一呂現家長 / potential 家長會

claudiaho

各位早
本來今朝要跟老板番深圳, 好彩個客突然有事再另約, o甘

candytl

claudiaho, homama,

嘿嘿, 我囡都係插班生, 我知道P2舊年有5位插班生, 今年的學業榜上有其中3位上榜. 從另一角度睇, 好學校先會收到優秀學生, 收得多對學校聲譽一定有幫肋, 學校聲譽好, 又會吸引到有質素嘅家長報讀. 所以如果我係校長, 尤其是冇收生權的官津校, 我會好樂意收插班生.

claudiaho,

我女今日仲去北譚涌渡假營呀, 唔知過度有冇落大雨呢?

alicetong

candy,
點解妳唔問我〝西友〞哈哈！
今日呢邊天氣 非常好,少擔心啦！小朋友一定玩得好開心...

Homama,
不用氣餒..我仔仔今年已是第3年考音統署樂器訓練..今次揀
敲擊樂,當然妳女女本身叻女又玩開樂器入唔到樂團就唔低囉？

我都希望佢能夠做到佢自覺...有個朋友女女會考21分原校升德望都替佢開心？唔知自己那個到時會點...

claudiaho,
插班生大部份都好叻架？我覺得有得比較先好..將來出0黎社會都一樣？高處未算高...

candytl

alice,

係渦, 問你咪得囉, 我真係"蒙醒醒". 唔該你報料.

我今早起身, 見個天好黑, 就同我女講今日可能會落雨兼掛3號風球, 叫佢唔好去喇, 於是我就出咗門. 係巴士途中我女打黎話佢打電話聽天氣報告, 話今日好天, 不會掛3號風球, 話好想去, 過陣時已經係8:35am, ywca係9:00am集合上車, 我叫菲庸借$30俾佢, 立刻帶佢出門, 好彩最后都赶到.
但返到公司, 住屯門的同事話屯門落好大雨, 佢哋把傘都濕

bkmummy

咁多位家長你哋好, 我想問吓你哋選擇一呂既原因? 同沙呂比較有咩優勝既地方? 今年我要幫囡囡選小學, 希望大家能分享一吓.      謝謝!

Homama2004

Bkmummy,
咁多位家長你哋好, 我想問吓你哋選擇一呂既原因?
>你好! 我選這校主因係我對校長印象非常好 希望有好的領導便有好的團隊

同沙呂比較有咩優勝既地方?
>對不起! 囡囡未讀過沙呂不便批評    而沙呂的設施一定比一呂優勝. 無論你選那間,都祝你如願以償..

Homama2004

Alice
..我仔仔今年已是第3年考音統署樂器訓練
>咁入不入到呢??

當然妳女女本身叻女又玩開樂器入唔到樂團就唔低囉
>做阿媽好清楚佢本身一定不是叻女,要很努力才可以keep住少少.

有個朋友女女會考21分原校升德望都替佢開心
>係呀!!聽到都”登”人開心.    我這裡兩位同事囡囡分別會考拿了26/22分,26分那位便將赴加拿大讀書,他爸爸不想佢要考高考咁辛苦,佢哋又係加國居民.而22分那位昨天飛撲入沙田恒商,佢媽媽很謙虛話好彩撲得快剛比佢入到,佢話沙田恒商因高考成績好,今年收預科生的分數如海鮮價,越遲就越高咁話…前年我姨甥讀九華24分原校都收不到maths班,佢又不想讀econ班,去了德信讀預科,今年高考成績就不如他的理想了.
到我哋仔女不用考會考(不會有10A了),教中學的朋友話高中課程會比以往深咗,因以前預科班教的便要在中學階段教晒.大家要努力努力… 咁 自己, 漫漫長路…

claudiaho

我想問

bkmummy

我睇倒你哋之前講今年只有30幾個升倒呂中, 唔知呂中其他學生是來自那小學多呢?

Homama2004

Bkmummy,
唔知呂中其他學生是來自那小學多呢
> 好像中學是沒有公佈學生是來自那間小學喎!而各banding比較高的小學就會在學校網頁公佈當年升中派位統計,你可以到小學概覽看看各學校的網址.
提醒你來年又多一個變數 小學升中其中一個基數是用今年升中一分班試成績,所以以往的派位banding的比率將有變.
祝你好運!     

bkmummy

早晨呀! Homama2004,

多謝你既分享, 那個變數是否考分班試成績好的, e.g.一呂的學生考得好, 來年就會收一呂的學生多些呢?

另外, 我想問吓其實一呂的課程是否較深? 小朋友是否要很勤力才跟得上呢? 最後想問吓一呂的老師有愛心嗎? 除了教學他們還會與學生建立關係嗎?

唔好意思太多問題, 謝謝!

Homama2004 寫道:
Bkmummy,
唔知呂中其他學生是來自那小學多呢
> 好像中學是沒有公佈學生是來自那間小學喎!而各banding比較高的小學就會在學校網頁公佈當年升中派位統計,你可以到小學概覽看看各學校的網址.
提醒你來年又多一個變數 小學升中其中一個基數是用今年升中一分班試成績,所以以往的派位banding的比率將有變.
祝你好運!     

Homama2004

那個變數是否考分班試成績好的
>應是考得好的話,來年band 1學生比率便會高些.但並不代表派入呂中便會多些.而是派入band 1中學學生比率會多些.

