仁立紀念小學家長區 (2)

黃巴士

原文章由 kswiss 於 07-12-20 13:00 發表
中文卷:
1. 最近有d標點符號題,句子之前要加,小朋友未見過,都唔知係填開關引號.
2. 閱讀理解 - 第2題問莎士比亞是什麼人?
真係估佢唔到呀!文章只題到佢同戲劇有關,女女話導演都得架! 點知佢係文學家呢!!
只怪 ...

囝囝都填左莎士比亞係導演, 佢話覺得文章似講緊戲劇.:tongue:
篇閱讀理解- (英文學會招募會員) 差不多全軍覆沒.

黃巴士

cookie

你地講個兩題:<br />
1. 冇直角的圈出來<br />
   其實即係搵對上幾題冇答案既圖形!<br />
   因為Q1係問哪個圖只得1個角,Q2找2個角,Q3找3個角 ....,咁冇直角既自然就係另外既圖形啦!不過,一般小朋友好自然會認為係哪兩個圓形和橢圓形, ...

<br />

我囡囡識數, 可能佢成日夠蠱惑.
唉, 中文卷真係無眼睇, 剩係閱讀理解都扣左24分, 好彩其休錯得唔太多, 唔係就唔合格喇...........

sandy816

我仔淨係派左中文同數學小測咋

原文章由 wp-bn 於 07-12-20 11:30 發表
中文卷我眞係冇眼睇  希望從中可吸收到經驗, 考試會好啲啦:

wp-bn

英文都試過有相似的問題佢又識答wor, 中文就唔識 我眞係比佢吹脹  佢重要話唔緊要, 小測唔計分的, 佢根本就冇比心機做份卷

原文章由 kswiss 於 07-12-20 17:08 發表
英文學會招募會員
呢篇又係,一題4%架!真係好'貴'呀!
Q1問什麼時間舉行
Q2問以什麼名義出 - 小朋友原來估唔到什麼叫 '名義'!
Q3問目的 - 其實就係個 subject heading, 佢地又唔識抄.

原來呢篇文對佢地嚟講係咁深既! ...

wp-bn

冇理由bor, 該應全部派返來溫習ka

原文章由 sandy816 於 07-12-20 16:35 發表
我仔淨係派左中文同數學小測咋

黃巴士

放假啦!!! 囝囝同我都無心機溫書, 個心已經去左聖誕老人度!!

黃巴士

黃巴士

原文章由 kswiss 於 07-12-21 12:11 發表
黃巴士,

你都係度,冇去日營?
好似個個都係度喎!

係呀!! 囝囝同左99去, 我行唔開呀!!! 其實烏溪沙囝囝由幼稚園至依家都去左4次......

黃巴士

csy_ma

原文章由 一新丁 於 07-12-21 13:12 發表
大家好！我是新來的，兒子讀小一。
想請問各位：
1.小一請問考試或測驗時，老師會讀卷嗎？
2.你們的孩子是怎樣在家做功課的？自己做？還是你們指導著做呢？要請補習嗎？ ...

歡迎您加入仁紀大家庭 ，假如家長不是很計較成績或名次的話，仁紀的學習生活應會很愉快的

１．小一全年都會讀卷，小二開始沒有．

２．這問題，小一時跟老師討論過．老師其實傾向家長不用糾正子女的功課誤差，讓老師更明白學生上課時的吸收能力．
小一生，其實智力年齡差距甚大，例如考試，有些在下學期已情願不讀卷，以便有更多自由的時間作答，有些如小囡般，如不讀卷可能”死梗”，很不一樣．所以很難說要家長指導還是自己做，看小朋友本身的能力．
小囡現在小二，做功課也要我在旁陪．看著她，不因為需要指導，而是要請她集中精神．小一的時候，縱然在安靜的環境，自己慣用的書桌上，但假如不陪她，很可能轉個頭回來，她的功課仍在原地踏步，安然不動．但也有在職家長的叻叻子女，在爸媽下班前已做完功課．到下學期已不用怎麼管．

至於補習，在小一階段，大概也不過請個大人回來督促其做完功課吧？不過，我倒聽說過不少成績頂尖的學生會上街外的鬼佬英文／珠心算／公文ｘｘ班，為求快人一步學高一點．看來效果也不錯．

這方面的彈性很大，您不如看看小孩的適應情況再作決定吧．

有一個溫馨提示 ：

仁紀在中英數都有網上功課，很多家長經常說，應付了日常功課已像打仗一樣，沒餘暇做那些沒有硬性規定的網上功課．但其實，網上功課費的時間不多，卻能引起小朋友的興趣，即時顯示的排名榜亦令其有競爭心和滿足感（有些排名榜只列參與量），其實是一個很好的溫故知新途徑（尤其是英文，可聽讀音，又增加閱讀量，打好長遠的基礎），最好還是盡用資源，多參與． （我一年級的時候也沒有上網做，後來才知走寶 ）．

csy_ma

原文章由 kswiss 於 07-12-21 12:11 發表
黃巴士,

你都係度,冇去日營?
好似個個都係度喎!

