校際音樂節

Singpiano

Wow,
恭喜你呀！

原帖由 十月媽咪 於 11-3-10 15:00 發表
今朝阿女響MEGA BOX通利完成咗U113 既比賽...幸運地得到87分, 有第三名! 佢開心到跳起, 仲話卒之都有番名次喇!

佢一路彈, 我個心一路跳, 幾乎跳出唻咁滯啊! 直到佢成首歌順順利利, 穩穩陣陣完成, 我至鬆一口氣啊!

...

十月媽咪

Singpiano,

謝謝你!

原帖由 Singpiano 於 11-3-11 00:45 發表
Wow,
恭喜你呀！

十月媽咪

Camom,

多謝你呀! 你囝囝彈得咁好, 明年一定要參加, 我絕對對佢有信心呀!

其實理性上我一直都話畀自己知要平常心, 我哋既target只係keep住個merit! 但內心深處始終都希望個女既努力無白費的! 幸好d luck無再擦身而過!

不過噚日真係好緊張, 我女個號碼好後 (尾五), 而前面絕大部份人都甩甩甩....聽到我頭都痕埋, 好驚個女會被影響 (怕人甩佢又甩), 加上見到佢等到蟻咬咁款, 又坐唔定, 我都頭赤! 幸好個助理一叫佢個名, 佢就好似上身咁, 當堂定番, 正正經經行上台, 鞠躬 (噚日少人響彈之前鞠躬, 絕大部份都係一坐低就彈), 定一定神就開始, 佢一路彈, 我個心就一路狂跳....尤其去到嗰d前一晚無厘頭甩到暈既位置, 真係直到成首歌順利完成, 我至鬆口氣咋!....而家諗番, 仲係有種好緊張刺激既感覺呢!

其實個女已經第三年參加, 我都唔知點解仲係咁鬼緊張的, 可能真係要學吓佢哋所講, 麻醉吓自己至得喇!

原帖由 Camom 於 11-3-10 21:34 發表


十月媽咪，

恭喜哂呀！睇到你哋d post咁熱鬧又咁有鼓勵性，真係後悔無幫阿仔報名呀！

係唔係個個媽咪都係咁㗎？聽住自己個仔/女彈琴仲緊張個自己去比賽，尤其係彈快歌嗰時，真係驚佢手指唔夠快會彈到甩甩漏漏。Anyway，再一次恭 ...

十月媽咪

Heidi媽,

信, 信晒你! 個獎係我, 我佬 & 個女三個人努力得番唻的....個傻妹話佢越唻越鍾意彈琴喎, 佢好開心呀!

原帖由 Heidi媽 於 11-3-10 22:14 發表
呀十, 恭喜晒你和女女 , 我都話佢得架啦你又唔信

其實都唔係幸運, 呢個獎係你同呀女架!

十月媽咪

洛婷,

評判噚日係好詳細解釋首歌的, 但因為全部用英文, 加上我有點兒腦退化, 所以未必能將評判指出的所有嘢講得番晒出唻, 不過我盡量將我聽得明又記得既....有幾多寫幾多吧!

呢首歌....速度係132-144, 但整個下半場, 相信只有得獎嗰幾個小朋友係彈132-138既速度, 唔覺有人彈到144咁快....又評判都似乎無要求要彈咁快 (可能評判口味吧, 其他場次唔知會唔會要求彈好快)...其餘絕絕絕絕大部份都係彈120, 甚至更慢....

評判話有小朋友響每句既每後一個1拍彈跳音, 呢樣係唔應該的, 有種收得好怪既感覺!

嗰組有個打橫瞓底既S符號嗰組音....好多小朋友都響嗰度炒埋一碟OR甩甩漏漏, 評判話要清清楚楚彈畀人聽, 唔好lur咗就當係彈咗, 最好抽呢句出唻練熟佢....

bar 28嗰度, 第一粒音咪係bar 27嗰句最後一個音唻既, 有小朋友彈嗰個音時, 好短, stop得好突然同埋大聲咗, 佢話聽到咁, 驚咗佢一跳....嗰度個音拍子係短, 但唔應該突然收, 而係應該慢慢收, 仲要收得細聲D! 有rit.嗰度, 唔係由第一粒音開始收慢, 而係應該去到大約第四粒音開始收....評判話有d小朋友第一粒音就收慢, 佢話彈到第七粒音都唔知應該慢到點咯....失去咗rit.嗰個作用&效果....所以呢度係應該漸慢&漸細聲, 讓人有種期待既感覺....(我女呀, 做呢句bar 28, 做到最後一堂, 老師至話佢做到, 真係一額汗)!