我試試解釋現行基制(<到你小朋友時又不知會變成點喎!)
如六年級全級有100人,banding的比率如下
60% 屬Band 1組别  代表可以入Band 1 組別中學有60人
30% 屬Band 2組别  代表可以入Band 2 組別中學有30人
10% 屬Band 3組别  代表可以入Band 3 組別中學有10人

再根據意願+隨機號碼+Banding來編配中學, 例子, 同學甲(全級第60)& 同學乙成績(全級第10)同屬Band 1組别,而第一輪中學自行收生已落選,便要到第二輪參加大抽獎編配學校:

同學甲 第一志願 A中學 (隨機號碼001), 咁佢就一定中頭獎!!
同學乙 第一志願 A中學 (隨機號碼101), A中學供大抽獎學額只有40個,到同學乙時已沒有學額,咁同學乙便跳到第二輪抽獎
第二志願 B中學 (再重新發隨機號碼:301), 咁後又輪不到佢…同學乙便繼續抽獎旅程.....所以便出了考得好同學未必派得好過考差的同學的結果. 最重要係同學要入到Band 1組別.

希望我解釋得清楚! Alice,可能你因工作性質你會更清楚喎!

另外, 我想問吓其實一呂的課程是否較深?
>根據書單顯示好似升小四中數教高半級.學
claudiaho講,現在啲小朋友個個都係超人

小朋友是否要很勤力才跟得上呢?
>我認為讀書&工作都要很勤力才跟得上,而自學精神最緊要. 聽candy講,佢囡囡插班入來讀得不是太吃力,更考到全級五名內的佳績.原因:佢&囡囡都很叻和努力   

最後想問吓一呂的老師有愛心嗎?
>準校老師沒有”炒”的制度,所以我不能話全部老師都有愛心.有部份老師就真的非常好:如我大囡三年級及五年級時的班主任

除了教學他們還會與學生建立關係嗎?
> 建立關係??五年級班主任就當佢啲學生好似朋友咁傾計

alicetong

大家早晨！
放完假返0黎忙到暈...
  
homama,
音統器樂訓練因為每個月百零蚊學費關係,好多人爭架,通常佢都係中秋節咁上下星期六/日到中央圖書館面試0既..今年都未去,只抱住買六合彩心態咋....
另外就睇自己要求,學樂器當然是漫漫長路,要花好多心機..？其實妳地0既小朋友(包括Candy、claudiaho已經比好多人好？多欣賞小朋友優點同付出0既努力..我地做媽媽就會開心d

Bkmummy,
其實每一間學校都有自己優點同缺點..無讀過真係無得比較？當然如果大部份人口啤都係好0既..可信性又高d囉,沙呂校舍設施一定一流.讀左幾年,感覺我地學校除左校長親切之外？絕大部份家長都係愛錫同緊張學生0既一群...我覺得呢樣係幾好0既.

alicetong

香港0既讀書壓力真比其他地方大,小一派位,會考放榜...睇到d家長為求目的去考好學校...人有我有心態不惜花時間、金錢為0既都係希望下一代好過自己....有時好似皇仁咁有幾個狀元亦都有壞0既學生....回心想,其實我地0既小朋友都比我地細個醒目好多？有時自己難免太執著...要放開先得？我相信先天條件做事認真程度都會好影響小朋友,就好似自己仔仔一樣，唔可以逼得太多..就是了。有中上成績已經好老懷安慰囉。

bkmummy

Homama2004 & alicetong,


真的很多謝你們的分享, 非常詳細, many many tks!

candytl

bkmummy ,

黎度3位媽咪都都講咗好多, 我仲有一樣嘢想同你分享, 就係係呂小, 老師嘅焦點唔會剩係集中係幾位成績好的同學身上, 學校俾我好强烈的感覺係, 務求人人有份, 機會均等.

candytl

alice,

想問你仔仔考音統邊種樂器, 佢哋收唔收完全沒學過的?

homama,

你解釋升中機制好詳細&清楚.  
原來係每抽一個志愿, 随機號碼係重新分配的, 換言之, 如果填滿30個志愿, 就獲分30個随機號碼, 我有冇理解錯?

claudiaho

Bkmummy

Homama 解釋得好清楚, 其實兩間呂小都各有好處, 各有特色, 你可以再上網睇睇D學校資料 (如學校理念, 課外活動，睇

alicetong

homama,claudiaho,candy
器樂訓練計劃↓18/8先截止報名
妳地去呢個網頁睇下呀？
http://www.lcsd.gov.hk/CE/CulturalService/MusicOffice/indexc.html

alicetong

homama,claudiaho,candy

器樂訓練計劃係唔需要學過任何樂器0既？佢肯收就得0拿？因為政府資助關係所以可以咁平,百零蚊一個月,另外外租樂器都好平架？佢有年齡分別..中西不同樂器選擇,我試過報小提琴、笙、笛等等..今次daddy同佢揀左敲擊樂,話個仔坐唔定喎？另外second choice好似另一種中樂,我都唔記得左？我有朋友個大女考到入去吹小號,一直學到依家中二,相反佢妹妹考左4年都唔得？今年可能又見到佢...我個仔舊年都見到好多呂小同學仔,如果妳地去到面試(中央圖書館)就會知道0個種多人法架0拿?....