95區家長大都會

yeeli

MIHOLO

你咁busy,又要返工又要照顧女女,真累,加油加油

alkyng

買樓or租呢個問題真係幾煩,我以前係油痳地租東華三院既物業,佢地近乎係成世都租比你架,唔會收返,因為要簽二年c一年生約,所以都幾安定,同埋管理得幾好,不過好似tko無物業,要其他區先有.

alkyng

yeeli:

係呀, 近油麻地邊頭呀, 個時幾錢一個月呀?

yeeli

alkyng

油痳地天主教小學對面既東宝閣,我住了四年,名校網,不過空氣唔係咁好囉,二房一廳,頭一年$5700,第三年減咗200蚊.

yy02

alkyng & Miholo,

講起買定租，我老公都係覺得有自己物業好ｄ，但我自己又甘睇，租如住得唔好都可以住１，２年便走人，又唔使ｌａｗ首期同裝修錢出來，好似我依ｏ架自己層樓甘，住了５年，但計落如現在賣出去，都蝕了裝修錢，果幾年供樓錢咪當係租樓錢，仲有我覺得小朋友係唔同時期住都有唔同要求，好似佢ｏ地細我想有間會所�村屋，既屋，到大點，我又覺得未必再要到會所，到佢ｏ地長大了得我２公婆又可租番細ｄ住，諗落都唔係唔好ｏ架

alkyng

乜大家咁靜0既, 咁等我講幾樣笑料比大家聽, 全都關於我個細女近呢兩個星期的事:

搭升降機篇

由於現在細女已開始百厭, 所以有時都會打下佢隻手仔, 點知尋日中午同佢落街, 咁岩同隔離單位個太太一齊搭升降機, 個女竟然不停同個位太太講"媽咪..打打---媽咪...打打呀.." , 仲要一邊講一邊做埋打手拍個動作 , 攪到我鬼死咁肉酸, 個太太仲對住我個女講, 你緊係曳曳所以媽咪打你啦 :

同一日夜晚, 我帶d女去公公屋企食晚飯, 我地坐地鐵時, 細女不停話要落地行唔肯坐 , 我就一直同佢解釋坐地鐵唔可以行來行去, 但佢都好似唔多明咁 , 出左閘後又走去地鐵d舖頭拎左d糖就想走人, 所以我又再次打佢隻手仔 , 點知到左搭升降機上公公屋企時, 同時有另一位伯伯響到, 個細女竟然又同阿伯講"媽咪..打打---媽咪...打打呀.." 當然又係做埋動作, 不過阿伯年紀好大, 好似唔多明我個女講乜, 只係對住我個女響到笑, 但我就比個女激...死..., 竟然識得周圍同人講我打佢    .

alkyng

再到 朱古力篇

我個細女勁鍾意食朱古力的, 但我又唔想佢食得太多, 有一日趁佢沖涼, 我就拎左粒金沙食, 點知佢沖完涼無奈, 突然拎住張金沙招紙走埋黎同我講"chop-姑-make...chop-姑-make.." (佢講緊朱古力個英文睇音, 但教極都係讀得唔正), 之後就拖我去指住個盒話要拎黎食 , 我唯有拎一粒出來同佢一人一半喇.

再過幾日, 我又趁佢唔知時拎左粒金沙食, 今次我以為自己好醒啦, 將張招紙掉得好好唔會比佢見到, 後來佢要我抱佢同佢玩, 點知...我一開聲同佢講野後, 佢就接住同我講"chop-姑-make...chop-姑-make.." , 我估佢聞到我個口有陣陣朱古力味 , 跟住佢又拖我去指住個盒話要食, 咁又唯有拎一粒出來同佢一人一半

alkyng

yy02:

所以依家我地都未決定到, 不過我老公就覺得有層樓就好d,  因佢話將來d仔女都會有佢地自己0既問題或者家庭, 到時未必一定可以照顧得我地咁周全, 所以我地兩老有左間屋, 只少有瓦遮頭wor.

yeeli

alkyng

你細女咁搞笑,週圍話比人聽你打打佢,so cute   

我話返件事你聽,前幾日我個仔問我,[媽咪,你覺得部電腦重要D,定你自己個仔重要D]      我立刻用陽光既笑容同佢講,[緊係我個仔重要D啦]    你話係咪比佢笑C我,估唔到佢咁樣complain我用部電腦.

HALAHA

yeeli,

你囝囝好叻叻喎, 識得兜個圈來complain你.

alkyng,

你個細囡真係好搞笑.   

見過佢咁多次, 我都未望淸楚佢個樣, 不過我覺得佢活潑啲, priscilla就cool啲.

講到搬屋, 我應該不搬住啦, 依家間屋暫時都夠住.

係呀, 你話租定買. 以我地屋企人習慣, 通常都不會租屋住, 因為覺得如果租, 交咗啲租, 幾年之後間屋仲係人地ga. 但如果買, 雖然都要供, 但供完咗之後間屋就係自已, 學你老公話齊, 可以用來養老.

yy02,

你講得又有道理, 租屋就靈活啲.

alkyng

yeeli:

你個仔又會咁醒0既, 依家d小朋友真係難攪, 有時問d問題都令人幾難答. 早兩個月我同大女去旺角買野, 行經女人街, 你知個度有好多賣性感內衣檔口, 我個女當時睇到d"大笨象" "長頸鹿"男裝內褲, 佢就好大聲問我 "媽咪, 個d大笨象底褲比咩人著架" , 個一刻留意到前後左右都有人望住我地 , 而我心想個女都6歲喇, 我又唔想亂作答案比佢, 所以就好直接同佢講係比大個男人著的, 因為佢地貪靚, 所以至會買呢d動物底褲      .

所以有時真係好怕同大女出街, 突然問一d令人好難答0既問題, 簡直係響到考緊我d應變能力 .

yeeli

HALAHA
我個仔係成日好多古靈精怪,成日鐘意講野引我笑,我話佢大個係咪想做小丑.   

yeeli

alkyng

你個女都叻女,佢識得留意身邊事物再問你問題,我個仔去行女人街只會睇玩具,其他野望都唔望下,
不過話事話我都唔知大笨象底褲係比男定女著,     
所以宜家照顧小朋友重要考急才.

alkyng

YELLI:

點解我會知係男裝底褲, 係因為n咁多年前有朋友去tailand買番來送人, 佢地d剪材專為男人而設(你明啦) .

yeeli

alkyng

明啦,咁搞笑,   

我想問大家知唔知觀塘有無小巴去荃灣{如心廣場}thx
因為太早連MTR都未開,都唔知坐咩車         

alkyng

YEELI:

這個我幫唔到你, 我不太清楚.

herman-mame

yeeli,
觀塘宜安街近聖若翰小學，個處有小巴去荃灣千色店，但是否經"如心廣場"我就不太清楚。

alkyng

各位:

我將會由4月4日至4月8日跟老公返大陸拜山, 呢段時間會少d上來, 回來後再同大家傾計.

4月4日係兒童節, 你地會點樣同小朋友慶祝呀?  

yeeli

herman-mame

唔該晒你,

yeeli

alkyng

聽日我自己會同仔仔去反斗城,同冒險樂園玩下,因為我老公重要返工. 等我老公6:00pm放工去食晚飯.

alkyng

yeeli:

聽日起身我就要準備返大陸d野, 1點鐘就要上巴士, 大概坐5個鐘, 到左大陸已經6點, 到時我相信自己得番半條人命, 因為我估細女無辦法坐咁奈, 實會響到攪攪陣 , 以上就係今年同兩個女慶祝0既節目, 坐巴士半日遊   .