有關和小兒在學習和打機及電子媒體使用上的時間爭議

黃巴士

stanleypyk 發表於 15-12-10 20:05
他對國内的事物較有偏見，崇尚外國！

如果去他唔鍾意的地方, 他會覺得是留放, 反而有反效果.  
其實在外國, 如澳洲, 加拿大都是多采多姿的, 引誘很多, 始終是年青人, 已大個, 一般較HK還FREE, 當地孩子除了學業, 有更多發展, 所以亞洲人較拼命讀書, 依幾年亞洲人競爭大學學位十分緊張.   而當地寄宿學校的褓姆都只是提供一處地方予孩子, 教導全是由家長及自己自律.   因此, 要孩子真的心甘去及有成熟思維才可有改變現時現狀.
個人覺得, 英國留學制度較好, 其一套教學方法是可 提昇學習主動性. 當地老師十分接納所有外來生.
誠然, 撇開學業成績, 個人的人生態度是反而是首要改變的.
其實, 你可先安排孩子去外國單獨走一轉(如當地有親友最好), 去感受離開父母一段時間.   希望他找到人生方向.

samsam123321

黃巴士 發表於 15-12-12 13:48
如果去他唔鍾意的地方, 他會覺得是留放, 反而有反效果.  
其實在外國, 如澳洲, 加拿大都是多采多姿的, 引 ...

del//..

stanleypyk

想問各位家長，你們子女平日放學回來會花多少時間看電視或電影，週末又會花多少時間，做父母又會不會管制，還是會自律開關電視，返學的前一晚又要不要强迫子女早睡，還是任他夜睡呢？

TwinWong

stanleypyk 發表於 15-12-14 08:25
想問各位家長，你們子女平日放學回來會花多少時間看電視或電影，週末又會花多少時間，做父母又會不會管制， ...

睇電視, 瞓覺作適時間係從小培養, 唔係實慣咗之後去改,
係好難改, 現階段只能勸籲, 唔能夠強迫, 管制只會弄巧成拙

little_yolky

stanleypyk 發表於 15-12-14 08:25
想問各位家長，你們子女平日放學回來會花多少時間看電視或電影，週末又會花多少時間，做父母又會不會管制， ...

我哋係雙職家庭, 由細到大, 電視遙控器係放在沙發上沒有管制, 但就教導小朋友放學回家必須先換洗及做好功課, 然後可以做自己嘢, 不過唔準看電視, 沒有爸媽在場, 不可以開電視。而且要工人姐姐亦嚴格執行, 因為好多工人姐姐為方便, 從小就開著部電視俾小朋友睇, 等佢哋唔好搗亂。可能我夠惡, 全家上下一直無人自己開電視的。

Yanamami

stanleypyk 發表於 15-12-14 08:25
想問各位家長，你們子女平日放學回來會花多少時間看電視或電影，週末又會花多少時間，做父母又會不會管制， ...

你仔已經中四咯喎，仲边管到？……呢d问題应該P1時问？細時係会管会限，但建立左責任心同好習慣後，大左反而無理佢地~放学番黎係会“攤透”下，之後就自动自覚开工喎~瞓教都係由好細時已養成既习慣，年年月月日日如是，放暑假都係遲一个鈡起身禁咋~

stanleypyk

問題是阿仔夜睡間中起不了床，返學遲到，開學至今已有5次遲到，按學校規定，如有6次遲到便會記過，近期接班主任通知，還有個多星期便完上學期，希望他不要再遲，我們作為父母也應勸導他不要為了看電視而不理後果！

黃巴士

個人覺得他在放棄.  做人沒方向.  就算早瞓, 都是眼光光, 第朝不願返學.  聽不明白老師授課, 上堂當然發呆, 他好像是沒了自己存在空間.  
或者你早些尋找出國資料予他.  

wenyin

stanleypyk 發表於 15-12-10 08:01
有一想法,今次大考如成績仍未有起色,是否可考慮到新加坡留學,學費是否沒有其他國家貴,不知各位家長有沒有送 ...

樓主,
你之前唔係話中四升唔到班, 便要他出來工作, 不可以再hea 下去?  如今, 你又幫兒子鋪路出國.  你有沒有想過, 兒子今天的行為, 或多或少都是你一直縱容之過?  希望你唔好怪我咁直言.

你兒子的問題, 是人生沒有目標, 因為沒有目標, 所以他打機, 睇戲, 聽歌, 娛槳...做事沒有責任感, 遲到, 欠交.....即使他這樣做, 都沒有後果, 咁佢又點解要改呢?  記多個缺點對他來說, 又算得是什麼呢?  你一定要幫他訂下目標, 什麼都好, 他欠主動熱誠, 就更要你推他一把, 除了打機, 一定有其他嘢他會喜歡的, 尤其是男仔, 是但選一項運動訓練都好呀!  之前睇過一單新聞, 講有個case, 同你仔一樣, 喜歡打機, 但自從他學划龍舟後, 就愛上了, 平日一有空就去訓練, 根本無時間打機, 漸漸就不再沉迷打機了.

另外, 你有冇睇過"爭氣"呢齣戲, 同你仔一齊睇下, 或許會有所得著.

palmchristy

去到中四咁大, 都仲係講緊定規矩去限制一些不當習慣, 可能是太重視規矩了.

如果一直因為有規矩而守規矩, 咁去到無任何規矩的環境, 其實都幾令人擔心.

