"啟思"的家長 (any branch) please come in.

ho_fish

foon, 我o個日會同老公車返亞囡返屯門, 直接去會場, 不過會場唔知有無泊車位呢???

1點鐘放低左個囡之後都唔知做乜好, 等成3點先表演。你呢? 會點去呀? 你知唔知佢地究竟要表演d乜呀?

foon

ho_fish,
oic....我睇下oscarbb可唔可以車埋我lor...如果唔岩時間既...我會搭的士去呀~~

我唸放低佢地之後, 睇下佢地採排掛...我都未知點呀???  阿仔成班應該表演唱歌同跳舞, 因為老師已經同佢地練緊啦~~~阿仔呢排成日唱聖誕歌, 我唸都係表演個隻lor.....

你阿女呢?  真係做賣野呀??? :  :   

mamiya

我地藍田尋日搞左喇﹐笑到我 最好笑係D蝦碌O野﹐無端端會有個細路由台前O既右方一路行去台前O既左邊﹐但其他細路又照表演﹐大家都當大家透明﹐咁都得:  : 。有有另外一個細路係表演時自己行左返後台:  :
我坐得好遠﹐因要留D位俾小朋友坐呀﹐無帶望遠鏡都好難睇到﹐我都搵唔到自己個女係邊度   
有無人會買隻VCD 呀﹖  

1314

明日到我個囡啦。其實如果各位媽咪得閒既話有無報名做"愛心家長"？即係做義工幫啲小朋友打點下做下準備咁，老師都有問我得唔得，但係聽朝要返公司做啲先去得，叫我阿媽頂上。我諗全校咁多個小朋友得十幾個老師睇會有啲踼晒腳，你地不妨向老師自薦幫手。

1314

今朝睇左表演喇，急不及待話俾你地知呀。我睇到好感動呀，雖然一出場係高班表演，無我個囡份，但係我都忍唔住喊呀，覺得啲小朋友真係好叻，老師教得佢地好好。錯過左真係一個損失。我仲撞見heihei媽咪添。我終於都有拍到DV呀，所以你地帶齊"架撐"去。如果做"愛心家長"仲可以坐前排，因為要陪啲表演小朋友一齊，不過就要幫手帶啲小朋友入後台，但係會睇得清楚啲。

candytl

1314,

之前過三年都係由幼儿班表演先gar, 今年改咗? 記得我第一次睇時, 係一路睇一路哭, 真係好感動呀.
明年lee 個時候又到我喇.

ho_fish

你地唔好講到咁"恐怖"啦, 我眼淺架, 我都驚忍唔住

foon

ho_fish,
唔使驚, 有我陪你...我平時睇電視都可以喊一餐, 睇怕今次無走雞, 帶d多d tissue入會場la.....   

鴨媽媽

1314,

我都睇到好開心又好感動, 雖然我囡囡係幼兒小組班, 唔會咁多動作走位等, 但d老師教得佢地好好, 全班著哂小丑衫衭和帽, 真係好得意.

我都覺得啲小朋友好叻, ending 個場都成3首歌時間, (佢地應該係高班, 最多咪5or6歲), 都表演得好好!!

你囡囡做邊part?

1314

candytl 寫道:
1314,

之前過三年都係由幼儿班表演先gar, 今年改咗? 記得我第一次睇時, 係一路睇一路哭, 真係好感動呀.
明年lee 個時候又到我喇.

candytl:
我記你呀。個show一開場係高班同學做耶穌出世、三王來朝既故事，然之後先由N1-K3表演唱歌，反而到我個囡出場個陣掛住拍DV，無喊到。明年又到你？你指你第二個小朋友又讀啓思？

鴨媽媽：
你個囡做小丑個part呀，我個囡係跟住個part，即係唱"聖誕老人來了"。我都覺得壓軸既高班同學做得好好，佢地多謝daddy mammy個陣我又忍唔住係咁流馬淚呀。

oscarBB

foon,ho_fish,
派左入場卷la,你地坐邊呀?
我坐M行,睇下方唔方便問你地借tissue?

heiheima咪

1314,

今日係咪嚇死你, 突然有個傻婆同你打招呼。 我係咪好叻一眼就應得你    .  
我估許多人唔知有我存在, 因為我真係好少上來留言.
各位我叫heiheima咪, 我有個仔叫hei hei 都係讀啟思k1
1314有沒有拍晒成個表現, 如果有可否copy 一隻比我, 因為我拍唔到 hei hei, 佢唔係企我果邊而且成日比同學仔遮住.  hei hei 是小小聖誕樹果part, 我好like 你個女果part.  啟思真係幾重本.  可能是咁多間學校一齊搞, part part 都唔同背景.  之前hei hei 在"第x城"畢業典禮全場只係一個背景, 連d表演衫都要自己買.  我最佩服d老師可以將d 兩歲小朋友都教成咁好.  
雖然今日是 no pay leave, 但都好值得可以親眼睇到hei hei 表演.     

