由S1傾到選科

S-Kwok

妹妹頭 發表於 19-12-20 11:36
回覆 Kalongmama 的帖子

阿女童軍要去CAMP, 冇左3日, 我媽做聖誕節, 又冇左1日, 奶奶過冬至, 又冇左1日,  ...

我仔小六，功課量同你哋差唔多，中英book report 各一，數兩大疊+1份summary（跳級中二數）， 日文、LA worksheet 各一，LA 閱報報告一份，英文準備debates scripts, 雖然已考完試，唔洗温書，但都真心覺得多。

洋蔥頭媽咪

IloveJJ 發表於 19-12-21 17:45
唔係架，我自己當年數ok, 我都係理解就得。
但我仔係數感弱，就算明咗識咗，都仲無信心，最弊係過一排會忘 ...

你似乎唔明我意思，你仔五年级做數，只是初頭掌握唔到所以冇信心，當佢理解左做多左自然就有信心。
我指嘅係有啲老師好喜歡用操嘅方法令學生學習，無論小學定中學，唔理三七二十一，總之比多啲功課，操多啲就係佢哋嘅教學方法，呢樣係我唔認同嘅地方。

N年前我仔kg，佢對數學有濃厚興趣，當年諗住幫佢報個數學班比佢玩下學下野，上完第一堂回來時數學班派了一本功課，要在下堂交(唔记得8定10頁)，每頁有十題數，係重覆計算加數，當時我都覺得對一個kg嘅小朋友黎講太多，死操毫無意義，我仔做到5-6頁時已開始有點氣餒，第二堂返黎又係一樣，要做十頁，我仔問我：媽咪我可唔可以唔做？我其實唔認同呢啲學習模式，狂操只會讓小朋友失去學習興趣，所以我同呀仔講呢啲學習模式唔啱佢，可以唔做， 我唔想呢啲學習模式蠶食小朋友興趣，須然果個班比左4堂錢，但上完2堂都冇再上。高小時我仔有去學數學解難分析，在課堂上一路學一路做，老師會解答，課後完全沒有功課，但回家後我居然見呀仔會拎返課堂上老師教嘅黎硏究，好明顯睇到不同教學模式對學生有咩分別。

洋蔥頭媽咪

IloveJJ 發表於 19-12-21 19:01
我回應你做多啲對數感弱小朋友有用，係基於你前面話數學練習「貴精不貴多」，你而家講呢啲，同我回應你前 ...

我同你講嘅嘢似乎唔同層次，唔回應你啦！

October.

回覆 洋蔥頭媽咪 的帖子

你仔個老師仲狼過補習社，一夜做70題太多啦，我仔間補習社，操卷一個星期多數都係俾幾十題佢做，前排做立體，复雜少少，淨係做十幾題添。

有啲低Form 數好straight forward, 應該唔難理解，操下數都係為左提升速度及準繩度; 到左高Form, 有啲課題例如立體圖型對有啲人來講係會睇唔明(我就見到都暈), 咁操數對佢地來講可能冇咩用.

gigayan

洋蔥頭媽咪 發表於 19-12-20 22:57
做數原本唔係問題，但應該貴精不貴多，唔係狂做就有用囉 。
最記得我大仔當年中一響精英班， 老師试過癡咗 ...

一日做70題.....

寫都寫到手軟，都唔好話計

洋蔥頭媽咪

October. 發表於 19-12-21 23:08
回覆 洋蔥頭媽咪 的帖子

你仔個老師仲狼過補習社，一夜做70題太多啦，我仔間補習社，操卷一個星期多數都係 ...

咪就係囉，中一呢件事到而家我仔已經入左大學都仲记得  

當時佢做到一半已經開始發牢騷，一路做一路話個老師痴線架 ，我都認同佢企佢果邊話個老師係 short short 地 。

不過認同還認同，我教仔一向都要求佢盡左自己本份先，我同佢講，老師比嘅功課又唔係只比你一個係比全班，即係唔係针對你，就算唔合理都唯有頂硬上，做到幾多得幾多，盡晒力都做唔晒應該其他同學都唔會做得晒，咁要罰就全班一齊受囉，果晚我仔都好盡力做，不過一路做一路娥。 我仔话第2日全班真係冇人交到，有啲同學做得三分一，老師就話比多日時間佢哋做啦

October.

回覆 洋蔥頭媽咪 的帖子

我態度都同你一樣，有時阿仔投訴多功課、多野溫、多野讀、唔夠時間做，我都係話盡量啦，做唔曬溫唔曬咪由佢囉，人地老師都要改咁多薄，都要付出。

我見有啲學校，數學科，quiz成績好既，功課就可以做少幾題，我覺得幾好。

gigayan

October. 發表於 19-12-22 10:02
回覆 洋蔥頭媽咪 的帖子

我態度都同你一樣，有時阿仔投訴多功課、多野溫、多野讀、唔夠時間做，我都係話盡 ...

