九龍禮賢幼稚園K3家長請進！

penpen

littleeva,
做人阿媽係咁架喇~ 我阿囡出世果陣初期較輕,我餵奶粉都要3個鐘餵一次呀! 當佢戒咗夜奶同自己識拎奶樽會好好多架喇~  
你講果張工作紙係逢星期一交回架! 手冊通告有寫過!!  

朱古力

各位近來點呀！囝囝悶到嘔呀！每晚叫佢

penpen

朱古力,
仲有兩日開學喇~ 唔緊要啦~~  
不過假期期間, 我妹豬都冇咩嘢, 除了要出街外, 在家也很準時睡覺, 但朝早就比平時返學遲了大約一小時才起床, 冇咩覺得悶呀咁! 可能你要返工陪唔到囝囝所以有d唔同啦~ 要搵食, 冇偈啦~~   妹豬都有掛住老師和同學, 早兩日我同佢講放完假要返學, 會見到嚴老師 ,李老師和各位同學, 佢即刻好開心Yeah~~晒咁呀!!   記得你囝囝放完聖誕假仲話唔想返學, 家陣又掛住又想喇~ 應該高興呀!!  

朱古力

係呀！之前放完聖誕假唔想返學，你好好記性喎，仲記得．黃園長講過，過左年Ｄ小朋友會明顯大過，真係架，囝囝講野時我覺得佢明白事理好多，在短短一兩個月裏面明顯唔同左，唔知你地有無呢種感覺，因為我囝囝語言係差Ｄ，尤其是初初開學，成日誤會別人既意思，佢依家講野有文有路架，真係好安慰，好開心．

littleeva

大家好

我想問下大家. 星期一坐校車時. 要唔要比利是 司機叔叔 和 保母ee. ?

bosze

why 您比工人年29走 ? 通常過年都係比較busy. 要有人幫手. anyway 祝您有一個好工人.

penpen

tks 我都明白湊bb. 每個階段都不同.可能我太貪心. 只想她快d大. 最好就 快d 2yrs old. 快d 返學.

其實好多謝各位的支持和祝福 我會努力學習做個好媽媽. 雖然現在我唔合格.但我會再加多d努力. 一定得嫁.

penpen

朱古力,
我覺得上次你囝囝發生呢件事都幾重要, 所以記得,因為可以吸收吓經驗, 若果有機會都大約知道可以點handle嘛~~    我都覺得阿囡講野都會口齒伶俐咗架! 多咗懂得思考

littleeva,
我諗住會司機姐姐, 兩位褓母, 因為阿囡返學放學兩個褓母唔同既~  每人兩封$20咋!! 心意啦~  
我諗番轉頭, 阿囡仲係B果陣我都有想過佢快D大個, 但係到家陣大咗, 我有時又會想佢變番BB喎!! 做媽媽妳邊會唔合格,之前都已經有3年經驗嘛!! 何況仲咁勇敢做多任添~  

littleeva

penpen

tks. 咁我明天都準備利是比司機 叔叔和 褓母ee

還會比少少糖等仔仔帶回學校比同學仔.

我唔係好勇敢. 都係戰戰兢兢咋. 因為自己都唔細要生都係快d生. 現在總算還了心願. 有仔有囡 我好開心了.

唔知您們會否一樣上戰埸呢 ?

祝大家心願達到.

朱古力

bozse,
唔緊要喇，勝在有屋企人幫．

我們明天會去廣州探親，囝囝又要請假，剛開學又請假，唉！無法喇！應該去兩至三日．

我決定早上自己揍囝囝返學，唔搭校車喇！因為之前馬鐵未開，所以我每朝七點半前出門口，八時半前要到九龍灣（我公司附近）上校車，囝囝好辛苦，現在馬鐵通車了，我可以八點鐘先出門口，自己送囝囝返學，囝囝可以

leechang

各位媽咪, 我想幫呀仔考k2呀, 知唔知考什麼呀, 請有經驗的幫幫手呀. 多謝你哋呀

katieman

唔好意思,想問下讀禮賢有無得申請學費減免?