heiheima咪

heic,

沙田啟思n1要成$2680, 都幾貴.  另外又唔交其他雜費.
死啦, 我諗緊過兩年比唔比個女入沙田啟思n1添, 現在都係度諗緊. (我真係冇嘢揾嘢來煩, 幾年後的事現在開始諗)     

KLLP

鴨媽媽 :

我今日冇得去, 好彩我老公錄左給我看, 好開心, 好感動呀, 我個仔唱聖誕老人, 我佢表現得好落力, 我相信每一個有去的家長都會好開心, 我老公話成個場full晒 ar

1314

heihei媽咪:
好彩無俾你嚇親，講真我估到係你喎（幾好野）。Sorry，我個囡表演完就無拍喇，帶左相機去都無手影相，你睇下訂個隻VCD有無先喇，我見有兩個人用攝影機，另外有成三四個影相佬，我諗實無走雞既。佢地啲戲服真係好靚，我星期六帶阿囡返小組班見到老師同阿嬸係度整，佢地真係幕後功臣。

你個囡讀得幼兒班個陣heihei都升小學啦，咪又係俾一個人錢（如果heihei讀公立�津校的話），我就唔諗住再生喇，因為諗住第日俾個囡又學琴、又跳芭蕾舞，呢樣個樣個係$$$嚟架。

KLLP:
我諗無一個父母唔感動呀 :exclaim: 坐我隔籬個媽咪話雖然年年啲表演都一樣（佢個大囡都係啓思畢業，已經睇左三年，今年又到個囝），但係次次睇親都好感動，佢話訓練到啲小朋友有自信，雖然我見到都有啲係度喊，有個仲上到台郁都唔郁要落返嚟。我認為千祈唔好俾啲囝囡喺表演前見到你，因為有啲真係見到父母在場後扭計，即刻唔同晒樣，老師都勸啲家長返埋位，話影響到啲細路既情緒。

foon

oscarBB,
OH....你就好啦, 坐得都好前wor....我坐Q行咋~~~
睇來你要自己帶tissue lu....   

各位已經參加左x'mas show既媽咪,
聽完你地咁講, 我真係好想快d到星期一, 我好想感受一下個種喜悅呀~~~   

candytl

1314 寫道:

candytl:
我記你呀。個show一開場係高班同學做耶穌出世、三王來朝既故事，然之後先由N1-K3表演唱歌，反而到我個囡出場個陣掛住拍DV，無喊到。明年又到你？你指你第二個小朋友又讀啓思？
[/quote]

1314,

你講得冇錯, 我細囡出年讀K1.
我又係睇咗三年, 雖然表演年年差唔多, 但係當你睇到自已小朋友係臺上充滿自信,載歌載舞過一刻,  依然都係咁感動.
哈哈, 比lee d 更感動嘅, 仲有畢業禮同謝師宴. 到時你要帶多包紙巾喇.

JacquelineHo

oscarBB,
我坐 N....唔知係咪坐您後面 喎....等我抵諗 d 借 tissue 俾您勒    !

鴨媽媽

kLLP,

我都相信每一個去的家長都會好開心.

我媽咪&阿姨(即婆婆&姨婆)都有去, 雖然佢地坐last個行, 佢地都睇得好開心. 猛讚d小朋友叻.

因婆婆有時湊囡囡返or放學, 有時都有d姐姐(K3)同我囡囡一齊行同一絛路返屋企, 婆婆認得個d小朋友, 所以都睇得非常好開心&投入.

ho_fish

真係好感動呀, 第一次見到自己個囡上台表演, 重無怯場tim (因為呢d野佢唔會特登表演比我地睇)。我坐o係佢後面, 重見到佢平時真係好多野講, 重真係好百厭tim。

真係要贊一贊啟思, 我諗佢地間間分校都係表演同一項目, 而d佈景都係share用架勒, 不過d老師, 園長真係用左好多心思, 我尋日見小組班細d年紀既小朋友一個一個咁喊, 老師就一個一個不停咁安慰佢地。我諗我真係無幫個囡擇錯幼稚園(唔係買廣告)