評判特別提到LH alberti bass (唔SURE係咪咁串)既彈法, 佢話alberti bass係好有規律的! 佢問小朋友, 彈咗呢首歌咁耐, 印象最深刻係乜?....有幾個小朋友舉手回答....而評判話佢最深刻係LH既alberti bass, 因為成首歌都係用上同一個規律去彈!....佢話有d小朋友LH彈得好大聲, RH就無乜聲....呢樣係唔適合的!....LH應該收細, 而RH既聲要突出! 評判用咗一個比喻, 佢話就好似你已經有一把好靚既頭髮, 再加多少少裝飾響D頭髮上面, 就更加靚喇!....LH就好似D頭飾咁, 令到RH既頭髮更加靚! (冠軍嗰位小朋友, 完全做到評判要求)

仲有漸大漸細方面....好多小朋友都係平平地彈咗首歌出唻 (其實我有D奇怪的, 唔知係佢哋既琴老師無教佢哋要做大細聲 & 漸大漸細聲, 定係教咗佢哋無練呢? 唔知點解, 真係起碼2/3人係無乜做呢樣嘢的)...評判叫小朋友要注意漸大漸細聲, 又示範咗應該點做!

嗯....我係記得咁多咋, 其實評判噚日所講既, 都係我女琴老師平日一直要求我女要做到的...只係奈何我家小姐領悟力不足, 講到老師口水乾, 佢都做唔足老師要求吧! 事後同番個女講, 評判講既嘢, 都係老師平時講既嘢, 我唔該你以後上堂專心D, 坐定D, 聽聽話話....個衰妹就求其回應話得喇得喇...敷衍我....激死!

下星期到你女喇, 預祝佢有好成績, 等住你上唻報喜啊!

Camom

原帖由 十月媽咪 於 11-3-11 07:38 發表
Camom,

多謝你呀! 你囝囝彈得咁好, 明年一定要參加, 我絕對對佢有信心呀!

其實理性上我一直都話畀自己知要平常心, 我哋既target只係keep住個merit! 但內心深處始終都希望個女既努力無白費的! 幸好d luck無 ...

十月媽咪,

你嘅心情完全明白呀！我呢就prefer阿仔出場序較後，因為佢個性格比較好勝，會「遇強愈強」。相反如果前面Ｄ參賽者彈得無咁好，我就會乘機提佢要避免人哋犯錯嘅地方。通常佢一路彈，我都會一路心跳加速。而佢呢就彈之前坐得好直，凝神貫注咁睇人哋比賽；彈完之後就成日問我幾時完呀，想快Ｄ走咁話喎。其實我諗佢比賽之前真係好緊張。

另外我諗你囡囡可能新年嗰時參加咗個大型比賽，所以會好自然地做番哂Ｄ鞠躬禮儀，扺讚！

Camom

原帖由 十月媽咪 於 11-3-11 08:15 發表
洛婷,

評判噚日係好詳細解釋首歌的, 但因為全部用英文, 加上我有點兒腦退化, 所以未必能將評判指出的所有嘢講得番晒出唻, 不過我盡量將我聽得明又記得既....有幾多寫幾多吧!

呢首歌....速度係132-144, 但整個下半 ...

比賽遇著Ｄ肯分享心得嘅評判真係無得頂！

十月媽咪

camom,

我其實都prefer出場序較後的, 尤其大家都彈同一首歌, 雖然係會驚佢被影響, 但後d, 評判印象深刻d (個人覺得)!

由於要同小朋友分開坐, 所以無得一路聽, 一路提個女唔好犯同樣錯誤啊!

其實我女由四歲開始上台表演, 佢已經學識晒所有禮儀, 不過年紀越大, 個傻妹臉部就越唻越無笑容....如果多番少少笑容添, 咁就更好了!

係呀, 上年預咗個一句評語都無講既評判, 真係無鬼癮, 完全唔知評分標準! 今年呢個, 真係無得彈! 仲要上埋台示範咗某d小節....正!

原帖由 Camom 於 11-3-11 08:52 發表



十月媽咪,

你嘅心情完全明白呀！我呢就prefer阿仔出場序較後，因為佢個性格比較好勝，會「遇強愈強」。相反如果前面Ｄ參賽者彈得無咁好，我就會乘機提佢要避免人哋犯錯嘅地方。通常佢一路彈，我都會一路心跳加速。而佢呢就彈 ...

ycmami

阿仔 G4 昨天85分得第2呀，佢好興奮，話要更加努力，希望出年可以第一!

