由S1傾到選科

gracelam

IloveJJ 發表於 19-11-22 10:48
我仔數學一向麻麻，初期唔知又無額外做練習，估唔到都唔駛入補底班。
今次UT 讓我同佢都意識到原來真係有 ...

你囝囝學校只有50個街外位，入得到嘅成績都應該有番咁上下，中學要接收小學部升上來成績差嗰D，補底真係要落D功夫。

gracelam

IloveJJ 發表於 19-11-22 12:37
入到既其實多數成績唔係好top, B1C咁上下，反而係有運動多。

吓，我個仔零運動，文弱書生型，係咪可以慳返唔洗apply??

szehei

洋蔥頭媽咪 發表於 19-11-9 09:26
我細果個須然成績好，但我都不斷提佢唔好輕視中文，因為DSE中文出卷實在太奇怪，呢個就係我一路都要佢keep ...

你哋d仔點解可以咁乖，我嗰仔上中二已經叫我地吾好理佢，佢有自由

洋蔥頭媽咪

szehei 發表於 19-11-23 13:10
你哋d仔點解可以咁乖，我嗰仔上中二已經叫我地吾好理佢，佢有自由
...

現今世代嘅小朋友的確比以前果代聰明好多，叻好多，你囝囝其實都冇講錯，佢的確有自由、有能力管好自己，自己前途要自己負責，家長只須作支援已足夠。問題係從小到大家長有沒有積極培養佢自律/自學嘅習慣，必須讓孩子明白讀書求知識係為佢自己而非為應酬父母，佢能夠緊張自己咁你就真係可以放手唔理，否則家長從小習慣督促佢先做，升中後孩子普遍定型，孩子缺乏自律性就會好難攪。與青少年相處要多鼓勵、多溝通，家長亦要適量放手，比佢從挫敗中學習/成長，孩子能做到而又建立自信嘅話，就會係佢最大嘅動力。

最近我仔挑戰自己學緊好深嘅數學代數(接近大學程度)，上完堂佢同我講好難好難，幾乎唔知professor講乜，但佢自己又有興趣去鑽研，唔明嘅甚至返學校問相熟嘅老師，結果 test又比佢合格倒喎，所以就算難佢都想繼續學，我相信呢啲成功感就係最大嘅動力。


你囝囝做得到拎到成績你咪唔理比佢試囉，如果佢做唔到再同佢傾下再找辦法。加油

little_yolky

洋蔥頭媽咪 發表於 19-11-23 19:31
現今世代嘅小朋友的確比以前果代聰明好多，叻好多，你囝囝其實都冇講錯，佢的確有自由、有能力管好自己， ...

根據你既見解，即係我可以完全放手阿大了佢好緊張自己成績㗎，都算自律，佢無聊到視藝同體育評估都去練習

洋蔥頭媽咪

little_yolky 發表於 19-11-23 23:59
根據你既見解，即係我可以完全放手阿大了佢好緊張自己成績㗎，都算自律，佢無聊到視藝同體育評 ...

我係你會全放，但會在背後作支援，多溝通但要培養佢思考，比佢從錯敗中學習，佢有興趣或想學嘅野我會幫佢揾資料同比意見，自律/勤力嘅小朋友通常都唔會點差，家長多點支持，相信你囡囡都可以做得好好  

little_yolky

洋蔥頭媽咪 發表於 19-11-24 00:21
我係你會全放，但會在背後作支援，多溝通但要培養佢思考，比佢從錯敗中學習，佢有興趣或想學嘅野我會幫佢揾 ...

其實，應該去到咩情況，先要考慮補習？因為C6中學一直補習，我一直無補，所以唔知幾時先應該補。係咪小朋友唔出聲就唔駛理佢？

洋蔥頭媽咪

little_yolky 發表於 19-11-24 07:20
其實，應該去到咩情況，先要考慮補習？因為C6中學一直補習，我一直無補，所以唔知幾時先應該補。係咪小朋 ...

補習呢個詞語查實幾敏感，恕直言我發覺有部份家長好喜歡標榜自己小朋友冇補習而成績好，感覺好似比人叻啲，但其實在家不斷操練習又或者父母自己教，換一角度去睇只是家長變成小朋友嘅補習老師吧！ 其實補習嘅小朋友自己都要付出才能獲得好成績，補習絕不等同比別人差，所以我從不介意人家點睇，最重要係個結果，只要對小朋友有利，無論係拔尖/增潤或是補底我都會做。

個人覺得補習睇自己需要，你囡囡嘅情況可以比佢自己試下先，倘若你發現佢有部分科目偏弱，可以搵啲資料同小朋友商量是否有需要，當然孩子主動話要補家長亦可以配合佢，重點係要小朋友肯主動去學。
記得我仔補習老師曾經同學生講，佢哋有心想學先好嚟佢度補習，如果唔係唔好浪費父母金錢，我覺得好啱學嗰個係佢哋，如果孩子無心千萬唔好勉強。

little_yolky

洋蔥頭媽咪 發表於 19-11-24 12:06
補習呢個詞語查實幾敏感，恕直言我發覺有部份家長好喜歡標榜自己小朋友冇補習而成績好，感覺好似比人叻啲 ...

係呀，我理念同你一樣呀，不過諗住初中唔好嘥錢住咋。我都有個NET同佢補英文，又係你講果D好有性格，所以我次次買定茶點等佢。

依家阿女仲係第一次測驗，唔知具體情況，但唔知點先要開始補定唔駛補，佢科科暫時都好平均地一般般，又無名次，所以都無底。

妹妹頭

回覆 little_yolky 的帖子

我女升上中二，10月初自己同我講，想補數學，佢從來未外補過數學，我都好突然。

little_yolky

妹妹頭 發表於 19-11-24 22:40
回覆 little_yolky 的帖子

我女升上中二，10月初自己同我講，想補數學，佢從來未外補過數學，我都好突然。 ...

中學數學補習我都搵緊，因為以前只補開數研，但數研中學部唔多掂，搵定遲D可能用得著

little_yolky

IloveJJ 發表於 19-11-25 00:13
補習有幾種不同情況：

返學老師教既野唔明，屋企無人可教

考試技巧要搵補習天王至得。

b3410

little_yolky 發表於 19-11-25 06:37
考試技巧要搵補習天王至得。

見到你講考試技巧，我都頗有感觸。昨日大女去考CPE oral, 佢出來話考的唔好，因為太注重marking scheme，答問題，討論時，一半心思放在如何取分方面，結果需要深入思考的地方做唔到。可能平時學校訓練太注重答題技巧，結果有“考試機器”危機，唔知點算。

little_yolky

IloveJJ 發表於 19-11-25 00:13
補習有幾種不同情況：

返學老師教既野唔明，屋企無人可教

其實，根據你既講法，即係應該全民皆補：
1 唔明無人教要補
2 老師hea學生自學能力低要補
3 學生明但想更上一層樓既要補
4 無唔明但想學多D要補
5老師hea學生自學能力高但想更上一層樓要補
6老師唔hea但學生想更上一層樓既要補

即係得返唔想更上一層樓既學生唔駛補⋯都係叫C6打多兩份工先

洋蔥頭媽咪

little_yolky 發表於 19-11-25 08:59
其實，根據你既講法，即係應該全民皆補：
1 唔明無人教要補
2 老師hea學生自學能力低要補

我並非主張補習，唔建意跟風，但亦唔想有啲人因所謂面子而抗拒補習/增潤，令小朋友錯失了一些機會。