屯門何日東小學交流會(1)

益力多

anson0727,

鄰居呀      

anson0727 寫道:
AnnieClarabel,

haha. ...  你唔好笑我啦! 我住恒福....行路或者搭輕鐵, 你呢? 你住邊頭呀? 第一輪自行係咪決定左啦, 有無改變呀?

anson0727

益力多,

咁o岩, 好喎!   

益力多 寫道:
anson0727,

鄰居呀      

AnnieClarabel

益力多,

你又係恆福呀?

益力多

AnnieClarabel,

Yes, 不過我係在職媽咪, 仔仔搭校車返學
一來唔放心工人帶, 二來, 搭校車仲平過搭輕鐵
好似今日落咁大雨, 都唔會好狼狽

AnnieClarabel 寫道:
益力多,

你又係恆福呀?

AnnieClarabel

益力多,

咁又係, o係輕鐵站行入學校都要一段路, 自己帶就唔同, 工人始終都係唔係咁放心, 搭校車就門口落, 方便好多。

anson0727

搭校車有好有唔好, 一來我嫌校車太早返學, 二來返到學校又未可以入學校 (一年級就可以早些入), 咁就要在學校出面等, 有些學生乖就會排隊等入學校, 有些學生就跑來跑去。

可宜

Anson,
你個囡囡讀三年級呀, 她是否亦是自動波呢?是否自己攪掂功課不用你煩呢? 好少見你呻個囡囡.   [quote]

可宜

益力多, Noniki,

我個仔間中亦會漏做每日一篇 ga, 沒問題ga, 只是排名頭10位會在早期有一張證書表揚你. 不過後期都沒有再收到. 遲些要做埋中文每日一篇仲忙呀.  

anson0727

可宜,

自動波.... 我囡囡梗係唔得啦!

可宜

Anson,

三年級是沒有得上網,對嗎? 那手冊咪常見紅    我依家成日旨意個網咋.  

eiainets

Anson及Annie, 今日真係唔該哂.....多謝

另外, 有d問題同請教各位, 我個仔仔今日溫英文嘅spelling, 不過, 佢同我講佢真係溫唔到入腦, 唔知點解讀極都唔識, 我問佢係唔係好辛苦, 佢話係, 唔知點解唔識囉, 已經串咗好多次, 但都入唔到腦.另外, 佢每日都會抄漏功課, 我開始有d擔心, 點算?

益力多

eiainets,
我仔仔都有試過抄漏功課, 唯有上網 對多次
我每日放工返去, 食埋飯, 都 8:xx,
已經接近佢眼訓o既時間,
所有有時同佢溫書都覺得佢有 d 唔集中
但我真係唔想係arm arm 開學就比壓力佢,
佢而家仲好鐘意返學, 如果嚇怕左佢,
我都唔知點樣可以返轉頭, 到時佢連學都唔想返,
更唔好講要串字
所以, arm arm 果次英默, 我都無話迫佢
以佢適應左間學校為大前題

原來小一開學真係小朋友同家長都要適應

eiainets 寫道:
Anson及Annie, 今日真係唔該哂.....多謝

另外, 有d問題同請教各位, 我個仔仔今日溫英文嘅spelling, 不過, 佢同我講佢真係溫唔到入腦, 唔知點解讀極都唔識, 我問佢係唔係好辛苦, 佢話係, 唔知點解唔識囉, 已經串咗好多次, 但都入唔到腦.另外, 佢每日都會抄漏功課, 我開始有d擔心, 點算?

eiainets

益力多,
其實我都知大家都要適應, 而且我覺得佢已經比其他小朋友會快d適應, 因為佢係幼稚園中班已經有默書, 所以我唔係好擔心, 只不過, 見佢望住本書, 兩眼空空咁, 唔知佢係唔明, 定真係好似係咁講, 佢眼瞓囉, 你講得啱, 都係開學初啫, 我都會同佢一齊適應.
你又係要返工, 我都係, 我都係每日8:00先同佢溫到功課, 大家努力啦..........   

可宜

eiainets,  

其實講真呀, 我覺得默書真係有難度, 咁細小朋友一開始便要塞咁多英文生字, 如果你的小朋友之前是讀活動式教學的幼稚園, 咁真係要比 d 時間佢 lor, 真係有時默完轉頭已唔記得之前的那些字. 因為始終唔慣默書.  或叫串多幾次, 叫他試默. 告知他錯了唔緊要, 可改正, 從改正中亦是在練習.

eiainets

可宜,
同你哋可以傾吓, 個心都舒服d, 其實我都想d小朋友讀書開開心心, 奈何香港嘅教育制度, "求學一定求分數".  所以現階段都係慢慢同佢溫, 見佢有d眼濕濕, 都唔敢再溫, 同佢沖涼, 玩uno啦, 先見到佢笑番咋.

益力多

最奇怪係有 d 字, 明明佢幼稚園都識, 仲好熟
但到而家寫極都寫唔返出黎
好似一時之間蠢左咁...
我就更加證實係心理問題多於能力問題
特別係我仔仔都係緊張大師, 佢已經比自己好大壓力
就算我平時問一問佢本書係唔係老師收左, 點解無左o既
佢都會好緊張, 係自己唔見左定係老師收左
所以我都預返一段時間比佢
教佢 relax d, 畢竟都係小1 姐, 仲有好漫長o既讀書路

eiainets

又真係架, 都唔知點解架, 不過唔好比佢哋壓力外, 各位媽咪都唔好比咁大壓力自己.
食咗藥要瞓啦, 明天再傾過, 大家都唔好咁夜啦

可宜

益力多,eiainets,

對, 我想暫不要迫得太緊. 慢慢嚟啦, 當初選此學校時已知功課會多,較深, 默書難, 我當時選校時真係唸都傻咗咁樣, 有沒有選錯? 會否大亦辛苦,細亦辛苦? 不過現已嘅然已選咗, 便要面對及適應, 不過現在問我, 我亦是會說辛苦, 可能我要返工, 放工回來時間不夠, 做得功課亦要溫習, 我覺得如是全職媽咪會好些, 時間會多 d lor.   

dingdong98

anson,

你就好啦，下午可以溫默書。我个仔只系觉得无端端多左日假，成个下午系度玩！原本以为今日吾使做功课，可以专心温默书，点知都系失败左！

你记吾记得明天视艺要带海底生物图片呀？

dingdong98

AnnieClarabel ,

原来你都有上運輸署個 web site 睇道路監察系統架，我每日放工前都上去睇睇ga，睇下屯门公路有无塞车。