十月媽咪

恭喜恭喜!

原帖由 ycmami 於 11-3-11 09:05 發表
阿仔 G4 昨天85分得第2呀，佢好興奮，話要更加努力，希望出年可以第一!

AMYBB111

原帖由 fcbttkw 於 11-3-10 21:03 發表

唔高難度！好似洗腦方式，每次阿仔比賽前我都會同佢講，只係去玩吓、見識吓，久而久之，唔單只幫佢洗咗腦，連自己個腦都洗埋……洗腦洗到……連攞獎都冇感覺！
...

囝囝每次參加任何比賽我都會同佢講儘力就OK..有獎拎就係錦上潻花,尤其是彈琴比賽,除左講本身實力同努力,仲好講運氣 但每次到佢出塲時,我嘅心跳就會加速,真係驚心臟病爆發

AMYBB111

原帖由 ycmami 於 11-3-11 09:05 發表
阿仔 G4 昨天85分得第2呀，佢好興奮，話要更加努力，希望出年可以第一!

恭喜哂呀

林嗅四

我年年聽住亞仔彈,個心都跳得好快,一路聽一路驚佢甩音,當佢順利完成首歌時,我個心就覺得舒服晒,成個人d血都通番晒咁架:-x

原帖由 Camom 於 11-3-10 21:34 發表


十月媽咪，

恭喜哂呀！睇到你哋d post咁熱鬧又咁有鼓勵性，真係後悔無幫阿仔報名呀！

係唔係個個媽咪都係咁㗎？聽住自己個仔/女彈琴仲緊張個自己去比賽，尤其係彈快歌嗰時，真係驚佢手指唔夠快會彈到甩甩漏漏。Anyway，再一次恭 ...

snoppy

yanyan-mummy,
希望你女女都有好成績.

原帖由 yanyan-mummy 於 11-3-10 21:58 發表

今日亞仔比賽果陣彈果分幾鐘好似好長,我聽到我個心跳得好大聲,生怕亞仔會彈錯一粒音,我盡量要自己平靜D,因為我個心真係跳得好快,我幾驚我暴斃 反而揭曉果下我冇乜野wo~所以點可以平常心呢?
但係明天亞女比賽 ...

yanyan-mummy

原帖由 snoppy 於 11-3-11 11:00 發表
yanyan-mummy,
希望你女女都有好成績.

多謝你呀~
不過跟據往蹟,亞女有良好已經好好ga la~
今日係下午比賽,完左再返黎同你地分享

snoppy

yanyan-mummy,

重想問你仔仔首歌要幾快, 你仔仔有無開拍子機? 邊到需要停頓?

洛婷

原帖由 十月媽咪 於 11-3-11 08:15 發表
洛婷,

評判噚日係好詳細解釋首歌的, 但因為全部用英文, 加上我有點兒腦退化, 所以未必能將評判指出的所有嘢講得番晒出唻, 不過我盡量將我聽得明又記得既....有幾多寫幾多吧!

呢首歌....速度係132-144, 但整個下半 ...

十月 ,

好多謝你既分享

洛婷

原帖由 ycmami 於 11-3-11 09:05 發表
阿仔 G4 昨天85分得第2呀，佢好興奮，話要更加努力，希望出年可以第一!

恭喜恭喜  

十月媽咪

洛婷,

唔好客氣, 希望少少資料有用吧!

原帖由 洛婷 於 11-3-11 11:33 發表



十月 ,

好多謝你既分享

洛婷

原帖由 十月媽咪 於 11-3-11 09:04 發表
camom,

我其實都prefer出場序較後的, 尤其大家都彈同一首歌, 雖然係會驚佢被影響, 但後d, 評判印象深刻d (個人覺得)!

由於要同小朋友分開坐, 所以無得一路聽, 一路提個女唔好犯同樣錯誤啊!

其實我女由四歲開始上台表演, 佢已經學識晒所有禮儀, 不過年紀越大, 個傻妹臉部就越唻越無笑容....如果多番少少笑容添, 咁就更好了!

係呀, 上年預咗個一句評語都無講既評判, 真係無鬼癮, 完全唔知評分標準! 今年呢個, 真係無得彈! 仲要上埋台示範咗某d小節....正!

出場序我都係鍾意中間或者後少少 ,

耐何今年唔好彩抽到第一個出場 ,

評判應該會手緊兼被遺忘