同意....過多唔係一個藉口唔做功課或唔溫習，真係一日無拿拿咁多，唯有盡力做又唔影響最重要嘅睡眠時間。

如果學校功課唔夠多嘅話，學生又跟唔到進度，我估好多家長都會想辦法，好似我女數感差嘅，咁由小學開始，我咪叫佢每日做幾題囉，寧願日日做幾題，好過突然間一下子做好多題嘅......

最後聖誕假，我望咗大約計150題數，咁我覺得都多㗎，100題內我覺得合理一些，但因為老師本身高開話300+題，宜家最後150題，阿女覺得執到寶了.....

洋蔥頭媽咪

October. 發表於 19-12-22 10:02
回覆 洋蔥頭媽咪 的帖子

我態度都同你一樣，有時阿仔投訴多功課、多野溫、多野讀、唔夠時間做，我都係話盡 ...

查實我都明白佢哋讀書係辛苦嘅，所以好多時我都會撑佢，認同佢感受，除非太大問題或者佢處理唔倒，否則我都唔會出面或者去投訴，其實亦係訓練緊佢哋自己面對問題。

我同呀仔講，學校係社會嘅缩影，將來出社會工作都有可能遇到啲怪上司/怪老板，唔合理嘅野有好多，盡自己能力做好本份就得，就算要爭取都須要自己付出左先，人家見到你有付出、有實力，才容易爭取成功。

洋蔥頭媽咪

gigayan 發表於 19-12-22 11:45
同意....過多唔係一個藉口唔做功課或唔溫習，真係一日無拿拿咁多，唯有盡力做又唔影響最重要嘅睡眠時間。
...

同意每日做少少係可以鞏固佢所學，加深記憶，但太多真係會令人吃不消

October.

回覆 gigayan 的帖子

你囡老師醒目，以退為進，學生失而復得既心情（做少左功課，多咗假期玩），會喜出望外，係開心過一開始就少功課，好似買股票，蟹貨鬆綁平手，居然開心過股票賺錢。

我囡數感都麻麻，但有心讀，係可以克服到困難，諗起都令人難於置信，佢到左中 6，居然話過開始中意數學，原因成績進步令佢有滿足感，但係有啲課題，佢理解唔到就係理解唔到。

October.

回覆 洋蔥頭媽咪 的帖子

同意，求學好工作也好，凡事一定係自己先努力、付出、蝕底左，先會有成果。

Yanamami

洋蔥頭媽咪 發表於 19-12-22 11:55
同意每日做少少係可以鞏固佢所學，加深記憶，但太多真係會令人吃不消

呢个練习多寡令我諗起大女考八級長笛同參加音樂節果时……每星期只練半个鐘至45mins! 嬲到我呢……向長笛老師投訴並希望佢俾压力个女｡点知老師話：佢黎到我度又做到我要求喎……無人撑我，又不好逼个女，因佢成日同我講，吹到要求就停，越練会越衰~我真係唔会信佢啦！只会熟能生巧，点会越練越衰……结果佢考八級又真係掂，音樂節亦有名次(注：佢並唔係音樂天才或熱愛者，考完八級已再無掂过支笛~)｡

gigayan

October. 發表於 19-12-22 12:49
回覆 gigayan 的帖子

你囡老師醒目，以退為進，學生失而復得既心情（做少左功課，多咗假期玩），會喜出望 ...

老師真係有計，可能本身都係150題，專登提早幾日話300題，之後一公佈數字時就話都係減一d啦，全班立即好開心、好感動

我都希望阿女會愈來愈鐘意數學，佢都係係去到高小時呈分時，有d開竅，先無再咁抗拒數學。

洋蔥頭媽咪

gigayan 發表於 19-12-22 13:02
老師真係有計，可能本身都係150題，專登提早幾日話300題，之後一公佈數字時就話都係減一d啦，全班立即好開 ...

老師玩心理戰  

Kalongmama

妹妹頭 發表於 19-12-20 19:28
回覆 gracelam 的帖子

最敝阿女好怕睇英文書

我仔聖誕假係完全冇功課，同你個女一樣唔鍾意睇英文書， 每次見佢做閱讀報告都係老作。

Kalongmama

妹妹頭 發表於 19-12-20 11:36
回覆 Kalongmama 的帖子

阿女童軍要去CAMP, 冇左3日, 我媽做聖誕節, 又冇左1日, 奶奶過冬至, 又冇左1日,  ...

你學校真係好忙，比着我個仔一定頂唔順。

October.

回覆 gigayan 的帖子

高小呈分開竅非常之好，我女F２科數開始出問題，成個DSE課程，有啲課題例如 sequence，佢覺得難點都搞唔掂，唯有策略性放棄。：