06年9月入讀蘇淅幼稚園K1既家長, 入唻交流下啦!

joeytcy

先恭喜大家發財...最緊要個個身體健康....
1)十月媽...anson無事痳...可能有時係d過濾性病菌...好快無野架啦.....不過呢排最好食d清淡d食物...唯有忍下口...
2)我地過年去左長隆玩喇....好好玩...因阿女有表哥仔狀膽...所以佢全部兒童機動遊戲都玩...(有人培真係唔同d)...連兒童跳樓機都玩...如果得佢一個..我肯定佢唔夠膽....

CanKan

joeytcy,

你新年去長隆多唔多人呀？

各位媽咪：

明天要返學啦！小朋友收拾好心情未呀？

cankan

joeytcy

cankan...hihi
初一返大陸同初三返落黎都完全唔多人....
而長隆就普通...但就唔係人山人海密痳痳個隻.....每樣遊戲都只係等左一陣.....如果同香港海記同廸記比...長隆快好多好多....
不過可能..........又或者係我地好彩揀左初一當日去歡樂世界...內地人可能去左拜年...所以人唔算太多....夜晚我地都有睇埋大馬戲...唔係...應該係下午5點開始(70分鐘)...
另第二日就去睇動物.....再玩埋入面個12項兒童遊戲...又成日.....d動物好好 睇.....兩個小 朋友坐遊覽車時...由頭嘩到落尾......哈哈......

十月媽咪

咦, 動物園入面果D兒童遊戲開左嗱? 果陣我去都仲未開架, 下次去, 阿女又可以多D新野玩喇!  

CanKan

joeytcy,

動物園入面有兒童遊戲既咩？我上次去唔覺眼喎！啱唔啱小朋友玩？安唔安全架？需唔需要另外俾錢？

我而家考慮緊復活節既節目，其中一個選擇就係去動物園同歡樂世界，你地有冇其他提意呀？

cankan

CanKan

十月媽咪：

Anson 今日去唔去跳舞？亞女唔經唔覺冇見佢成三個星期啦！

亞女有兩堂補堂要依個月補，等我今晚同老公商量下星期日朝早有冇活動，若果冇就依個星期日同佢補返一堂先。Anson 依個月要補一堂定兩堂呀？

cankan

CanKan

考慮到天氣愈來愈熱，亞女依個月開始搭校車返學。

尋日第一日搭校車，送完佢上校車之後，我立即搭地下鐵再行百零級樓梯去學校；去到學校門口啱啱見倒佢落車，即刻靜靜地跟係後面：由落車到入課室門口個姨姨都一路捉實佢隻手，入到課室佢自己除低件衫，放好個書包後，就叫老師同佢去洗手間，之後返課室玩玩具；見到禁樣我都幾放心。我應承左佢一個星期會上去兩日，可以觀察下佢順便同老師傾下偈。

如果各位媽咪見到有咩唔妥既情況，請記得通知我，唔該哂！

cankan

joeytcy

Total 有12項....岩小朋友之 如..有d大人都可以一齊玩....單項$5....套票45玩12次........遲小小send相比你地睇............

復活節提意.....1)海泉灣  2)東莞嘉輝會
  

十月媽咪

cankan,
動物園個兒童遊樂場係新開架, 果陣我去, 見到佢地仲係圍晒板響度整緊, 估唔到咁快就開左玩得喇!

噚日阿女有去跳舞呀, 不過可能因為係工人姐姐湊, 咁工人姐姐又唔識我隻佬, 加上anson一換完衫出唻, 已經唔見左kelly喇, 你都咪話, 你個工人姐姐d速度真係好快, 眨下眼就無影無踪喇! 所以原本諗住同kelly齊齊玩旋轉木馬的, 點不知...final得阿女自己玩!  

Kelly坐校車, 嬸嬸全程拖實佢, 你都可以放心咯, 我若然間中去學校的話, 都順便幫你昅下佢, 然後再報告畀你聽啦!

復活節我地可能會去廣州住下食下兩日一夜咁大把, 視乎我細佬請到幾多日假啦! 仲有要留番兩日去拜山, 一日去深圳, 一日去tko果個華永! 所以應該都會超充實的!

不過今個月我地會做四日逃學威鳳, 因為我地月中報左個日本五天團呀, 會帶埋阿女去, 佢而家已經好期待, 成日問住幾時可以坐飛機, 幾時可以同米老鼠影相等等...搞到連我都...未出發, 先興奮!    

至於跳舞補堂方面, 我要補番二月份既兩堂跳舞班, 由於聽日約左D FRIEND團拜, 所以聽日唔得, 要星期一至得, 所以我地會補5/3 &12/3, 連續兩個星期一的, 為左唔駛阿女瞓瞓下畀我摷醒去跳舞, 我會響佢放學之後, 推埋架車仔出去, 同佢食完野, 就要佢響車仔瞓, 瞓到三點半左右就叫醒佢上堂囉! 係就係辛苦D, 不過相信星期一晚佢會早D爬上床瞓覺!    

