽獎，不先註冊，又怕及後所考的全軍覆沒，請問届時是否可以同時註冊兩間直資或私校呢！？

想問下你覺得優才如何？雖然未去簡介會，但覺得學校的理念唔錯，不過有家長講，初小學生很頑皮，上課又嘈，又無禮貌，但小朋友很喜歡返學，而且又很少功課做...

另外，曾經有朋友去播道參觀，感覺很差，所以找校長理論（當然花了很多時間才找到校長），點知傾完大讚校長的理念很好，還說孩子一定要考此學校，當然朋友亦有告知學校需要改進的地方....你是否巳參觀此校？老師和學生給你的感覺如何？是否態度很差呢？由於學校太新，所以無法取得更多資料....

fostermak

rabbitgirl:
你可以留意bk o既"學校情報"
下星期有聖三一+優才,但優才好似爆滿,我唔知優才會唔會點名,但我見咁多間,打完電話留座,去到都冇人會問,相信屆時自己walk in 都得...

好似英華都有簡介會,可以打去問下...

原帖由 rabbitgirl 於 09-5-18 06:56 發表
o黎緊你地仲會去邊到聽？..我都想聽下，...知多幾間先..衰在暫時未有心水！....所以你地去我就到時間我又去. .

[ 本帖最後由 fostermak 於 09-5-18 15:03 編輯 ]

我係女仔

你地K1定K2架

fostermak

我係女仔:
我地係N班,即2歲pre-nursery家長黎架...
k1至k2家長響"談幼稚園"---"德福事務所"出post,不過而家較少人上去傾計\
http://forum.edu-kingdom.com/viewthread.php?tid=860929&page=53#pid32032438


MrsJCLee:
嶺南,我幾鍾意佢果套高效識字法,你睇番佢d簡介小冊子,星期二檔案曾經介紹過,我上youtube睇左,又攞左本有佢地學生寫的造句+作文+日記俾教小學o既弟婦睇,佢意見係下學期學生寫到好多o野,都好深...

播道,點解你朋友對佢感覺唔好?係安排定係師資定邊樣有問題?除左佢之外,音小+真道都被指學生discipline較差,但呢方面好主觀...

我未聽播道o既簡介會,只係睇過小學指南,理念唔錯,學費平,一千幾百一個月,又係英小,又有中學,值得考慮...

註冊幾多間直資好似係得架,但揀左直資就要放棄大抽獎,
但有私校收,都可以照樣大抽獎...

原帖由 MrsJCLee 於 09-5-18 14:26 發表
fostermak:

係呀，你講得岩，揀嶺南小學只係個信字，睇唔到中學派位如何，其實我尚未同老公傾大家的睇法，暫時諗住找多些資料先...

多謝你的分析，不過，我只是怕到時兩頭唔到岸，因為如九月十月前有直資收，若註冊，便要放棄大抽獎，不 ...

MrsJCLee

fostermak:

其實嶺南的理念同那套高效識字法我都很喜歡，不過沒有普通話學，好像少了一點競爭，而且睇唔到升中派位...我諗明年要老公去聽下先....

播道係咁，朋友去開放日，門口無人做招待，見到學生便查詢，但是學生又無禮貌回應，找到老師查詢時，他又什麼都不知道，所以朋友覺得很差，既然是開放日，為何安排得如此混亂，朋友亦告知洗手間也污穢得嚇人，所以才怒氣沖沖的找校長理論....可能以上純屬單一事件，所以才問你若巳參加簡介會或開放日，感覺如何．

至於優才其實不只是聽到一個家長這樣說....

多謝你的寶貴意見！

MrsJCLee

我係女仔：

收到你的短訊，我現在小朋友都是N班，九月便會讀K1，知道同學仔家長fostermak的大女巳是K2，現在巳煩緊報名各樣事情，所以便請教她，她是超級好人，我地唔清楚的事都會問她，她亦不嫌其煩為我們解答，所以真係特別要多謝她．

其實一般都係K2才開始找資料，不過我見得幾個月時間好似很趕，咁岩又有家長較為熟悉，所以向她查詢，加上老公今年很忙，所以我便先找定些資料，以便可一起商量，尋求共識先．當然亦要留意小朋友的個性，什麼類型的學校適合他，各學校的理念，校風，學校位置，升中派位是否達家長的要求....等等，希望幫到你！

fostermak

我係女仔:
講開又講,你好耐之前都pm過短訊俾我,我都覆過你o架...
你想問乜,呢度好多家長可以幫到你架...

MrsJCLee:
其實我都好需要大家o既寶貴意見呀,我揀左咁多間,應該要排優先次序,但有d未有簡介會/開放日,未參觀過,淨係靠bk家長口碑同小一指南介紹,好想再睇真d...

我參觀過咁多間直資/津小/私立,都係由學生或老師夾道歡迎,未見過冇人招呼,可能播道呢方面安排較差,咁你朋友後尾報左邊間同入左邊間?收多d資料都好...

至於洗手間,我上個月去陳守仁開放日,亦遇到同樣問題,
廁所板被人踩到滿佈腳印,好嚇人,一來係參觀者問題,二來係學校冇人駐守廁所即時清理...

優才,我舊年跟家姐學校o既家教會去,參觀左將軍澳+旺角校舍,,當時校長話唔係淨係收資優生,但今年聽有家長講,優才主要係收資優生,即使用盡方法幫小朋友面試過左關,但如果佢力有不逮,未必應付到功課,所指o既唔係量,而係內容解題方面...

原來除左嶺南用創意默書/高效識字法外,全港有200幾間學校都有用,包括播道

星島報導播道推行創意默書輕鬆學習提升學生識字量

[size=+1]

播 道 書 院 小 學 部 的 學 生 都 異 口 同 聲 地 說 喜 歡 創 意 默 書 ， 覺 得 默 書 好 像 遊 戲 般 很 好 玩 。 　　小時候每逢聽到要「默書」，都擔心寫錯字、不懂寫而得零分。但隨着教學法不斷改進，有學者提出「創意默書」，一改學生「死記爛抄」課文的舊法，將有趣的文字遊戲融入默書之中，包括連綫、配對、填寫部件等默書形式，令學生享受輕鬆愉快的學習，還可以提升語文認讀及應用能力，現時已有逾二百所小學使用創意默書，部分小一學生更已學懂一千五百個單字，較使用傳統默書的學生只懂二、三百字多出數倍。

[ 本帖最後由 fostermak 於 09-5-19 23:41 編輯 ]

我係女仔

嘩,你地N己經要計劃定啦, 咁我都要諗定啦

rabbitgirl

我完全認同，fostermak 真是個好好好人的媽咪...

點解學校都搞開放日 / 簡介會，都唔好好搞好間學校...可想言之，平時間學校會係點.....

原帖由 MrsJCLee 於 09-5-19 10:37 發表
我係女仔：

收到你的短訊，我現在小朋友都是N班，九月便會讀K1，知道同學仔家長fostermak的大女巳是K2，現在巳煩緊報名各樣事情，所以便請教她，她是超級好人，我地唔清楚的事都會問她，她亦不嫌其煩為我們解答，所以真係特別要多謝她．

...