朱古力

leechang,
不如你打去學校問下,我唔知喎.

katieman,
有架.

katieman

咁正?我以為無減免TIM...咁如果升佢小學係咪無?

朱古力

katieman,
小學就唔知喇!

katieman

朱古力,

THANKS!

KiuKiu媽媽

您系咪坐張叔車架, 系德福上車架, 如果系我見過您一次呀(當時我系車上), 個次重系見您地走得好急咁上車, 真系好辛苦呀, 依家坐馬鉄, 小朋友終于可以訓多D啦!!

[quote]

朱古力 寫道:
bozse,
唔緊要喇，勝在有屋企人幫．

我們明天會去廣州探親，囝囝又要請假，剛開學又請假，唉！無法喇！應該去兩至三日．

我決定早上自己揍囝囝返學，唔搭校車喇！因為之前馬鐵未開，所以我每朝七點半前出門口，八時半前要到九龍灣（我公司附近）上校車，囝囝好辛苦，現在馬鐵通車了，我可以八點鐘先出門口，自己送囝囝返學，囝囝可以

朱古力

KiuKiu媽媽,
係呀！原來你搭同一部車．         

KiuKiu媽媽

系呀我系淘大上車, 剛好個日去觀課就順便叫張叔車埋我, 重聽到嬸嬸您的情形, 我聽都都好心痛呀, 咁早起身重要坐咁耐車, 又急喎, 又驚遲到, 轉完一轉又一轉, 真系辛苦呀, 依家好囉, 坐馬鉄唔使咁轉來轉去, 小朋友都舒服好多, 您仔仔好乖架, 上左車就好定咁坐系度...讚!!

朱古力 寫道:
KiuKiu媽媽,
係呀！原來你搭同一部車．         

littleeva

我想問下大家還有沒有訂小跳豆 ?
我見本書只是夾了張訂單.但又冇話如何比$. or 要比幾多 $

朱古力

KiuKiu媽媽,
多謝你讚囝囝乖呀，佢有時都好抵錫架，不過有時真係激氣．

penpen

hihi~~ 放完假幾日, 你哋d囝囝囡囡點呀! 我妹豬淨係第一日要我叫佢起身, 之後兩日都識自己醒, 我初時真係驚唔知要搞幾多日佢先適應番架! 佢放假日日都起馬差不多9點先醒架! 返學都好開心添~ 又話昨天請咗茶點俾邊個食,今日要請茶俾邊個食, 係第一日放學有d唔開心嚴老師唔問佢問題(我諗係上堂果陣), 但李老師有問佢, 我解釋俾佢知李老師問咗,所以嚴老師唔問囉~ 佢仲係唔開心(我諗可能因為佢鍾意嚴老師較多), 我再話, 嚴老師問咗果d同學仔,李老師都唔會問嘛~ 佢都仲有小小唔開心,我再同佢講下次佢自己可以提議嚴老師可唔可以問下佢啦~ 跟住佢就冇事喇~


朱古力,
我昨天話俾阿囡聽你囝囝今日唔會返學, 佢問我點解呀! 我話俾佢知因為你囝囝有事, 所以要請假, 跟住佢好好笑, 問番我佢自己幾時要請假, 不過我妹豬到5月頭都要請一日事假呀! 因為佢要幫姑姐做花女呀!!   我到家陣都未幫阿囡申請回鄉証, 因為成日驚我老爺佢哋帶佢返鄉下呀! 因為好dirty呀! 佢哋又會咩都話冇所謂俾我個囡食, 我個囡又咩都食落肚喎! 所以驚驚呀!!  

littleeva,
我都冇再訂小跳豆喇~ 阿囡屋企好多書都未睇, 之前響學校訂都係唔想佢見到其他同學有而佢冇!!  低班開學再訂過!!