昨日阿囡發燒，喉嚨發炎，本來唔打算去今日既日營．點知佢今朝第一個醒來（昨晚已特地放她看書和跟她玩遊戲至一點幾，以便她今天起不來，誰知計謀失敗），自己探熱，冇燒，吵著要返學，唯有去．

好彩有去，天氣好，三個親子遊戲都勁好玩，係我這幾年去的親活動最好玩的一日．玩遊戲既分組，對著都係唔識、甚至唔同級既家長，真估唔到可以氣氛咁好．就好似某d機構搞既體驗培訓營咁，同組既家長由唔識變有商有量，全程又有導師（老師）旁觀，跟住仲有小組分享等，真似有d出面收費高級既體驗課程feel

不過，就係因為行程緊密，分組又散，都真係冇乜時間同相熟而少見既家長交換情報，倒可以向高年級既家長傾吓－－可能接觸既多半係AB班既叻仔叻囡，d高年級家長有話小三功課會多咗，又有補課，但佢地既小朋友都會適應得幾快．

另外，我都見過唔只一位老師針對性咁搵佢地教緊既小朋友家長溝通，交流其上課表現．似乎，d老師都幾細心，仲會留意到小朋友小息時既社交狀況，果然好有心

csy_ma

原文章由 kswiss 於 07-12-20 17:08 發表
英文學會招募會員
呢篇又係,一題4%架!真係好'貴'呀!
Q1問什麼時間舉行
Q2問以什麼名義出 - 小朋友原來估唔到什麼叫 '名義'!
Q3問目的 - 其實就係個 subject heading, 佢地又唔識抄.

原來呢篇文對佢地嚟講係咁深既! ...

wp-bn個囝講得啱，小測唔計分，正好俾機會佢地學d上堂未必講到既野，今次衰咗，自然印象深刻，易入腦d．老師呢條蹺都唔錯

反而係英數，據高年級家長觀察，小測測咗既，考試多半都唔會重複，所以小測淺既話，考試多數會深 ．

而臨放假要交既數學功課咁深（因為老公跟，冇睇到添，都唔知點同佢溫，好彩奧數網講既野幾接近，希望到時仲可以搵返黎做），可能係為蹺奇考試題目鋪路 （聽講舊年總測既數學試卷好需要用腦，今年就淺到暈，怕者考試都可能補返數）．

黃巴士

原文章由 csy_ma 於 07-12-21 23:12 發表


昨日阿囡發燒，喉嚨發炎，本來唔打算去今日既日營．點知佢今朝第一個醒來（昨晚已特地放她看書和跟她玩遊戲至一點幾，以便她今天起不來，誰知計謀失敗），自己探熱，冇燒，吵著要返學，唯有去．

好彩有去，天氣好，三個親子遊戲都勁好玩，係我這 ...

我囝囝依幾日都有d咳呀!!! 可能係我兩公婆傳染左俾佢.
多謝您囡囡前日請大家食d糖, 囝囝話好好味!!

黃巴士

黃巴士

原文章由 一新丁 於 07-12-28 14:07 發表

csy_ma,
謝謝你非常耐心的回應，令我對這學校感到更溫暖！
你所提及的是否中英文科的每日一篇呢？你陪女兒一起上網做練習還是她自己懂得上了？
我真的不能負擔太多時間在他的功課上，但矛盾的我又希望他成績有進步！
希望能在這 ...

我起初都以為係小朋友自己去做, 但原來前幾天聽朋友話, 佢校老師講,  最好係陪佢地讀(親子喎), 例如小朋友看了文章, 跟著家長再同佢地重溫, 同佢地對答案, 解釋俾佢地聽, 等佢地明白.
(又多左樣嘢要做)

最近囝囝掛住玩, 無做幾日, 名次延後左, 又話無心機做, 真係俾佢激死!!!

一返學后一天就要考試囉!! 依家同佢收拾緊心情溫書, 不過佢仍未回魂.

黃巴士

黃巴士

原文章由 一新丁 於 07-12-31 13:13 發表
另外，作句時，學生要懂得寫很多字才可把他們想到的寫出來，如何可令囝囝懂得寫多些字呢？需要額外給他默書嗎？

多睇書.  見得多個字, 佢地自然會入腦, 好過去死記. 學校有d有益嘅web site, 好似教育電視咁, 教小朋友析字同部首, 等佢地易d記.
依果階段, 小朋友多數識讀多過寫, 慢慢佢地就會掌握到架啦!!!
學校已經每星期有默書, 如果再額外再默, 小朋友會唔會太吃力呢??

黃巴士