CanKan

十月媽咪：

麥原來係我個女閃先既咩？星期五晚我問佢，佢都有同我講話係 anson daddy 帶佢跳舞，佢重同我講話佢地禽禽青就走左，我就話可能佢地有街去，唔得閒；下次等我同工人講低，等佢地可以玩一陣先走，始終一個星期只係見得一次。

我星期日冇同亞女補堂呀，因為我瞓醒都已經10:15，趕唔倒。

嘩！你月中去日本，真係替你高興，玩得開心d！不過而家唔可以帶太多水上機，所以你一上機記得問空姐攞野飲，等飛機起飛時俾anson飲﹝因為唔知佢會唔會耳仔唔舒服﹞。

cankan

十月媽咪

CANKAN,
咦? 唔通真係佢地走先? 其實佢地都唔係走先呀, 佢地應該係禽禽青走左去冒險樂園咋!    

我地今日下晝補番其中一堂喇, 下星期一會補埋另外果堂, 根住23/3又會請假, 因為唔響香港嘛!

放心啦, 我地係20/3起飛呀, 而呢個帶水既限制, 係21/3至生效, 所以我地應該不在此限架! 至於耳痛呢個問題, 今朝我已經響銅鑼灣買左個減壓耳塞畀阿女以備不時之需喇! 所以就算無水, 都應該無問題的!  

CanKan

十月媽咪：

原來有減壓耳塞？我都唔曉添！幾錢架？

我復活節計劃緊去澳門同番禺歡樂世界，請問歡樂世界可唔可以玩倒一日架？有冇地方坐？有冇野食？野食既選擇多唔多？味道得唔得？知唔知有冇車落番市橋？真係唔好意思有禁多問題，因為今次想安排得好 D，特別係食物同交通方面，因為上次去動物園既經驗實在麻麻地。

CANKAN

十月媽咪

CANKAN,
減壓耳塞盛惠100蚊一對, 由於我老公有耳痛問題, 所以我買左兩對, 一對老公用, 一對阿女用! 不過阿女回程果陣會嘗試唔帶耳塞, 事關我地想響回程果程, TEST下佢究竟有冇呢個耳壓問題, 如果發覺原來佢無問題, 咁以後帶佢去旅行, 就可以慳番一舊水!

歡樂世界係可以玩足一日的, 因為大人同小朋友既野都有, KELLY玩到攰要瞓覺既話, 你佬就可以去玩下十環過山車之類, 正呀! 你就...唔好玩喇, 你負責睇女啦!

入面都算多食肆的, 好過動物園好多, 佢地有D一間間既食肆, 中式西式都有, 好方便, 我地果次穩陣起見, 食左個燒味飯同埋食左個唔記得咩名堂既麵! 價錢同香港大快活/大家樂之類差唔多!

有冇車返市橋呀? 我真係唔知喎!  

joeytcy

你問問住個間酒店....可能有車接送......我地第一日唔知..走個陣時總就去的士...不過第二日就踏番佢地d車....另如果打的..一定要話清楚比佢知去ger地點....因我地個次上車時同佢講左去香江大酒店....司機話15蚊....點知行行下去左錦秀香江俱樂部(係個度附近).....話以為係呢度.....然後加多10蚊先去香江酒店.....我地唔肯....佢無啦啦停埋一邊話叫我地落車踏過第二部.....嘩...火都黎埋.....我即刻同佢講....到到都唔洗去....你依家即刻車我地去公安局.....跟住佢就話我都無收你地錢....我就話你無啦啦停埋一邊我點知你係唔係有一班人等緊我地架.....我話去公安局你咪先話無收我地錢....你依家又知到我地住邊間酒店....我點知呢一陣返到去我地有無事架......鬧完佢...佢就話車返我地最初上車個度(即歡樂世界).....禁我地係個度再踏過.....

joeytcy

大人玩個d....有幾個唔好話玩....我剩係睇都覺得好激...不過真係無福消售囉.......

10 月媽....3月日本有無平野執呢.......(我未去過)

joeytcy

另cankan....我聽阿女講話我地個班有3個新同學喎....2位女仔1個男仔.....佢總話有一個識講國語...廣東話就識講小小.....

十月媽咪

joeytcy,
我都唔知三月有冇平野執呀,事關我都係第一次去日本咋, 我對呢個國家, 真係唔太清楚, 而家好多friend send料畀我睇, 我原本諗住無乜野買到的, 不過而家可能會超出預算, 希望到時唔會失控啦!

E班都有一個新既女同學仔呀, 老師話係響金桔園轉過唻架喎, 個女仔好聰明架喎!

CanKan

十月媽咪：

耳塞只係可以用一次？冇得循環再用架？我同亞女拾飛機，有一次冇特別同佢玩或者叫佢飲水﹝因為見佢之前都冇野﹞，果次、暫時係唯一一次，佢就話隻耳仔唔舒服；所以之後係飛機升降既時候，我都會同佢玩或者講野去分散佢既注意力，禁佢就冇野啦！不過就我自己黎講，有時冇野，有時都會有d唔舒服，我覺得都要睇機司既技術同自己既身體狀況；所以若果係諗住試下anson有冇依個問題，千其唔好一次就定論呀！

你俾我歡樂世界既資料好詳盡呀！唔該哂！想問多一個問題，d食店有冇冷氣架？

cankan

CanKan

joeytcy,

唔該哂你既資料。有時係國內搭的士真係好勞氣，我都遇唔少。

有新同學咩！冇聽亞女提起，等我今晚問下佢先。有新人返，即係有人走啦！

cankan

carolhym

十月媽咪:
你係唔係同Anson去日本呀?好開心呀!咁你計劃幾時去?3月去係唔係平d呢?我睇完東x遊特輯，都好想去呀!
咁你係唔係要請假去? 咁3月份日本天氣如何?會唔會好凍? 記得玩得開心d，影多d相呀!