同意目標比規矩更有幫助.  只要搵到一樣佢自己願意放時間落去的地方, 人生就更有動力了.

stanleypyk

我對一些家長所說:"管得住身軀, 管不到靈魂. 所有東西限制了, 如沒有人生方向目標, 他都只會在家發呆/瞓覺"也認同的, 但停了打機, 起碼也有時間去思考, 否則長時間給電玩霸佔了思考時間, 連去思考的機會也沒有, 過去的三年就是如此渡過。當然我也沒有期望停了打機就會有大的轉變, 但起碼近週他在學習的時間會較多, 但有沒有心去做好就要時間觀察。剛打電話問過新加坡升學都要提供過去較好的成績, 不是想讀就可以去讀, 所以都是睇埋佢今次大考的成績才決定去向。

黃巴士

stanleypyk 發表於 15-12-15 13:39
我對一些家長所說:"管得住身軀, 管不到靈魂. 所有東西限制了, 如沒有人生方向目標, 他都只會在家發呆/瞓覺" ...

我意思是說 : 減少了打機時間, 須用其他朋友/家庭/社工活動充塞時間.  個人覺得, 他不是要空間思考, 是要十分"繁忙"去覆蓋諗點打機.  太多空間, 他反而左諗右諗去諗方法同父母對抗, 爭取打機.
而計劃出國, 都是目標   有時目標的結果未必可如你所願, 但人始終對人生要有希望.  可勸導他盡力去做, 在他範疇內, 對學習些少已失信心, 所以大家應協調 , 就算留學結果如何, 父母都一同面對.   就算留學OK與否, 起碼將來就業或讀其他課程等, 都有著心甘命底的共鳴感.

tiger789

這問題我都煩了很耐, 無自制能力, 不過人大了, 再管都沒意思, 只有跟他說, 要自己識分輕重, 學業緊要, 否則成績差無大學收, 要出來做嘢, 不會送他出國的

palmchristy

今天看了"奇蹟補習社"電影, 是日本教育勵志片. 很好看, 令人對家庭教育, 學校教育均有反思點. 建議樓主有時間可以一看.

tsunmama

wenyin 發表於 15-12-14 17:03
樓主,
你之前唔係話中四升唔到班, 便要他出來工作, 不可以再hea 下去?  如今, 你又幫兒子鋪路出國.  你有 ...

我仔中二又是沒有目標,問他將來有甚麼計劃，或想做甚麼，他說就算現在諗到，大些可能自己又改，咁！想來有甚麼用！ 所以做事沒有責任感，打機係佢興趣，我都想搵一項運動給他，每樣都提不起興趣，甚至由小到現在打羽毛球亦一樣，因為太多小朋友很努力學習去爭取獎杯，而佢當然不進則退的狀況下，更加沒有衝勁！讀書亦一樣，無自信心，無動力、我都無從入手！考試就到，我都唔知點做好！

MariaTsui

其實這麼多科，總有一，兩科成績較好，只要在這兩科落下苦功，有目標，就可以帶起其他科目。

黃巴士

wenyin 發表於 15-12-14 17:03
樓主,
你之前唔係話中四升唔到班, 便要他出來工作, 不可以再hea 下去?  如今, 你又幫兒子鋪路出國.  你有 ...

講係咁講.  但邊個父母會忍心中四推孩子出外工作.  做父母, 幾時都想在能力範圍內守護住仔女, 迫不得已都唔想冒風險去推佢地在崖邊爭扎求存.
個人覺得, 曾幾何時, 孩子有努力去改變過,  但孩子與家人在樽頸位同感洩氣及累.  這是正常的反彈.   
希望孩子想改變, 轉換新環境, 新朋友, 可以抺掉從前其他人的貶語而重新出發.  這重新出發, 未必是學業成績, 而是學業以外"做人價值"的態度.  我欣賞樓主吸納各方意見, 對孩子不離不棄, 盡力去扶助他.  望孩子除感受到管制壓迫外, 反過來, 感受到父母的"愛".  

October.

tsunmama 發表於 15-12-17 17:09
我仔中二又是沒有目標,問他將來有甚麼計劃，或想做甚麼，他說就算現在諗到，大些可能自己又改，咁！想來有 ...

唔一定要用“有益”既活動來轉移佢對打機既興趣，玩得唔得呀？例如; 男孩仔可以玩下槍，玩下WAR GAME遊戲。

stanleypyk

原帖由 黃巴士 於 15-12-17 發表
講係咁講.  但邊個父母會忍心中四推孩子出外工作.  做父母, 幾時都想在能力範圍內守護住仔女, 迫不得已都 ...

其實在初中的三年時間，我只是有自己認為較寬鬆的管制(當然阿仔不認同)，原因是他在中一時說他少時候，每天我給他打機20分鐘，每次都是停在未玩完那局，當時他是感到憤怒，但又不懂得去表達，所以在初中他曾在文字中表達，他多年不開心的生活，對我的嬲怒去到極點，希望我跳樓死後不再管到他。所以當時我没有再多加嚴厲的管制，只希望他能慢慢改變，在娛樂及學習上找到平衡。但事與願為，這三年初中每天放學，不是打機便是看電視，功課欠交累累。本來希望他中四能自己想通，但頭三月已欠交十次功課，成績再次跌入谷底，所以從十二月開始已中終他回家玩任何電腦及手機遊戲，每天能至少花一個多小時於學習上，這半個月先覺得他似番個學生，也叫他清理三年来雜亂無章的書枱，在書枱上學習，希望他能有所改變！

TwinWong

stanleypyk 發表於 15-12-18 08:47
其實在初中的三年時間，我只是有自己認為較寬鬆的管制(當然阿仔不認同)，原因是他在中一時說他少時候，每天 ...

其實当時去到咁嘅狀況, 理應即刻揾社工幫手